الى خبراء الكمبيوتر...عااااااجل

[mokhtar]

ياجماعه دلوقتى انا عندى شاشه الكمبيوتر viewsonic بقالها 5 سنين شغاله زى الفل وعمرها ماقصرت وانا محافظ عليها ولا بجيب جنبها ميه ولا بخبطها بس من يومين بدات تعمل حركات قرعه اوى بشم ريحه شياط خفيف والشاشه بتبدا تصغر يعنى مثلا الpage بتاعت الDesktop تبقى واخده تلت الشاشه والباقى اسود وتوسع براحتها وممكن ما توسعش وتفضل مثلا يوم كده ووبنب بكتب دلوقتى الموضوع ده هى واخده تلتين الشاشه فمش عارف ايه اللى حصل وايه الحل هل الشاشه اتحرقت ولا عايزه كابل شاشه جديد ..يا جماعه ياريت خبراء الكمبيوتر يفيدونى



..mokhtar..

[ahmedsrs]

ودى الشاشة لحد من بتوع الصيانة يكشف عليها ولو منفعتش خالص الشاشات المستعملة مفيش اكتر منها

[mokhtar]

الف شكر ياباشا انا فعلا هاعمل كده بس لو جبت شاشه مستعمله ايه احسن انواع دلوقتى فى السوق وتعمل كام


..mokhtar..

[amir]

انا كنت في نفس الموقف بتاعك من شهر
وديتها تتصلح
و رجعت سليمه
بس خد 50 جنيه و راسه و الف سيف مينزل جنيه طبعا استغلال و سرقه علني انه يصلح شاشه تمنها مستعمل ميجيش 100 جنيه بخمسين المهم قفشت قفشه صغيره و رميتله الفلوس
و بعد اسبوعين بالظبط باظت بنفس الطريقه روحت سيبتهاله تاني و لما جيت اخدها عايز 30 جنيه
اتخانقت معاه و اشتكيت لاداره المول ولا حياه لمن تنادي
رحتله باليل و انا ناوي علي كل انواع الشر خاصه ان البيه بتاع الصيانه كان متنك و واخد قلم كبييير في نفسه, بس كان حظه حلو و مش موجود في المحل و خلصت الموضوع علي 15 جنيه
و فات 3 اسابيع و الشاشه رجعت لنفس العيب قمت نزلت سألت علي الاسعار و اشتريت جديد و بعت بتاعتي و اللي يضحك انها اتباعت علي 10 جنيه علشان المحل اللي اشتراها قاللي ان العيب ده عيب اساسي و كا ما هيتصلح مش هتقعد عشره ايام و يرجع تاني!!!!!
يعني العيب اللي فيها معروف لبتوع الصيانه, عن شرط مقلتلوش حاجه غير انها باظت و صلحتها و بعدين باظت تاني
من الاخر مفيش حاجه اسمها صيانه في مصر لأنهم صنايعيه جهله و واخدينها فقاقه و عك
و نصيحه من اخ ليك اشتري جديد و ادي شويه اسعار
viewsonic lcd va1716 17inch 820~810
viewsonic lcd 19 inch 1010
samsung 17 inch 850
samsung 19 inch 920nw 945
samsung monitor 17 inch 560 (normal screen

الاسعار دي من مول الكمبيوتر اللي في منشيه البكري جنب القسم

[michohat]

طب حد يعرف اسعار الشاشات ال 22 واقرب مكان لمدينه نصر اجيبها منه

[amir]

viewsonic 21 inch or 22 inch i dont remember
كانت تقريبا ب1250 في نفس المول ده في الدور التاني lcd

[Yarisawy]

دى أسعار تقريبيه للشاشات 22" الـ LCD

NEC 22WV = 1300 EGP
Viewsonic VA2216W = 1550 EGP
SAMSUNG 2220WM = 1640 EGP
Asus MW221C = 1700
ASUS MK221H = 1780 EGP
ASUS PG221 = 2900 EGP

[mokhtar]

يعنى لو انا وديتها تصلح اسبوع ولا اسبوعين وهترجع تبوظ وتبقى تكاليف على الفاضى بس اللى مخلينى مقلق انى اجيب واحده استعمال ان عندنا فى دمياط التجار بتوع الكمبيوتر حراميه يعنى اللى ب120 فى روكسى او المهندسين تبقى ب200 او250 فى دمياط وطبعا هاكسل اوى اجيبها من القاهره ..يعنى اوديها للصيانه ولا اكبر دماغى


..mokhtar..