محتار جدا بين الجلاكسي s3 والجراند .. فين الراجل تفيدني ؟!

[محمد فرج]

السلام عليكم

كنت حابب اخذ رايكم فى حاجة واتمنى الافادة ولكم جزيل الشكر

كنت حابب اشتري فون جديد وحديد وبنظام الاندرويد .. فا اعجبت جدا بـ S3

وهبعت اجيبة من الكويت هيعمل فى حدود 3 " يقل شوية او يزيد شوبة "

ولكن وانا بتفرج على النت لقيت الجراند ‫مقارنة بين Galaxy Grand و Galaxy S III‬‎ - YouTube

هو ارخص شوية من الجلاكسي S3 بس بشرحتين

انتوا رايكم ايه ؟ اجيب الجراند ولا الاس 3 ؟ وهل الاس 3 يستاهل المبلغ اللي هدفعة فية خصوصا انة اغلى من الجراند ؟ ولا مش هتفرق كتير واوفر واجيب الجراند ؟
وهل فعلا الاس 3 بيسخن جامد ؟

( مع العلم اني حاليا معايا بلاك بيري واول مرة استخدم الاندرويد ومش محترف قوي "

اتمنى الرد وشكرا جزيلا

[gebreel]

متابع + عاوز اعرف لو حد لقى حل لموضوع شاشة الs3 اللي الكوفر بتاعها بيتشرخ مع الوقوع دي

[M.Osama]

ال s3 اعلي بكتير من الجراند ف كل حاجه

الـ S3 مواصفاته كالتالي:

شاشه 4.8 بوصه بدقة وضوح 306 بكسل ف البوصه

بروسيسور رباعي 1.4 جيجا هرتز

رامات 1 جيجا

ذاكره داخليه 16\32\64

الجراند

شاشه 5 بوصه بدقة وضوح 187 بكسل ف البوصه

بروسيسور ثنائي النواه 1.2 جبجا هرتز

رامات 1 جيجا

ذاكره داخليه 8 جيجا

----------------------------------------------------

الخلاصه

لو حضرتك لازم تستعمل خطين.. ومفيش حل تاني هات ال grand

لو عاوز موبايل امكانيات عاليه ويعيش معاك فتره من غير ما تفكر تغيره.. يبقي ال s3

[محمد فرج]

بيقولوا الاس 3 في مشكلة كبيرة وهي ان الموبايل بيسخن جامد ؟

[matrix_it]

ممكن سؤال ! ايه اللى بيتحكم فى سرعة و سلاسة الموبايل الرامات ولا البروسيسور ؟
و تفرق ايه شاشة 300 بيكسل عن شاشة 250 بيكسل مثلا ؟ الف شكر

[محمد فرج]

ياريت رد باقي الناس .. خصوصا اللي معاها جراند او جلاكسي اس 3 ..

[Ahmed Selim]

أنا معايا ال S3 و مش عاجبني بصراحة.......بيتقل و يهنج بلازمة و بدون لازمة.

لو أنت عاوز تليفون كويس و أسرع شوية من ال S3 بس شاشته أصغر و بشريحتين و هتجيبه من برة دور على s4 mini duos.

شاشته 4 بوصة تقريباً و بيشيل خطين و أسرع...........و سعره فى دبي فى حدود ال 1400 درهم.

بس مش نازل فى المحلات الكبيرة هناك.......نازل فى حتة زي شارع عبد العزيز كده.

اللى زيه بس بخط واحد نازل عادي هناك فى كل مكان.

[Ahmed Selim]

متابع + عاوز اعرف لو حد لقى حل لموضوع شاشة الs3 اللي الكوفر بتاعها بيتشرخ مع الوقوع دي

أنسي يا عمرو :)

الحاجة الوحيدة اللى ممكن تتعمل تحافظ على الشاشة هى ال screen protector اللى ضد الكسر.

بس مش هيعمل حاجة للكوفر :)

[محمد فرج]

أنسي يا عمرو :)

الحاجة الوحيدة اللى ممكن تتعمل تحافظ على الشاشة هى ال screen protector اللى ضد الكسر.

بس مش هيعمل حاجة للكوفر :)

ايه اللي بيتكسر لما يقع الفون ؟ فهموني دي علان مش فاهمها ؟
والشاشة مش ضد الكسر ؟ وايه ل screen protector ؟
والجراند فية المشكلة دي ؟

وايه اخبار الاس 3 فى موضوع انة بيسخن جامد ؟

[miceg]

ابعد عن الجراند لانه بيسقط شبكة
وده حال معظم أجهزة السامسونج
سواء s3 او note 1 or 2
لكن بيزيد اوووي في حالة الجراند
عاوز اقولك مافيش موبيل سامسونج مسكته الا لما بلاقي رسالة 777 بيقولي ان في مكالمة فائتة
بالرغم من عدم قفل الموبيل نهائيا
لو عاوز نصيحتي دور على اي حاجة HTC بنفس السعر
تحياتي

[gebreel]

أنسي يا عمرو :)

الحاجة الوحيدة اللى ممكن تتعمل تحافظ على الشاشة هى ال screen protector اللى ضد الكسر.

بس مش هيعمل حاجة للكوفر :)

و هي مش الشاشة نفسها على gorilla glass protection؟

[nodey]

حياك الله اخي
شوف الرابط ده بيعمل مقارنات جبارة بين الهواتف
وهتلاقي رابط مقارنة بين s3 و الجراند
اتفضل هنا

[alfath8]

ابعد عن الجراند لانه بيسقط شبكة
وده حال معظم أجهزة السامسونج
سواء s3 او note 1 or 2
لكن بيزيد اوووي في حالة الجراند
عاوز اقولك مافيش موبيل سامسونج مسكته الا لما بلاقي رسالة 777 بيقولي ان في مكالمة فائتة
بالرغم من عدم قفل الموبيل نهائيا
لو عاوز نصيحتي دور على اي حاجة htc بنفس السعر
تحياتي

فعلا نفس مشكلة الشبكة مع ثلاث تليفونات سامسونج لما شكيت فى نفسى