الشعب المصري شعب متدين بطبعه :(

[aldesha989]

يعنى ايه اخلاق ؟
انتا فاكر ان المجتمع المصرى مجتمع قايم على الاخلاق ؟

المتجمع المصرى مش قايم غير على حاجه واحده بس وهى المسيطره
الانحطاط
كل ما تنزل لتحت اكتر تجيب فلوس اكتر
انتا مش من حقك تعاتب السبكى ولا اللى زيه من الاقذار
ليه !
هقولك ليه
لما يكون فيلم زى القشاش نازل فى العيد اللى هو المفروض عيد من عند ربنا
وتلاقى الناس سايبه كل حاجه وبتروح تتفرج على فيلم زى ده يبقى العيب مش فى السبكى واللى زيه
لانها ناس زباله
ولقت ناس زيها تتفرج على الزباله اللى بتعملها
افلام السبكى ما هى الا افلام دعاره بشويه هدوم واللى جاى من غير هدوم وهتلاقى برضه اللى يدخله
لما تلاقى ناس بتحلق زى الاخ اللى بيمثل فى فيلم قلب الاسد يبقى برضه العيب مش على السبكى ولا اللى بيمثل العيب على الناس اللى لما بتصدق اى حاجه هابله تعملها
نص الشعب حالق زى القذر ده ايه الفكره ايه الهدف ايه الشكل المقرف ده ما تعرفش اهى بالنسباله حلاقه جامده

انا كنت واقف مع النقاش فى شقه اختى وكان معاه صبى بتاع 17 سنه
الواد شايفنى قاعد باللاب توب بيقولى ما تشغلى مهراجان
قولتله روح يا بابا كمل شغل مهراجان ايه وقرف ايه
قالى طب ما شوفتش فيلم الالمانى قولتله لا ما بشوفش قالى ازاى ده جامد اوى
قولتله ياعم انزل من ودانى وروح شوف شغلك

تخيل ان فيلم هابط زى ده كله سراير وصياعه ومسخره يبقى بالنسبه للناس جامد اوى ومش هنقول فئه معينه لان معظم الناس بتشوف الغلط جامد وبتشوف الصح ايه القرف ده ودى الحقيقه ويقدر اى حد يشوفها بعينه لو نزل سئل حد فى الشارع بس وممكن يكون معانا ناس صحابها بالمنظر ده وبتشجع الحاجات الهابطه دى

سيدى الفاضل
نحن شعب غبى متخاذل مع الحق
ناصر للباطل يرى الحقيقه ولا يصدقها ويقابلها بكذب بين
يحب الباطل لا يعرف شئ اسمه اخلاق
كل همه دلوقتى
جزء عايشها صياعه والجزء ده بقى كبير وكل شويه بيكبر اكتر وتقدر تشوف بنفسك اول ما تنزل من بيتك منظر الناس فى الشارع لو ما شوفتش معظم اللى فى الشارع صيع يبقى ليك الكلام
المشكلة ان الجزء ده بقى طاغى وبيكبر بعد كده يا اما الواحد هيتحول ويبقى زيهم يا هتلاقيهم قاعدين عندك فى البيت وابقى دكر لو عرفت تتكلم
علشان احنا ساكتين وبنقول واحنا مالنا

والجزء التانى مش فارق معاهم حاجه وعايشها وبيدور على لقمه عيشه والجزء السلبى ده هو اللى ودانا فى داهيه طول حياتنا بيدور على لقمه العيش

يلا يا راجل بلا اخلاق بلا بتاع دا احنا فى مرار

[city_ct]

تعليقا على العنوان:

أعتقد أن الشعب المصرى الان متدين عبادات فقط أى ما هو عمل روتينى موسمى ظاهرى (صوم، صلاة، عمرة) لكن دين المعاملات تضاءل..
بمعنى أنك تجد من كان يصلى، خرج بعد الصلاة ليكذب فى معاملته أو يغش، و من كان صائم لا يهتم بنظافة مكانه (بصق فى الشارع، القى زبالة فى نهر الطريق ...حتى نصل إلى جريمة التخلص من مخلفات البناء و الحفر على جوانب الطرق).

و قس على ذلك امثلة اخرى كثيرة عن أشخاص يؤدون العبادات و نفس الوقت يخالفون تعاليم الدين من أمانة و صدق و تراحم و رحمة و نظافة و عدم أكا حقوق الغير بالباطل ... إلخ.

