العنصرية

[ElectronicLife]

اليومين دول موضوع العنصرية دة زاد اوى يا جماعة كنت راكب اناوصحابى المترو راجعين من المدرسة وعادى جدن ركبنا فى عربية ووقفنا عند بابا المترو فكان فى دكتين فوشبعض كل الى راكبين فيهم اصدقاء عمل بس ناس كبيرة يعنى من 35 ل 50 مستهيئلى المهم بيتكلموا فى السياسة ووجع الدماغ دة صحابى كانو 6 وانا ال 7 معانا 2 مسيحيين من صحابى لاقيت الناس الكبيرة ديت بتقول اية ان يوم 30/6 دة كل الى نزلو فية هما الاقباط وان الاقباط كانو ضد الثورة وانهم وانهم وانهم وكلام كتير ملوش لزمة المهم لاقيت صحابى الاتنين دول اتحرجواجامد فانا رديت على الراجل وبقولو لية كدة دول اخواتنا وكلنا مصريين وبتكلممعاة كدة فجاءة بيقولى انتا مسلم قولتلوا اة قالى طول ما انتا بدافع عنهم يبقا انتا معندكش ايمان ولامتدين قولتو انتا شايف كدة قالى اة قولتلوا لا انتا الى مش فاهم حاجة فى الدين من اساسو وبتفتى قالى يا راجل قولتلوا اة قولتلوا مسلم او مسيحى او يهودى من اهل الكتاب دة اول شىئ تانى حاجة الدين لله وانتا ملكش فية انك تحكم على دة كافر ودة ملحد وتالت حاجة حتى لو يوم 30/6 كان كلوا اقباط هما مش مصريين وليهم حق فى البلد والمفروض يقولو راءيهم لاقيتو بيقولى انتا لسا صغير مش فاهم قولتلوا انتا صح انا غلطان من الاءول انى بتناقش معاك اية رائيكو يا جماعة بقا فى الموضوع دة لاءنو انتشر اوى اليمومين دول وبصراحة دى حاجة مش كويسة خالص لاءن لو استمرينا على كدة ممكن نتقسم ايوة ممكن نتقسم ....تحياتى

[saddam]

صديقي المواطن
كلمة.السر الجهل والتخلف هذه نتائجها

ودمتم للنضال

[Eng_hatemfathy]

صدقت

[mgheam]

العنصرية موجودة لدى كل الفئات والطبقات والاديان
مفيش في العالم مكان الناس مفيش عندها stereotype عن المختلفين عنهم وبتتعامل على اساسه مع الاخرين
نسبة التعليم او الثقافة عمرها مانقصت نسبة العنصرية لكن بتخليها من تحت لتحت بدل مايكون كلام صريح

[eslamrace]

ابحث عن ثقافه الناس دى حتلاقيها تحت الصفر وده بيسبب الحاله اللى انت شوفتها دى وفعلا العنصريه والتطرف فى الرأى انتشروا جدا فى مجتمعنا
بس بجد بحييك على رد فعلك الايجابى يمكن لو اتكرر الموقف ده معاه يراجع نفسه او يغير مصادر معلوماته .

[aminibrahim]

معلش يا جماعه ،،، العنصريه في كل مكان في العالم ،، في كل دول العلم دي ايطاليا فيها عنصريه بين الشمال والجنوب زي عندنا واللي يقول غير كده يبقي بيكدب علي نفسه لكن السوءال دون التحيز الي احد وانا بطبعي مش عنصري والحمد لله
والله انا لا اقصد منه اي شيء


لكن الكتاب الكريم بيقول ايه ،،لن ترضي عنك ،،،،، الي اخر الايه
ثانيا فيما معناه ولا يجوز قول ذللك انهم بعضهم اولياء بعض
وان الدين عند الله الاسلام واكيد في ايات اخري
مش يمكن الناس بتاخد الايات وتطبقها كما هي ،،، اذن ما هو التفسير رجاء الافاده
تاني مره انا لا اقصد اي شيء

[subhimust]

طبعا الايات تؤخذ و تطبق كما هي
الاسلام اباح حسن معاملتهم من باب رقي الاسلام و اخلاقه كما فعل الفاروق في قضية القبطي وابن عمر بن العاص
ولكن الاسلام لم يبيح ابدا محبتهم ومولااتهم و تهنئة باعيادهم

[janagabr]

ولكن الاسلام لم يبيح ابدا محبتهم ومولااتهم و تهنئة باعيادهم

لقد ارتكبت اكبر ذنب بافتراءك كذب علي دين الاسلام بادعاءك هذا والاسلام برئ من تشويهك له وانت لا تعلم شئ عن الاسلام برجاء ترك جلسة القهاوي والمصاطب والبدء في التعلم باركان الاسلام الخمسة ثم استكمال حصص الدين بتاعت المدرسة حتي تصل الي الصواب ولسوف اقتص منك يوم العرض علي ما فعلته في من تشويه الاسلام واظهاره بصورة عدائية وعنصرية اديت الي ارتفاع في الضغط عندي ( عدو عاقل خير من صديق جاهل )

