ممكن افهم ليه اشتراك النادي بيوصل ل 100 الف و150 الف

[qkash.com]

انا مستغرب جداً لما الاقي في اسكندرية نوادي اشتراكها مايقرب من 100 الف وكذا في القاهرة وقد تزيد لتصل الي 150 الف جنيه
ليه يعني هما هيطلعوا ابني بيكام!!!!!؟؟؟؟؟؟

ايه الفرق بين انشطة النوادي المبالغ في اشتراكتها دي واي نادي تاني اشتراكه 10 الاف ولا 20 الف مثلاً.

هو الناس بيكون هدفها نادي اجتماعي يتجمع فيه الاطفال واسرهم ويمارسوا انشطة سباحة او تنس أو كرة قدم أو اي نشاط رياضي واللي بيكون متاح في كل النوادي

يبقي ايه الفرق بقي؟

[Anaslbda]

الهدف هو قصر النوادي دي على طبقة معيّنة, الـ upper class.
في القاهرة نوادي زي الصيد والجزيرة الحصول على عضوية فيهم صعبة أصلاً حتى لو عندك استعداد لدفع المبلغ,
يعني في الصيد مثلاً مؤخرّاً لغوا نظام التقسيط, ومبلغ الـ 180 ألف لازم على دفعة واحدة.
نادي الجزيرة لازم يبقى عندك recommendation أو توصية من عضو عامل موجود في النادي بقاله مدّة معيّنة.
وباب الإشتراك بيفتح شهرين بس في السنة, وبيبقى فيه انترفيوز وتقييم للوضع الإجتماعي بتاع العيله
قول عليها طبقية أو عنصرية لكن محدّش يقدر يلومهم.
مصر مبقاش فيها مكان نضيف يتقعد فيه فعلاً. البلد بتوسخّ سنة بعد سنة.

[samyyousef]

سبب غلو الاشتراك هو تكدس تلك النوادي مع زيادة طلب العضوية فيجب الحد منها حتى يستطيع النادي ان يلبي احتياجات الاعضاء
فالمشكلة ليست في سبب ارتفاع مبلغ الاشتراك..لكن المشكلة ان بعض هؤلاء الاعضاء ينسى او يتناسى انه اشترك ب500 جنيه

[أبو آسر]

طب يا جماعة أنا عايز أفهم إيه الفرق بين واحد عامل عضوية في نادي الشمس مثلا وواحد بيدخل نفس النادي بتذكرة ب20 جنيه زي حالاتي !
يعني أنا بدخل النادي بتذكرة وبلفه حتة حتة وبخلي الأولاد يلعبوا وبقعد أتغدى وأقضي يوم ظريف وبخرج إيه المميزات بأه بتاعة العضو اللي دافع اشتراك عني ؟؟

[ehab]

طب يا جماعة أنا عايز أفهم إيه الفرق بين واحد عامل عضوية في نادي الشمس مثلا وواحد بيدخل نفس النادي بتذكرة ب20 جنيه زي حالاتي !
يعني أنا بدخل النادي بتذكرة وبلفه حتة حتة وبخلي الأولاد يلعبوا وبقعد أتغدى وأقضي يوم ظريف وبخرج إيه المميزات بأه بتاعة العضو اللي دافع اشتراك عني ؟؟

انا عضو في الاهلي تقريبا من 96 او 97 و يمكن قبل كدا معرفش الوالد عمل العضوية امتي
الفرق الوحيد في الاهلي الي ناقص هو نزول حمامات السباحة ممنوع تماما و دخول الملاعب في بعض الاحيان

[أبو آسر]

انا عضو في الاهلي تقريبا من 96 او 97 و يمكن قبل كدا معرفش الوالد عمل العضوية امتي
الفرق الوحيد في الاهلي الي ناقص هو نزول حمامات السباحة ممنوع تماما و دخول الملاعب في بعض الاحيان

بس نادي الشمس معتقدش ان اللي عايز ينزل البيسين حد بيقوله معاك عضوية ولا لأ ! أنا بروح أقعد على البيسين وأطلب طلبات ولو حد من العيال عايز ينزل محدش هيقوله انت بتعمل ايه
يبقى كده أروح أدفعلي 100 ألف جنيه عضوية ولا أشتري تذكرة ب20 جنيه يعني لو كل أسبوع مرة 20 جنيه * 4 مرات * 2 فرد = 160 جنيه ؟!!

