المشاركة الأصلية كتبت بواسطة المنسي
مشاهدة المشاركة
X
-
سلام عليكم
و الله بعيدا عن ردود الاعضاء اللي بتلف حوالين جملة ( ما تشمتش الاعادي فينا ) اللي مودياهم في داهية دي
شوية خواطر كده بعيدا عن اني مش هاقول رأي شخصي في مسألة الهزيمة
- المشكلة في الرقم (6) اكتر من الهزيمة نفسها , في حجم الهزيمة المذلة
- ماحبش طبعا ان حاجة زي دي تحصل
- الجزء الايجابي في الموضوع , اننا لو كسبنا اغلب الناس كانت هاتعمل حاجة زي دي مخدرات تنسيها ظروف البلد اللي زي الطين , و لو ما حاولوش كان هايتم دفعهم لكده كالعادة , الحمد لله اننا ما كسبناش , و الكلام ده بينطبق على اي فترة ظروف البلد فيها سيئة بغض النظر عن اللي ماسكها
- النشاط الكروي في مصر لو بيصرف على نفسه كان على عيني و راسي , لكن اللي اعرفه انه بيتصرف عليه من المال العام .. هنا مفروض لنا وقفة , لو الفلوس اللي بتتصرف دي بيكسبوا قصادها بطولات كان لا يجوز , بيخسروا كمان ....
- مفترض طبقا للنقطة السابقة ماحدش بيشجع كورة يجيب سيرة الناس الغلابة تاني خالص و يحترم نفسهناس كتير مش في ثقافتها خالص مفهوم ان مافيش حد ممكن يكون حجة عليا الا اذا انا كنت مأيده على طول الخط و متبعه , و انا لا مؤيد حد على طول الخط ولا متبع حد
[sor2]http://imageshack.us/a/img838/2058/8l0n.jpg[/sor2]
Comment
-
منتخبنا ماشى بالبركة وحسب مود اللعيبة وسخاء المنح الحكومية فى حالة الفوز
يعنى تفتكروا اللعيبة زعلانين ولا مقهورين ربع قهرتنا
انسى يا باشا
دول اهم شئ عندهم المكافات والبوكيت مونى
وكل واحد هيرجع لناديه ويعيش حياته ولا فى الدماغ
الحل هو هيكلة القطاع الرياضى بالكامل وتنفيذ خطوات اصلاح ومحاسبة حقيقية
وانا عن نفسى الاقى رغيف العيش اهم 100 مرة من فوز مصر بكاس العالم
فى مقولة شهيرة بتقول (الدين افيون الشعوب)
وانا بقول (الرياضة افيون الشعوب المتخلفة)
حاجة زى الحشيش بتفصلهم عن الواقع المرير احسن ما يطقوا من جنابهم !
Comment
-
شوفت بقى ان انت اللى متعرفش تاريخ السويد فى الكورة...... ادى موقع فيه تاريخهم:المشاركة الأصلية كتبت بواسطة عصام غنايم مشاهدة المشاركةانا كده اتأكدت ان ليك حد قريبك فى المنتخب
اولاٌ السويد مسمعتش عنها فى الكوره
ثانياٌ جابت فى المانيا ثلاثة اهداف ( يعنى عملوا اللى عليهم )
ثالثاٌ المانيا دى لو المنتخب بتعنا قابلها ( مش هقولك اكيد انت عارف ايه اللى هيحصل )
رابعاٌ وده الأهم اللعيبه بتوعنا انهارده كان عندهم اسهال بمعنى الكلمه ( كانوا محلولين )
Sweden national football team, rating, squad history and achievements, stats | Football Top.com
كانوا تانى كاس العالم سنة 58 و تالت فى 50 و 94 ده من ناحية الانجازات التاريخية...... و طلعوا من نصف النهائى بتاع بطولة اوروبا سنة 2004..... يعنى تاريخيا انجازاتهم افضل من انجازاتنا بمراحل و لهم حق فى الحرقة اكتر مننا...... خاصة انهم عملوا اللى عليهم زى ما انت قلت مش كانوا مكسحين زى لاعبيتنا
