200 مريار دوراااار يطلعوا كام بالمصرى !!

[RAPID]

مش عارف كدة الرقم شكله فيه حاجة مش مضبوطة ممكن يكون 20 مليار ممكن تبقى مقبولة او 2 مليار انما 200 مليار دي صعبة جدا بصراحة

قطر رصدت 200 مليار دولار لاستضافة كأس العالم لكرة القدم عام 2022 - قطر - فرانس 24 - مونت كارلو الدولية

قطر ترصد 200 مليار دولار لكأس العالم - كاس العالم 2022 - كرة القدم - يوروسبورت عربية

جريدة الأنباء الكويتية | لماذا تنفق قطر 200 مليار دولار على كأس العالم؟

[RAPID]

أعتقد انهم بيبالغوا في الرقم علشان يخضوا الناس ويحسسوهم ان قطر دي هي القوة العظمى القادمة... اساسا لو عندهم شبكة مواصلا واتصالات وبنية اساسية عموما متهالكة زي عندنا مش هيحتاجوا يصرفوا اكتر من 20 او 30 مليار بالكتير... بس زي ما بقولك كده... هم عايزين يصدروا للعالم انهم الوحش القادم وانهم يقدروا يشتروا القمر ذات نفسه...

كل ده طبعا تخمين انما هم ولاد الذين معاهم فلوس تسد عين الشمس... واكيد موضوع انهم يعملوا الاستادات مكيفة وبأسقف متحركة هيكلف جامد جدا جدا... بس برضه مش المبلغ المتخلف ده...

وفي الاخر افكركم ان دي من علامات الساعة... النبي عليه افضل الصلاة والسلام قال من ضمن ما قال في الحديث ده: "... وأن ترى الحفاة العراة رعاة الشاة يتطاولون في البنيان..."

اللهم صل وسلم وبارك على سيدنا محمد

[RAPID]

حب للظهور مش اكتر زي ما على مستوى الشعب هتلاقي اللي يدهن عربيته لون فسفوري (أخضر لموني أو أصفر فاقع او بنفسجي فاقع) عشان الناس تبصله هتلاقي الحكومه برضه (لأنها جزء من الشعب) مهووسه بحب الظهور والفشخره.

اللى بيحصل ده قمة الهوس والجنون دول بيقولوا احنا مستعدين ننظم البطولة سواء فى الصيف او الشتاء وتحت اى شروط وحاطين البلد كلها تحت تصرف الفيفا فى مشهد غريب وكان البطولة دى هتكبر قطر مرتين مثلا او هتخلى عدد سكانهم 50 مليون .. ليست لدى مشكلة مع قطر او غيرها لكن هذا العته النادر ليس له ادنى علاقة بالحكم الرشيد او مبادئ ادارة الدولة !

[hugan]

مش مبالغه
لدرجه انهم ناويين يكيفوا الشوارع
يعني الشارع يبقي مكيف الهواء
الكلام ده حقيقي مش تهريج
من ضمن خطه الانشاءت تكييف الشوار ع من الفنادق للملاعب
حد شاف الجبروت ده قبل كده

[tutankhamoun]

حكومة قطر عندها مشكلة فظيعة و تقريبا الخليج كله
بس قطر عندها فلوس كتيرة قوي و عدد سكان صغير جدا و مساحة صغيرة جدا

مشكلة حكومة قطر هي حب الظهور ...... يعني من الأخر ..... دولة ملهاش أي تاريخ فبتحاول تعمل تاريخ لنفسها و أسم على الخريطة .
و إن كنت أفضل ان يقوموا بعمل شئ نافع لهم و للعالم العربي كله و العالم الأسلامي و ا لعالم كله

يعني تدريب و أستثمارات للعرب و في البلاد العربية.
مساعدة مثلا السودان و الصومال و الدولة التي تنهار اقتصاديا و مش لاقيين ياكلوا .

بس هانقول ايه
حكامنا جايين مننا فيننا ....... فالعيب فينا بالتأكيد.

الله يرحم الشيخ فيصل و الشيخ زايد .............. و عبد الناصر طبعا .... دول ناس كانت بتساعد بما تستطيع .

إنما الشيخ حمد ......... ربنا يهديه و يهدينا جميعا .