[Dr/ P.K.Sh]

النوادى المحترمه زى الاهلى و الجزيره و وادى دجله
ممنوع دخول البسيين و الجيم و الجاكوزى و الساونا الا للاعضاء فقط

[فبريكا]

اعتقد لاسباب كتيرة
1- مرتبات وزيادة عدد الموظفين.
2- اعمال الصيانة والانارة وتوفير الاجهزة في كل قسم والعاب الاطفال و شراء مستلزمات النادي من اثاث.
3- تقليص عدد الاعضاء والارتقاء بهم يعنى مش منظر دكتور مع عيلتوا يقعد مع ميكانيكي مثلا ولا يشترك شوية عيال صيع الواحد يبقى خايف على اسرتوا منهم .
4- اشتراك النادي في بطولات وتنظيم بطولات.

[qkash.com]

برده ماوصلتش لفكرة لية ادفع 150 الف جنيه او اكثر...هستفيد ايه...هستفيد ايه من اني اشوف ناس من ال upper class دول او اتكلم معاهم او حتي اهزر معاهم...

ليه الناس بتتهافت علي الاشتراك في النوادي دي هل فعلاً بيعملوا علاقات اجتماعية مع ناس ذو شأن او ذوات مناصب او رجال اعمال علشان يعملوا معاهم مصالح وكدة

وهل فعلاً النادي بيقدم خدمات تستاهل كل المبالغ دي....وبينمي قدرات ابنائي وابناء غيري؟؟؟

[qkash.com]

اعتقد لاسباب كتيرة
1- مرتبات وزيادة عدد الموظفين.
2- اعمال الصيانة والانارة وتوفير الاجهزة في كل قسم والعاب الاطفال و شراء مستلزمات النادي من اثاث.
3- تقليص عدد الاعضاء والارتقاء بهم يعنى مش منظر دكتور مع عيلتوا يقعد مع ميكانيكي مثلا ولا يشترك شوية عيال صيع الواحد يبقى خايف على اسرتوا منهم .
4- اشتراك النادي في بطولات وتنظيم بطولات.

وهو انا مشترك في النادي علشان ادفع مرتبات للموظفين وبس؟؟؟؟....ومهما كانت مرتباتهم عالية مش هتتقارن بالاشتراك المبالغ فيه

وممكن في نادي محترم ويكون اشتراكه اقل بكتير نقول مثلاً 20 الف ويكون العدد محدود برده ومش كل من هب ودب هيشترك يعني ممكن يكون فيه برده مجموعة شروط واختيار الاعضاء علي اساس معين

ويكون برده النادي بينظم بطولات.

ليه بقي اروح ل ابو 150 الف في حين اني هلاقي كل حاجة بالمثل في ابو 20 الف

[Secret-Man]

ده فكر اداره التسويق انت كعميل بتحسبها انا هاخد بالفلوس ديه كلها ايه ؟

هما بيستهدفو مستوى طبقى معين بالفلوس ديه زى الملابس بالزبط

تلاقى هو هو البنطلون فى ستى ستارز ب 1000 جنيه فى التوكيل وفى مكان تانى ب 300 جنيه

لان عميل التوكيل غير عميل المحلات العاديه وفى الاخر 1000 مش سعر بنطلون ابدا ولا حتى 1 على عشره من لمبلغ بس هى تقدر تقول سياسه تسويقيه

وبينى وبينك هما صح مينفعش تدخل واحد دافع 200 الف جنيه مع واحد ملوش اى لازمه اواسلوبه زى الزفت فى التعامل

ولك مثال وادى دجله دلوقتى بقا حظيره ميدخلش ولا يتقعد فيه بسبب اشتركات القسط

[bmya]

رأيي إنه برستيج مش اكتر

[فبريكا]

وهو انا مشترك في النادي علشان ادفع مرتبات للموظفين وبس؟؟؟؟....ومهما كانت مرتباتهم عالية مش هتتقارن بالاشتراك المبالغ فيه

وممكن في نادي محترم ويكون اشتراكه اقل بكتير نقول مثلاً 20 الف ويكون العدد محدود برده ومش كل من هب ودب هيشترك يعني ممكن يكون فيه برده مجموعة شروط واختيار الاعضاء علي اساس معين

ويكون برده النادي بينظم بطولات.

