الفرق بين ال ت وال ط

[elmkaneeki]

احنا نتكلم عربي كويس
لكن منكتبوش ..

علي فكرة في كلمات فعلا صعبة وتحتاج تفكير لكتابتها صح
بس مع كامل احترامي انا لاقيت واحد عاوز يكتب "سؤال". كتبها "سقال"
لا كدة كتير اوي
علي كدة احمد اصلها قحمد بقي

[h_shahin]

بالمناسبة أحسن معلم للغة العربية و قواعد النحو و النطق و الإلقاء و التذوق الموسيقى للغة هو القرآن الكريم و حصوصا لو لم يقتصر على الحفظ فقط و شمل التجويد أيضا

و دى حقيقة لا تقبل التشكيك

[dr.hazem]

تعليم صرف صحي....
كفاية تشوف كلمة اي ان كان بدلا من أيا كان

ولسا هنشوف كتير...
تحياتي

Sent from my Xperia Arc S using Forum Runner

[Y a r i s]

هيا دي اخرت التعليم المجاني هههههههه
صحيح بس فقط للتوضيح بالمناسبة احنا هنا بنكتب باللهجة المصرية وليس باللغة العربية الفصحى ... انتا مثلاً لو دخلت منتدى سعودي هتلاقيهم. بيكتبو برضو كلمات غريبه زي. ( هلا كيفك شخ بارك) ... لو دخلت مثلاً برضو قرئت الكلمات الفلسطنين. هتلاقيهم بيقولوا ( كالي وكلتلوا وكتلني = قالي و قلتلوا وقتلني ) في لهاجه لاهل الخليج مثلاً الكويتية مبيقولوش ( أشلونك = ازيك ) لا بيقولوا ( اشلونج) وهكزا .

لذلك اغلب كتاباتنا. بتعتمد مش على اللغه العربية لأ. الواحد برمج ايديه على ان الكلام الي ينطقو الصوابع تترجمها لحروف مبنبصيش بقه اذا كانت الكلمة صح ولا غلط ... بس مع مرور الوقت الواحد ايدو خدت على الغلط فتصور ان مرات. تيجي تبعت ايميل رسمي لحد مثلا : فبرجاء التكرم بأرسال لنا عينات في أسررررررررررع وقت ممككن ( هههههههه) الانترنيت دمر اللغة عند الواحد.... وتحياتي

[friendship7897]

وهكزا .

بلاش أنت بالذات يا أ/ Yaris تشترك في الموضوع دا
موضوعاتك كلها مميزة وكوميدية وإجتماعية ومعلوماتية
لكن كلها أخطأ إملائية

ت و ط
س و ث
ز و ذ

والله ى
الل ة

ده غير طبعا كلمة مثلا زي "كلامه" أو "رجله" بتتكتب "كلاموا" و "رجلوا"

[tutankhamoun]

اللعينة الفرانكوا أراب

أصبح الناس لا يعرفون يكتبون بلغتهم الأصلية لأستخدام حروف لغة غريبة لا تمت لنا بصلة و لا للغتنا بصلة .

بالاضافة طبعا لأنحدار مستوى التعليم عموما و خصوصا العربي .

أصبح الناس يركزون مع اللغة الأجنبية (و في النهاية يخرج علينا الكثيرون - لا يعرفون عربي و لا أنجليزي - من ناحية الكتابة)

[tutankhamoun]

طيب وحتروح بعيد ليه ....اشهر شخصيه على الفيس بوك هى "اساحبى " واللى هيا المفورض "يا صاحبى"
فمتستعربش على اى حاجه

الغلطة دي مقصودة ........ كنكتة .

[Dr.Karim Emam]

ده نتاج سنوات من الضياع و الفشل في المدارس
مصر فى المركز الأخير «عالميًا» فى جودة المدارس وكفاءة التعليم الأساسى - بوابة الشروق

ربنا ينتقم من كل من كان السبب في وصول التعليم لهذا المستوى!!