[تامر.محمد]

عزيزي المواطن
الشعب المصري بأكمله يتمتع بقدر هائل من العنصرية , بلا استثناء

و دمتم للنضال

[janagabr]

لعنة الله علي حثاله المجتمع الذين ظهرو في صورة شيوخ اباحوا الحرام وحرموا الحلال ولعنة الله علي الجماعات الجهادية والتكفيرية والاخوانية كي نري كلام علي الاسلام مثل هذا الكلام الذي قيل من قبل هذا العضو ولسوف امنع نفسي من دخول المنتدي الاجتماعي لكثرة ما فيه من اراء لاعضاء يشوهون صورة الاسلام بما لا يجيئ فيه ولقد جلست من السيخ والبوذيين ومن ليس لهم دين لم اسمع منهم عن الاسلام ما اسمعه من المسلمين انفسهم لكم عشقت سيرة رسول الله لما فيه من مثالية واتخذته مثل اعلي لي ولم اجد ما يقوله هذا العضو

[تامر.محمد]

اهو كل الكلام و الشتيمة اللي في المشاركة اللي فاتت ده لان الاخ العضو في المشاركة اللي قبلها قال رأي فقهي الاخ صاحب المشاركة اللي فاتت شايفه غلط
فكانت النتيجة كل التحقير اللي احنا شايفينه ده
رغم ان الاخ صاحب المشاركة اللي فاتت ما كلفش نفسه يشوف مدى وجاهة الرأي الفقهي ده من الجانب الفقهي , و ما كلفش نفسه يشوف الاجماع مع مين , او كلف نفسه بس ما كلفش نفسه يتكلم من النقطة دي و يقول للزميل العضو التاني انت غلطان عشان كذا , او فيه رأي فقهي تاني بيقول كذا و الاجماع او جمهور العلماء رجح النقطة الفلانية

دي اللي بيسموها العنصرية تجاه المشايخ و تجاه الاسلاميين , احد الامثلة الحية , غير طبعا امثلة اخرى كتيرة تجاه كل فئات المجتمع بلا استثناء , سواء تجاه المسيحيين او تجاه السود او تجاه الصعايدة او تجاه النوبيين او تجاه السيناوية او تجاه الفقرا
احنا شعب بيشرب العنصرية شرب
ولا نجيد الا التشدق بالمباديء
الكلام ده ممكن يكون يشملني عادي جدا , ما انا مصري برده , بس اتمنى ما اكونش كده تجاه اي حد او اي فئة
لا اكون عنصري تجاهه فابخسه حقه , ولا اكون منحاز له فادي له حق مش من حقه

و دمتم للنضال

[تامر.محمد]

تعليقا على الموضوع نفسه
اللي الراجل اللي في المواصلة قاله ينطبق تماما على موقف الكنيسة بالظبط , مش عايز اسهب عشان ما ندخلش في تفاصيل سياسية
المهم ان تعميم ده على المسيحيين كلهم غير صحيح

في نفس الوقت ان كان حد احصائيا قدر يستطلع موقف اغلب المسيحيين و لقاه كده فعلا فمش عيب ولا عنصرية ان ده يتقال , دي حقيقة و حصلت , طبعا باقول ان ده حصل

اما العنصرية فين ؟ العنصرية هي انك تكره حد لمجرد انه مختلف , لمجرد انه مسيحي , لمجرد انه اسود, لمجرد انه اخوان , لمجرد انه سلفي , لمجرد انه سيناوي , و مش لأنه ظابط جيش او لأنه ظابط شرطة , لأن كل حاجة من دول مش شائنة في ذاتها حتى لو صاحبها غلطان انه منتمي للفئة دي , و كل واحد بيبقى عنصري تجاه فئة بيبقى شايف افرادها غلطانين انهم منها

الاصل هو كراهية و رفض افعال , مش كراهية و رفض الاشخاص , و تعميم صفات فئة على كل افرادها بالكامل غلط حتى لو كانت هي فعلا صفات عموم الفئة
ما تقدرش تقول ان كل سيناوي خاين , ده بفرض صحة الاتهام ان اغلبهم خونة لمصر , و هو ما ارفضه تماما بالمناسبة
الشخص اللي في رأس الموضوع بيتحكي عليه كان مقتنع ان كل مسيحي مؤيد للانقلاب العسكري (ماحدش ييجي يتفزلك و يقول لي لأ مش انقلاب , مش موضوعنا) , بفرض صحة اافتراض ان عموم المسيحيين كده - مجرد فرض - ما ينفعش اتعامل مع اي واحد اقابله فيهم على الاساس ده الا لما اتأكد من كده

[dr.hazem]

لقد ارتكبت اكبر ذنب بافتراءك كذب علي دين الاسلام بادعاءك هذا والاسلام برئ من تشويهك له وانت لا تعلم شئ عن الاسلام برجاء ترك جلسة القهاوي والمصاطب والبدء في التعلم باركان الاسلام الخمسة ثم استكمال حصص الدين بتاعت المدرسة حتي تصل الي الصواب ولسوف اقتص منك يوم العرض علي ما فعلته في من تشويه الاسلام واظهاره بصورة عدائية وعنصرية اديت الي ارتفاع في الضغط عندي ( عدو عاقل خير من صديق جاهل )

يا اخي روح اتعلم دينك وتعالا اقتص زي متحب...
ياريت تقرأ في اي كتاب توحيد في باب الولاء والبراء..
او متقرأش احسن عشان متقيمش الحجه على نفسك والامه كلها تقتص منك....
تحياتي

Sent from my Xperia Arc S using Forum Runner

[tutankhamoun]

السلام عليكم و رحمة الله و بركاته .