[RAPID]

مش مبالغه
لدرجه انهم ناويين يكيفوا الشوارع
يعني الشارع يبقي مكيف الهواء
الكلام ده حقيقي مش تهريج
من ضمن خطه الانشاءت تكييف الشوار ع من الفنادق للملاعب
حد شاف الجبروت ده قبل كده

شوارع مكيفة وملاعب مكيفة وسحب صناعية !
.BBC Arabic - .رياضة - .سحب صناعية لتبريد الجو في قطر أثناء استضافة كأس العالم

[RAPID]

حكومة قطر عندها مشكلة فظيعة و تقريبا الخليج كله
بس قطر عندها فلوس كتيرة قوي و عدد سكان صغير جدا و مساحة صغيرة جدا

مشكلة حكومة قطر هي حب الظهور ...... يعني من الأخر ..... دولة ملهاش أي تاريخ فبتحاول تعمل تاريخ لنفسها و أسم على الخريطة .
و إن كنت أفضل ان يقوموا بعمل شئ نافع لهم و للعالم العربي كله و العالم الأسلامي و ا لعالم كله

يعني تدريب و أستثمارات للعرب و في البلاد العربية.
مساعدة مثلا السودان و الصومال و الدولة التي تنهار اقتصاديا و مش لاقيين ياكلوا .

بس هانقول ايه
حكامنا جايين مننا فيننا ....... فالعيب فينا بالتأكيد.

الله يرحم الشيخ فيصل و الشيخ زايد .............. و عبد الناصر طبعا .... دول ناس كانت بتساعد بما تستطيع .

إنما الشيخ حمد ......... ربنا يهديه و يهدينا جميعا .

دلوقت الشيخ تميم وتقريبا ماشى على نفس النهج

[Mohamed_Hamid]

ده بيزنس والمكسب على المدى البعيد اكبر بكثير من الرقم ده. خللى بالك ما هو ملاعب جديدة عالمية + فنادق 5 نجوم ديلوكس هترفع من شأن قطر على المستوى السياحى جدا + بروز نجم قطر على المستوى الدولى كقبلة للأحداث العالمية. من الآخر كدة شفت دبى؟ هم عايزين ياكلوا الجو منها :)

[RAPID]

ده بيزنس والمكسب على المدى البعيد اكبر بكثير من الرقم ده. خللى بالك ما هو ملاعب جديدة عالمية + فنادق 5 نجوم ديلوكس هترفع من شأن قطر على المستوى السياحى جدا + بروز نجم قطر على المستوى الدولى كقبلة للأحداث العالمية. من الآخر كدة شفت دبى؟ هم عايزين ياكلوا الجو منها :)

ده كدة هياكلوا دبى نفسها ههههههههه
مش حسد ده قر

[Ahmed_Adham]

اللى بيحصل ده قمة الهوس والجنون دول بيقولوا احنا مستعدين ننظم البطولة سواء فى الصيف او الشتاء وتحت اى شروط وحاطين البلد كلها تحت تصرف الفيفا فى مشهد غريب وكان البطولة دى هتكبر قطر مرتين مثلا او هتخلى عدد سكانهم 50 مليون .. ليست لدى مشكلة مع قطر او غيرها لكن هذا العته النادر ليس له ادنى علاقة بالحكم الرشيد او مبادئ ادارة الدولة !

الفكره مش مكسب مادي خالص هما مفيش عندهم صناعه ولا تجاره يشغلوها ومفيش اي ايرادات من تذاكر واقامه ومشتريات هتغطي اللي هيتصرف. الفكره كلها ان العالم يعرف ان فيه دوله في مكان ما على الخريطه اسمها "قطر" وان مانشيتات الصحف العالميه تفضل تذكر اسم قطر لفتره وأرجع أقولك فلوس جت من الهوا وهتروح في الهوا زي اللي بيسرق فلوس ويخسرها في القمار.

[Hobgoblin]

يا فندم قطر دولة صغيرة أينعم لكن متخليش الإختلاف في السياسة أو ما شابه يصرف نظرنا عن إن قطر من أكبر منتجي ومصدري إلغاز في العالم...كمان الخطوط الجوية القطرية بتلعب في المركزين الاول والثاني على مستوى العالم كله.

كمان قطر فيها أكبر شركات الانشاءات والمقولات العالمية وليهم فروع نشيطة جداً.