الاهم بقى ان اللى انا كنت متوقعه حصل و سيظل يحدث دائما ...... من محاولة البعض للخروج عن اطار الموضوع و اى موضوع لاغراض معينة....... و بأختصار انا قلت لك الخلاصة فى المشاركة السابقة لان انا حاسس انها لب المشكلة معاك مش مسألة ماتش كورة...... طلع نزل هو ماتش كورة...... اما بقى الاحوال فى البلد و العيشة و اللى عايشينها دى قصة تانية كبيرة...... الكلام فيها قلت لك خلاصته فى المشاركة السابقة.......و مثلا لما افتكرت موضوعك اللى كنت عامله بتاع مين راضى عن حياته فى مصر مقدرتش الا انى اربط بين الموضوعين...... و لا عزاء للبعض :)
و على فكرة انا مليش قرايب فى المنتخب :) و لا يهمنى ابرر لهم لانهم كلهم يستاهلوا ضرب النار و حكموا على تاريخهم كله بالختام ده بدل ما يبقى ختامه مسك فى كاس العالم
اللى صعبان عليا بجد هو الراجل برادلى ده لانه هيروح فى الرجلين و طبعا هيكون كبش الفداء و يتم اقالته رغم انى كنت دايما بحس انه جد و مجتهد و عايز يحقق حاجة مع فريقنا بس تأتى الرياح بما لا تشتهى السفن خاصة سفن المكسحين امثالنا و حتى سفن الفايكنج احيانا :)
Comment
-
لأ هو مش مجرد ماتش , يا ريته مجرد ماتش ولا يا ريت اي حاجة فضلت مجرد اي حاجة
‫فضيحة كبري..مجاهد وعبدالغني: الفريق السيسي هيوصلنا كأس العالم فى مباراة العودة‬‎ - YouTube
وزير الرياضة: فوز منتخبنا في مباراة «غانا» سيكون انتصارا رياضيا بطعم سياسي - بوابة الشروقناس كتير مش في ثقافتها خالص مفهوم ان مافيش حد ممكن يكون حجة عليا الا اذا انا كنت مأيده على طول الخط و متبعه , و انا لا مؤيد حد على طول الخط ولا متبع حد
[sor2]http://imageshack.us/a/img838/2058/8l0n.jpg[/sor2]
Comment
-
مساء الفل
الكورة في الآخر لعبة .. مكسب وخسارة
وانا واحد من الناس اللي كانوا ، ولا يزالوا، متشعبطين بأي فرحة حتى لو هتيجي من الكورة
ويمكن هو ده اللي خلى الواحد يقبل دعوة فودافون للسفر لكوماسي إضافة للتجربة اللي عمري ما احلم اني كنت اعملها بإرادتي الحرة (واحد سافر غانا يقضي العيد ويتفرج على ماتش من الاستاد لأول مرة ف حياته .. فيه حد ممكن يعمل كده غير لو معزوم
عموماً مش هتكلم في الفنيات
أنا راجل مش بتاع فنيات
سيبك من ان المنتخب ماسافرش منه غير تريكة وفتحي
وسيبك من شريف إكرامي اللي حسينا انه مهزوز وانه هيطلب يبدل لأي سبب
وسيبك من ان الاجوان اللي دخلت فينا واحد من وائل جمعة وواحد من نجيب وواحد من ضربة جزاء وواحد عشان أخطاء دفاعية ساذجة وواحد عشان مفيش تغطية
وسيبك من إني اشوف وليد سليمان بيلعب باك شكال
وان احمد المحمدي اللي بيلعب بالشوكة والسكينة عشان البرستيج ينزل على حساب واد كان ممكن يقطع الملعب زي حازم إمام
وسيبك من الإفيهات اللي طلعت بعد الماتش، والمطرة اللي شربناها قبل الماتش والعيا اللي كلنا عييناه تقريباً غير مشقة السفر رغم جمال الصحبة
وسيبك من حسام غالي اللي ماكانش فايق
وسيبك من ان منتخب كورة تبقى كل حلوله الهجومة ف إن تريكة يسقط الكورة لصلاح ويجريه عشان ينفرد
سيبك من كل ده .. أنا مابفهمش في الفنيات
أنا هتكلم في لقطتين ضايقوني وانا في المدرج اللي فيه الجماهير المصرية
اللقطة الأولى لما كان الكل كان بيهتف مصر مصر مصر..