و فى هذا يتساوى المصريون مسلمون أو مسيحيون... فقراء أو أغنياء... متعلمون أو جهلاء.

للأسف ما كنا نتعلمه فى المدارس فى حصص العربى و الدين من احاديث فى ابتدائى نسناه..... أين نحن من :"النظافة من الإيمان"... "و ما هو على شاكلة القوال و الأحاديث النبوية الشريفة المكونة من بضعة كلمات..

هذا بلإضافة إلى أن لا يوجد قانون يطبق فى ظل الظروف الحالية و أن اللغة السائدة هى المصلحة الشخصية فوق حقوق الغير و طالما أنى أقدر و اقوى من غيرى، أنفذ ما أريده و طالما أن لا يوجد دولة و آلية سريعة لاسترداد الحقوق، يبقى البقاء للأقوى، و الصح هو ما يفرضه الواقع و القوى بغض النظر عن كونه فى الأصل غلط أو حرام.

[Ahmed_selmy]

بصراحه الاعلام قام بدور هايل انه حصر الدين فى صلاة وصوم .....ومادام الناس بتصلى وتصوم يبقى متدين
وللاسف الشديد الاسرة المصريه اهم حاجه عندها حاليا مدارس نضيفه و تعليم نضيف و اكل نضيف وكدا تمام ...انما اخلاق نضيفه مبقاش حد يفكر فيها....الاب من دول تلاقيه راكب العربيه وبنته جنبه او مراته عامله زى الرقاصه وهو فى النعناع ولما تيجى تنصحه يقولك دا كلاس وشياكه....
المشكله الاكبر ان الطبقه الشعبيه من الشعب المصرى واللى بيلاقى نفسه فى هذة الافلام بقت كبيرة جدا جدا جدا ....وللاسف تحولت الصورة الشعبيه للمواطن المصرى من ابن بلد وجدع وصاحب صاحبه الى مجرم بلطجى يعيش على قفا الغلابه .......شكرا ايها السبكى لتحويل الشعب المصرى الى مجرمين ورزع هذة الافكار الخاطئه بداخلهم

اللى فاقعنى بقى ...هى الرقابه فين .....الحكومه دورها ايه للسيطرة على هذه المهذله .....
كفايه بقى لحسن انا دمى بيغلى من القرف اللى احنا فيه

[lanos2004]

انا شايف الناس زعلانه على المنتخب انه خسر اكتر مازعلت على الجثث اللى اتقتلت ظلم !!!!

انا مبزعلش على موضوع الموت انا بزعل انا القاتل ينجو بفعلته فى الدنيا
القتل قتل وما فيش حاجه اسمها دى اوامر الروح ملك الخالق ولها تمن اغلى من اى شىء

[Imhotep]

واحد من اصحابى فى الشغل معروف بأنتماؤه لتيار من اللى بيخلطوا الدين بالسياسة...... من كام شهر لقيناه جاى الشغل متأخر..... ايه يابنى متأخر ليه..... قالك عملت حادثة..... خير..... خبطت فى واحد كسرتله المراية..... طب عملت معاه ايه...... قالك ركنا على جنب و ركن الراجل اللى مرايته اتكسرت قدامه و نزل...... جاى عليه لقاه ملتحى و علامة الصلاة على وشه كبيرة فصاحبى فرح...... و قبل ما يبدأ صاحبى يكلمه حصل خير و بتاع لقاه داخل عليه يشتم و يهلل..... طب عايز ايه يا عم..... تصلحهالى فى التوكيل...... يا عم توكيل ايه طب عايز كام...... من هنا لهنا اداله اللى فيه النصيب و مشى

ساعتها انا محبتش الفرصة دى تعدى الا لما احاول اتأكد ان صاحبى ده اتعلم الدرس القاسى...... سألته سؤال...... قلتله تفتكر الفرحة بتاعتك بالاخ الملتحى اللى اتبددت لما شوفت اخلاقه...... تفتكر هو احسن و لا لو كنت قابلت واحد تانى ان شالله بوذى بس كانت اخلاقه احسن...... و فى لحظة صدق نادرة مع النفس ...... لقيته بيقول..... لأ طبعا لو كنت قابلت الشخص المحترم كان يبقى احسن...... قلتله ياريت بقى تفتكر النقطة دى كويس بعد كده و ياريت تعيد نظر فى حاجات تانية طرأت عليك مؤخرا..... خليتك بنى ادم تانى غير اللى كنا نعرفه...... لقيته بص فى الارض و سكت..... و فضل ساكت مبيتكلمش طول اليوم...... و ده كان رد كافى جدا بالنسبة لى

