عايز اجيب عروسه؟؟؟؟

[midoabdeen]

السلام عليكم ورحمه الله وبركاته
عايز اجيب عروسه لبنت اختى اجيبها منين انا اول مره اصلا اجيب حاجه زى كده
وكمان ياريت الاسعار ياعنى انا عايز حاجه متزيدش عن 10-150 ج
وياريت تبقى فى وسط البلد او مصر الجديده
وشكرا

[ahmedteam]

top toys

our kids

saif's baby store

[midoabdeen]

فين الاماكن دى

[أبو آسر]

في محل لعب أطفال كويس أوي في شارع السباق بين جسر السويس والحجاز مش فاكر اسمه بس تقريبا Me & Mum أو حاجة زي كده

[eng.octooo]

ههههههههههههههههه والله انتو ناس زى العسل

هاتلاقى فى هايبر ماركت وكارفور يكون فية قسم للالعاب

[Ahmed_selmy]

يا جدعان كل المحلات دى اسعرها معديه ....بص من الاخر هو التوحيد والنور ...لو حاجه انضف شويه حتكون كارفور
بعد كدا بيقى اعمل حسابك فى ميزانيه اعلى .

[janagabr]

هو احنا وصلنا لليوم اللي عايز يجيب حشيش اسهل من العايز يجيب عروسه

[Ahmed_Adham]

يا راجل انت متعرفش أي محل لعب اطفال. ده أنا بعمل مجهود عشان معديش عليهم من كترهم عشان بنتي بتشبط في أي حاجه والبيت كله مليان عرايس من كل شكل ونوع تعالى خد شويه ومش هعدهم.

[Y a r i s]

اهم حاجة تجيب عروسة. بنت حلال :)

[canner]

سبحان الله حتى العرايس اللعبة بقت صعبة هى كمان!!!!!!!!

[M.ABDOU]

ههههههههههههه يا رااجل من عنوان الموضوع افتكرتك كنت عاوز عروووسه بجد .... قولت ادخل يمكن ينوبنى من الحظ جانب

[Y a r i s]

سبحان الله حتى العرايس اللعبة بقت صعبة هى كمان!!!!!!!!

هههههههههههه
لا دي ومش بس صعبه ... وتلاقيها غاليه كمان ... انتا شوف النهردة اقل عروسة بارببي عاملة كام ... وفي بياعين يقولك هندهالك بشنطة هدومها ونوصلهالك لحد باب البيت كمان ياباشا وخودها وخلي عنك خالص ياباشا احنا بنشتري راجل ...!!

وفي النهاية تكتشف ان معاها حته حتتين بس علشان تغيرلها ... لا وشوف الغش كمان الموجود اليومين دول تلاقي الباربي من دول محطوطة في علبة وهيلمان وبرستيج وعلبة شكلها ايه من بره وعامله ايه حركات وعلبة كبيرررررة يعني هالله هالله من بره ويعلم الله من جوا تلاقي العلبة الكبيرة دي كلها تطلع بومبة والعروسة من جوا اي كلام تيجي بنتك تلعب فيها هوبا. درعها اتسكر تيجي تمسكها في ايدك هوبا وسطها اتقطم :)

والمشكلة محدش بيخليك تفتح هناك العلبة وتشوف الماتريل ومعدنها عامل ازاي. ويقلك محدش هيرضى ياخودها بعدك ... معلوم محدش هيرضى ياخودها لان العروسة اي كلام وتعبانة ... ده حتى في كارفور جينا نفتح علبة بصيت لقيت الواد جيلي جري وهو عمال يقول ياباشا ياباشاااا قلتلوا ايه يا ابني في ايه !! قالي كده ممنوع قلتلوا : ياعم ممنوع ايه انا بس بشوفها اذا كويسة ولا لأ وبشوف الماتريل بتعها !
قالي : لأ كده هتجازا عاوزها خودها حضرتك وادفع تمنها واشتريها عند الكاشير واطلع بره عند خدمت العملاء هما هيتممولك عليها واذا معجبتكش رجعهااااا !!! شوف يا اخي المخ

وعلشان كده برضو تلاقي عرايس كتيرررر في مصر (( مرتجع ))
لذلك نصيحة لكل واحد بيشتري عروسة تمهل & وأحسن أختيارك وتوكل على الله فهو حسبك ... وتحياتي

[canner]

هههههههههههه
لا دي ومش بس صعبه ... وتلاقيها غاليه كمان ... انتا شوف النهردة اقل عروسة بارببي عاملة كام ... وفي بياعين يقولك هندهالك بشنطة هدومها ونوصلهالك لحد باب البيت كمان ياباشا وخودها وخلي عنك خالص ياباشا احنا بنشتري راجل ...!!

وفي النهاية تكتشف ان معاها حته حتتين بس علشان تغيرلها ... لا وشوف الغش كمان الموجود اليومين دول تلاقي الباربي من دول محطوطة في علبة وهيلمان وبرستيج وعلبة شكلها ايه من بره وعامله ايه حركات وعلبة كبيرررررة يعني هالله هالله من بره ويعلم الله من جوا تلاقي العلبة الكبيرة دي كلها تطلع بومبة والعروسة من جوا اي كلام تيجي بنتك تلعب فيها هوبا. درعها اتسكر تيجي تمسكها في ايدك هوبا وسطها اتقطم :)

والمشكلة محدش بيخليك تفتح هناك العلبة وتشوف الماتريل ومعدنها عامل ازاي. ويقلك محدش هيرضى ياخودها بعدك ... معلوم محدش هيرضى ياخودها لان العروسة اي كلام وتعبانة ... ده حتى في كارفور جينا نفتح علبة بصيت لقيت الواد جيلي جري وهو عمال يقول ياباشا ياباشاااا قلتلوا ايه يا ابني في ايه !! قالي كده ممنوع قلتلوا : ياعم ممنوع ايه انا بس بشوفها اذا كويسة ولا لأ وبشوف الماتريل بتعها !
قالي : لأ كده هتجازا عاوزها خودها حضرتك وادفع تمنها واشتريها عند الكاشير واطلع بره عند خدمت العملاء هما هيتممولك عليها واذا معجبتكش رجعهااااا !!! شوف يا اخي المخ

وعلشان كده برضو تلاقي عرايس كتيرررر في مصر (( مرتجع ))
لذلك نصيحة لكل واحد بيشتري عروسة تمهل & وأحسن أختيارك وتوكل على الله فهو حسبك ... وتحياتي

هههههههههههههههه

و بالمرة و انت فى المول خدلك جنب و صلى ركعتين استخارة

[midoabdeen]

انا لسه ماجبتش ياجماعه علشان حصلت عندى ظروف وماكنش فى وقت انزل خالص

معلش هتقل عليكوا هى الحاجات دى بتبقى فى رينج كام علشان ابقى عامل حسابى
انا عمرى مادخلتتش محل لعب اطفال والجو دا

وشكرا جدا للناس اللى ردت بس باردوا الاماكن فين بالظبط ياعنى مافيش حاجه قريبه من الحدائق او لو فى حاجه فى مدينه نصر رخيصه ياريت تقوليلى مكانها
وشكرا ليكوا