الأخوة الكرام ... فضلا التحدث مع بعضنا بهدوء .... أحنا ما صدقنا المشاحنات قلت بسبب اغلاق قسم الأحوال الشخصية اللي مش بيجيب غير وجع القلب و الفتنة .

طبعا موضوع العنصرية في الشعب المصري متأصل جدا جدا جدا .
الأول أحنا شايفين نفسنا حاجة كبيرة قوي (و بزيادة عن اللزوم )
و نقعد نغني أغاني وطنية جامدة ملهاش أساس قوي في معانيها
و أغلب الشعب قاعد بيتلكم عن حضارة 7000 سنة و مش عارف ايه
كل ده تأصل في الوجدان المصري عموما ثم ياتي

التحزب الجاهلي لقبيلة ما أو جماعة ما أو عائلة ما ......... و ده منتشر جدا في ربوع مصر و مش محتاج جدال فيه .

و بعدين الدين

أنا شايف أن أساس الدين هو عبادة الله عز و جل ... و دعوة الناس لدين الله فقط لا غير .
و الدعوة دي بتكون بالحسنى و الكلام الطيب الجميل .


لو هانتكلم بقى في الموقف اللي حصل في المترو .
طبعا ينم و يُظهر جهل الشعب المصري و تحزبه و عنصريته تجاه الآخر .
المسلم يظن الظنون في المسيحي ........ و ا لعكس 100 % صحيح .
و هذا الموضوع منتشر بين الفئات الغير متعلمة أو جاهلة أو الفئات المغيبة و التي ترضع الكراهية للآخر من رجال الدين في كل دين منهم (الأسلام و المسيحيية )

كل الفرق أن الأخ المسلم كان عنده الجرءة أنه يتكلم علشان اغلب السكان في مصر مسلمين و بالتالي هو جرئ في الكلام
و لكن عذرا بعض المسيحيين مثله تماما و يفعلون مثله تماما عندما تتاح الفرصة

إذ هل هي مشكلة مسيحيي و مسلم ؟؟؟؟
أم هي مشكلة الجهل و التعصب الخاطئ ؟؟

طبعا هي مشكلة جهل و الأخوة الأفاضل قبلي قالوها في الموضوع .

أنا أؤومن بشدة بالسماحة و المعاملة الحسنة لكل الناس (أنا لست خالق أحد ) بل أنا عبد مثل كل الناس مخلوق و ربي هو الله عز و جل .

و بما أن الله عز و جل أعطى كل الناس - الحياة - المال - البنون ..................... الخ

أعطى الكافر ... و المسلم ... و المسيحي .... و اليهودي ..... بالتساوي
إذن لماذا أنا أعاديهم (إلإ أذا عادوني طبعا أو أعتدوا علي )

ربنا عز و جل خلق الناس جميعا و عندهم مبدء الأختيار بين الصواب و الخطأ و لذلك سوف نحاسب يوم القيامة قياسا على هذا المبدء ... إذن الكل حر ليؤمن بما يؤمن به ... بشرط عدم أيذاء المجتمع و فرض رأيه على المجتمع .

في انجلترا
في الأعياد ... الناس كلها بتعيد على بعض ... و تسلم على بعض و بيحبوا بعض(أو بيحاولوا ) و الكل يعيش في وئام و سلام و المشاكل قليلة (مع أن كل واحد شايف نفسه هو الصح ) المسلم هناك شايف نفسه هو الصح و المسيحيين مع أنهم مش بيمارسوا ديانتهم و لا يعرفوا عنها حاجة و لكن شايفين أنهم الصح و نفس الحال على اليهود و السيخ و البوذيين ..

يجب نشر ثقافة الحب في المجتمع بدل من ثقافة كُره الآخر و ثقافة أحترام رأي الأخر و الجدال يكون بالتي هي أحسن .

[أبو إياد]

بالنسبه للردود تعليقى هو = مافيش فايده , نفس الفكر ونفس المبادىء وانتهاز اى فرصه لعمل المشاكل وزياده المشاحنات بالبظبط كما يحدث فى الشارع افتعال المشاكل وجر شكل الناس لمجرد اختلاف الراى .

اما عن الموضوع الاصلى فالافضل هو تجاهل اصحاب هذا التفكير فهم مرضى نفسيين يشعرون بالنقص لمجرد انه لا ينتمى له رغم انى واغلب معارفى لا يوجد لدينا هذا التفكير العنصرى