[تامر.محمد]

واحد من اصحابى فى الشغل معروف بأنتماؤه لتيار من اللى بيخلطوا الدين بالسياسة...... من كام شهر لقيناه جاى الشغل متأخر..... ايه يابنى متأخر ليه..... قالك عملت حادثة..... خير..... خبطت فى واحد كسرتله المراية..... طب عملت معاه ايه...... قالك ركنا على جنب و ركن الراجل اللى مرايته اتكسرت قدامه و نزل...... جاى عليه لقاه ملتحى و علامة الصلاة على وشه كبيرة فصاحبى فرح...... و قبل ما يبدأ صاحبى يكلمه حصل خير و بتاع لقاه داخل عليه يشتم و يهلل..... طب عايز ايه يا عم..... تصلحهالى فى التوكيل...... يا عم توكيل ايه طب عايز كام...... من هنا لهنا اداله اللى فيه النصيب و مشى

ساعتها انا محبتش الفرصة دى تعدى الا لما احاول اتأكد ان صاحبى ده اتعلم الدرس القاسى...... سألته سؤال...... قلتله تفتكر الفرحة بتاعتك بالاخ الملتحى اللى اتبددت لما شوفت اخلاقه...... تفتكر هو احسن و لا لو كنت قابلت واحد تانى ان شالله بوذى بس كانت اخلاقه احسن...... و فى لحظة صدق نادرة مع النفس ...... لقيته بيقول..... لأ طبعا لو كنت قابلت الشخص المحترم كان يبقى احسن...... قلتله ياريت بقى تفتكر النقطة دى كويس بعد كده و ياريت تعيد نظر فى حاجات تانية طرأت عليك مؤخرا..... خليتك بنى ادم تانى غير اللى كنا نعرفه...... لقيته بص فى الارض و سكت..... و فضل ساكت مبيتكلمش طول اليوم...... و ده كان رد كافى جدا بالنسبة لى

تراني تأثرت , معلش بقى الافيه حكم

عموما هو مثال ما بيقولش حاجة خالص , مع العلم ان زميلك في موقفه غلطان و الراجل التاني معاه الحق الا في نقطة يشتم و يهلل , هو من حقه فعلا عربيته ترجع زي ما كانت و يملك انه يعفو و يملك انه يطالب بحقه
زميلك اللي غلط لما اتعشم انه يبوظ حاجة بتاعة حد تاني و الشخص التاني يتجاوز عنه , و كان الاوقع انه يحاول يصلحها له حتى لو التاني رفض

الاخلاق مش بس معاملة وقت حادثة , نفس الشخص التاني ده , او زميلك ده , ممكن وقت زنقة تلاقيه واقف وقفة ما يقفهاش 10 رجالة شداد , و ممكن تلاقيه بيهرب زي العيل
كل التباديل و التوافيق واردة
سلوك الفرد الشخصي في الحقيقة يدينه ولا يدين ما يعتنق الا ان كان ما يعتنق يحوي ما يدعو للسلوك ده و كان الشخص ده منتهج السلوك ده تلبية للدعوة دي
ادينا بقى لنا سنين عمالين نتفرج على اعمال فنية تنتقد الطغيان و ساعة الجد لقينا ممثليها و مخرجيها و حتى كاتبيها كمان واقفين تحت جناح المستبد اللي كانوا بينتقدوا استبداده
و مؤخرا كنا بنتقرج كمثال على رأسماليين رحبوا بقانون تسعيرة جبرية اعلنت عنه حكومة رأسمالية
لا العيب في انتقاد الاستبداد ولا الرأسمالية فيها تسعيرة جبرية

