استفسار بخصوص ال Access point

[د.محمود صلاح]

السلام عليكم ..

من فضلكم استفسار عن جهاز الاكسس بوينت اللي بيحول النت ...




يوجد وصلة نت من سايبر للكمبيوتر وصاحب السايبر مزودها بكلمة سر واسم دخول .. بحيث لما ندخل النت لازم تحط كلمة السر

هل لو شبكت السلك ده بالاكسس بونت دي النت هيتوزع وايرلس لكل الاجهزة في البيت ولا جهاز واحد فقط طبقا لكلمة السر واسم الدخول بتوع السايبر ؟ ولا فيه اعدادت معينة في الاكسس ؟؟

شكرا لكم

[m.farouk]

المفروض تشتغل عادى اكل الاجهزه

[miceg]

للأسف لو عامل سيرفر ومدي لكل مستخدم يوزر نيم وباسورد واحد
فالاكسس بوينت لا يستطيع توزيع الانترنت الا من خلال يوزر نيم وباسورد لكل متصل
لان اليوزر نيم والباسورد مرتبطين بجهاز كمبيوتر واحد فقط
فيلزم لكل مستخدم سواء من السايبر او من الاكسس بوينت يوزر نيم وباسورد

[أبو آسر]

جهاز واحد فقط اللي صاحب السيرفر مديله التصريح ومعاك الباسورد بتاعته وباقي الأجهزة لازم تاخد تصريح ويديك باسورد ليها علشان تقدر تشتغل

[kelkholy]

بص يا سيدى الفاضل الموضوع مالوش علاقة بال user name و ال password اللى انت واخدهم

الموضوع له علاقة بقدرة ال access point انها تاخد ال user name و ال password المسجلين باسمك وتبعتهم عن طريف الكابل بمعنى اصح هى تشتغل كا client ل authentication server اللى انت مسجل عنده .

لو ال access point فيها الامكانية دية تقدر تدخل 10 20 30 مستخدم زى ما انت عايز حسب السعة اللى انت واخدها

للاسف انا نزلت ال manual الخاص بال access point دى ومالقيتش فيها الخاصية المطلوبة ولذلك لو انت كان عندك اكتر من user name و password مش هايشتغل بردك مع هذه ال access point.

[د.محمود صلاح]

شكرا جدا للافادة والردود ..

طيب ممكن حضرتك kelkholy تديني رقم موديل فيه الخاصية دي ؟

[naser_56]

الموضوع بيعتمد علي اشياء عديده بناء علي صاحب الشبكه وعلي اسلوب حمايته للشبكه بتاعته

1- لو هو عامل يوسر وباسوورد عادي بدون ربطك بماك ادريس معين يبقي اي اكسس هتنفع معاك وتقدر تدخل اليوسر والباسوورد في صفحه الدخول وتشبك عادي علي اي جهاز
2- لو صاحب الشبكه محدد لك ماك ادريس معين وهو المصرح له بالدخول يبقي عليك وعلي اي اكسس بوينت بتدعم pppoe وانا ارشحلك بافلو ولكن بخصوص التي بي لينك الي انته حاطط معنديش فكره عن اعداداته ولكن البافلو انا مجربه وفيه pppoe وعن طريقه كنت بشغل اي جهاز واكثر من جهاز كمان بالرغم ان صاحب الشبكه كان عامل يوسر وباسوور ومحدد ماك ادريس وكمان كنت ادخل اليوسر والباس في جهاز واحد وباقي الاجهزه كانت تشبك معاي بدون المطالبه بيوسر وباس وورد بمعني الجهاز الاول يشبك والباقي وراه بدون اي مشاكل ولا يوسر ولا ووجع دماغ ومن بين الاجهزه كمان ريسيفر دريم بوكس كنت مشغله شيرنج وكان لابد من وجود انترنت له ده غير الموبيلات والايبادات الي كلها كانت تشك دايرك ورا اول جهاز يشبك وسلم لي علي المايكروتك ههههههه ولكن لو صاحب الشبكه محدد ليك سرعه معينه دي ملهاش حل وهتتقسم علي الاجهزه الموجوده في الشبكه عندك

[kelkholy]

شكرا جدا للافادة والردود ..

