وايرلس في البيت ؟!

[Amr Nasir]

بسم الله الرحمن الرحيم




مشترك في نت دي اس ال و جايب سلكة من واحد في العمارة .... بس عاوز وايرلس و الراوتر مفيهوش وايرلس .... مفيش مثلا جهاز اجيبة اوصلة بسلكة النت و يطلع منة اشارة ويرلس ؟؟ ... لو في حاجة زي كدة سعرها في حدود كام ؟؟



سؤال اخر في راوتر بيشتغل بشريحة بينات ؟؟؟ لو في كام سعرة في حدود كام

[ramymechanics]

حضرتك فى حاجات من غير ولا جنيه . .. تنزل برنامج عاللاب اسمه virtual router manager أو أى برنامج هوت سبوت تانى هيعمل لك اللاب بتاعك راوتر ... بس طبعا لازم يكون الللاب فيه واى فاى والموبايلات الحديثة كلها فيها الأوبشن دة لو عاوز تعمل موبايلك راوتر واى فاى أنا اما بتزنق وانا برة وعاوز ابعت حاجة من اللاب بعمل كدة

[Amr Nasir]

حضرتك فى حاجات من غير ولا جنيه . .. تنزل برنامج عاللاب اسمه virtual router manager أو أى برنامج هوت سبوت تانى هيعمل لك اللاب بتاعك راوتر ... بس طبعا لازم يكون الللاب فيه واى فاى والموبايلات الحديثة كلها فيها الأوبشن دة لو عاوز تعمل موبايلك راوتر واى فاى أنا اما بتزنق وانا برة وعاوز ابعت حاجة من اللاب بعمل كدة

انا جربت الطريقة دية قبل كدة .... بس كان بيقطع كتير و اشارتة ضعيفة ... فقولت لو اشتريت جهاز يمكن يكون افضل

[ahmed 3atef]

انا جبت جهاز اسمه اكسس بوينت توصل فيه سلك النت وهو يحول النت من سلكي الى لاسكي وتعمله باسورد وتعييش بقى ياباشا

[sfahmy6]

السلك اللى انت واحده من جارك .......ممكن تركبه فى جهاز اسمه access point ده بيطلع وايرلس
ده بيستخددموه بتوع الشبكات اصلا لتقويه الاشاره .....تقدر تقول ان الفوق بينه والروتر ...ان الراوتر اللى بيركب فيه سلك النت الاصلى ...وده بيوزع منه بعد كده

انا كنت شاريTB link من زمان ب160 ....بس فيه واحد بيقولى انه بقى بمتين وشويه كده ...انا معرفش السوق مممكن 230 حاجه كده يعنى ...وهوه على فكره مش احسن نوع ولا حاجه بس بيقضى الغرض
وخلى بالك انه مبيعملش اى حاجه تانيه فى حياته غير كده

الطريقه اللى فوق لو انت عندك سلك النت الاصلى ....حلوه برضه وبتقضى الغرض
.والله اعلم

[Amr Nasir]

انا جبت جهاز اسمه اكسس بوينت توصل فيه سلك النت وهو يحول النت من سلكي الى لاسكي وتعمله باسورد وتعييش بقى ياباشا

جبتة بكام يا باشا

[Amr Nasir]

السلك اللى انت واحده من جارك .......ممكن تركبه فى جهاز اسمه access point ده بيطلع وايرلس
ده بيستخددموه بتوع الشبكات اصلا لتقويه الاشاره .....تقدر تقول ان الفوق بينه والروتر ...ان الراوتر اللى بيركب فيه سلك النت الاصلى ...وده بيوزع منه بعد كده

انا كنت شاريtb link من زمان ب160 ....بس فيه واحد بيقولى انه بقى بمتين وشويه كده ...انا معرفش السوق مممكن 230 حاجه كده يعنى ...وهوه على فكره مش احسن نوع ولا حاجه بس بيقضى الغرض
وخلى بالك انه مبيعملش اى حاجه تانيه فى حياته غير كده

الطريقه اللى فوق لو انت عندك سلك النت الاصلى ....حلوه برضه وبتقضى الغرض
.والله اعلم

شكرا علي ردك :)

[kelkholy]

