خط اتصالات معايا من 7 سنوات ومش باسمى ؟؟؟؟؟؟؟؟ ايه الحل

[Hhassan]

بص ياباشا انا شغال فى خدمة عملاء اتصالات
بيبقى في من وقت لاخر تقدر تاخد رقم المسلسل من خدمة العملاء عن طريق بيانات الاستخدام وده كان شغال لحد رمضان اللى فات حتى لو الخط مش مسجل باسمك
الفكرة ان لما العملاء بيضيع الخط بتاعهم وهو مش باسمهم ومحدش يطلع عيه بتكون فى خطوط كتير مش شغالة وفى الحالة ديهالشركة بييبقى خسرت رقم كان بيدفع للشركة فلوس فى الحالة ديه الشركة بتفتح الحصول على رقم المسلسل عن طريق بيانات الاستخدام
وتقريبا فى الفترة القريبة القادمة هيكون فى بيانات استخدام للان كان فيه اميل بكده

[ahhazem]

باشا روح عند اي محل من اللي عندهم المقص وقصها عادي
انا كان عندي نفس مشكلتك
الخط بتاعي كان شريحة قديمة من الكبيره وبيزنس بتاع الشركة وجبت ايفون وكان الموضوع يوم خميس بالليل وقالولي اكلم المفوض وطبعا مكانش ينفع
فاضطريت اتصرف علشان كان صابح جمعه وبعده سبت ومش ممكن اقعد ٣ ايام من غير تليفون
الموظف اللي في الفرع قاللي روح قصها عند اي حد وانت ونصيبك لحد ما تعرف تكلم المفوض
وبالفعل روحت قصيتها عادي واشتغلت وشغاله معايا تمام لحد دلوقتي الحمد لله ومغيرتهاش

[spider9981]

اتصالات رخمين جدا
انا حصل معايا نفس مشكلتك تقريبا
المحفظه والبطاقه وكل اثباتات الشخصيه ضاعت ومعايا خط اتصالات بقاله 5 سنوات تقريبا
روحت مركز اتصالات وطلبت استخراج شريحه جديده اه نسيت اقولك ان الموبايل نفسه كان ضاع برضه المهم وريتهم محضر الشرطه وصوره البطاقه فرفضوا وقالوا كلم المدير فدخلت للمدير قالي ماشي روح علي الكاونتر البيه بتاع الكاونتر فوجئت ان الخط موش باسمي طب ازاي وانا شاره ومسجله بالتليفون عندهم لكن انت بتكلم مين الباشا بتاع الكاونتر ركبه العند طبعا انا كمان روحت مزعق وعامل فضيحه اخيرا وافق اني اقوله 13 رقم بيتصلوا بيا واتصل بيهم وسجلت الخط باسمي واخذت شريحه جديده
فاذا كان الخط بتاعك موش متسجل باسمك او اسم حد تاني فمن حقك انك تعمل زيي لاني عرفت بعد كده ان ده النظام عندهم والكاونتر مجبر علي تسجيل الخط باسمك بعد اعطاءه 13 رقم يعرفوك
لكن لو الخط مسجل باسم حد تاني موش هاينفع
نسيت اقولك انا عملت كده في فرع اتصالات مدينه نصر ش مصطفي النحاس بجوار التوحيد والنور
بالتوفيق ان شاء الله

لا ياباشا مفيش حاجة اسمها كدة عندنا دى اسمها عملاء قليلة الادب وممكن يكون هو عمل كدة عشان يشترى دماغة وميعملش مشكلة لكن القوانين عندنا بتمنع كدة وفى ناس كتيرة بتزعق وبتتعارك ومش بنعملها حاجة
لكن ف حاجة تانية انا بعملها لو عميل الى معايا شكلة محترم وانا متاكد ان الخط بتاعة ومعاه الشريحة الاصلية بسجلهولة لان فعلا فى موزعين بيسجلو الخطوط ب اى بطايق عشان التارجت بتاعهم والناس هيا الى بتلبس ف الاخر
والمشكلة عندك انت ان حد ضحك عليك وباعلك خط متسجل وانت اتنازلت عن حقك ومخدتش عقد او اى حاجة تثبت ملكيت للخط ف ملتومش الموظف الى قاعد ببيعمل الى الشركة قايلالة علية وتزعقلة لانة مش زمبة
وزى مابيقولو الحكومة لاتحمى المغفلين مع كل احترامى لحضرتك

[Science Master]

انا عندي نفس المشكلة طيب بس أنا من الجيزة ممكن حضرتك تعرفلي بس رقمي مسجل باسم مين عشان بجد تعبت من إني أتوقع أسماء للموظفين في الشركة وتقريبا المكان اللي اشتريت منه الخط هوة اللي سجله أو حاجة زي كده وهكون بجد شاكر جدا ليك