اما عن المضمون
ده ناتج من الربط الخاطيء للجزء المظهري من التدين بالتدين كله و هو شيء ناتج عن فهم خاطيء للتدين المظهري اصلا و التدين نفسه في الاساس , يحضرني مثال سياسي اسمه حزب النور هو خير مثال لقصر التدين و عبادة ربنا في اللحية و الجلباب و الدرس و ساب قيم تانية كتيرة جدا قادته لوضعه الحالي ........ اغلب المتدينين حاليا بيتعوذوا بالله مما فيه حزب النور

اما عن البوذي الخلوق الافتراضي ده فعادي جدا فيه عشرات العوامل اللي ممكن تكون خلته خلوق منها تربية والده مثلا او تقاليد مجتمعه او اعلام بلده , بيس يعني :)

[تامر.محمد]

و بالمناسبة نقطة الحاجات اللي طرأت على زميلك مؤخرا خلته انسان تاني غير اللي تعرفه , طبعا انا ماعرفش هو بقى انسان تاني ازاي , و ممكن يكون هو صح و انت غلط و ده مجرد مثال , لكن اجمالا هافرض انه تغير للأسوأ , ده مالوش معنى الا انه لما تلقى (الحاجات اللي طرأت عليه دي) تلقاها عن غير فهم , او ان انت شخصيا عندك بعض مفاهيم خاطئة و هو بقى فيها صح و انت اعتبرته خطأ , و ده طبعا كلام عام , لا انت reference ولا هو reference , و دي شفتها في الواقع و دي شفتها في الواقع

[maka]

الناس اختزلت الوطنية فى ماتش كورة و نسيوا البلد اللى رجعت و لسه بترجع بعد ثورة 30/6 المجيدة

خليكم مختزلنها فى الكورة و ترجعوا تساقوا بالعصا و الاعلام يقرطسكم و يضحك عليكم زى ما حصل مع الجزائر

حاجة اخيرة : البلد دى مش هتشوف رزق او خير طالما فيها تناحر و طالما ان فئات بترضى بفئات اخرى ان تنتهك دمائها . ربنا عادل

[AhMeD MeTwAlY]

الشعب دا فاهم الحريه غلط
فطبيعي الي بيحصل دا
البلد دي عايزه الشله القديمه عشان تظبطها

[eslamrace]

طيب انا ليا رأى فى موضوع الاخلاق ده كنت قلته فى موضوع تانى ممكن انقله واكمل عليه جزئيه صغيره

طيب الاول ممكن نقول ان باعث الاخلاق واللى منها اداب الحوار وتقبل الاخر ممكن يكون
*دينى وده ارقى باعث للى يفهمه صح
*او باعث الضمير وده باعث فطري موجود عند كل الناس بس بيضعف تأثيره بسبب عوامل سواء تعليميه او اجتماعه
*او باعث قانونى بمعنى ان فرض القانون بيخللى الجميع يكون عندهم اخلاق مجبرين عليها وده اسوأ باعث لان غياب القانون او ضعفه بيؤدى لظهور وحش لا يهتم بالدين او الضمير ولكن يسعى لارضاء نفسه دون مراعاه لاى اصول
*او باعث الخوف وده بيكون اما من الناس وده زيه زى اللى باعثه القانون بمجرد الاختلاء تضيع اخلاقه او بيكون خوف من الله وده بيكون اشبه بالباعث الدينى .

ومع اختلاف دوافع الاخلاق عند كل شخص فى اهم عامل فى كل البواعث دى وهو "التربيه والتعليم " فالعمليه التعليميه عند اى شعب هى المحرك الرئيسي لخروج الشخص فى هيئته النهائيهوده موضوع ممكن نتكلم فيه فى مشاركه بعد كده لانه موضوع كبير .
تحياتى.

اللى عايز اقوله بقى ان البواعث على الاخلاق دى كلها بدأ المجتمع يفقدها لان القدوه اصبحت مش موجوده لان الابن بيتعلم فى البيت او المدرسه حاجات نظريه وميلقيش ليها تطبيق فى الواقع فبترسخ عنده مبادئ البلطجه
كمثال ابن اتعلم فى البيت ان الصوت العالى مبيجيبش الحق بس وهو رايح النادى او الشغل مع والده وواحد غشيم يخبط المرايه يكسرها الولد بيلاقى الاب تحول الى بلطجى فيسمع من ابوه كلام والفاظ بالنسباله كلام فاضح وابوه كان بيقوله ان "يا حمار " شتيمه ولما الوالد يركب العربيه الولد يلاقيه بيقوله شفت لو مكنتش عملت كده كان طلعنى غلطان فالولد يتعلم ان الاسلوب ده هو اللى ينفع يتعامل بيه فلما صاحبه يكسرله القلم الرصاص يقوم الولد مقلد ابوه فالمدرس يقولك الاخلاق باظت ويضرب الولد فلما الواد يشتكى لابوه الاب يقول لا لا لا مهما حصل ابنى مينضربش فيروح المدرسه يهزء المدرس فالواد يتعلم ان طالما بابا موجود يدافع اعمل اللى انا عايزه .