وفجأة .. حوالي اربعة خمسة راحو مطلعين كابات صفرا عليها علامة رابعة
راحلهم حد كلمهم بالأدب وقال لهم بلاش لو سمحتوا يا جماعة فقالوله انت مالك
راحلهم حد تاني قال لهم بالأدب برضه احنا جايين نشجع مصر النهاردة بلاش الحاجات دي فقالوله هو انت من الشرطة .. مالكش دعوة
فحصلت قلة الأدب وكان الأمر يتطور لاشتباكات
لغاية ما تدخل البوليس الغاني وخد منهم الكابات
بس جنبينا كان مدرج غاني..
راحوله اصحابنا، وادوا للغانيين قدامنا بانر كبير عليه علامة رابعة وكابات صفرا من اياها ، وفهموهم ان ده يعني بيضايقنا وكده
ده غير انهم بعد كده قعدوا معاهم
يعني قاطع كل المسافة دي عشان يضايقنا ويعمل مشكلة وبعدين راح قعد مع الغانيين وادالهم بانر كبير عشان - قال يعني - يغيظ الناس
عموماً البوليس الغاني اتدخل برضه واترفع البانر ده
ولما جه واحد يهتف - قال يعني بيغيظهم - سيسي سيسي .. قلناله لا سيسي ولا سيسك.. الهتاف مصر بس .. والحكاية مش ناقصة
اللقطة التانية بعد الجون السادس ..
واحدة ست مصرية لابسة خمار وقاعدة في المدرج عندنا فجأة ودون سابق إنذار راحت قايلالنا
أحسن .. حسبنا الله ونعم الوكيل فيكم .. حسبنا الله ونعم الوكيل فيكم.. أنا جاية مخصوص عشان اشمت فيكم..
الموضوع كان هيتطور وحصلت شتيمة وكانت هتحصل اشتباكات لولا لمينا الدنيا
دي أول مرة احضر ماتش من الاستاد في حياتي..
ما ضايقتنيش الهزيمة مع طيبة الشعب الغاني ولعبنا الزفت ولاعبيتنا اللي ماسافرتش على قد ما ضايقتني اللقطتين دول
طبعاً مع احترامي للكل ..
دول لقطتين ضايقوني .. وده بروفايلي الشخصي
فأستأذنكم عشان انا عارف الناس اللطيفة بتوع نوعية الردود بتاعة : دول أحرار، وده من حقهم، وقال يعني هما دول اللي جابولنا الهزيمة
كل دول مع احترامي لو لقيتهم في التعليقات أياً كانت درجة قرابتهم أو صداقتهم بلوك فوراً
وفيه نوعية كمان لطيفة لما بكتب سطرين زي اللي فاتو يروجوا كأي عيل صغير كاتبين : انت مغرور .. انت ما بتتقبلش النقد .. انت عايز رأيك لوحدك، والاسطوانة المشروخة دي .
دول برضه أستأذنهم ما اشوفهمش في التعليقات
لو يسمحوا يعني
على الهامش : تحية للجمهور الزملكاوي أعظم جمهور من وجهة نظري كأهلاوي ..
