موبايل جديد... مقترحات!

[dede_dodo88]

قررت أخيراً أغير موبايلي النوكيا N8 بعد 4 سنين من الأستخدام الشاق..
فعايز أخد رأي الناس في موبايل يكون كويس..
أنا بقالي فترة بقلب على النت و بقارن بس مش عارف أوصل لقرار..
أنا كل أحتياجاتي تتلخص في hardware قوي يستحمل الترزيع و الخبطات لأن الموبايل بيقع مني كتير xD
و كاميرا تكون قوية لأني بصور كتير,
و software يعيش معايا لسنين قدام من غير تهنيج أو مشاكل..
أنا تقريبا معظم أستخدامي بيكون emails, watsapp,browsing, office, pdf, camera

عجبني الـHTC One و Nokia lumia 925 و Xperia Z1
أنا أستبعدت السامسونج خالص بسبب ردائة الخامات فمش هيعيش معايا يومين..
و للأسف مفيش تليفون واحد بيجمع كل المواصفات في نفس الجهاز, لازم يبقى في شوية تنازلات..

أي مقترحات ؟! مع ذكر السبب xD

[DODGE2013]

سوني بيهنج وبيسخن بس الكاميرا غير الباقي السامسونج كويس بس عيبه الخامه بس ممكن تركب cover ,خلاص

عموما ارشح HTC One مشاكله قليله والكاميرا معقوله والخامه لا غبار عليها وكفايه السماعات بتاعته ووضوح الصوت

وابعد عن النوكيا نهائيا

واحييك ان فيه تليفون قعد معاك 4 سنين هههههههههههه انا للأسف مبيعدش معايا 6 شهور او سنه بالكتير

ياما ازهق منه وابيعه او ايخرب ولا يتكسر D:

[Hobgoblin]

HTC One

[midoabdeen]

نصيحه خليك فى السونى

خامات ممتازه

وبطاريه بتقعد وكتير جدااا

الاتش تى سى ممتاز بس يعيبه البطاريه مع كتير من اصحابى وكلهم يشتكوا ان البطاريه مش بتقعد كتير

انا معايا الاكسبريا ميرو ممتاااااااز والبطاريه من يومين ل ثلات ايام وخامات حدث ولا حرج شاشه ضد الخدس كمان

[ahmedbasto]

لو بتدور على حاجة تستحمل ومش مهم عندك السوفت وير يبقى ال Lumia925 .

[dede_dodo88]

هو لولا أن النوكيا نازل بويندوز 8 بالـmenus العجيبة بتاعته دي كنت جبته من غير تفكير على الرغم أنه أقل في الميموري و البروسيسور بس كجودة خامات و كاميرا فهم يعتبروا الأفضل بعد الـreviews و المقارنات اللي شفتها على اليوتيوب..

الـHTC One تصميمه حلو أوي و أمكانياته عالية كبروسيسور و ميموري, الكاميرا الـ4 Ultrapixel دي مش عارف أقيمها غير لما أجربها بنفسي بس من الي شوفته على اليوتيوب فهي still تعتبر كاميرا حلوة و صورها الـContrast و الـSharpness حلوين..
بس البطارية بقى مينفعش تتغير (زي الـN8 برضه) و في ناس بتقول البطارية ممكن تفضل شغالة يومين عادي مع أستخدام شاق و ناس تانية بتقول أنه بالكاد بيكمل يوم و بياخد وقت عشان يتشحن.. مش عارف أصدق مين!..
بس شوفتله drop test قلقني منه الصراحة على الرغم أنه ألومينوم مش بلاستيك..

الـXperia تصميمه هايل و أمكانياته حلوة بس على الرغم أن الكاميرا بتاعته 13MP في الـZ و الـZL و 20MP في الـZ1 لكن صورها مبتلقطش تفاصيل حلوة زي الـS4 مثلاً و الـsharpness و الـContrast مش بنفس الجودة..

[ahmedsrs]

Xperia Z1 تليفون هايل وممكن تصور بيه تحت الميه كمان لغاية متر تقريبا

[fouady]

افضل موبيليين اندرويد فـالعالم دلوقتي Z1 و Htc one بس يتفوق ال Z1 إنه امكنايات أعلى واحدث قدامه سنة سنة ونص عبال ماينزل فقيه موديل .. فـأنا رأيه متخرجش من الموبيلين دول .. لانهم أفضل حاجة فعلا

[iwantes350]

انت ازاى نسيت الاسطورة بتاع كل الموبايلات ال lg g2
ده كفايه الكاميرا العجيبة بتاعته
دور على ال ois اللى هى خاصية تثبيت الصورة جامدة اوى وملهاش اى حل

[dede_dodo88]

انت ازاى نسيت الاسطورة بتاع كل الموبايلات ال lg g2
ده كفايه الكاميرا العجيبة بتاعته
دور على ال ois اللى هى خاصية تثبيت الصورة جامدة اوى وملهاش اى حل

ده بيتباع في مصر ؟

أنا مسمعتش أي كلام قبل كده عن lg في الموبايلات و قليل أوي لما بشوفه مع حد..

[trise2]

note 2
HTC one MAX

LG g2
بالترتيب ده
وان كنت اميل للنوت ٢

[Amr Nasir]

المواصفات الي قلتها كلها تجتمع في حاجة وحدة بس ... ( الأيفون ) ... الأيفون حمار شغل وقع و رزع فية براحتك ..

[iwantes350]

ال lg g2 مع انه 2 جيجا رام اسرع من النوت 3 .. و شاشة اعلي في الريزليوشن و كاميرا احسن من النوت 3 و الاس 4 و الايفون 5 و 5اس و htc one و الصوت بتاعه انقي صوت علي مستوي العالم سواء السبيكر او الهيدفون (انقي من البيتس اوديو اللي مع htc )و كفاية خاصية ال audio zoom وسعره عامل 540 يورو يعني 5000 مصري ... يعني لو هتجيبه من ادفعلي هيعمل 5700 .... انا من رأيي ان العيب الوحيد اللي فيه انه لسه مانزلش مصر غير كدة مش هتلاقي و لو عايز تقطنع اكتر خش ع اليوتيوب و شوف المقارنات و ال speed test or antutu benchmark ....

[error_1088]

note 3

[ghost11]

ما تشوف هاواوى p6 تصميمه رائع وشاشه روعة وسعره فى حدود 3000 جنيه