عايز اطلع حاجه لله ....هل من افكار؟؟؟؟؟

[midoabdeen]

انا عايز اطلع حاجه لله

انا اصلا مش بحب اطلع فلوس علشان مش ضامن الجهه اللى هتتصرف فيها
كنت بجيب مواد غذائيه واقسمها واوزعها ياعنى حاجه لوجبه متكامله زيت وسكر 1/2 لحمه مثلا

هل فى افكار جديده الواحد ممكن يعملها

[ahmedteam]

هات كراسى متحركه و اتبرع بيهم لمستشفى او دار مسنين

او اتبرع لزواج اليتيمات

او شارك فى وحده غسيل كلوى لمستشفى خيرى

الخير كتييير بس اسأل كويس و ربنا يوفقك للخير و يجعله صدقه جاريه فى ميزان حسناتك

[midoabdeen]

كويس الفكره دى

هل من افكار اخرى

[mohammedgido]

حضانات الاطفال حديثي الولادة المجانية
دي من افضل الاماكن الي ممكن تتبرع ليها بفلوس

[friendship7897]

ما شاء عليك


وجزاك الله خيراً لكتابة هذا الموضوع


لعلنا نتذكر


"ما نقص مال من صدقة وما زاد الله عبدا بعفو إلا عزا وما تواضع أحد لله إلا رفعه "


وحاول تخلي الحاجة اللي لله دي صدقة جارية


(إذا مات ابن آدم انقطع عمله إلا من ثلاث :صدقة جارية أو علم ينتفع به أو ولد صالح يدعو له)


فالأفكار ممكن تكون :


زرع شجرة أو عدة أشجار في مدينة جديدة مثلاً


مبرد مياة في مكان مميز وبجانب كشك مثلاً لمتابعة صاحب الكشك للكوبايات ووصلة الكهرباء في فصل الصيف


وأي أعطال لا قدر الله ( يتصل بك )


لوازم المساجد : مكيف أو مكبر صوت أو سماعات أو مكنسة أو إسدالات صلاة أو مصاحف – حسب مقدرتك المادية


ممكن تروح دار أيتام : وإما أنا تختار طفل بعينه وتكفله وتدفع له ما تستطيع دفعه شهرياً أو تتبرع للدار عامة (أنا وكافل اليتم كهاتين في الجنة ) وأشار بإصبعيه السبابة والوسطي
وربنا يزيدك في ميزان حسناتك

[midoabdeen]

ما شاء عليك

وجزاك الله خيراً لكتابة هذا الموضوع

لعلنا نتذكر

"ما نقص مال من صدقة وما زاد الله عبدا بعفو إلا عزا وما تواضع أحد لله إلا رفعه "

وحاول تخلي الحاجة اللي لله دي صدقة جارية

(إذا مات ابن آدم انقطع عمله إلا من ثلاث :صدقة جارية أو علم ينتفع به أو ولد صالح يدعو له)

فالأفكار ممكن تكون :

زرع شجرة أو عدة أشجار في مدينة جديدة مثلاً

مبرد مياة في مكان مميز وبجانب كشك مثلاً لمتابعة صاحب الكشك للكوبايات ووصلة الكهرباء في فصل الصيف

وأي أعطال لا قدر الله ( يتصل بك )

لوازم المساجد : مكيف أو مكبر صوت أو سماعات أو مكنسة أو إسدالات صلاة أو مصاحف – حسب مقدرتك المادية

ممكن تروح دار أيتام : وإما أنا تختار طفل بعينه وتكفله وتدفع له ما تستطيع دفعه شهرياً أو تتبرع للدار عامة (أنا وكافل اليتم كهاتين في الجنة ) وأشار بإصبعيه السبابة والوسطي
وربنا يزيدك في ميزان حسناتك

موضوع المبرد ولوازم المساجد ودار الايتام دا كويس جدا
على فكره انا مش بحس انى عملت حاجه لله الا لما احس ان فى سعاده او انى خدمت حد زى مثلا موضوع الاكل دا انما انى ادى فلوس او احط فلوس مثلا فى دار ايتام لا لا لا
انما ممكن اجيب حاجه الناس تستفاد بيها او اكل وشرب

وهل عندك فكره الدار ممكن الواحد يطلع ليها قد ايه شهريا ياعنى مثلا لو هتكفل بمصاريف يتيم شهرى ممكن تبقى مصاريفه فى حدود كام شهريا ياعنى متطلباته واكله وشربه وكده

وهل حد يعرف فين دار الايتام الموثوق فيها الواحد ممكن يتعامل معاهم

[mem]

ربنا يجازيك خيرا باذن الله على روحك الطيبه
وبص حضرتك فى افكار كتيير منها

- قم بشراء مصاحف و أعطها لمن يستطيع القراءة ، في كل مرة يقرءون من هذه المصاحف سوف تكسب أنت حسنات .