صبر سنين على هزيمة تاريخية ولسة بيشجع فرقته رغم انها لسة بتتغلب
ورغم انهم لعيبة ما يستحقوش
بس ده اللي احنا نفسنا فيه في ماتش العودة
حتى لو المنتخب خسر، وغالباً هيخسر
آه بالمناسبة : أنا المغفل الوحيد اللي كان بيطلب من الناس انها تبطل ألإورة ف موضوع ان الإخوان بيشجعوا غانا، وبيقولولهم بلاش فجر في الخصومة وكده
ملحوظة : مش الغرض والله من البوست ده اننا نشتم الإخوان
انا بس متأذي من فكرة اننا وصلنا لكده
Comment
-
مش قصتىشوفت بقى ان انت اللى متعرفش تاريخ السويد فى الكورة...... ادى موقع فيه تاريخهم:
Sweden national football team, rating, squad history and achievements, stats | football top.com
كانوا تانى كاس العالم سنة 58 و تالت فى 50 و 94 ده من ناحية الانجازات التاريخية...... و طلعوا من نصف النهائى بتاع بطولة اوروبا سنة 2004..... يعنى تاريخيا انجازاتهم افضل من انجازاتنا بمراحل و لهم حق فى الحرقة اكتر مننا...... خاصة انهم عملوا اللى عليهم زى ما انت قلت مش كانوا مكسحين زى لاعبيتنا
الموضوع مش ماتش كورهالاهم بقى ان اللى انا كنت متوقعه حصل و سيظل يحدث دائما ...... من محاولة البعض للخروج عن اطار الموضوع و اى موضوع لاغراض معينة....... و بأختصار انا قلت لك الخلاصة فى المشاركة السابقة لان انا حاسس انها لب المشكلة معاك مش مسألة ماتش كورة...... طلع نزل هو ماتش كورة...... اما بقى الاحوال فى البلد و العيشة و اللى عايشينها دى قصة تانية كبيرة
الموضوع فشل ادارى فى كل نواحى الحياه ومن سيئ الى اسوء
اللى هى تصنيف الشعب الى 3 فئاتالكلام فيها قلت لك خلاصته فى المشاركة السابقة
1 ناس وحشه
2 ناس حلوه
3 ناس مش عاجبها لا دول ولا دول وكانت نصيحتك ليهم انهم يغوروا ويشوفو بلد تانيه ويريحوا دماغنا
وانا معترض على كلامك جملة وتفصيلا
انت رابط بينهم صحو مثلا لما افتكرت موضوعك اللى كنت عامله بتاع مين راضى عن حياته فى مصر مقدرتش الا انى اربط بين الموضوعين...... و لا عزاء للبعض :)[SIZE="6"][CENTER] اهم مواضيعى هنا [url]http://www.nilemotors.net/Nile/search.php?do=finduser&u=20690&starteronly=1[/url] [/CENTER][/SIZE]
Comment
-
ويمكن هو ده اللي خلى الواحد يقبل دعوة فودافون للسفر لكوماسي إضافة للتجربة اللي عمري ما احلم اني كنت اعملها بإرادتي الحرة (واحد سافر غانا يقضي العيد ويتفرج على ماتش من الاستاد لأول مرة ف حياته .. فيه حد ممكن يعمل كده غير لو معزوم
استاذ محمد افهم من كلامك ان حضرتك كاتب بوستاتك دى من غانا مباشرة الآن
يعنى سايب فسحتك فى غانا وسايب الهزيمه اللى انت كنت حاضرها مباشرة
وداخل تتصفح المنتدى الأجتماعى لنايل موتورز
عشان ترد علينا
وتحكلنا تجربتك الواقعيه
والله أحييك على ده و فعلاٌ كتر خيرك
انا بس اللى هيجننى السطرين دول
ايه دخل الأخوان ورابعه وخامسه فى موضوعناأنا هتكلم في لقطتين ضايقوني وانا في المدرج اللي فيه الجماهير المصرية
اللقطة الأولى لما كان الكل كان بيهتف مصر مصر مصر..
وفجأة .. حوالي اربعة خمسة راحو مطلعين كابات صفرا عليها علامة رابعة
راحلهم حد كلمهم بالأدب وقال لهم بلاش لو سمحتوا يا جماعة فقالوله انت مالك
راحلهم حد تاني قال لهم بالأدب برضه احنا جايين نشجع مصر النهاردة بلاش الحاجات دي فقالوله هو انت من الشرطة .. مالكش دعوة
فحصلت قلة الأدب وكان الأمر يتطور لاشتباكات
لغاية ما تدخل البوليس الغاني وخد منهم الكابات
بس جنبينا كان مدرج غاني..
