استفسار عن طريقة النت بالقمر الصناعي

[amr100]

انا بستفسر عن طريقة النت عن طريق القمر الصناعي والدش والاحتياجات ونوع الريسيفر والطبق حجمه

يكون ايه السعر ولو فيه حد يعرف يعمله هو فين يعني باختصار عاوز شرح مفصل ليه

[dr.hazem]

اخر مرة سالت عليه عرفت انه ممنوع وبيتركب تهريب وعلى مسؤوليتك وبيتكلف مبلغ محترم....
مخضتش اكتر لانه حوار كبير انا مش قده..
تحياتي

Sent from my Xperia Arc S using Forum Runner

[saddam]

صديقي المواطن
ده تقريبا آخر مرة كان.سعره 850 جنيه وبتدفع.إشتراك 120 جنيه كل شهور وأنا أساسا عندي جهازين ولازم تعرف حد يركبهولك أمين ﻷن هو ده اللي حيروح كل شهر يدفعلك إشتراك وطبعا إنت عارف إن الدش ده فيه كل المفسدات ال 15'وأيضا به رياضة وأي آر تي ولكن مبيفتحش أوربت شوتايم وبالتوفبق
ودمتم.للنضال

[Dr_Mido]

صديقي المواطن
ده تقريبا آخر مرة كان.سعره 850 جنيه وبتدفع.إشتراك 120 جنيه كل شهور وأنا أساسا عندي جهازين ولازم تعرف حد يركبهولك أمين ﻷن هو ده اللي حيروح كل شهر يدفعلك إشتراك وطبعا إنت عارف إن الدش ده فيه كل المفسدات ال 15'وأيضا به رياضة وأي آر تي ولكن مبيفتحش أوربت شوتايم وبالتوفبق
ودمتم.للنضال

هو حضرتك فهمت سؤاله؟

[Ahmed_selmy]

بص يا غالى احنا علشان شغلنا فى الصحراء , فلازم بيكون النت عن طريق طبق دش, وبتكون المكونات كالتالى:
1- طبق 120 سم مخصوص لهذا الغرض
2- LNB مخصوص بردوا لهذا الغرض
3- جزءين اسمهم ال RX , TX ودول بيركبوا على الLNB وبيتوصل كل واحد فيهم بكابل زى كابل الدش العادى والطرف الاخر بيروح على الrouter
4- router و عندنا نوعه IDirect
بتوصل طبعا الطبق و فيه ال LNB وبركب عليه القطعتين بتوع ال RX و TX وبيركب على كل واحد فيهم كابل ينزل على اطراف فى الrouter
بالنسبه للاسعار بصراحه معنديش فكرة لان الشركه هى اللى بتدفع بس اسمع انه غالى .

[Eng_hatemfathy]

النقطة مش ارسال واستقبال داتا على dish antena النقطة مين السيرفيس بروفيدر وهيتم التعاقد معاه ازاى ومين هيظبط بروتوكول الاتصال والادريس فورمات وهل قانونى ولا لأ وهل فى تصريح من مرفق تنظيم الاتصالات ولا لأ
كل ده لازم يتعمل لاى شركة واعتقد ان شركة حضرتك بتحمل سيجنال داتا عادية (انترنت ) على كاريير بتردد معتمد من مرفق تنظيم الاتصالات او على ساتلايت تشانيل مؤجرة مثلا من الكان وبتستقبلها بعد كده
الموضوع محتاج تفصيل شوية من حد بيعمل الموضوع بنفسه
ومتابع للاستفادة

[M.Osama]

صديقي المواطن
ده تقريبا آخر مرة كان.سعره 850 جنيه وبتدفع.إشتراك 120 جنيه كل شهور وأنا أساسا عندي جهازين ولازم تعرف حد يركبهولك أمين ﻷن هو ده اللي حيروح كل شهر يدفعلك إشتراك وطبعا إنت عارف إن الدش ده فيه كل المفسدات ال 15'وأيضا به رياضة وأي آر تي ولكن مبيفتحش أوربت شوتايم وبالتوفبق
ودمتم.للنضال

حضرتك فهمت غلط.. هوا يقصد انترنت عن طريق الدش.. وليس دش عن طريق الانترنت :)

[الجنرال]

في شركة في عمارات العبور (للاسف مش فاكر اسمها دلوقتى) هيا اصلا متخصصة فى الانترنت عن طريق الستالايت .. افتكر ان الاسعار من سنتين في حدود 500 جنيه وانت طالع اشتراك شهري حسب السرعة + مصاريف الجهاز والتركيب تدفع مرة واحدة كانت حوالي 2500 (مش متأكد من الرقم ده)

[الجنرال]

الشركة اسمها ايجيبت سات

EgyptSat - Satellite Internet

[h_shahin]

الموضوع قانون و بتصريح من الحكومة و مفيهوش حاجة مخالفة و بتقدمة شركة إيجى سات
و كان الإستقبال عن طريق القمر الصناعى و الإرسال عن طريق التليفون العادى
لكن حاليا فيه نظام إرسال و إستقبال عن طريق القمر الصناعى على طول
و الخدمة بتتكلف تكاليف الأجهزة و المعدات الأول و بعد كده إشتراك شهرى و الإشتراك الشهرى بالدولار أو اليورو

و دة موقع الشركة EgyptSat

[abouzaid555]

نفسى اعمل الموضوع ده لان مكان عملى فى الصحراء الغربية و مفيش شبكة موبايل اصلا يعنى لو الموضوع ده فى حدود 2000 جنيه فى الاول و اشتراك فى حدود 200 جنيه انا موافق