2- قم بشراء كرسي متحرك ، و قم بإرساله لمعاق ، أو مستشفى للمعاقين ، أو للذين لا يستطيعون شرائه ، و في كل مرة يُستخدم فيه هذا الكرسي سوف تكسب أنت حسنات .


3- قم بإعطاء كتب لأشخاص يستطيعون قراءتها سواء كانت هذه الكتب علمية أو دينية أو أي كتب أخرى مفيدة ، و في كل مرة يقرءون من هذه الكتب المفيدة سوف تكسب أنت حسنات .


4- قم بزيارة جامعات ، معاهد ، أو مدارس ، و اسأل عن الطلاب الذين يرغبون في التعليم و لكنهم غير قادرين على النفقات أو شراء المستلزمات من كتب و قم أنت بدفع المصاريف لهم و شراء الكتب ، و في كل مرة يقرءون من هذه الكتب و في كل مرة يستخدمون فيه العلم الذي ساعدتهم في الحصول عليه سوف تكسب أنت حسنات .



5- أدعية و أذكار قم بتحفيظ أو تعليم دعاء لأحد أو شراء كتب أدعية و وزعها ، في كل مرة يقرءون من هذه الأدعية أو يتذكرونها سوف تكسب أنت حسنات .


6- قم بإعطاء قرص ممغنط ( Cd ) يحتوي على معلومات علمية أو دينية ، و في كل مرة يتم استخدامه سوف تكسب أنت حسنات .

7- يمكنك وضع بعض المصاحف في المساجد فعندما تعرف أن هناك مسـجد تحت الإنشاء إذهب و قم بشراء أي شيء و لو بسيط للمشاركة في بنائه ، قد يكون هذا الشيء صفيحة قمامة ، أو سجادة ، أو حتى قم بتعليق دعاء ، و طالما ما زال هذا المسجد قائمًا فسوف يظل الشيء الذي ساهمت به موجود و سوف تكسب أنت حسنات .



8- قم بشراء براده لشرب المياه و ضعها في مكان عام و سوف تكسب أنت حسنات عن كل من يستخدمها .

9- قم بزرع شجرة ، فكل شخص ، أو حيوان سوف يستظل بها ، أو يأكل من ثمرها سوف تكسب أنت حسنات .

10 - سجادة صلاة ::
إذا اشتريت سجادة صلاة و أهديتها لوالدتك مثلا ، فإنه في كل مره تصلي عليها فروضها و تتهجد عليها فإنك تكسب حسنات بدون أي مجهود يذكر . و تخيل لو انك اشتريت مجموعه سجادات صلاه جيده وأعطيت عماتك وخالاتك .. فإنه في كل مره يصلو عليها تكسب حسنات ...

قيس عليها أنك تشتري سجاده و تضعها في مسجد أو تشتري سجاده وتهديها لمستشفى أو تشتري سجاده كبيرة لمدرسه وتخيل كم طالب راح يصلي عليها .

[DODGE2013]

عايز تطلع كام ؟؟؟؟ هاتهم وانا اوزعهملك ههههههههههههههههههه

بص حاول تحط الفلوس في مشروع ويبقى خيري

ممكن تفتح مزرعة دواجن وتبيع باسعار معقوله بحيث الفئه الي مكنتش عندها القدره تجيب فراخ تشتري

او تخلي نص الكميه بيع بالسعر العادي والنص التاني البيع باسعار رمزيه لناس تتاكد انهم محتاجين فعلا

وشويه ببلاش مثلا لو وجبات مجانيه لوجه الله

وكده يعتبر مشروع بيفيد ناس كتير ويصرف على نفسه

المشروع مش مكلف بالنسبه لمكن التفريخ ولا البيض او كتاكيت الخ الخ الخ

المهم فين الارض الي حيتعمل عليها ؟؟؟ ! ! !

وبردوا ممكن تساهم في جهاز غسيل كلوي او حد حيعمل عمليه تساهم بمبلغ او بالكامل ديه بتفرح ناس كتير وبتنقذ حد محتاج

[أبو آسر]

لو عجزت عن التبرع بنفسك ممكن تنوب عنك بعض الجمعيات الخيرية المشهورة والموثوقة وأظن أشهرها جمعية "رسالة" والجمعيات بتوصل لناس معدمة وبيبقى عندها قاعدة بيانات لناس محتاجين فعلا وبتعمل مشروعات خيرية كمدارس ومستشفيات وكفالة أيتام وغيره وحاجات صعب الفرد العادي يعرفها بنفسه
والميزة في رسالة انك ممكن تحدد النشاط اللي عايز تتبرع ليه يعني مش هتتبرع وخلاص ومتعرفش فلوسك رايحة فين ! لا انت بتتبرع وبتحدد اذا كنت عايز تتبرع لمستشفى خيري ولا كفالة مريض ولا تعليم مجاني ولا رعاية مسنين ولا كفالة أيتام ... إلخ
أما لو تعرف حد بعينه ومتأكد من إنه محتاج فعلا مش بيمثل زي معظم متسولين الشوارع فطبعا ده يبقى كويس وهتحس بالصدقة فعلا لما تديله الفلوس بايديك
وربنا يجزيك خير ويعينك وإيانا على فعل الخير

