فطووووووووووطة

[Hossam_Hassan]

البنت لولو المجرمة بتلعب فى الريموت و فجأة تنحت وقعدت تتنطط، اتضح ان قناة دريم 1 بتعيد فوازير فطوطة، تقريبا بتبتدى 6:30، عن نفسى مش متابع اى حاجة فى رمضان غير الرياضة، بس فطوطة ما يتفوتش.

و انستونااااااا

امال ايهههههههه؟

[Akram]

شرفتونااااااااااااااااا
أمال إييييييييييييييييه

[OlaOsman]

مش هاتصدق.. أكيد مش هاتصدق.. صدقني يا حسام مستحيل تصدق اني داخلة دلوقتي عشان أكتب موضوع أنوه فيه ان فطوطة بييجي على دريم الساعة 6 و نص :smile:

فعلا باتفرج باستمتاع رجعني لأجواء رمضان سنة 1983.. بجد يا جماعة باندمج مع الأجواء دي لدرجة اني باحس اني رجعت طفلة تاني و اني عايزة أجري على الشارع ألعب مع صحباتي و إني هابص من الشباك هلاقي أنوار الشارع اللي كنا ساكنين فيه زمان.. و الله بارجع عيلة تاني و مش بافوق إلا لما ألاقي يافطة دريم1 على الشاشة :(

[Karim_Monir]

شوفتها شوفتها من كام يوم
ووريتهم لبيدو وكنزي
بيدو تنح شوية عشان المزيكا
كنزي قالتلي ايه الغلس ده هاتلي توم وجيري عشان ده راجل غلس
سبحان الله كل وقت وله ادان

[OlaOsman]

شوفتها شوفتها من كام يوم
ووريتهم لبيدو وكنزي
بيدو تنح شوية عشان المزيكا
كنزي قالتلي ايه الغلس ده هاتلي توم وجيري عشان ده راجل غلس
سبحان الله كل وقت وله ادان

فعلا يا كريم انا حاولت أكتر من مرة ألف انتباه ولاد اختي للفوازير فطوطة، انما همه ليهم اهتمامات تانية.. يمكن على أيامنا كان فطوطة ده اختراع عشان مافيش غيره أصلا و أول مرة نشوف حاجة زي دي، فكانت حاجة مبهرة بالنسبة لنا.. اما دلوقتي فالدنيا اتفتحت لهم على الآخر و بقى فطوطة ده من حفريات القرن العشرين.

[Hisham_ElFeky]

انا مستنيه من قبل رمضان

[OlaOsman]

يوم الجمعة اللي فاتت كنا بنفطر عند أختي و باقلب في التليفزيون بعد الفطار على طول إيدي جابتني للقناة الأولى (عمري ما بعتبها لما باكون باقلب في الدش عندنا في البيت) لقيت مقدمة فزورة فطوطة الأولانية خالص اللي قبل مخرج أنتيكا على طول، اللي هي الثيمة بتاعتها كانت و لما أقول لك ياواد ياجن ون من الحدوتة تون، اون طبعا طبعا أوننننننننننن

المهم اندمجت انا و بدأت أعيش في جو الذكريات المحبب لدي لقيتهم فجأة قطعوا المقدمة و جابوا كارتون.. حتى الكارتون كان من نصه مش من أوله.. قلت في نفسي آآآآآآآآآآه يا تليفزيون بلدي.. عامل زي الدنيا مافيش فيك متعة كاملة ابدا.

[Mido80]

جمييل جدا بس انا نفسي يا جماعة اشوف فوازير شريهان (حول العالم) اللي كانت بتتعرض في التليفزيون في التمانينات. ممكن حد يجيبهالي لو سمحتم؟؟

[MoToRiZeR]

جمييل جدا بس انا نفسي يا جماعة اشوف فوازير شريهان (حول العالم) اللي كانت بتتعرض في التليفزيون في التمانينات. ممكن حد يجيبهالي لو سمحتم؟؟

انا فوازير شيريهان كانت أكتر حاجة بحبها في برامج رمضان .. بتاعة حليمة و كريمة دي

[sab3aawy]

طمنتونى يا جماعة ، انا كنت قلقان على نفسى لأنى لك يوم بحارب فى الطريق علشان الحق اكون فى البيت قبل معاد ظاظا وجرجير، وهى الحاجة الوحيدة اللى باتفرج عليها فى التليفزيون ، وكنت مكسوف اقول ، بس واضح انى مش لوحدى هنا

[TaoTao]

طب كويس مش لوحدي في المنطقة .. فيه كمان "بسنت ودياسطي" دمه خفيف باشوفه مع الفطار .. أول مسلسل Animation مصري بالإتقان ده (مشكلته إنه بييجي في نفس توقيت "فوازير رمضان" لآمال فهمي :( )

[OlaOsman]

طب كويس مش لوجدي في المنطقة .. فيه كمان "بسنت ودياسطي" دمه خفيف باشوفه مع الفطار .. أول مسلسل Animation مصري بالإتقان ده (مشكلته إنه بييجي في نفس توقيت "فوازير رمضان" لآمال فهمي :( )

هو لسه فيه حد بيسمع فوازير رمضان بتاعة آمال فهمي؟.. هي لسه بتيجي أصلا؟

[hazem_khidr]

اول مره اعرف لاني مقاطع التلفزيون
لاول مره في حياتي ما يبقاش فيه مسلسل او اي حاجه اتابعها
حتي مسلسل يحي الفخراني اللي بتفرج عليه كل سنه ما اتفرجتش عليه السنادي:(
لكن فطوووطه لازم اتفرج عليه

[Bossy_Fadl]

فطوطة دي للاسف كانت قبل مانا اتولد

بس شوفتها لما كبرت في الاعادات

يعني كانت امكانياتها بسيطة عشان مكانش في الامكانيات الضخمة بتاعه دلوقتي

بس كانت حلوة اوي و جميله

بس مفيش حد هلا ممكن يقتنع بيها من اطفال الجيل الجديد اللي واخدين علي ال animations و قنواتها اللي مغرقه التي في

بس و الله ايام الفوازير بتاعه زمان دي كانت حلوة اوي

و الواحد مكانش عنده تطلعات جامده في موضوع التي في ده

هو يادوب فوازير شيريهان و لا نيللي و معاهم مسلسل و لا اتنين و خلاص

دلوقتي في علي الاقل 55 مسلسل و 670 برنامج و 70 فزورة

و بالتالي الواحد فقد احساسه بالمتعه بأي شيء ممكن يتابعه

لان ال varities بقت كتير اوي

الله يرحم ايام زمان

و يهدي ال Producers بتوع كل المواليل دي علينا شوية

بوســـــــي

[Karim_Monir]

فطوطة دي للاسف كانت قبل مانا اتولد


بوســـــــي

حسيت اني عندي 85 سنة وماشي في ال 70