استفسار من اي حد في الضرايب

[AhMeD MeTwAlY]

السلامو عليكم ورحمة الله وبركاته
انا دلؤقتي كنت عايز منكم خدمه انا كنت مقدم في مسابقة مصلحة الضرايب الاعلان رقم 1 لسنه 2012 وسمعت كدا والسمع خير ان النتيجه ظهرت من حوالي شهر فعايز اعرف بس اوصل للاسماء الي اختاروها لو امكن لينك رقم تليفون اي حاجه ولو فعلا ظهرت وربنا كرمني واسمي نزل لسه في امل اتعين ولي امل ماتت والاربعين بتعها قرب

[A.Saad]

تروح لهم او تشوف الموقع بتاعهم
تليفون لجهة حكومية فى الاحوال دى غالباً هيكون محاولة غير مجدية

[AhMeD MeTwAlY]

تروح لهم او تشوف الموقع بتاعهم
تليفون لجهة حكومية فى الاحوال دى غالباً هيكون محاولة غير مجدية

اتصلت بحوالي 4 ارقام كل واحد اداني رقم واخر واحد اداني رقمين اتصلت بيهم واحد قالي هتنزل بعد 10 ايام علي الويب الخاص بيهم والتاني قالي انت تقديرك ايه قولتله جيد ومنين قولتله العريش قالي هما اخدو جيد جدا ومش اقل من 80%
انا مسافر بره ودي بالنسبالي اخر محاوله بعد كدا هشوف طريقه شمال واريح دماغي

[janagabr]

بعد كدا هشوف طريقه شمال واريح دماغي

هههههه يا راجل الطيب احسن

[AhMeD MeTwAlY]

هههههه يا راجل الطيب احسن

والله الشيطان بيلعب في دماغي ومستحرم الموضوع لاننا لعرفين ناخد حقنا بالزوق من البلد دي
تخيل انت مسابقه من 2011 ولسه لحد النهارده مظهرتش وناس تقولك ظهرت وناس لا

[mo7elmy]

باشا نتيجة المسابقة ظهرت ولو حضرتك مجلكش لحد دلوقتى جواب للتعيين ..يبقى للاسف ملكش نصيب

[hugan]

اكيد التعينات اتعرفت من قبل المسابقه
الموضع كله روتين واجراءت شكليه ليس اكثر
اي مسابقه او قرعه او حجز لاء ي حاجه في البلد دي
بتكون متطبخه من قبلها للمعارف والمحاسيب والحبايب

[ganash]

انا جايب جيد جدا وكنت مقدم فيها برده ومفيش حاجه جاتلى الحاجات دى بتبقى خلصانه قبل ما يعلنو عنها

[AhMeD MeTwAlY]

الحمد لله علي كل شئ بس صدقني اتكوست تكويسه ومعملوه في الفرن

[Ahmed_Adham]

عن تجربه في حاجه مشابهه في 2005 مشيت سليم بدون وسايط وكنت بروح أسأل لمده سنه ويقولو لسه محدش اتعين والناس أصلا متعينه وشغاله وجبتها بواسطه وبعدين رميت جواب التعيين في الزباله عشان كنت جبت عقد بره مصر وسبحان الله يوم ما حجزت الطيران جه جواب التعيين "برجاء الحضور لاتمام اجراءات تعيينك".

لو سنك تحت 25 ومتجوزتش ولا خاطب سافر ومتجيش تاني.

[AhMeD MeTwAlY]

عن تجربه في حاجه مشابهه في 2005 مشيت سليم بدون وسايط وكنت بروح أسأل لمده سنه ويقولو لسه محدش اتعين والناس أصلا متعينه وشغاله وجبتها بواسطه وبعدين رميت جواب التعيين في الزباله عشان كنت جبت عقد بره مصر وسبحان الله يوم ما حجزت الطيران جه جواب التعيين "برجاء الحضور لاتمام اجراءات تعيينك".

لو سنك تحت 25 ومتجوزتش ولا خاطب سافر ومتجيش تاني.

مطابق للشروط والمواصفات سني تحتي 25 ومتجوزتش ولي حتي عملت بحب
بس المشكله ان بيحصل مشاكل في مصر لازم اكون موجود فدا الي هيرجعني مصر مش اكتر