الشعب المصري شعب متدين بطبعه :(

[mr_vampire]

ليا تعليق علي اخر جزء بس. الوطنية ملهاش علاقة خالص ولا بتتقاس بمدي تشجيعي للمنتخب واني اتمني انه يفوز.
انا عن نفسي مبسوط اننا خسرنا واتمني انها تكمل في ماتش العودة عشان مندخلش كاس العالم طبعا مش شماتة ولا عشان اقول اهو فلان بقي عامل زي البومة اللي عششت علي مصر وجابتلها النحس والكلام السطحي ده.

لا عشان احنا في مرحلة مش هنتعدل ولا هنتظبط بدخولنا كاس العالم.

تذكير بسيط ايام مبارك كنا بنقول بيشغلونا بالكورة عشان منركزش ايه اللي بيحصل في البلد ويغمو عينا عن التزويرات اللي بتحصل فالانتخابات والكلام اللي الكل عارفه ده.

ايام حفلة منير اللي اتعملت فالهرم عشان اختيار مصر لتنظيم كاس العالم كنت مشجع جداااااا وهاجمت جدا اللي طلع يبوسه او يهجم عليه ( منعرفش نيته كانت ايه ) لان هيتاخد انطباع وحش. بس كان تشجيعي عشان الفوايد اللي هتعود علي مصر من فرص عمل وايرادات واكيد سياحة.

من الاخر مش ماتش كورة وتشجيعي لشوية تافهين بيجرو ورا كورة عشان يحطوها بين ٣ خشبات هو اللي هيبقي مقياس للوطنية.

[ESO101]

كأن يعني الأشكال دي مش موجودة على أرض الواقع
السبكي ( إنعكاس ) من واقع جزء كبير من المصريين العشوائي
كفاية إنك تشوف الناس اللي كانت بتنزل تغتصب البنات في التحرير
في مشهد من أحقر وأقذر ماترى عينك
وكفاية إنك تشوف حد لسه بيدافع عن السفاح بلاش أقول إسمه عشان مشاركتي ماتتحذفش
بلد ظالم اهلها لن ينصرها الله في أي شيء
لحد ماتتعلم تتعامل مع هؤلاء الفجرة و القتلة
واللي بيحصل دا أقسى درس نتعلمه في التعامل مع الأشكال الضالة دي
لما نتعلم أي حد يدافع أو يدعم أو يساند أي حاجة بالشكل دا يكون لنا ردة فعل قوية عليه مش هيكون فيه الجراءة دي كلها في الفجر
والله ماحد يجرأ يتكلم عن فيلم بالشكل دا قدامي لإني همرغ كرامته في التراب اللي تحت رجليه
حتى اللي بيتفاخر إنه له علاقات محرمة ببنات أو بأي شيء من الأشياء
( المستباحة إجتماعيًا ) زي البصبصة والكلام السفيه دا
والله مابسكتله إلا لما أحسسه بحقارته أيًا كان قدرة ومقامه

لازم يكون فيه إتجاه لردع السفلة دول بقدر المستطاع عشان على الأقل الواحد يبقى عنده شوية ( حياء )
بالمناسبة أنا مش متدين بالشكل المطلوب لكن دا شيء من الأخلاق الفطرية

[ESO101]

فيه ناس فكلامها تركيز على الإسلاميين عشان الموضوع عن التدين الظاهري للشعب المصري
هوا تدين ظاهري لفئة كبيرة ومنهم أكيد فئة من الإسلاميين
وسيبكم من التدين الظاهري وخليكم في المعتقد الكارثي اللي عند جزء لابأس به من الإسلاميين أو المتأثرين
عندهم أفكار ممكن ترجعنا 1400 سنة ورى
الفئة دي هتطور إزاي بوجودها إلا لما تفهمهم من أول وجديد دينهم
البلد كل شيء فيها عشوائي و مشوه
حتى اللي عايز يتدين بيتدين خطأ

[Imhotep]

انا لما كتبت قصة صديقى فى الشغل كان هدفى اؤكد على المعنى الاصلى لاول تعليق ليا و هو ان الاخلاق حاجة و مظاهر التدين حاجة و هو لب معنى الكلام بتاع صاحب الموضوع ..... لان فى ناس كتيرة علنياتها و فاكرة ان ده ضرورة لده او بتفترض ده لحد ما تصحى على الواقع المرير المختلف...... كون انها مست وتر حساس عند البعض فده غير مقصود فى ذاته و ان كان الحمد لله صديقى ده واحدة واحدة بيفوق لروحه لانه طول عمره متدين لكن اللى طرأ عليه كان نوع من استغلال ده و استغلال علاقته بالناس فى الترويج و التجارة لاشياء معروفة بعينها لتحقيق مكاسب معينة..... سواء لنفسه او لفئة معينة

نرجع بقى لافتراض ارتباط التدين بالاخلاق و هو لب الموضوع...... خاصة بقى التدين لما يكون سطحى و ظاهرى و بس...... زى ما صاحب الموضوع كتب فى البداية بالظبط..... الشباب قاعد على الناصية بيحشش و بعدين يالله ياجماعة صلاة العيد قوموا بينا نصلى

نفس المنطق ده جابته السينما المحترمة من الخمسينات بدون التطرق لاى قضايا دينية صريحة فى فيلم زى رصيف نمرة خمسة فى شخصية زكى رستم و الكلام ده كان سنة 1954

