المستر والميس

[hugan]

من فتره وفي موضوع شاغلني
لما كنت في ابتدائي واعدادي
كنا بنلقب المدرس بالاستاذ فلان
والمدرسه السيده بابله
وماكانش لقب المستر غير لمدرس الانجليزي في اعدادي
ولما طلعنا ثانوي
كان المدرسين الرجال
لقبهم بك بيه يعني
مفيش مدرس يتقال له ياستاذ او مستر في ثانوي دايما بيه
مش عارف ايه اللي حصل
ولادي واحد في اعدادي والثاني في صف سادس
والبنتين ابتدائي
كل المدرسين الرجال مستر فلان
والسيدات ميس فلانه
اقوله يابني مستر ايه وميس
جبتوا الكلام ده منين
اسمه استاذ او ابله
يقولي يابا انت قديم قوي مفيش الكلام ده
اقوله حتي مدرسين العربي والدين
قديما كان اسمه الشيخ
العيال مفبش علي لسانهم غير مستر وميس
حتي المواد الاجتماعيه
سموها دراسات
اجي اذاكر معاه تاريخ ولا جغرافيا
اقوله يابني هات كتاب المواد الاجتماعيه
يقولي مفيش حاجه اسمها مواد اجتماعيه
مش عارف انا اللي قديم ولا الدنيا انقلب حالها

[eslamrace]

لا الدنيا اللى انقلب حالها مش احنا اللى قدمنا ولا حاجه لان لو تلاحظ ايام الثانوى عندنا كانت علاقتنا مع الاساتذه منفتحه اكتر بس بحدود ومع وجود الاحترام دلوقتى طالب الثانوى بيبقى المدرس قلقان منه ولو مدرسه محترمه بيبقى المدرس العلاقه بينه وبين الطلبه علاقه منفعه ليس الا .
التعليم باظ وعمر البلد محتتصلح من غير البدء بالتعليم والاصلاح لو حصل مش حيفرق الطالب يقول للمدرس استاذ ولا مستر المهم انه حيطلع انسان محترم
ربنا يعينك على تربيتهم ويخليهم لك ويقدرك على اخراج جيل محترم فى الوقت اللى لازم تعتبر المدرسه فيه وسيله افساد لاودلادك مش وسيله تربيه مساعده ليك وحمل التربيه واقع عليك بس .
ربنا معاك.

[saddam]

صديقي المواطن
التربية تبدأ.من.البيت وأنا حربي ولادي إني لا يمكن أزعل أو أروح أدافع عن إبني لو مدرس أو مدرسة شافته بيغلط وضربته وإعرف إنك لو جرأت أولادك على عدم إحترام المدرس فلتعلم إنك سبب خرابهم وبالتوفيق

ودمتم للنضال

[Ahmed_selmy]

مستر وميس دى من زمان اوى ......احنا كنا بنقولها وعلى فكرة انا عندى 30 سنه يعنى مش صغير.....حضرتك بس اللى مش متابع.

[A_H_M_A_D]

اعتقد ان الموضوع ده بدأ مع بداية انتشار مدارس اللغات , اكيد هم اول تلاميذ استخدموا المستر و الميس , وبعد كده انتشرت في بقية المدارس العربي و الحكومية كنوع من التقليد

مع ان ميس دي المفروض تتقال للأنسه بس , والمتزوجه مسز أو مدام , بس اهو تقليد وخلاص من غير تفكير

[kar!m]

انعدام الهوّيه ..

[S O P H O S]

لا ده التطور او ما يسمي بذلك
بس استاذ او مستر او بيه مش مهم
المهم يعلموا الاولاد صح ويرعوا ربنا فالجيل ده

[hugan]

لا الدنيا اللى انقلب حالها مش احنا اللى قدمنا ولا حاجه لان لو تلاحظ ايام الثانوى عندنا كانت علاقتنا مع الاساتذه منفتحه اكتر بس بحدود ومع وجود الاحترام دلوقتى طالب الثانوى بيبقى المدرس قلقان منه ولو مدرسه محترمه بيبقى المدرس العلاقه بينه وبين الطلبه علاقه منفعه ليس الا .
التعليم باظ وعمر البلد محتتصلح من غير البدء بالتعليم والاصلاح لو حصل مش حيفرق الطالب يقول للمدرس استاذ ولا مستر المهم انه حيطلع انسان محترم
ربنا يعينك على تربيتهم ويخليهم لك ويقدرك على اخراج جيل محترم فى الوقت اللى لازم تعتبر المدرسه فيه وسيله افساد لاودلادك مش وسيله تربيه مساعده ليك وحمل التربيه واقع عليك بس .
ربنا معاك.

