شركة الكهرباء مش ناوية تتعدل!!

[أبو_يوسف]

السلام عليكم..
بعد المبالغة في الفواتير الشهرين اللي فاتوا وكانت الشكوى جماعية.. -كانت الفاتورة ب 1000ج عن شهرين 8 و9-
فوجئت ان فاتورة شهر اكتوبر جاية بزيادة 700كيلو عن العداد! يعني بدل ماتيجي الفاتورة ب 90ج جاية ب 390ج

رحت اشتكي لقيت كتير بيشتكوا .. ورد الموظفين انها مشكلة حصلت في النظام (السيستم) وبيأكدوا على الكلام دا علشان الكشافين ميتأذوش..
المهم لقيتهم بيتقبلوا الموضوع على طول
وقلت لهم ان القراءة مش مظبوطة من شهر 7 قالي هاناخد قراءة شهر 11 والاستهلاك يتشرح على 5 شهور يعني من 7 الى 11

المهم بقى يا جماعة اني لما قلت للموظف طالما مشكلة في النظام يبقى مفيش داعي الناس تيجي تشتكي وانتم هاتظبطوا القراءة اتوماتيك قالي لأ.. اللي عايز يشتكي قدامه لحد 25 اكتوبر والا يبقى راضي بالامر..!!

قلت اقلكم .. ياريت تراجعوا اخر فاتورة مع عداد الكهرباء ولو الفاتورة فيها زيادة تشتكي فورا.. ولو عايز تعمل تشريح لاخر 4 او 5 شهور صور الايصالات او الكعب
والله المستعان

[Mohamed_Hamid]

تسلم ياباشا ربنا يبارك لك

[RAPID]

تهريج وبلطجة من نوع جديد

[ابو لؤى]

مابدفعش فواتير لحكومه .......

[أبو_يوسف]

مابدفعش فواتير لحكومه .......

هما بالعك بتاعهم دا خلوا الناس كلها ماتدفع..

بس على الاقل ظبط فواتيرك حسب استهلاكك.. لان لازم هاتدفع في الاخير..

[saddam]

صديقي المواطن
أحسن كفتة في العالم تاكلها في مصر
وبالتوفيق وإلى اﻷمام ومن نصر إلى نصر
ودمتم للنضال

[amrelsaqqa]

حلوة راضى بالامر دى

و حلو لما يبقى السرقة اسلوب دولة !

[أبو آسر]

على فكرة الكهربا زادت حوالي 30% من بعد 30-6 واللي مش مصدقني يجيب فاتورة شهر 9 أو 10 السنة اللي فاتت ويقارنها بفاتورة شهر 9 أو 10 السنة دي ويشوف
الحساب يكون بالطريقة دي
بالصور.. كيف تحسب فاتورة الكهرباء؟

[hugan]

هايجبرو الناس انها تاخد حقها بطريقه تانيه
انا كنت بادفع شهريا في الصيف 220او 190 جنيه
وفي الشتاء 70 جنيه
اخر فاتوره450 جنيه والتكييف مش شغال من اول 9

[MotorX]

على فكرة الكهربا زادت حوالي 30% من بعد 30-6 واللي مش مصدقني يجيب فاتورة شهر 9 أو 10 السنة اللي فاتت ويقارنها بفاتورة شهر 9 أو 10 السنة دي ويشوف
الحساب يكون بالطريقة دي
بالصور.. كيف تحسب فاتورة الكهرباء؟

الزياده دي حصلت على مرحلتين في ديسمبر 2012 و يناير 2013 ، لكن اللي مزود الفواتير بالشكل المبالغ فيه ده انه بالاضافة للزياده دي للاسف موظفين شركة الكهرباء بيتعمدوا انهم يدخلو المشتركين في شرائح مرتفعة عن طريق تسجيل قراءات قليلة للعداد واضافة الفروق في فواتير الصيف .

تحياتي

[MotorX]

هايجبرو الناس انها تاخد حقها بطريقه تانيه
انا كنت بادفع شهريا في الصيف 220او 190 جنيه
وفي الشتاء 70 جنيه
اخر فاتوره450 جنيه والتكييف مش شغال من اول 9

اللي بيحصل انهم بيسجلوا قراءات اقل من الفعلية كذا شهر ورا بعض وبعد كده يضيفوا الفروق في فاتورة واحدة وده بيدخلك في شريحة اعلى بكتير اكتر من الضعف (الشريحة المتوسطة 29 قرش للكيلوات ، والشريحة العليا 67 قرش للكيلوات) .

تحياتي .

[أبو_يوسف]

فيه ملف اكسيل على اللينك دا:
فاتورة الكهرباء

يحسب قيمة الفاتورة بعد ادخال القراءة السابقة والقراءة الحالية.. او ادخال قيمة الاستهلاك مباشرة..

على كدا الواحد يبلغ قراءة العداد اول الشهر بنفسه من خلال التليفون علشان النصب دا..

مفيش حد ظهر عنده موضوع زيادة الاستهلاك عن العداد؟ هو غالبا كل مدينة نصر

[MotorX]

فيه ملف اكسيل على اللينك دا:
فاتورة الكهرباء

يحسب قيمة الفاتورة بعد ادخال القراءة السابقة والقراءة الحالية.. او ادخال قيمة الاستهلاك مباشرة..

على كدا الواحد يبلغ قراءة العداد اول الشهر بنفسه من خلال التليفون علشان النصب دا..

مفيش حد ظهر عنده موضوع زيادة الاستهلاك عن العداد؟ هو غالبا كل مدينة نصر

انسب ميعاد للابلاغ عن قراءة العداد من يوم 12 الي 18 من كل شهر.

تحياتي.

[أبو آسر]

أنا روحت شركة الكهربا النهاردة علشان أقسط آخر فاتورتين اللي ب1050 جنيه بس الموظف مرضيش يقسطهم قلت عليا وعلى أعدائي والله ما أنا دافع ويبقوا يوروني هيشيلوا العداد ازاي ولاد ال#$%^&*

[ابو لؤى]

وبكره تشوفو مصر وتسلم الايادى