المياة المعدنية طلعت مضروبة

[janagabr]

خلي بالكوا يا جماعة عشان في في السوق كمية مياة معدنية مضروبة وملوثة ومتعبية تحت السلم وبتخلي اللي يشربها يهنج وبطنوا تسقف وتكركر زي بنزين ٨٠ بالضبط
والمياة الملوثة وهى "الهدير وسواى" إنتاج مصنع مصر أوروبا للصناعات الغذائية، و"أكوا مينا، "أكوا سوتير"، "شركة برجن"، و"أكوا دلتا" إنتاج مصنع أكوا دلتا، و"طيبة" إنتاج شركة طيبة، و"أكوا ستريم" إنتاج شركة أكوا ستريم.
عشان اللي عنده اطفال او حوامل او مرضي يخلي باله
الصراحة من انضف المياة المعدنية اللي شربتها هي نسلة وبعدها شويبس وصافي اما باقي المياة المعدنية فاردم عليها
والحمد لله نسلة ابتدت ترجع تاني بس علي خفيف من بعد حوار حريق مصنعها
حد جرب يشرب مياة افيان ......اصلي عمري مجربتها قبل كدة وبفكر احطها في الخطة الخماسية الجاية

[saddam]

صديقي المواطن
أنا شايف أحسن مياه في مصر هي أكوافينا
ودمتم.للنضال

[svneleven]

خلي بالكوا يا جماعة عشان في في السوق كمية مياة معدنية مضروبة وملوثة ومتعبية تحت السلم وبتخلي اللي يشربها يهنج وبطنوا تسقف وتكركر زي بنزين ٨٠ بالضبط
والمياة الملوثة وهى "الهدير وسواى" إنتاج مصنع مصر أوروبا للصناعات الغذائية، و"أكوا مينا، "أكوا سوتير"، "شركة برجن"، و"أكوا دلتا" إنتاج مصنع أكوا دلتا، و"طيبة" إنتاج شركة طيبة، و"أكوا ستريم" إنتاج شركة أكوا ستريم.
عشان اللي عنده اطفال او حوامل او مرضي يخلي باله
الصراحة من انضف المياة المعدنية اللي شربتها هي نسلة وبعدها شويبس وصافي اما باقي المياة المعدنية فاردم عليها
والحمد لله نسلة ابتدت ترجع تاني بس علي خفيف من بعد حوار حريق مصنعها
حد جرب يشرب مياة افيان ......اصلي عمري مجربتها قبل كدة وبفكر احطها في الخطة الخماسية الجاية

افيان ديه عادي خالص مش هتحس فيها بأي اختلاف لكن المفروض أنها معدنية بجد مش مياه طبيعية زي ما بيكتبو علي الباقي.

[canner]

افيان حلوة طبعا جدا بس اخر مرة اشترتها كانت الصغيرة ب 7.5 جنية و الكبيرة ب 15 جنية

[RAPID]

وفى مياه اسمها الغدير مقرفة وطعمها غريب الى ابعد حد !

[Dr.lancer]

أنا بسبب طبيعة عملى بعمل تحليل ميه كل شوية فى معامل خارجية .معظمهم كانوا تحت النسب العالمية يعنى مش خطر أنك تشربهم بس بعضهم نسبة الأملاح عالية شوية. بس بصراحة الوحيدة و بأكد الوحيدة اللى كانت النسب بتاعتها ستاندرد هى نستلة فقط.
ملحوظة أنا عملت تحليل الميه على أنواع (أكوافينا-نستله-شويبس-أكوا)

[ElectronicLife]

طيب ومياة الصنبور !!!!

[mohabelnegm]

نستلة-داسانى-أكوا فينا- أورجانيكا
على الترتيب فى ألأفضليه.

[friendship7897]

طيب ومياة الصنبور !!!!

وأردد نفس السؤال
لأننا في البيت بنشرب مياة الصنبور - علشان مياة جارية بدون خزانات
وفي الشغل علشان فيه خزان بشرب نسله
لأن دي مصروف تااااني خالص
على الجانب :
جبت مرة بالغلط مياة أفيان من السوبر ماركت مع بعض الطلبات
وكنت متوقعة أن الزجاجة ب3 أو 3.5 أو حتى 4 وبعد ما دفعت الفاتورة
إتضح إنها 15 ج

[S O P H O S]

ربنا يستر من الميه دي

[Ahmed_selmy]

انا بردوا من حزب مياة الصنبور.

[Silent~Dream]

مياه صنبور مع فلتر محترم و الواحد يكبر دماغه من الغش و الدنيا دى