ارخص طريق لمكالمة مصر

[أبو صلاح]

انا بصراحة معرفش البرنامج ده . بس منه تتصل بارقام موبيلات وارضي عادي ولا لازم يبقي متسطب علي الجهاز التاني ويكون عليه نت برده ؟؟؟؟؟؟

الليلة اللي حكتها ده بتخليك تتصل علي خطوط مش عليها نت ولا مسطبة البرنامج.

انا مش لاقيه
ياريت تحط صورة اللوجو بتاعه هنا
او حتى الموقع الرسمي بتاعه

[mk3]

الف على المحلات وغريب ؟ ولا كانك فى مصر ومحسسنا اننا فى الاردن

[mk3]

الف على المحلات وغريب ؟ ولا كانك فى مصر ومحسسنا اننا فى الاردن

محسسنى انى هلف على الايفون الجديد ده كود برنامج مش معروف

[mr_vampire]

انا مش لاقيه
ياريت تحط صورة اللوجو بتاعه هنا
او حتى الموقع الرسمي بتاعه

اسمه mobiledialer وده اللوجو بتاعه اللي هتلاقيه عالاب استور او الاندرويد. جرب كدة يافندم ةعرفنا وصلت لايه.

الف على المحلات وغريب ؟ ولا كانك فى مصر ومحسسنا اننا فى الاردن

انا فعلا مش مصر وكلامي كان فالاول للمتغربين برا مصر وبيصرفو كتير علي المكالمات الدولية.

محسسنى انى هلف على الايفون الجديد ده كود برنامج مش معروف

مش معروف بالنسبه لحضرتك. انما المهتم بالحاجات ده بتبقي معروفة ليه جدا فمابالك محلات ده شغلتها.

[#MAAM#]

لا سكاى بى لكن مش بالاساوب ده
موبايل معاه باقه انترنت 10.20 جنيه شهريا هتعرق فيها بعيد عن الدونلود طبعا وده انا شغتل به ومريحنى وصوت نقى جدا

والله هيه فكرتك حلوة أوي بس للأسف مفيش معايا أو معاها سمارت فون ولقيت كل برامج المكالمات سمارت فون وهشتري بإذن الله

بص يا باشا ... هتشتري شريحة تيلفون من عندك من شركة موبايلي
وتبعت لها الشريحة في البوسطة او مع اي حد نازل مصر. ... وتشحن لها مثلا ب ١٠٠ ريال من عندك شحن على الطاير ... المهم هيا هتحط الشريحة دي في اي عدة عندها وتتكلموا مع بعض مش فاكر بكام ممكن ب ٢٠ هلله او حاجة زي كده للدقيقة .

والاحسن هاتلها يا جدع حتت اي فون. كده هدية عيد جوزكم ولا حته جلاكسي. واشتراك الانترنيت موبايل في التلات شركات في مصر ب ٥٠ جنية في الشهر ... وشوف انتا الي يناسبك ... في بقه خيار تالت. في شركة في الامرات بتبيع عدة تيلفون مخصوص للمكالمات الدولية اااه بس لأ دي كمان مش هتنفع محتاجة انترنيت المهم. شوف كده وجرب الي انا قلتلك عليه :) وربنا يجمع شملكم قادر ياكريم

إن شاء الله ياأستاذ محمد وشكرا جدا ومنور الموضوع

هاتلها خط سعودى و تستقبل بيه منك

الحل ده مش عملي ومكلف لأني أنا مش هكلمها وقت صغير علشان كده هيبقى مكلف برضه

خط سعودي موبايلي و هتكلمها أكنك بتكلم داخلي في السعودية. يعني 45 هلله. 90 قرش.
Skype عشان تكلم مصر أحسن ما تشحن مثلا 20 دولار و تتكلم بيهم لأي بلد ممكن تشتري sub......ion ممكن 60 أو 120 أو 400 دقيقة و ديه لما تحسبها هتلاقيها أرخص بكتير من الطريقة الأولي. ال 400 دقيقة ب 40 دولار تقريبا يعني الدقيقة حوالي 75 قرش أوفر من خط السعودية كمان. لكن الحوار ده ليه عيبين أولا لازم تكلم مصر بس و العيب التاني أنك لازم تخلصه في شهر. و ممكن لو مش هتخلص ال 400 دقيقة تشوف اشتراك ال 120 دقيقة بحوالي 16 دولار.