راحوله اصحابنا، وادوا للغانيين قدامنا بانر كبير عليه علامة رابعة وكابات صفرا من اياها ، وفهموهم ان ده يعني بيضايقنا وكده
ده غير انهم بعد كده قعدوا معاهم
يعني قاطع كل المسافة دي عشان يضايقنا ويعمل مشكلة وبعدين راح قعد مع الغانيين وادالهم بانر كبير عشان - قال يعني - يغيظ الناس
عموماً البوليس الغاني اتدخل برضه واترفع البانر ده
ولما جه واحد يهتف - قال يعني بيغيظهم - سيسي سيسي .. قلناله لا سيسي ولا سيسك.. الهتاف مصر بس .. والحكاية مش ناقصة
اللقطة التانية بعد الجون السادس ..
واحدة ست مصرية لابسة خمار وقاعدة في المدرج عندنا فجأة ودون سابق إنذار راحت قايلالنا
أحسن .. حسبنا الله ونعم الوكيل فيكم .. حسبنا الله ونعم الوكيل فيكم.. أنا جاية مخصوص عشان اشمت فيكم..
الموضوع كان هيتطور وحصلت شتيمة وكانت هتحصل اشتباكات لولا لمينا الدنيا
دي أول مرة احضر ماتش من الاستاد في حياتي..
ما ضايقتنيش الهزيمة مع طيبة الشعب الغاني ولعبنا الزفت ولاعبيتنا اللي ماسافرتش على قد ما ضايقتني اللقطتين دول
طبعاً مع احترامي للكل ..
دول لقطتين ضايقوني .. وده بروفايلي الشخصي
فأستأذنكم عشان انا عارف الناس اللطيفة بتوع نوعية الردود بتاعة : دول أحرار، وده من حقهم، وقال يعني هما دول اللي جابولنا الهزيمة
كل دول مع احترامي لو لقيتهم في التعليقات أياً كانت درجة قرابتهم أو صداقتهم بلوك فوراً
وفيه نوعية كمان لطيفة لما بكتب سطرين زي اللي فاتو يروجوا كأي عيل صغير كاتبين : انت مغرور .. انت ما بتتقبلش النقد .. انت عايز رأيك لوحدك، والاسطوانة المشروخة دي .
دول برضه أستأذنهم ما اشوفهمش في التعليقات
لو يسمحوا يعني
ايه اللى جاب سيرتهم اصلاٌ
بعد اذنك وبعد اذن كل الأعضاء اللى هيقروا موضعنا بلاش ندخل الحاره العتمه السد دى
وخلينا فى الشارع العمومى المنور اللى كنا ماشيين فيه
بعد اذنك[SIZE="6"][CENTER] اهم مواضيعى هنا [url]http://www.nilemotors.net/Nile/search.php?do=finduser&u=20690&starteronly=1[/url] [/CENTER][/SIZE]
Comment
-
حضرتك تعترض براحتك زى ما انت عايز...... انا بقى اللى معترض على اعادتك لكتابة معنى كلامى السابق بالشكل ده لانه عكس المقصود تماما من اللى كنت كاتبه سابقا...... انا لما قلت ان اللى مش مستحمل الحياة فى مصر يبقى يشوف حل يسافر يعيش بيه بره مصر كان هدفى مصلحة الناس دى فى الحقيقة و حددت قصدى ان الهرى الكتير مش كويس على الصحة و يكفى اللى ممكن يجيبه من اكتئاب و امراض الضغط و السكر و العياذ بالله...... ده اللى بيبقى شغال فى شغل قرفان منه الناس بتقوله سيبه و الرزق على الله...... فما بالك بأسلوب الحياة كله...... فأنا و لا قلت يغوروا و لا ده معنى كلامى السابق اللى لم يكن يحمل خلفه معانى اخرى خفية تحتاج ترجمة او تأويلالمشاركة الأصلية كتبت بواسطة عصام غنايم مشاهدة المشاركة
3 ناس مش عاجبها لا دول ولا دول وكانت نصيحتك ليهم انهم يغوروا ويشوفو بلد تانيه ويريحوا دماغنا
