الشعب المصري شعب متدين بطبعه :(

[Bassem Youssef]

ايه اللي انا شوفته في العيد ده ؟ عايز حد يفهمني ؟

يوم الوقفه:

شباب المنطقه المتدينين قاعدين يشربوا حشيش في الشارع و ساعه الصلاه يروحوا يتوضوا و يصلوا العيد
يا سلام ؟

اول يوم:
اضطررت اسفا اني انزل عشان اتفرج علي الماتش مع صحابي و اهه فرصه عشان نعد ندردش شويه بس ياريتني ما نزلت

كميات تحرش و فيزون و ضحكات سافله و شتايم غير محدوده و الشرطه عامله نفسها نايمه
ايه اللي احنا وصلناله ده ؟ انا حاسس اني كنت ماشي في شارع الهرم

نيجي نشوف افلام العيد كده

عش البلبل (انا حاسس ان السبكي يقصد حاجه مش محترمه)
القشاش و صافيناز الله يحرقها بجاز مش نضيف دنيا و اخره هي و اللي و الشباب التافه المعجب بيها
فيلم 8% (نسبه ايه دي مش فاهم) بتاع المتسولين اوكا و اورتيجا

الفيلم الوحيد المحترم اللي هو هاتولي راجل
تافه بس محترم

الشعب كله مش بيتكلم الا عن صافيناز صافيناز صافيناز

خلاص
مشاكل مصر خلصت و الشعب بقي غني و مصر بقت دوله متقدمه فبقينا بنشغل نفسنا بصافيناز

الفيديو بتاعها حقق اكتر من مليون مشاهده علي اليوتيوب
ده لو فيلم اباحي مش هيحقق المشاهدات دي كلها

احب اتكلم عن نقطه اخيره

الشماته:
فئه من المصريين شمتانين في المنتخب انه اتغلب
فرحانين انه اتغلب و يقولوا احسن و خلي مش عارف مين ينفعكوا

فئه تانيه كانت بتدعي اننا يخش فينا اكتر من 4 اجوان عشان الفئه الاولانيه متعدش تذل فينا

ايه التخلف و العبط و التفاهه دي ؟ ايه انعدام الوطنيه ده ؟

# حسبي الله و نعم الوكيل

[amr011111]

المنظومه كلها بايظه

[mastr_n]

و إنما الأمم الأخلاق ما بقيت ....* فإن هم ذهبت أخلاقهم ذهبوا
و إذا أصيب القوم في أخلاقهم ....* فأقم عليهم مأتما و عويلا
صلاح أمرك للأخلاق مرجعه ....* فقوّم النفس بالأخلاق تستقم
و ما الحسن في وجه الفتى شرفا له ....* إذا لم يكن في فعله و الخلائق


اللهم انتقم من السبكى ومن عاونة

[amr011111]

اللهم انتقم من السبكى ومن عاونة

طبعا السبكى سبب من ضمن الاسباب
بس للأسف اللى مشجعه الفئه اللى بتدخل افلامه
يعنى تخيل لو السبكى لما عمل فيلم زى عبده موته وملقاش حد بيدخل افلامه مش هينتج افلام تانى
انما هوه لاقى نفسه بيعمل ايرادات 17 مليون لفيلم زى عبده موته والى بطله يبقى شمام او كانتلوب :) فده بيشجعه انه يعمل افلام اكتر واكتر بالشكل ده وفى الاخر تلاقى الاخ محمد رمضان ده من نجوم المجتمع ومن اصحاب الرساله الفنيه ولما يدخل اى قسم ينضربله تعظيم سلام
ودمتم للنضال:)

[lanos2004]

ما هودة طلب الحكومه الجديده الحريات الاخلاقيه فقط والتعري
انما تفكر وتطالب بحقك كانسان فالقتل هو الجواب صوتك تاخده رصاصه

[حاتم سليم]

المنظومه كلها بايظه

يعنى ايه منزووما ؟؟ ...

[lidosasa]

زمان كانوا بيعملوا أفلام تعالج المشاكل الإجتماعية والشخصيات اللى فى الفيلم كانوا دكاترة ومهندسين ومحامين ومدرسين وصاحب القهوة والجزار لكن دلوقتى مفيش فى مصر غير البلطجى والرقاصة بتاعته اللى محتاجين تفرغ مجتمعى لمناقشة مشاكلهم الأزلية من نوعية الحشيش ده أصلى ولا مضروب ؟؟ ويا ترى المجتمع هو اللى ظالمهم ولا هما أصلاً ولاد ستين كلب وعالة على المجتمع ؟؟ وحنسكر فين النهاردة ؟؟ المهم إن اللى يدخل الفيلم يطلع منه زى اللطخ ويبقى عامل كده

[MMamdouh]

welcome in Egypt... enjoy

MMamdouh

[RAPID]

[ابو لؤى]

انا شايف الناس زعلانه على المنتخب انه خسر اكتر مازعلت على الجثث اللى اتقتلت ظلم !!!!