لازم سمارت فون وانا مش معايا انا معايا نوكيا

لو موبايلك اندرويد
وموبايلها اندوريد في برنامج للمكالمات

للأسف لأ

الأندرويد و الأي فون بينزلهم برنامج واحد اسمه فايبر دا صوت بس و واحد إسمه تانجوا دا صوت وصوره و برنامج واتس اب رسايل بس .هاتجيبلها موبايل من اللي بيشتغلوا بنظام من الاتنين دول و هي تشترك في باقه نت و تكلموا بعض بتكلفه النت بس

للأسف لايوجد سمارت فون

هات باقه موبايلي انترناشونال الدقيقه لمصر ب 55 هلله تكلم اي رقم في مصر . ودي اللي شغال بيها حاليا

والله لو هكلم اهلي او اي حد هتبقى مناسبة جدا لكن اني اكلم مراتي الكارت مابيكملش

[#MAAM#]

تعالااااااااااااااااااااالي.

انتا وقعت من السما وانا اللي لحقتك.

بصو بقي للشباب اللي فالخليج في اخترااااااااااااااع لسة عامله النهاردة وتمام التمام اوي. عملته فالكويت واعتقد الهنود ماشيين عليه في كل الخليج. اللي سافر الخليج هيعرف عبقرية الهنود في انهم يلاقو حلول للمكالمات الدولية بارخص التعريفات.

الحوار بقي باختصار. ان في ابلكشن بتنزله عالاسمارت فون بتاعك ولازم يبقي عليه نت وبتشحنه بالدولار ( انتا بتدفع للراجل عملة البلد اللي انتا فيها ويحولك المساوي ليه دولار ) ( عن طريق محلات الموبيلات اللي عارفه الحوار ده وهتلاقيهم كتير. هيديك رصيد بالدولار منه تتكلم دولي لاي مكان فالعالم وقبل مالخط يفتح بيقولك رصيدك ده يديك لمكالمتك ده للبلد ده كام دقيقة.

انا جربت ب 2.5 دينار ( في حدود 61 جنيه ) كتجربة اداني 10 دولار . اداني لمصر بالظبط بالظبط 364 دقيقة دولي لموبيل او ارضي. عمال ارغي من الصبح ومش عايزين يخلصو. فهيبقي حلو للخاطب للمتجوز للمطلق. كله ماشي. لان الرغي عليه هيبقي ممتع.

اللي يهمه الحوار يخبط لايك وانا اقولكو اسمه . هههههههههههه ولا بلاش لاني مبحبش تتعمل فيا.

الابلكشن اسمه mobiledialer علي الاب استور او عالاندرويد هو فري الايكونه بتاعته موبيل وعليه سيجنال كدة من فوق اخضر ( مش احمر ) لان فيه اتنين وانا بتكلم علي اللي جربته. هتنزله وتسطبه. هتيجي تفتحه هيطلب operator code تروح بقي لمحل موبيلات اللي بينزلو برامج ونغمات والحوارات ده وهو هيظبطلك الكود ويعمل يوسر نيم وباسوورد وتشحن بالقيمة اللي عايزها وتشوف هيديك كام دقيقة لمصر.

اللي يجربو يقولنا وصل لفين. عشان الناس تعرف الحوار ونخرب شركات الاتصالات.

بالتوفيق يارجالة وكفاية عليكم الغربة متبقاش غربة وخراب بيوت كمان فالاتصالات.

عيشووووووووووووووووو وعرفونا وصلتو لفين.

انا سألت هنا في السعودية مالقتش الموضوع ده بس فيه برنامج تاني رخيص برضه بس الفرق مش كبير بينه وبين المحمول ........ وكمان مشكلتي مش معايا سمارت فون ......... أنا لازم أجيب واحد قريب إن شاء الله

[محمد بلال]

متابع

[qkash.com]

برامج الفويب (VOIP) كتير جداً
وتقدر تشحن حسابك باستخدام بطاقات كاش يو وهي متوفرة في كل مكان في مصر ومعظم الدول العربية
وتنزل السوفت وير من الموقع علي الكمبيوتر او الموبايل (سمارت فون)

سجل في الموقع وادخل علي السوفت وير من الكمبيوتر او الموبايل بعد ماتكون شحنت حسابك برصيد واتكلم وعيش
وفيه موزعين كمان لكروت الفويب دي في مصر وكل دول العالم وتقدر توصلها من جوا حسابك في الموقع هتلاقي ريسيللر ليست (قائمة بأسماء الموزعين)