وانا معترض على كلامك جملة وتفصيلا
انا قلت اللى عندى و حضرتك حر فى رؤية ما تراه...... و فى النهاية الله غالب على امره و هو لا يغير ما بقوم حتى يغيروا ما بأنفسهم و دى الخلاصة الحقيقية للموضوع اللى على الكل فى النهاية انه يتعايش معاها
Comment
-
ممكن حضرتك تجيب نسخه من كلامك الأول اناقشك فيها يمكن انا فهمت غلطانا بقى اللى معترض على اعادتك لكتابة معنى كلامى بالشكل ده لانه عكس المقصود تماما من اللى كنت كاتبه سابقا...... انا لما قلت ان اللى مش مستحمل الحياة فى مصر يبقى يشوف حل يسافر يعيش بيه بره مصر كان هدفى مصلحة الناس دى فى الحقيقة و حددت ان الهرى الكتير مش كويس على الصحة و يكفى اللى ممكن يجيبه من اكتئاب و امراض الضغط و السكر و العياذ بالله....[SIZE="6"][CENTER] اهم مواضيعى هنا [url]http://www.nilemotors.net/Nile/search.php?do=finduser&u=20690&starteronly=1[/url] [/CENTER][/SIZE]
Comment
-
الحمد لله انى مليش فى الكورة اصلا
وتقريبا مبعرفش العبها
بس لما بيكون ماتش كبير التاثير زى بتاع النهاردة دة وبكون فاضى فدة معناة عندى 90 دقيقة من الكوميديا القاتلة
وهقولكم ازاى
فى قهوة معينة عندنا بيتجمعوا فيها بعض المتعصبين كرويا
انا بقة بروح اقعد فى القهوة دى مش عشان اتفرج على الماتش
ابسلولتلى
انا بروح اتفرج على ردود افعال وانفعال الناس المتعصبة كرويا دى
وبمسك نفسى من الضحك بالعافية عشان ممكن اموت ضرب هناك
ههههههههههه
وهنقل لكم بعض الردود المنفعلة اللى انا سمعتها النهاردة
وهيا تقريبا بالترتيب على قد ما اقدر
- عمرو ذكى دة جاموسة اصلا ...اية اللى رجعة ورا
- هوة منزلش شيكابالا لية ... مقعدة على الدكة لية
- برادلى دة اصلا امريكانى يهودى منزل تشكيل زى الزفت عشان نتغلب
- هيا الاعيبة دى شاربة توكسافين ولا اية
- اصلا شريف اكرامى دة بيلعبوة عشان خاطر ابوة دة جون معـ.........
- هوة شيكابالا ابن الـ......نازل يعمل اية
دة اللى انا فاكرة دلوقتى
مش عايز اقولكم بقة على عينات الناس اللى بيبقى هاين عليها تقوم تخش جوة شاشة التليفزيون من فرط الاندفاع والانفعال عشان تضرب لعيب ما على قفاة عشان فوت فرصة هدف
لا والانكت من كدة تلاقى لعيب عمال يجرى بالكورة وواحد على القهوة عمال ينعر ويجعر ويقولة عرضلة ..عرضلة فلان فاضى ......وانا مش عارف يعنى اية عرضلة ولما اللعيب يضيع الكورة يشتمة باقذع الالفاظ الشعبية ومش بعيد يسب لة الدين
وفية شريحة تالتة من الناس دى وهو عمال يتكلم بعصبية ونرفزة ويعيب فى التشكيل واللعيبة والمدرب تحس انة لعب فى كاس العالم 230 مرة وفى الاخر يطلع سباك صحى مثلا
هههههههههه
بصراحة بيبقوا 90 دقيقة من الكوميديا القاتلة
بس انا بمسك نفسى من الضحك
او احط ايديا على وشى لو نوبة الضحك كانت عالية عشان اعرف اطلع من القهوة سليم
وكل عام وانتوا بخير[SIZE=2][SIZE=5][COLOR=Blue]zarif سابقا[/COLOR][/SIZE]
[rmade]http://i1342.photobucket.com/albums/o774/sasamh_1976/%202%20Copy_zpswwu0sio0.jpg~original[/rmade][/SIZE]