[abokoko]

فكر فى حاجة متعلقة بالعلاج
يعنى لو ساهمت فى انشاء مستوصف خيري ( شعبي ) هيكون حاجة كويسه حضرتك عارف اسعار الكشف فى العيادات الخاصة اسعاره رهيبه للغلابة
كمان اسعار الادوية ممكن تبقي عائق


فى حاجة تانيه فى نفس الموضوع
وهو المساهمه فى شراء الاجهزة التعويضيه للمرضي
لان اجهزة التامين الصحى بيكون مستواها متدنى


ممكن لو اخترت حاجة من دول
ممكن تذهب الى البنك وتضع وديعة لصالح المستوصف او مكان تصنيع الاجهزه الطبيه وتربطهم ببعض
مش عارف الطريقة بس بالسؤال ممكن تنفذها وبالطريقة دى يبقي عائد الوديعه صدقة جارية ومستمرة
وممكن تبقي تزودها فى المستقبل

[Ramy_2R]

روح صيدلية إسأل عن المرضى ال بيجوا غير قادرين عى الدفع
او المرضى المديونين و سدد عنهم الدين

[أبو آسر]

ده موقع جمعية رسالة وفيها وسائل التبرع ولو اتبرعت بالفيزا هيديك شوية اختيارات لو حبيت تتبرع لحاجة معينة مش تبرع عام
كيف تتبرع - Resala

وبرده بنك الطعام المصري بيطعم ملايين الأسر وده موقعهم برده ممكن تبرع أونلاين لو عندك فيزا
الصفحة الرئيسية | Egyptian Food Bank

[طارق _عبد السلام]

ربنا يجعله فى ميزان حسناتك ان شاء الله

ممكن تشوف بنت عروسه اهلها غير قادرين على تجهيزها وتساعدها .. وممكن الموضوع ده مع شاب متعثر فى الزواج

ممكن برضوا تروح لبقال تكون تعرفه او اى حد يعرفه كويس وعنده ناس مديونين (شكك يعنى ) وتكون ظروفهم صعبه فعلا وتسدد عنهم لاتتصور فرحه الناسى المساكين دى

لو دخلت اى مستشفى عام وهناك عمليات فى الانتظار بيكون لها مصروفات عمليه ممكن تتكفل بكم مريض غير قادرين انا شوفت الكلام ده فى مستشفى الجامعه فى طنطا وكتير كانوا غير قادرين على دفع الفين او ثلاثه الاف جنيه فى قسم جراحه المخ

ربنا يقدرك على فعل الخير

[Land_Cruiser]

ممكن تروح مدارس او جامعات حكومية و تعرف منهم الطلبه الغير قادرين علي سداد المصروفات و تسددها او حتي جزء منها بالنيابه عنهم و ممكن تعمل نفس الفكره برضه لو تعرف محلات بتبيع بالتقسيط و عندهم عملاء مش بيسددوا و معرضين للسجن

[hossam eldeen]

اولا جزاك الله كل خير ,, وخصوصا في الايام الجميله دي اللي ربنا اقسم بيها فالقران ,, بِسْمِ اللَّهِ الرَّحْمَنِ الرَّحِيمِ ( وَالْفَجْرِ * وَلَيَالٍ عَشْرٍ) س الفجر
ثانيا , ان من اكثر الحاجات اللي ربنا بيحبها هي اطعام الطعام مصدقا لقوله تعالي ( وَيُطْعِمُونَ الطَّعَامَ عَلَى حُبِّهِ مِسْكِينًا وَيَتِيمًا وَأَسِيرًا ) سورة الانسان ..
وفي كمان قاعده فقهيه بتقول ,,( دراء المفسده مقدم علي جلب المنفعه )
يعني الافضل ان حضرتك توجه نفقاتك الي الاعمال الخاصه بالمرضي ويفضل يد بيد ,, يعني لو تعرف حد مريض يبقي افضل وبعد كدا المستشفيات مثلا ,, ثم اطعام الطعام , تجيب اكله توزعه او تدي فلوس زي ما حضرتك كنت بتعمل ,
دا الترتيب حسب الافضليه , وبعد كدا بقي تأتي اي حاجه تانيه ,, وكلـــــــــــــــــــه ان شاء الله هاتخد الاجر والثواب عليه , وَمَا أَنفَقْتُم مِّن شَيْءٍ فَهُوَ يُخْلِفُهُ وَهُوَ خَيْرُ الرَّازِقِينَ س البقره
والله اعلم ,,