طيب ممكن حضرتك kelkholy تديني رقم موديل فيه الخاصية دي ؟

بالنسبة لل access point اللى بها الخاصية دى ممكن تكون غالية عليك لان النوع ده بيستخدم فى الشركات
زى Cisco

انا بقترح تستخدم wireless router هايلبى طلباتك اللى انت عايزها وانا اختارتلك نفس الماركة اللى اختارتها بالنسبة access point و نفس ال category

وعلى فكرة ال wireless router ممكن ينفعك مستقبلا لو قررت تستقل وتركب خط خاص بيك

هو بس فى نقطة هنا انا لاحظت ان فى لابس بين ال access point و ال wireless router وانا هاوضحة فى الرد على الاخ ناصر ارجو متابعتى

ده ال URL الخاص بال wireless routers بنفس الترتيب

TL-WR741ND - Welcome to TP-LINK

TL-WR740N - Welcome to TP-LINK

TL-WR743ND - Welcome to TP-LINK

وبالتوفيق انشاء الله

[kelkholy]

الموضوع بيعتمد علي اشياء عديده بناء علي صاحب الشبكه وعلي اسلوب حمايته للشبكه بتاعته

1- لو هو عامل يوسر وباسوورد عادي بدون ربطك بماك ادريس معين يبقي اي اكسس هتنفع معاك وتقدر تدخل اليوسر والباسوورد في صفحه الدخول وتشبك عادي علي اي جهاز
2- لو صاحب الشبكه محدد لك ماك ادريس معين وهو المصرح له بالدخول يبقي عليك وعلي اي اكسس بوينت بتدعم pppoe وانا ارشحلك بافلو ولكن بخصوص التي بي لينك الي انته حاطط معنديش فكره عن اعداداته ولكن البافلو انا مجربه وفيه pppoe وعن طريقه كنت بشغل اي جهاز واكثر من جهاز كمان بالرغم ان صاحب الشبكه كان عامل يوسر وباسوور ومحدد ماك ادريس وكمان كنت ادخل اليوسر والباس في جهاز واحد وباقي الاجهزه كانت تشبك معاي بدون المطالبه بيوسر وباس وورد بمعني الجهاز الاول يشبك والباقي وراه بدون اي مشاكل ولا يوسر ولا ووجع دماغ ومن بين الاجهزه كمان ريسيفر دريم بوكس كنت مشغله شيرنج وكان لابد من وجود انترنت له ده غير الموبيلات والايبادات الي كلها كانت تشك دايرك ورا اول جهاز يشبك وسلم لي علي المايكروتك ههههههه ولكن لو صاح ب الشبكه محدد ليك سرعه معينه دي ملهاش حل وهتتقسم علي الاجهزه الموجوده في الشبكه عندك

فى نقطة بس احب اوضحها لا يوجد اى access point بتدعم pppoe protocol البروتوكول ده بيستخدم كا اداة اتصال بين ال router للمستخدم وبين مقدم الخدمة زى TE-Data ولو عايز تفاصيل اكتر ممكن تدخل على الموقع ده Point-to-point protocol over Ethernet - Wikipedia, the free encyclopedia
علشان كدة البروتوكول ده بيستخدم مع ال router فقط

اما ال access point فهى بتستخدم فقط للتوصيل اللاسلكى

الشركات علشان تسهل الموضوع على المستخدمين فى البيوت دمجو ال router وال access point بجهاز واحد سموه wireless router ولكن وظيفته الاساسية router والثانوية access point

[naser_56]

كلامك مضبوط عزيزي ولكن المسمي الدارج ليه هنا هو اكسس بوينت ولكن بعيدا عن المسميات انا حبيت افيد صاحب الموضوع بجهاز يلبي جميع متطلباته ومن الواضح ان هو عنده اكتر من جهاز وعاوز يشغلهم كلهم او اغلبهم وايرلس وبالطبع مش هينفع معاه غير الوايرلس راوتر الي انا بقول عليه اكسس بوينت ههههههههه وكمان للافاده برضه هيضطر يرجع لصاحب الشبكه في حاله ان صاحب الشبكه رابطه بماك ادريس ولكن دي حلها بسيط ممكن يقول لصاحب الشبكه ان هو غير الكمبيوتر بعدها مش راضي يشبك معاه وبكده صاحب الشبكه هيفعل له الماك الجديد بتاع الراوتر علي فكره انا كنت بعاني من الموضوع ده برضه والحل الوحيد الي نفع معاي هو الكلام الي انا ذكرته فوق

[د.محمود صلاح]

شكرا لكم لنقل تجاربكم المفيدة ..