ليه بقي اروح ل ابو 150 الف في حين اني هلاقي كل حاجة بالمثل في ابو 20 الف

ههههههه هو انت الى بتدفع بس رواتب الموظفين ده ممكن يوصل مرتب الموظف الواحد 24 الف جينة في السنه ده بافتراض انه باخد 2000 جنية في الشهر اما في السنه 24000 لو عندك 5 موظفين يعنى 120 الف طبعا النوادي بتجيب اكتر من كدة بكتير يعني لو مسكت الحراسة عايزلك كام واحد على كل بوابة وشفت بليل وشفت بالصبح ده غير كام جنايني علشان تشوف خضرة والعيال تلعب وغير عمال النضافة وغير الاداريين يعنى ممكن يعدي المليون براحة بس رواتب نهايك بقى عن مواد التظيف والاسمدة للزرع والاجهزة والصيانة وتغير اللمض واجهزة تكيف واثاث وحمامات سباحة والمية الى باخدها حمام السباحة بالنسبة لصالات الالعاب بتصرف كتير فى تجهزها والمدربين السونا الجاكوزي البخار الخ الموضوع اكبر بكتير من التفكير المغلق دة .

من جهة تانية لو ب 20 الف حتلاقية نادي متواضع قليل الخدمات او لسه جديد محتاج اعضاء

الحكاية عاملة زي فندق ب 50 جنية في الليلة وفندق ب150 وفيه فندق ب 500 وفيه ب 3000 في الليلة . حتلاقي فندق نجمة ونجمتين وتلاته لحد سبع نجوم كل برغوت على قد دمة زي ما بيقولوا واهي كلها فنادق بس الاختلاف في الخدمة يعنى فندق الشيراتون غير لوكندة السعادة الى تحتها مكوجي الاتنين حتنام فيهم بس ده ممكن يبقى حمام مشترك السراميك معفن وريحة اجارك الله الملايات مقطعة او مهربدة السرير قديم الحيطان مكنوب عليها ذكريات سيد اسية ههههههه .

البرستيج مهم في المجتمع المصري ولما تخش نادي ب 150 الف جنية حتلاقي الشريحة الهاي كلاس ناس مهمة عندها الحته دية يمكن المواطن العادي ما يخدش بالو منها زي رجال الاعمال علشان يتعرفوا ببعض فيها الي بتدور فتى احلام لبتها متريش ههههه مثلا انما لو رحت ابو 20 الف حتلاقي الطبقة المتوسطة لو ب 500 حتلاقي صراصير ولما عم الحج يعدي كلوا يوقف كله يهدي والبلي الى في جبي والسبع بلاطات واللعب فى الحارات هههههه .

وعموما روح النادي ابو 20 الف او ابو 500 الحكاية في ايدك

بس حتلاحظ ان اي نادي بيبتدي بياخد فلوس قليلة من الاعضاء علشان عايز فلوس بسرعة يبتدي بيها ولسه مفيش موظفين كتير والنادي مش مكتمل وبعد كدة بيبتدي يزود حبه حبه لحد ما يوصل للمبالغ الى بتقول عليها علشان يكبر نفسة لانه بقى عنده مسؤوليات اكبر وموظفين اكتر واعضاء اكتر انما فيه نوادي زي ما تبتدي زي ما هى ورخيصة وغالبا بتبقى مش اد المستوى وفي حتت شعبية .

لكن الموضوع مش بيبتدي ب 150 الف خبط رزع كدة .

تحياتي

[S O P H O S]

علشان لو رخيص هيتملي بشكل خرافي
وكمان علشان يكون لطبقة معينة
فالنادي في حياة وبرا النادي حياة تانية
ده كان راي لما دخلت واحد من اشهرهم

[janagabr]

ممكن يكونوا مبلغ كبير علي حد وممكن يكونوا مبلغ تافه لحد تاني وبعدين النوادي ده مش معمولة لاي حد ده بتستدهف فئة معينة زي العربيات بالضبط ماهو كله بيوصل المشوار