[S O P H O S]

واقع محدش هيقدر يهرب منه
محتاجين نغير حاجات كتيرة وده صعب
مفيش غير تجنب جزء كبير من ده

[Imhotep]

الموضوع ده دليل على ان الاخلاق حاجة و التدين حاجة تانية..... فى الموضوع ده كان فى كلام مشابه:

http://www.nilemotors.net/Nile/379675-a-2.html

..... انا قلت فيه فى المشاركة 17 ان الاخلاق منبعها الاصلى الفطرة الاصلية للانسان و بعد كده جه الدين عشلن يأكد على الاخلاقيات الحسنة و يرفض السلوكيات الخاطئة..... و اديت كتاب مرجع اسمه فجر الضمير اللى بيتكلم عن الاخلاقيات و درجة سموها العالية جدا فى مصر القديمة

التدين بقى خاصة الظاهرى منه هو اللى بيشتكى منه صاحب الموضوع فى الظواهر اللى بيتكلم عنها من الشباب اللى بيحشش و بعدين يروح يصلى و غيره من الظواهر

يعنى من الاخر منتغرش فى مظاهر التدين اللى كثيرا ما تصبح مزيفة (و كلنا اتقرصنا كتير اوى و دفعنا تمن غالى كبلد و شعب ككل عشان نكتشف الحقيقة دى)..... و ندور على جوهر الانسان اللى بنتعامل معاه بغض النظر عن اى حاجة دينه او لونه او عرقه او جنسيته الخ

[Hunting_Eagle]

علشان كده انا رأيي ان ثورة يناير هي ثورة فاشلة

لأن المشكلة فينا احنا كشعب قبل الحكومة

احنا شعب معظمه قليل الأدب و عايز يتربى

تخيل ناس قليلة الرباية كانت مربوطة بسلاسل و فجأة اديتهم 100% حرية
فشيء طبيعي انك تشوف اللي انت شوفته

[Imhotep]

الصح هو...... 0% حرية فجأة بقت 100% حرية فالناس فهمت غلط و حولتها لفوضى فبقت 100% فوضى و 0% مسئولية..... يبقى الحل التطبيق الصارم للقوانين اللى موجودة و غير مفعلة و كمان استحداث الغير موجود منها لتنظيم اوضاع المجتمع الى ان تتوازان الدنيا و تبقى 100% حرية = 100% مسئولية

القانون و النظام و الصرامة فى تطبيقهما هو الحل لغاية ما نتعود و كمان عشان الفوضى اللى ضاربة فى كل انحاء حياتنا تتظبط واحدة واحدة و تتلم تانى.....

على الاقل ده الجزء العملى اللى يمكن التحكم فيه فى المنظومة..... و الدليل ان الناس لسه ملتزمة فى المترو لانه من اول ما اتولد كمشروع اتولد معاه كمان النظام..... فالالتزام بالنظام اصبح فى ذهن الناس مرادف للتواجد فى المترو.....

ده لغاية ما بقية الاجزاء اللى صعب التحكم فيها زى التربية فى البيت و لما المجتمع يعرف يوزن الاشخاص بموازين حقيقية كأشخاص فقط بدون انخداع بمظاهر كاذبة الخ الخ

[mastr_n]

الصح هو...... 0% حرية فجأة بقت 100% حرية فالناس فهمت غلط و حولتها لفوضى فبقت 100% فوضى و 0% مسئولية..... يبقى الحل التطبيق الصارم للقوانين اللى موجودة و غير مفعلة و كمان استحداث الغير موجود منها لتنظيم اوضاع المجتمع الى ان تتوازان الدنيا و تبقى 100% حرية = 100% مسئولية

القانون و النظام و الصرامة فى تطبيقهما هو الحل لغاية ما نتعود و كمان عشان الفوضى اللى ضاربة فى كل انحاء حياتنا تتظبط واحدة واحدة و تتلم تانى.....

على الاقل ده الجزء العملى اللى يمكن التحكم فيه فى المنظومة..... و الدليل ان الناس لسه ملتزمة فى المترو لانه من اول ما اتولد كمشروع اتولد معاه كمان النظام..... فالالتزام بالنظام اصبح فى ذهن الناس مرادف للتواجد فى المترو.....

ده لغاية ما بقية الاجزاء اللى صعب التحكم فيها زى التربية فى البيت و لما المجتمع يعرف يوزن الاشخاص بموازين حقيقية كأشخاص فقط بدون انخداع بمظاهر كاذبة الخ الخ

جبت الفايدة اللة ينور عليك
وبعدين الناس فاكرة ان الأوربين والامريكان دول ناس ملايكة مابيغلطوش لا طبعا بس الواحد منهم عارف انة لو كسر اشارة مثلا يعنى هايدفع غرامة محترمة ممكن تخلية بقية الشهر محتاس
الناس دية القانون عندعم صارم مافيش مجاملات لاى حد اتولدوا لقوا الدنيا ماشية بالفوانين