هناك عدة مواقع تقدر تشترك في اي واحد
بس افضلهم
Rynga | For the cheapest international calls
وسعر الدقيقة تقريباً 7 سنت من اليورو (يعني تقريباً 70 قرش)

جرب كدة و بالتوفيق ان شاء الله

و لو في حد من اسكندرية وعايزني اساعده في اي حاجة تخص برامج الفويب انا اقدر افيده حيث انني موزع لكروت كاش يو وكروت الفويب وانا في الخدمة

[#MAAM#]

برامج الفويب (voip) كتير جداً
وتقدر تشحن حسابك باستخدام بطاقات كاش يو وهي متوفرة في كل مكان في مصر ومعظم الدول العربية
وتنزل السوفت وير من الموقع علي الكمبيوتر او الموبايل (سمارت فون)

سجل في الموقع وادخل علي السوفت وير من الكمبيوتر او الموبايل بعد ماتكون شحنت حسابك برصيد واتكلم وعيش
وفيه موزعين كمان لكروت الفويب دي في مصر وكل دول العالم وتقدر توصلها من جوا حسابك في الموقع هتلاقي ريسيللر ليست (قائمة بأسماء الموزعين)

هناك عدة مواقع تقدر تشترك في اي واحد
بس افضلهم
rynga | for the cheapest international calls
وسعر الدقيقة تقريباً 7 سنت من اليورو (يعني تقريباً 70 قرش)

جرب كدة و بالتوفيق ان شاء الله

و لو في حد من اسكندرية وعايزني اساعده في اي حاجة تخص برامج الفويب انا اقدر افيده حيث انني موزع لكروت كاش يو وكروت الفويب وانا في الخدمة

بس الدقيقة غالية ياباشا تقريبا نفس سعر دقيقة المحمول

[mastr_n]

عايز الفايدة من الأخر
ودة اللى انا ماشى علية مع بيتى
اولا بالنسبة للمدام بتاعة حضرتك هاتحيبلها جهاز تليفون سامسونج اندرويد اقل حاجة فى حدود 580 جنبة
وبعدين اشتراك فى adsl ويركبولك راوتر باشتراك شهرى حوالى 75 شهريا يبقى كدة المدام عندها انترنت ثابت وتليفون اندرويد
تقوم عاملها أميل على google علشان تقدر تنزل ال skype و viber دول احسن برنامجين يتكلم منهم

نيجى بقى لحضرتك اكيد عندك نت فى الشغل والسكن صح؟

يبقى انت محتاج لاب توب بس لو هاتكلمها skype
ومحتاج سمارت فون كمان لو هاتكلمها viber

كدة اجمالى التكلفة حوالى تمن التليفون 600 جنية بس فى الاول وبعديت اشتراك النت الشهرى

وعيش حياتك واتكلم براحتك وسيبك بقى من البرامج اللى بفلوس والحوارات دية
اعمل كدة وهاتدعيلى وربنا يطمنك على اهل بيتك

[#MAAM#]

عايز الفايدة من الأخر
ودة اللى انا ماشى علية مع بيتى
اولا بالنسبة للمدام بتاعة حضرتك هاتحيبلها جهاز تليفون سامسونج اندرويد اقل حاجة فى حدود 580 جنبة
وبعدين اشتراك فى adsl ويركبولك راوتر باشتراك شهرى حوالى 75 شهريا يبقى كدة المدام عندها انترنت ثابت وتليفون اندرويد
تقوم عاملها أميل على google علشان تقدر تنزل ال skype و viber دول احسن برنامجين يتكلم منهم

نيجى بقى لحضرتك اكيد عندك نت فى الشغل والسكن صح؟

يبقى انت محتاج لاب توب بس لو هاتكلمها skype
ومحتاج سمارت فون كمان لو هاتكلمها viber

كدة اجمالى التكلفة حوالى تمن التليفون 600 جنية بس فى الاول وبعديت اشتراك النت الشهرى

وعيش حياتك واتكلم براحتك وسيبك بقى من البرامج اللى بفلوس والحوارات دية
اعمل كدة وهاتدعيلى وربنا يطمنك على اهل بيتك

ما هو ده اللي أنا هعمله وربنا يسهل وشكرا جدا ليك على المشاركة