محدش يعرف اجيب منين Opti-Men

[Mahmoud Nagieb]

السلام عليكم يا شباب

انا بقالى فترة دايخ على ال Opti-Men ومش لاقيه خالص

ومش مقتنع باى حاجة غيره بصراحة .... محدش يعرف مكان لسة عنده منه ؟ بس يكون اصلى طبعا

وشكرا مقدما لاى حد هيساعد

[midoabdeen]

صيدليه العزبى هى اللى بتبيع مكملات ممكن تتصل بالتليفون تسال

[Mahmoud Nagieb]

صيدليه العزبى هى اللى بتبيع مكملات ممكن تتصل بالتليفون تسال

مش موجود ولا فى العزبى ولا سيف ولا على وعلى ولا هندام ولا حتى البقلاوى

[midoabdeen]

انا كنت اسمع ان فى تجار شغالين فى الموضوع دا بس مش عارف مضمونين ولا لا
لو عايز تعرف توصل ليهم ازاى قولى ابعتلك على الخاص

[Ahmed Amin]

طيب سؤال للنقاش, مفكرتش قبل كدا تعمل أوردر من علي النت وتشوف هيتكلف كام لحد ما يوصلك هنا عشان يبقي أضمن,, ؟
ياريت الناس اللي ليها تجارب في الشراء للمكملات من علي النت تفيدنا بتجاربها,,

أنا أشتريت أكسسوارات قبل كدا بس للموبايل والتابلت, بس مفيش حاجة فيها وزنها عدي 200 جم,
فأيه الوضع مع المكملات اللي ممكن تبقي كيلو أو أزيد ؟

[Mahmoud Nagieb]

انا كنت اسمع ان فى تجار شغالين فى الموضوع دا بس مش عارف مضمونين ولا لا
لو عايز تعرف توصل ليهم ازاى قولى ابعتلك على الخاص

ياباشا كل التجار معندهمش الاوبتيمين خالص ... هو ناقص من السوق بقاله فترة كبيرة .. وبصراحة انا لسة عندى امل الاقى علبة واحدة تكون مركونة عند اى حد

طيب سؤال للنقاش, مفكرتش قبل كدا تعمل أوردر من علي النت وتشوف هيتكلف كام لحد ما يوصلك هنا عشان يبقي أضمن,, ؟
ياريت الناس اللي ليها تجارب في الشراء للمكملات من علي النت تفيدنا بتجاربها,,

أنا أشتريت أكسسوارات قبل كدا بس للموبايل والتابلت, بس مفيش حاجة فيها وزنها عدي 200 جم,
فأيه الوضع مع المكملات اللي ممكن تبقي كيلو أو أزيد ؟

ياباشا انا عادى بشترى حاجات من بره ... بس مشكلة المكملات او اى دواء طبى ... انه لازم بيدخل فحص طبى والدنيا بتووه فى الجمارك ومحتاجة انك تروح تخلصها بنفسك من الفحص وتدفع مصاريف وحاجات تانية كده

مش زى اى حاجة تانية بتجيبها يعنى

[Ahmed Amin]

ياباشا انا عادى بشترى حاجات من بره ... بس مشكلة المكملات او اى دواء طبى ... انه لازم بيدخل فحص طبى والدنيا بتووه فى الجمارك ومحتاجة انك تروح تخلصها بنفسك من الفحص وتدفع مصاريف وحاجات تانية كده

مش زى اى حاجة تانية بتجيبها يعنى

أنا سمعت عن موضوع الفحص برضه, بس معرفتش عامل أزاي, يعني بيفتحو الشكارة أو العلبة ويشوفو البودر ؟؟

طيب والناس اللي بتستورد منه بكميات وبتبيع منه بيخلصوه ويعدوة أزاي,
عشان الواحد صعب أنو يثق في حد ميعرفوش بسهولة, خصوصاً إن فيه صيدلايات وجيمات وجروبات عال فيس بتبيع بكميات ومتعرفش إذا كانت الحاجة دي أصلية فعلاً ولا مضروبة في بير السلم,,

وكمان في حاجات مش بتبقي موجودة عندهم هنا,, عشان كدا كنت عايز أخد فكرة عن التخليص الجمركي بتاع الحاجات دي والفحص والمصاريف لو عندك فكرة أو ليك تجربة معاها,,