حلال ولا حرام؟

[drmsadek1979]

واحد صاحبي معاه عربية ماشي في أمان الله واحد بترايسيكل خبطة وسابه ومشي المهم حصله وقال له ماينفعش تخبطني وتمشي..رد عليه و قال له اصل ان مستعجل المهم صاحبي دا قاله انت مستعجل تخبط في عربيات الناس فصاحب الموتوسيكل قال له انت عاوز اي يعني فصاحبي قال له تصلح لي العربية فالراجل دفع تمن تصليحها فهل دا حلال ام حرام وهل صاحبي دا يبقى قبل العوض؟

[RAPID]

الاصل ان من اتلف شئ فعليه اصلاحه

[amr011111]

لا مش حرام علشان الفلوس اللى خدها ديه غالبا هتبقى اقل من اللى هيدفعه فى تصليحها ولو حتى زى اللى هيدفعه فى تصليحها كفاية وقته اللى هيضيع وشيلان هم انها هترجع زى الاول ولا لا
وكمان لما يبيع هتبقى عربيه معيوبه وهيخسر من تمنها
وغالبا بتاع التريسكل مش هتلاقى معاه رخصه علشان كده ولا بيعرف يسوق ولا ينيل

[drmsadek1979]

الاصل ان من اتلف شئ فعليه اصلاحه

يعني لا حرمة في ذلك؟

[micromoud]

طب وماله لما يقبل العوض عن الضرر اللى حصله ايه العيب فى كده :)

[hugan]

طالما مستعجل يبقي يدفع

[drmsadek1979]

طالما مستعجل يبقي يدفع

والله نظرية

[RAPID]

يعني لا حرمة في ذلك؟

لا حرمة فى ذلك وجائز بناء على فتوى دار الإفتاء المصرية
راجع الرابط التالى
الفتاوى - حكم قبول التعويض

[samyyousef]

الحلال و الحرام يفتي به أهل الفتوى

احد المشاركين ..قال من افسد شيئ فعليه اصلاحه...و اعتقد ان هذا الكلام صحيح

و لكن.....

صاحب تريسيكل في الظروف المهببة اللي البلد فيها أعتقد - و لا افتي بذلك - ان التسامح معه يكون افضل

هناك من هو متسامح بطبعه و لكن يخشى من لوم الناس له و من يقول له و اذاي سيبته ؟!!! و كان لازم يتربى..و اشياء من هذا القبيل

اعتقد ان صديقك من النوع المتسامح بطبعة و كان يتمنى لو ان صاحب التريسيكل رفض الدفع.

[drmsadek1979]

الحلال و الحرام يفتي به أهل الفتوى

احد المشاركين ..قال من افسد شيئ فعليه اصلاحه...و اعتقد ان هذا الكلام صحيح

و لكن.....

صاحب تريسيكل في الظروف المهببة اللي البلد فيها أعتقد - و لا افتي بذلك - ان التسامح معه يكون افضل

هناك من هو متسامح بطبعه و لكن يخشى من لوم الناس له و من يقول له و اذاي سيبته ؟!!! و كان لازم يتربى..و اشياء من هذا القبيل

اعتقد ان صديقك من النوع المتسامح بطبعة و كان يتمنى لو ان صاحب التريسيكل رفض الدفع.

انت بتقول فيها دا أخد تليفونه عشان حس انه ممكن يرجع له الفلوس تاني او جزء منها

[memo2000soft]

انا حصل معايا موقف شبة دة بس ايلي خبطني 128 ولما بسأل الراجل انت بتتمشي كدة ازاي قلي اصل انا مستعجل وانت عايز اية ديلوقتي قولتلة تصلحلي ايلي انت كسرتة
قلي ماشي روحنا لبتاع اكصدمات قلنا التصليح هيتكلف مبلغ اد كدة الراجل دفع الفلوس ومشي
وانا فضلت عند الصنايعي بتاع ساعة وشوية لغاية ماخلصت.

[drmsadek1979]

انا حصل معايا موقف شبة دة بس ايلي خبطني 128 ولما بسأل الراجل انت بتتمشي كدة ازاي قلي اصل انا مستعجل وانت عايز اية ديلوقتي قولتلة تصلحلي ايلي انت كسرتة
قلي ماشي روحنا لبتاع اكصدمات قلنا التصليح هيتكلف مبلغ اد كدة الراجل دفع الفلوس ومشي
وانا فضلت عند الصنايعي بتاع ساعة وشوية لغاية ماخلصت.

والله الناس المستعجلة دي مبهدلة الدنيا
الي اعرفه ان المستعجل دا وبيمشي بسرعه المفروض يكون في قمة تركيزه ويسوق احسن من واحد ماشي براحته مش العكس

[mohamedxsayed]

من اتلف شيئا فعليه ان يصلحه
وفى انك تسامح وانت ودماغك
انا واحد خبطنى وكسرلى وش الفنوس والفانوس بى 450 جنيه وحك الاكصدام الى ورا
طبعا انا كنت لسا راشش الاكصدام وعامل صيانه العربيه فا كنت لسا صارف حوالى 2700 جنيه وقلبى تاعبنى فا ممشتش غير لغايه ماخدت فلوس واخدت 150 جنيه يعنى بتاخد حاجه بسيطه تبرد قلبك ماحدش هيصلحلك حاجه بالكامل

[حاتم سليم]

سعد باشا زغلول

كان يقول لسائقه الخاص

سوق على مهلك عشان انا مستعجل ...

[lidosasa]

عندنا فى مصر ثقافة غريبة تحرم الحلال الطيب إسمها حتقبل على نفسك العوض
طبعاً تقبل العوض فهو حلال وشرعى فمن أتلف شىء عليه إصلاحه ومن قتل مؤمن غير متعمد عليه ديه تسلم لآهله . ولكن لو حضرتك أستعففت وتركت ما هو حق لك فى الأصل فهى بمثابة صدقة على المتسبب