وهكذا فالغلط عندنا كلنا محدش صالح كلنا بنساهم فى الفساد بشكل او باخر سواء بالفعل او بالسلبيه او الانكار
لانك لو سالت السبكى بتنتج افلام مفعولها اسوأ من تجاره المخدرات حيقولك انا عايز اكسب ولو الافلام الوثائقيه حتجيب فلوس حنتجها بس الناس مش عايزه بدليل الخلق اللى بتدخل افلامى وكلهم مصريين مفهمش سنغاليين ولا حاجه ولما تسأل المواطن انت اخدت اسرتك ورحت السينما ليه فى العيد مع انك ممكن توديهم الاوبرا مثلا يقولك انا رايح افك عن نفسي وعلشان نضحك شويه او حيقولك معرفش الاوبرا او المسارح بيروحوها منين ولما تسأل الاهالى ليه بتسيب ابنك يدخل الافلام دى يقولك مقدرش اسيطر على العيال الاجيال دى منيله .

المهم ان كلنا بنرمي الغلط على بعض ومحدش بياخد خطوه ونبرر لنفسنا او للى تبعنا الحرام لمجرد اننا منقولش فعلا احنا غلطانين ونتأسف ونربي العيال على كده علشان يعرفوا يعيشوا مع العلم انهم "الاجيال الجديده" حيعيشوا مع بعض اصلا .

الخلاصه اننا لازم نفعل ضميرنا شويه او نفهم جوهر الدين ونبطل قبليه وتعصب ونواجه نفسنا كمجتمع ونبطل موضوع احنا كده ومش حنتغير لان غيرنا كانوا اسوأ من كده واتغيروا وكل اللى عملوه راعوا ربنا فى شغلهم حتى لو كان بسيط واحترموا التعليم كماكينه لصناعه الاجيال واتغيروا بس كل واحد بدأ بنفسه مستنوش يجيلهم التغيير من بره .
الغلط فينا احنا مش فى المجتمع لان احنا المجتمع ده .
تحياتى.

[mgheam]

كلمة شعب متدين بطبعة
كانت شعار الاحزاب الدينية وكلمه هما اخترعوها عشان في نظرهم هتكون مبرر كافي ليهم للحكم
يعني الشعب كله متدين واحنا طبعاً بتوع الدين يبقى احنا اللى مفروض نحكم !!!
لما الشعب طردهم شر طرده
قلبوا على الوجه التاني الشعب كله عديم الدين
وفي الحالتين كلامهم غلط ولامعنى له
فالشعب المصري عنده مشاكل كبيره وعشوائيات وثقافة زحام وماينتجة من فقر وبطاله وقله اخلاق
وفي كويس كتير بس الناس لازم تظهر جانبها الشرس عشان تعرف تعيش في المجتمع
بشكل عام اداره مجتمع بتم بالقوانيين الصارمه وايجاد حلول حقيقية للمشاكل مش بالشعارات الدينية والكلام ده اللى لاينتشر الا في الدول المتخلفة زي الصومال والسودان وباقي الدول اللى بيحكمها اسلاميين
كل الدول النضيفة في العالم مش دينية

[تامر.محمد]

طبعا ده على اساس ان احوال المتدينين اللي في البلد بس هي اللي سيئة :)

السبكي بيسلم عليك عزيزي العضو الكريم , و دمتم للنضال :)

كلنا في الهم سواء و عيبنا ....... اننا مصريين , مش اننا متدينين , كلنا متدينين و غير متدينين آفاتنا واحدة تقريبا

[mgheam]