بسم الله الرحمن الرحيم




مشترك في نت دي اس ال و جايب سلكة من واحد في العمارة .... بس عاوز وايرلس و الراوتر مفيهوش وايرلس .... مفيش مثلا جهاز اجيبة اوصلة بسلكة النت و يطلع منة اشارة ويرلس ؟؟ ... لو في حاجة زي كدة سعرها في حدود كام ؟؟



سؤال اخر في راوتر بيشتغل بشريحة بينات ؟؟؟ لو في كام سعرة في حدود كام

على ما اعتقد الزملاء جاوبو على اول سؤال اما بالنسبة للسؤال التانى طبعا فى موديلات كتيرة من الراوتر فيها وصلة لل adsl و ممكن تركب فيها شريحة بيانات مش بس كدة فى راوتر حاليا موجود تركب فيه شريحة بيانات فقط وتستخدمه انت والمجموعة بتاعتك فى اى مكان لانه جاى معاه بطارية بيتشحن وممكن البطارية تشتغل لمدة عشر ساعات متواصلة بس ده غالى شويه وفى منه 3g و 4g ، اما بالنسبة للاسعار معرفش بكام فى مصر لكن ممكن مع اى شركة من شركات الاتصالات عندك ممكن تتواصل مع خدمة العملاء ويبلغوك بالاسعار او تطلبه من خلال الانترنت

[mk3]

انزل اى مول البستان او السراج او سوق العصر واسال على اكسس بوينت تى بى لينك موديل 701 سعره من 180 جنيه حسب المكان

[د.محمود صلاح]

Acess point with switch عشان يطلع وايرلس ويكون فيه فتحة لديسك توب توصله النت بالسلك عادي

[h_shahin]

TP-LINK
عاملين كل حاجة

فيه ده
TP-Link 3G / 4G Wireless N Portable Router / TL-MR3020



و ده بيتوصل باليو إس بى موديم و بيشتغل بالكهربا و سعرة 275 جنيه

و فيه ده

TP-Link TL-MR3040 Portable Battery Powered 3G/4G Wireless N Route



و ده بيتحط فيه اليو إس بى موديم برضه بس بيشتغل بالبطارية و سعره 350 جنيه

و أخيرا فيه ده

TP-Link M5350 3G/Wi-Fi Portable Router



و ده بيتحط فيه شريحة البيانات على طول و بيشتغل بالبطارية برضه و سعره 460

الأسعار من موقع سوق و ممكن تكون أرخص فى المحلات

[damasry]

طيب بعد اذن صاحب الموضوع

اعمل ايه لو عندى انترنت وايرلس وعايز احوله لكابل فى حتة بعيدة عن الراوتر؟؟؟

[janagabr]

طيب بعد اذن صاحب الموضوع

اعمل ايه لو عندى انترنت وايرلس وعايز احوله لكابل فى حتة بعيدة عن الراوتر؟؟؟

هههههههه والله انت عسل انت ماشي عكسي وهتاخد مخالفة

[midoabdeen]

اهم حاجه خالى بالك لان لو اللى موصلك عرف كده هيفصل النت عنك او هيدفعك فلوس زياده
لانك كده هتستعمل النت على كذا جهاز ودا هيقلل السرعه لان السرعه هتتقسم على عدد اكبر من العدد اللى عنده هو فى السويتش اللى موزع منه

ونصيحه لازم تعرفه لانك كده هتبقى بتظلم باقى الناس اللى معاك فى الشبكه

انما بقى لو موافق هات سويتش دخل ليه الكابل اللى واصلك منه وخرج منه كابل تانى للكمبيوتر وكابل تالت للاكسس بوينت وبكده انت عملت شبكه فى شقتك كابلات و ويرلس

[kelkholy]

طيب بعد اذن صاحب الموضوع

اعمل ايه لو عندى انترنت وايرلس وعايز احوله لكابل فى حتة بعيدة عن الراوتر؟؟؟

فى هذه الحالة ممكن تستخدم Repeater و اى access point ممكن تشتغل Repeater
انت بس حط ال access point فى المكان اللى انت عايزه بس يكون فى مجال ال wireless وشغلها كا bridge وبعدين وصل الكابل لل access point ومنه للجهاز اللى انت عايزه