كأس العالم دة إستثمار بعيد الأمد هيزود السياحة وسياحة المؤتمرات...كمان الزوار هيسعدو في تكاليف المطار الجديد هناك.

الناس دي مش لابسين جلابية وعقال وبس...لأ بيستعينه بخبرات أجنبية من كل مكان في كل المجالات....عشان كدة هم وصلوا لم هم فيه دلوقتي واحنا آخرنا ننتقد ونسخر منهم.


تحياتي

[korkor]

قطر تقريبا بتبنى بلدها من اول وجديد مشاريع الاستادات دى اقل مشاريع عندها بتعمل مشروع شبكه مترو 4 خطوط المرحله الاوله 150 كم بتعمل طرق جديده بتبنى ميناء جديده ومطار جديد غير اللى لسه مفتوح عندهم حاجه اسمه Qatar 2030 حلمهم ان قطر تبقى هونج كونج الشرق الاوسط حقيقى ياريتنا نعمل نص اللى هما بيعملوه بفلوسهم اللى احنا بنقول انهم بيرموها في الهواء

[Ahmed_Adham]

قطر تقريبا بتبنى بلدها من اول وجديد مشاريع الاستادات دى اقل مشاريع عندها بتعمل مشروع شبكه مترو 4 خطوط المرحله الاوله 150 كم بتعمل طرق جديده بتبنى ميناء جديده ومطار جديد غير اللى لسه مفتوح عندهم حاجه اسمه qatar 2030 حلمهم ان قطر تبقى هونج كونج الشرق الاوسط حقيقى ياريتنا نعمل نص اللى هما بيعملوه بفلوسهم اللى احنا بنقول انهم بيرموها في الهواء

فيه ناس عندها تقدم ومشاريع أكبر من دي بكتير وكمان بتنفذها بنفسها بدون استيراد خبرات من بره بس منظموش ولا هينظمو بطوله رياضيه ب 200 مليار دولار. خلينا نفكر مثلا ان تكلفه كاس العالم 2010 بتاع جنوب افريقيا كلف 2.7 مليار دولار وكان ممتاز والتكلفه المتوقعه لكاس العالم البرازيل 14 مليار دولار انما 200 كتير جدا جدا رقم مبالغ فيه!

[RAPID]

الفكره مش مكسب مادي خالص هما مفيش عندهم صناعه ولا تجاره يشغلوها ومفيش اي ايرادات من تذاكر واقامه ومشتريات هتغطي اللي هيتصرف. الفكره كلها ان العالم يعرف ان فيه دوله في مكان ما على الخريطه اسمها "قطر" وان مانشيتات الصحف العالميه تفضل تذكر اسم قطر لفتره وأرجع أقولك فلوس جت من الهوا وهتروح في الهوا زي اللي بيسرق فلوس ويخسرها في القمار.

على رأيك

[RAPID]

يا فندم قطر دولة صغيرة أينعم لكن متخليش الإختلاف في السياسة أو ما شابه يصرف نظرنا عن إن قطر من أكبر منتجي ومصدري إلغاز في العالم...كمان الخطوط الجوية القطرية بتلعب في المركزين الاول والثاني على مستوى العالم كله.

كمان قطر فيها أكبر شركات الانشاءات والمقولات العالمية وليهم فروع نشيطة جداً.

كأس العالم دة إستثمار بعيد الأمد هيزود السياحة وسياحة المؤتمرات...كمان الزوار هيسعدو في تكاليف المطار الجديد هناك.

الناس دي مش لابسين جلابية وعقال وبس...لأ بيستعينه بخبرات أجنبية من كل مكان في كل المجالات....عشان كدة هم وصلوا لم هم فيه دلوقتي واحنا آخرنا ننتقد ونسخر منهم.


تحياتي

حضرتك انا لا انكر النهضة الحضارية الرهيبة فى قطر ولا الطفرة الاقتصادية اوالانشاءات والشركات العملاقة هناك او انهم يستعينوا بخبرات وعقول اجنبية فى كل المجالات .. كل الحكاية انى (مش متخيل) هذا الرقم الخزعبلى لمجرد تنظيم بطولة رياضية فى النهاية ممكن تنجح او تخسر

لا بنقد ولا بسخر بس بحاول استوعب مش اكتر !