عجلة - مشاية ... ولا إيه ؟؟؟

[mesaharaty]

حسب رأى الطبيب فأنا أحتاج إلى أى طريقة رياضية لتنشيط الدورة الدموية ، ونظرا لعد وجود أى وقت نهائيا لرياضة المشى - اللى هى أبسط رياضة ممكنة لظروفى الصحية (مشاكل فى القلب)- فكنت أحتاج مساعدتكم فى ترشيح أنسب حاجة من الأدوات الرياضية (مشاية - عجلة - ... ) تسمح لى بالتمرين عليها فى أبسط صورة ودون تحميل عبء زيادة على القلب .
أنا فى الواقع ممكن أمشى كتير لأن المشى مش بيتعبنى لكن الجرى وطلوع السلم بيكونوا صعب جدا .


وكمان أنا بصراحة شايف إن المشاية حتبقى غالية فضلا عن إنى ماضمنش أجيبها وتكون عمليا صعبة فى التعامل معاها فيبقى كده حتتركن وأخسر تمنها .
وبالنسبة للعجل برضه خايف أجيب أى حاجة تطلع أى كلام أو تكون صعبة وتقيلة فى حركتها وتبقى مجهود زائد ماعرفش أتعامل معاها .
حد ليه تجارب فى الأدوات الرياضية دى ويدينا رأى سديد وترشيح كويس ؟؟

مع ألف شكر للجميع وكل عام وأنتم بخير وسعادة

[saddam]

صديقي المواطن
عن تجارب العجلة.الرياضية.الثابتة سريعة الملل وحتتركن بسرعة
المشاية المانوال فاشلة وحتتركن بسرعة
أنجح حاجة المشاية الكهربائية نوع نظيف شوية وتحطها في مكان قدامه تلفزيون وتختار حاجة بتحب تتفرجها زي فيلم أو مسلسل وتشغلها مع بداية المسلسل وتوقف مع كل إعلان بكده حتحسها تجربة محببة.لقلبك.لكن تحطها في أوضة لوحدها حتزهق منها بسرعة
وشفاك الله
ودمتم.للنضال

[Ahmed_selmy]

صديقي المواطن
عن تجارب العجلة.الرياضية.الثابتة سريعة الملل وحتتركن بسرعة
المشاية المانوال فاشلة وحتتركن بسرعة
أنجح حاجة المشاية الكهربائية نوع نظيف شوية وتحطها في مكان قدامه تلفزيون وتختار حاجة بتحب تتفرجها زي فيلم أو مسلسل وتشغلها مع بداية المسلسل وتوقف مع كل إعلان بكده حتحسها تجربة محببة.لقلبك.لكن تحطها في أوضة لوحدها حتزهق منها بسرعة
وشفاك الله
ودمتم.للنضال

+11111111111111111111111

[mohamed_selim]

لو هتمشى على مشايه او تركب عجله ماتنزل تلف حوالين البيت ؟

[AboELsoud]

المشايه الكهربائيه حلوه فعلا

مفيهاش تعب اطلاقا الارض بتمشي تحتيك و انت و بتحرك رجلك فوقيها :)

بسيطه جدااا في التعامل زرار (start) و تمشي شويه و زرارين لزياده السرعه و تقليلها و زرار (stop) بعد ما تخلص بس مضغطش و انت ماشي بسرعه يعني نزل السرعه تدريجي و بعدين ستوب

باقي الزرارير اللي بتبقى فيها بتبقى (programs) للمحترفين يعني هيه اللي تقعد تزود السرعه و تبطىء و شويه تخليك تجري و شويه تمشيك و تقريبا محدش بيشغل البروجرامز دي خالص ( زي غيارات L و L2 في الاتوماتيك لو مش عايز تجبهم مفيش مشاكل

و بيبقى فيها مكان تحط فيه ايديك يديك على الشاشه عدد ضربات القلب

و بيبقى فيها نظام امان بسيط عباره عن خيط متصل بين المشايه و بينك ( بتعلقه في التيشيرت بعلقيه موجوده في الخيط - كلبس - ) عشان لو لا قدر الله اللي ماشي تعب و وقع يتشد الخيط تقوم المشايه تقف لوحدها

فيها ميزه كمان للستات او البنات اللي بتبقى عايزه تمشي يراحتها بلبس خفيف عادي ماهي جوه البيت

بس هيه للاسف بتبقى اغلى من المانيوال و العجله بس مفيده ان شاء الله

[أبو آسر]

صديقي المواطن
عن تجارب العجلة.الرياضية.الثابتة سريعة الملل وحتتركن بسرعة
المشاية المانوال فاشلة وحتتركن بسرعة
أنجح حاجة المشاية الكهربائية نوع نظيف شوية وتحطها في مكان قدامه تلفزيون وتختار حاجة بتحب تتفرجها زي فيلم أو مسلسل وتشغلها مع بداية المسلسل وتوقف مع كل إعلان بكده حتحسها تجربة محببة.لقلبك.لكن تحطها في أوضة لوحدها حتزهق منها بسرعة
وشفاك الله
ودمتم.للنضال

هو ده اللي أنا بعمله حاليا بالضبط
اشتريت مشاية كهرباء بالقسط دفعت 1350 تقريبا مقدم والباقي 275 * 12 شهر مش هتحس بيهم اعتبرهم تمن دستين جاتوه من لابوار
حطيت المشاية قدام التليفزيون وبشغل برنامج من اللي بحبهم وبمشي ساعة وبتعدي هوا لأني ببقى مشغول بالبرنامج بس بعد ما الساعة بتخلص بحس كإني مشيت 3 ساعات في الشارع يعني استفادة مضاعفة
توكل على الله وهات مشاية كهربا بس لو حضرتك من النوع اللي بتزهق بسرعة أو مفيش هدف معين من وراء المشي هتمل وهتركنها وهتخسر فيها لو بيعتها فأهم شيء العزيمة والإصرار وتحديد الهدف

[M!SHO]

هي بكام يا جماعه وهي انواع ولا ايه ؟

[أبو آسر]

هي بكام يا جماعه وهي انواع ولا ايه ؟

انا اشتريت بتاعتي من الشركة دي
المشاية الكهربائية | شركة التوحيد للأجهزة الرياضية

[mk3]

انا اشتريت بتاعتي من الشركة دي
المشاية الكهربائية | شركة التوحيد للأجهزة الرياضية

الراجل ده انا شارى منه وممتاز شغله اهم شئ الزيت فى المعاد
انت اخذت بالك ان حنى اليافطه مش موجوده لكن المعرض جوه ماشاء الله

[أبو آسر]

الراجل ده انا شارى منه وممتاز شغله اهم شئ الزيت فى المعاد
انت اخذت بالك ان حنى اليافطه مش موجوده لكن المعرض جوه ماشاء الله

أنا اشتريت منه مالتي جيم قبل كده والمرة دي جبت مشاية وعمري ما روحت المحل ولا أعرف شكله حتى :)
أنا بطلب الأوردر بالتليفون بعد ما أشوفه على الموقع وبيجبهولي لحد عندي وياخد المقدم ويكتبني الإيصالات ويركبهولي وبعدين يحصل الأقساط كل شهر كل ده من البيت

[wael_dosoky]

لا أرشح لك العجلة ولا المشايه العادية لأن دول بيجيبوا خشونة
المشايه الكهربا افضل لكن لو بتزهق او بتمل بسرع يبقي ما تجبهاش
فيه ابو الجوخ عنده صفحة علي النت بيستورد مشايات لحسابه وبيصينها ودي مهمة
لو هتشتري اشتري من مكان معروف