معاك ان مفيش تعليم في مصر
والمدرسين والمدرسات شغالين علي تحصيل اموال من اكبر عدد من الطلبه
والعلاقه نفع واستنفع
اما نقطه المدرسه مكان لاصلاح الاولاد او افسادهم
بكل تاكيد مكان لافسادهم

صديقي المواطن
التربية تبدأ.من.البيت وأنا حربي ولادي إني لا يمكن أزعل أو أروح أدافع عن إبني لو مدرس أو مدرسة شافته بيغلط وضربته وإعرف إنك لو جرأت أولادك على عدم إحترام المدرس فلتعلم إنك سبب خرابهم وبالتوفيق

ودمتم للنضال

نورت الموضوع صدام باشا
عمري ما ادافع عن ابني لو غلط سواء في الدرسه او خارجها
ودومت للنضال

[hugan]

مستر وميس دى من زمان اوى ......احنا كنا بنقولها وعلى فكرة انا عندى 30 سنه يعنى مش صغير.....حضرتك بس اللى مش متابع.

ممكن فعلا انا مش متابع
لكن كنت في ثانوي فياواخر الثمانينيات مش كبير قوي
لكن انا ماشوفتهاش لحد ثانوي

اعتقد ان الموضوع ده بدأ مع بداية انتشار مدارس اللغات , اكيد هم اول تلاميذ استخدموا المستر و الميس , وبعد كده انتشرت في بقية المدارس العربي و الحكومية كنوع من التقليد

مع ان ميس دي المفروض تتقال للأنسه بس , والمتزوجه مسز أو مدام , بس اهو تقليد وخلاص من غير تفكير

ايوه مدرسه الانجليزي في اعدادي كانت بتقول كده
الله ينور فكرتني والله

انعدام الهوّيه ..

هي دي مصر

لا ده التطور او ما يسمي بذلك
بس استاذ او مستر او بيه مش مهم
المهم يعلموا الاولاد صح ويرعوا ربنا فالجيل ده

شكر لمرورك
عايز اقولك ان ابني بياخد درس دراسات او مواد اجتماعيه
المدرس بيشرح له ان عبده النار قبل الاسلام كان اسمهم صائبه
سمعت الكلام ده وماستحملتش
بعد الدرس قولت لابني
قول للمدرس بتاعك ان عبده النار اسمهم مجوس
تخيل جهل المدرس وصل لحد فين

[ElectronicLife]

انا عندى17 سنة وفى 2 ثانوى بسمبعرفش اقول مستر ولا ميس دى خالص مش عارف لية بحس انها ماسخة كدة :d المدرس استاذوالمدرسة ابلة وفى مدرسات كبار عندنا يعنى الى سنها بتعا حاجة و 50 كدة بنقولها يا حاجة :d

[hugan]

انا عندى17 سنة وفى 2 ثانوى بسمبعرفش اقول مستر ولا ميس دى خالص مش عارف لية بحس انها ماسخة كدة :d المدرس استاذوالمدرسة ابلة وفى مدرسات كبار عندنا يعنى الى سنها بتعا حاجة و 50 كدة بنقولها يا حاجة :d

اه كده معقول
لقيت حد بيتفق معايا

[MohammedAladel]

لا ده التطور او ما يسمي بذلك
بس استاذ او مستر او بيه مش مهم
المهم يعلموا الاولاد صح ويرعوا ربنا فالجيل ده

إيه التطور فى كدا ؟ بالعكس دى الرجعية بعينها !

[MohammedAladel]

بلاش دى

وأنا باخد درس فى مادة علينا فى الكلية عند واحدة اسمها مارى الشباب معايا كانوا بيقولولها يا ميرى

اللى أعرفهم كنت بقولهم عيب يا جماعة متقولوش ميرى

لحد ما فى مرة قالت لهم هى بهزار كدا مارى مقبولة لكن ميرى دى مش حلوة خالص

هما فاكرين انهم بيدلعوها :)

[lena jo]

الكلام دة قديم من اول ما كان فيه مدارس لغات. ولا هو تطور ولا رجعية ولا فقدان هويه ولا ليه علاقة بالتعليم نفسة مع احترامي لاصحاب هذه الاراء .انا من زمان اوي وكنت في مدرسة لغات راهبات من حضانه اللي هي الان kg 1 الي المرحلة الثانوية و المدرسين بيلقبوا ميس وميسزللمتزوجه و مادموازل و مدام لمدرسات الفرنساوي و للرجال مستر ماعدا واحد كان اختار سير زي الجيش مش عارفه ليه . وواحد بس من مدرسين العربي كنا بنقوله استاذ. و رغم كده الحمد لله احسن تعليم للغة العربية ايامها كان فعلا في المدارس دي . كان بيدرسلنا مدرس عربي في 6 ابتدائي بيملينا املاء من مقالة في الجرنال وفاكراها والله الي الان تخيلوا فيها عبارة (وكالة اسوشايتد برس) .طبعا دي لا تنسي لكن كان بيحاول يدربنا كويس . و الله كانت ذكريات جميلة. المهم ان رغم ان المدرسة راهبات الا ان الهوية الدينية لم تتاثر ابدا و كان ليا اصحاب مسلمين و مسيحيين من الطفوله ومفيش اي مشكلة و فاهمين ان كل واحد له دين مختلف يشترك في الاخلاقيات الرفيعة زي مافهمونا ببساطة. و الحمد لله كان ايامها فعلا تربية و تعليم. المهم المدرسين يعرفوا يدرسوا و يكونوا شاطرين اساسا ولا اعتقد ان ايامنا الحالية افضل من الماضية .