واضح ان الحل فعلا في ال wireless router

المناسب اوي هو ده
TL-MR3220 - Welcome to TP-LINK

بياخد النت من الوصلة او من مودم اتصالات ويوزعها على 4 اجهزة سلكيا بالاضافة للوايرليس

-----------------

وده النسخة المحمولة ( ياخذ النت من مودم اتصالات او من سلك الوصلة ) وهو ببطارية تستخدم لتشغيل الجهاز بدون كهرباء بالاضافة لشحن الموبايلات .. ولكن لا يوجد به مخرج للنت سلكيا زي الجهاز الاول
TL-MR3040 - Welcome to TP-LINK

[kelkholy]

شكرا لكم لنقل تجاربكم المفيدة ..

واضح ان الحل فعلا في ال wireless router

المناسب اوي هو ده
TL-MR3220 - Welcome to TP-LINK

بياخد النت من الوصلة او من مودم اتصالات ويوزعها على 4 اجهزة سلكيا بالاضافة للوايرليس

-----------------

وده النسخة المحمولة ( ياخذ النت من مودم اتصالات او من سلك الوصلة ) وهو ببطارية تستخدم لتشغيل الجهاز بدون كهرباء بالاضافة لشحن الموبايلات .. ولكن لا يوجد به مخرج للنت سلكيا زي الجهاز الاول
TL-MR3040 - Welcome to TP-LINK

مبروك عليك مقدما انت طبعا ادرى بطلباتك وامكانياتك
بس فى نقطة انا لاحظتها معظم الموديلات اللى انت اخترتها ال speed بتاعتها 150 MB وده هايشتغل معاك كويس ولكن لما تدخل فى Category اعلى زى NAS و media streaming هاتحتاج wireless router ال speed بتاعته اعلى مش هاتقل عن 300 MB

وبالتوفيق انشاء الله

[د.محمود صلاح]

طيب كويس ان حضرتك فكرتني .. ال 150 mb دي سرعة نقل البيانات ولا مدى اشارة الوايرلس ؟ اللي اعرفه ان اخره 10 متر ولو في حوائط يبقى اقل

وايه الحل للي محتاج توزيع لمسافة كبيرة مثلا 30 متر ؟

[naser_56]

بالضبط كده ال 150 دي سرعه نقل بيانات والافضل ليك حاليا ومستقبلا انك تاخد حاجه اعلي في نقل البيانات ممكن تحتاجها في مشاركه افلام او جيم علي الشبكه الداخليه عندك

بالنسبه للتغطيه اكيد هتكون اكبر من ١٠ متر بكتير حتي لو في عوازل كمان وممكن توصل عندك ال ٣٠ كمان بس مش متأكد تغطيها او لا لو في عوازل عموما انا بطلع في الشارع بره ومسافه فوق ال ٢٠ متر والتليفون بيكون جايب شبكه بس ضعيفه وكمان الموضوع ده بيعتمد علي حساسيه الجهاز المستقبل يعني اكيد هيكون الكمبيوتر حساسيه استقباله اكتر من التليفون وايضا كروت الوايرلس الخارجيه المذوده بانتينه بتكون استقبالها افضل

[kelkholy]

طيب كويس ان حضرتك فكرتني .. ال 150 mb دي سرعة نقل البيانات ولا مدى اشارة الوايرلس ؟ اللي اعرفه ان اخره 10 متر ولو في حوائط يبقى اقل

وايه الحل للي محتاج توزيع لمسافة كبيرة مثلا 30 متر ؟

بالنسبة للسرعة بيحكمها ال MB وده اختصارها mega bit per second ومعناها ميجا بت فى الثانية معناها قدرة ال wireless router ينقل كم ميجا فى الثانية

اما مدى الاشارة بيحكمها ال Antenna ودى بلغة المصريين الاريال (طبعا مش اريال بتاع الغسيل احسن تفهمنى غلط ) والخارجية منها اللى على شكل عصاية زى اللى عندك فى الموديل اللى انت اختارته

سعر ال Wireless Router بيحدده الاثنين دول بمعنى كلما كانت السرعة اعلى والاشارة مداها ابعد كلما كان سعره اغلى وغالبا الموديل اللى انت اختارته اشارته ضعيفة لانه ب Antenna واحدة

اما موضوع التوزيع لمسافة كبيرة ممكن يتعمل بطريقتين الاولى تجيب Wireless Router الاشارة بتاعته قوية وممكن بعد كدة تبدل ال Antenna بتاعته ب Antenna اكبر لو اكتشفت انه مش كفايه
او الاحتمال التانى تجيب access point وتشغلها كا Repeater وعلى فكرة ال access point اللى انت عرضتها فى اول الموضوع فيها الخاصية دى

انا شايف انه من الافضل تشترى ال Wireless Router دلوقت وتشوف موضوع المدى ده بعدين بعد ما تجربه