[SIZE="6"][COLOR="Blue"]zarif سابقا[/COLOR][/SIZE]
Comment
-
ههههههههههههههههههههههه حلوين شوية الكوميديا دول بس برضه معبرين عن واقع
صدق اللى قال ان البلد دى تملى فيها 80 مليون (فى تزايد مستمر :) خبير فى اى حاجة رياضة سياسة اقتصاد..... وفى الاخر يطلع تلات ارباعهم ان ما كانش اكتر بكتير فتايين :)
و الفتى ده هو اللى تملى هيودينا فى ستين داهية لانه رغم ان الفهلوة جايز بتنفع بعض الوقت الا انها مؤكد بتودى فى داهية اغلب الوقت :)
Comment
-
بعيدا عن تحولات الموضوع وبرغم الهزيمه الساحقه النهارده ولكن بعد الحزن الشديد بعد المباراه لهزيمه منتخب بلدى بالشكل ده الا انى فكرت ان ربنا عادل ولاعيبتنا واضح انهم متعبوش نفسهم ولا بدنيا ولا زهنيا ولا الاعداد بتاعهم كان جيد بالدرجه الكافيه وبالتالى هزيمتهم بالرقم ده لعله درس يفوقهم وكل اللى بتمناه دلوقتى يعملوا ماتش محترم فى العوده ويحسسونا انهم اتعلموا الدرس ده اولا .
ثانيا فى بعض المشاركات حسستنى ان البلد ضايعه "وده ممكن يكون حقيقى او فى الغالب حقيقى " بسبب حاجه فلكيه خارجه عن ارادتنا فحبيت اقول ان محدش اتغير فى البلد علشان البلد تتغير ولا لاعيبه المنتخب اتغيروا وبقوا بيراعوا ربنا فى صحتهم وشغلهم وبالتالى نتايجهم تتغير
فلسه المدرس بيشتغل دروس خصوصيه ولسه الموظف بيشرب شاى ولسه التاجر بيعلق الزبون وكانه جاسوس لازم يتقرطس ولسه محدش بيعترف انه غلطان ولسه البلطجه بقت اسلوب تعامل المصريين مع بعض والصوت العالى بقى وسيله لاخد الحق والنقاش ولسه الحكومه محدش يقدر يحاسبها ولسه حاجات كتير قوى
فمحدش يعتقد ان مصر حتتغير وتبقى اوروبا وهو مستنى كل اللى حواليه يتغيروا علشان يتغير ومحدش يتخيل ان ربنا حيوفق 11 لعيب فى ملعب كوره بيمثلوا شعب بحاله والشعب ده غالبيته المجتمع رافض افعالهم واظن ربنا كمان زعلان من افعالهم "فمن اعمالكم سلط عليكم " "وان الله لا يغير ما بقوم حتى يغيروا ما بانفسهم " .
تحياتى لكل المشاركين ومهما حصل حيفضل المنتخب ده هو اللى بيمثلنا لان محدش مننا يقدر ينكر مصريته على نفسه .http://store2.up-00.com/2015-11/1448722430351.jpeg[CENTER]my new car [/CENTER]
Comment
-
انا دلوقتي بس عرفت معني كلمات اغنية امال ماهر لما قالت مصر شالت فوق طئتها يرضي مين[FONT=Tahoma][SIZE=6][COLOR=purple][COLOR=purple][FONT=Tahoma]'[/FONT][/COLOR][COLOR=purple][FONT=Tahoma]المرأة لم تخلق لتكون محط إعجاب [COLOR=#FF7F00] الرجال[/COLOR][/FONT][/COLOR][/COLOR][/SIZE][/FONT][FONT=Tahoma][SIZE=6][COLOR=purple][COLOR=#FF7F00][FONT=Tahoma] [/FONT] [FONT=Tahoma] جميعاً[/FONT][FONT=Tahoma]
[/FONT] [FONT=Tahoma] بل لتكون مصدراً لسعادة رجل واحد[/FONT][/COLOR][/COLOR][/SIZE][/FONT][FONT=Tahoma][SIZE=6][COLOR=purple][COLOR=purple][FONT=Tahoma]
[/FONT][/COLOR][/COLOR][/SIZE][/FONT]
Comment

Comment