عايز اجيب هديه!!!!!!!!!!!

[midoabdeen]

السلام عليكم ورحمه الله وبركاته

مديرى عيد ميلاده الاسبوع اللى جاى وعايز اجيب هديه ليه
هو راجل عزيز اوى عليا بصراحه ومش عارف اجيب ايه
عايز حاجه فى حدود 250-300 مش اكتر من كده
بس طبعا تكون حاجه قيمه
ياريت اللى يعرف مايبخلش عليا علشان انا مش عارف اجيب ايه الصراحه
وشكرا

[AboELsoud]

ما تفتكر الاول كده اهتماماته ايه و بيحب ايه و لما تدخل مكتبه بيبقى حاطط ايه على المكتب ( ايه نظام شخصيته يعني )
و كده ممكن تلاقي افكار و تصغر موضوع البحث شويه

[saddam]

صديقي المواطن
تروح شارع فؤاد.وتطلع عمارة.البدل تجيبلو بدلة لون.مميز ب 350 ومقاس تقريبي وتمام كده كل ما يلبسها يفتكرك
أو تجيب تورتة عليها صورته أو جزمة جلد وساعة وكرافتة وحزام برضو حتعمل 300 أو لو كان من المدخنين والعياذ بالله تجيبله علبة سيجار مع ولاعة فخيمة أشكال غريبة مع برفيوم مميز وبرضو دول 300 جنيه واﻹختيارات كثيرة
ودمتم للنضال

[Moustafa.yonis]

بيرفيوم

شوف ايه نوع البرفيوم اللي هو بيفضله

او لو مش عارف هات اي حاجه كويسه وخلاص هوجو مثلا

ولفها كويس وقشطه

[megaman]

اطلع على مكتبة سمير وعلى وهاتله قلم باركر شيك عندهم من 65 الى 1500 متهيالى حتبقى هديه فى الجون شكرا

[eng.octooo]

قلم باركر او لو كدخن تبقى ولاعة زييبو

[ابو لؤى]

شوف ايه نوع البرفيوم اللي هو بيفضله

او لو مش عارف هات اي حاجه كويسه وخلاص هوجو مثلا

ولفها كويس وقشطه

هوجو دى انقرضت يا كبير فى دلوقتى حاجات احلى تحياتى

[Eng.Mina]

انا بأيد القلم الباركر هدية مناسبة فعلا

[micromoud]

حضرتك ممكن تجيبله حاجة كريستال مكتوب عليها اسمه يحطها فى البيت او على المكتب وهتلاقى الحجات دى فى كريستال عصفور

[mr.a]

[midoabdeen]

شكرا جدا على الافكار الجامده دى
فكره البرفان والقلم الباركر كويسه جدا
بس انا لو هجيب قلم مثلا ب 200-250 ج فى الاخر اسمه قلم هل هيبقى حاجه قيمه وباين انه غالى وكده
معلش اصلى عمرى ما نزلت اشتريت اقلام غاليه قبل كده
وكمان لو هجيب برفان اجيب منين وياريت ترشحولى حاجه كويسه هو سنه نعدى ال50 سنه
وهل الميزانيه تكفى القلم والبرفان ولا لا
وشكرا ليكوا جدا والله

[estimation]

معلش بس سؤال جانبي هو لو مديرك دة ساب الشغل دلوقتي هتعبره ولا هتفكر تصرف جنيه عليه ؟؟؟؟!!!!!!!!!!

[midoabdeen]

هههههههههههههههه

انا اعرف الراجل دا من 7 سنين تقريبا وهو مديرى من شهرين بس على فكره

والغريب بقى لو قولتلك انه بيعامل الناس كلها احسن منى مع انى متاكد مليون فى الميه انه بيعزنى جدااااااااااااااا
بس هو ماعندوش حاجه اسمها معرفه فى الشغل الشغل شغل

مش نفاق ياباشا متقلقش

[amr011111]

بص فيه ماكينة حلاقة جيليت فانتوم بحوالى 85 جنيه او اعتقد فيه نوع احدث كمان بس مش فاكر اسمه ب 135
مع اربع امواس ب 115 جنيه كمان على علبة فوم حلاقة
يبقى كويس

[midoabdeen]

بص فيه ماكينة حلاقة جيليت فانتوم بحوالى 85 جنيه او اعتقد فيه نوع احدث كمان بس مش فاكر اسمه ب 135
مع اربع امواس ب 115 جنيه كمان على علبة فوم حلاقة
يبقى كويس

هى فكره كويسه
بس متهيئلى مش قيمه اوى بالنسبه ليه ولا انت ايه رائيك