مهو نفس الاشكال السرسجية افلام بتاع السبكي دي

لما بتدين بتطلع ارهابيين امثال عاصم عبد الماجد وصفوت حجازي وواللى بيقتلوا جنودنا في سينا وقتلة السادات ومالذ وطاب من احط انواع البشر اللى بيفجروا انفسهم في النساء والاطفال وكلنا شايفيين البلاد اللى فيها تيار اسلامي (العراق - الصومال افغانستان - ليبيا ... الخ)

ده تقريباً كل البلاد اللى فيها وحشية وذبح وقتل وتفخيخ وتفجير كلها من افعال اسلاميين

خياركم في الجاهلية خياركم في الإسلام

[تامر.محمد]

مهو نفس الاشكال السرسجية افلام بتاع السبكي دي

لما بتدين بتطلع ارهابيين امثال عاصم عبد الماجد وصفوت حجازي وواللى بيقتلوا جنودنا في سينا وقتلة السادات ومالذ وطاب من احط انواع البشر اللى بيفجروا انفسهم في النساء والاطفال وكلنا شايفيين البلاد اللى فيها تيار اسلامي (العراق - الصومال افغانستان - ليبيا ... الخ)

ده تقريباً كل البلاد اللى فيها وحشية وذبح وقتل وتفخيخ وتفجير كلها من افعال اسلاميين

خياركم في الجاهلية خياركم في الإسلام

هامشي معاك على نفس المبدأ رغم عدم اتفاقي
اذن فاحنا النهارده عندنا شرارنا في الجاهلية (على حد تعبيرك) (الاشكال السرسجية بتوع افلام السبكي) , و عندنا شرارنا في الاسلام (على حد تعبيرك برده) (عاصم و صفوت و قتلة و بيفجروا و و و و و )

يبقى العيب في مين ؟ :-)

[mgheam]

هامشي معاك على نفس المبدأ رغم عدم اتفاقي
اذن فاحنا النهارده عندنا شرارنا في الجاهلية (على حد تعبيرك) (الاشكال السرسجية بتوع افلام السبكي) , و عندنا شرارنا في الاسلام (على حد تعبيرك برده) (عاصم و صفوت و قتلة و بيفجروا و و و و و )

يبقى العيب في مين ؟ :-)

العيب في حاجات كتير
زي مثلاً ثقافة الزحام لما مدينه يتكدس فيها عدد هائل في مساحة صغيره لابد تظهر بينهم كافة انواع الجرائم
عيب تاني الامية
حاجه ثالثه عيوب انظمة حكم متوالية
عيوب في وضعنا كدولة بجوارنا صراعات اتفرض علينا في فترات كتير حروب جعلت الدولة لاتهتم الا بالمجهود الحربي واجيال كاملة فات عليها كل فرص التعليم والرعاية الجيده وبالتالي اغلبهم مايعرفوش حتى يربوا اولادهم صح


لايمكن حصر تخلف شعب في سبب واحد زي (الدين)
لأنك ببساطة هتلاقي كل دول العالم اللى شعبها محترم (كاليابان والالمان) مثلاً مش مسلمين
ده على العكس 90% من الشعوب الاسلامية هي اكتر الشعوب تخلف وهمجية في العالم ولايستسنى من ذلك الا دولة او اتنيين

ولايمكن حصر التخلف بسبب نظام الحكم الديكتاتوري
لأن فيه دول كتير ديكتاتورية زي الصين وفيتنام وماليزيا دول تصنف ديكاتاتورية واقتصادها وشعبها ناجح

بتوع السياسية تفكيرهم تفكير عبيد (اذا اخذوا شكروا واذا منعوا شتموا)
يعني الشعب متدين بطبعه اذا انتخبنا ... والشعب قليل الدين اذا ثار علينا
والطرف الاخر يقول الشعب جاهل اذا لم ينتخبنا .. لكن لما يثور على الاخوان يبقى وطني وجميع ورائع

هؤلاء هم اسوء مشكلة وكارثة حلت على هذا الشعب

وباختلاف ايدولوجيتهم (ليبرالية اسلامية الخ) لايهتمون بشئ الا الوصول للكرسي

لكن طبعاً تجار الدين مشكلتهم اكبر

بسبب ان اعداداهم اكبر والمغيبيين عندهم اكتر وبالتالي حربهم والتخلص منهم شئ اساسي لأي حد عايز يخرج مصر من دوامة التخلف