كمان موضوع الازدواجية..... اللى الناس بتمشى بيها و تفتكر ان مجرد الالتزام بقشور التدين هو ده اللى عليه الاجر و الثواب...... و تنسى ان اللى امر بالصلاة امر كمان بالامتناع عن الحاجات اللى تغيب العقل

و ندخل بقى فى كلام اكثر جرأة...... هو صلاة البنى ادم و عبادته...... هدفها ايه؟ هل هى بتفيد الله سبحانه و تعالى؟ حاشا لله..... الله سبحانه لا يزيد و لا ينقص و لا ينتقص منه لانه سبحانه كلى القدرة

اذن العبادات المفروض انها تفيد العبد اللى بيتعبد..... عشان تخلى منه بنى ادم افضل..... طب لو لم يصبح البنى ادم ده بنى ادم افضل...... يبقى العبادات الظاهرية دى و لا تسوى...... طيب هل ده معناه تركها..... بالتأكيد لأ...... لكن ده معناه ان فى مسئولية اعمق موجودة لسه مستنية حد يشيلها...... المسئولية دى على رجال الدين انهم يرجعوا من تانى يوضحوا اهمية انعكاس مظاهر التدين على سلوكيات الانسان....... يعنى مينفعش الانسان يبقى ملتزم بالصلاة و الصوم و غيرها من مظاهر التدين لكن تلاقيه فى اول و ابسط امتحان فى التعامل مع الناس تلاقيه يسقط و يفشل فشل ذريع...... سواء فى كدب او شتيمة او خداع او او او

المسئولية الاهم تقع على عاتق الانسان نفسه...... يراعى ضميره اللى ربنا خلقه بيه بيقوله ده صح و ده غلط و بيستلموه الاهل من الصغر يعلموا الطفل السلوكيات المقبولة من المجتمع و السلوكيات الغير ذلك و فى النهاية يتسلمه الدين ليعطى القواعد الكبرى للسلوكيات الاخلاقية المحبذة......
و لا هنقعد نبرر الغلط مهما كان صغير زى ما نور الشريف بيعمل فى فيلم العار...... اخواته يقولوله السبحة مش بتفارق ايدك و بتتاجر فى المخدرات...... يقولهم دى نباتات !!!!!!!!

نقطة اخيرة بس على جملة الشعب المصرى متدين بطبعه اللى بقيت بشوفها كتير بيقولها البعض دلوقت على سبيل التندر...... الكلمة دى حقيقة فى حد ذاتها يثبتها التاريخ اللى يطول شرح تفاصيله ..... لكن للاسف الواقع بتاعنا الحالى هو اللى ضيع كتير من معناها الحقيقى و قيمتها لما فقدت ارتباطها بالسلوكيات الحسنة...... طب هنعمل ايه؟ هنقعد نشتكى و نتشكى و خلاص و لا دى كمان محتاجة نظام نستورده نمشى عليه...... و فى النهاية لا يصح الا الصحيح و لا يغير الله ما بقوم حتى يغيروا ما بأنفسهم

اخر كلمتين بس عشان نقطع الطريق على اللى هياخد الموضوع لسكك فرعية ملهاش لازمة لا جدوى منها...... الموضوع فى صلبه عن الانفصال بين التدين القشرى الظاهرى و الاخلاق و السلوكيات...... و زى ما فى ما بيثبت النقطة دى زى الراجل اللى عليه مظاهر التدين اللى سب صاحبى..... فيه كمان ناس تانية بتلاقى اخلاقهم بتكمل صورة التدين بتاعهم...... الخلاصة الحقيقية للموضوع هى...... ان احنا نتعود نحكم على البنى ادم بمعايير حقيقية و ليس معايير ظاهرية خادعة او مزيفة...... و اعتقد ده كلام مش محتاج جدال او اختلاف عليه الا طبعا بين اللى عايزين يجادلوا و خلاص و بيحبوا اوى و بيفتكروا انه انتصار لهم ان يكون لهم الرد الاخير....... و هم مش داريانين انهم من النوعية اللى التجاهل هو افضل رد عليهم..... لان الحكمة معروفة بتاعة عدم الدخول فى جدال مع......... لئلا........

[تامر.محمد]

العيب في حاجات كتير
زي مثلاً ثقافة الزحام لما مدينه يتكدس فيها عدد هائل في مساحة صغيره لابد تظهر بينهم كافة انواع الجرائم
عيب تاني الامية
حاجه ثالثه عيوب انظمة حكم متوالية
عيوب في وضعنا كدولة بجوارنا صراعات اتفرض علينا في فترات كتير حروب جعلت الدولة لاتهتم الا بالمجهود الحربي واجيال كاملة فات عليها كل فرص التعليم والرعاية الجيده وبالتالي اغلبهم مايعرفوش حتى يربوا اولادهم صح


لايمكن حصر تخلف شعب في سبب واحد زي (الدين)
لأنك ببساطة هتلاقي كل دول العالم اللى شعبها محترم (كاليابان والالمان) مثلاً مش مسلمين
ده على العكس 90% من الشعوب الاسلامية هي اكتر الشعوب تخلف وهمجية في العالم ولايستسنى من ذلك الا دولة او اتنيين

ولايمكن حصر التخلف بسبب نظام الحكم الديكتاتوري
لأن فيه دول كتير ديكتاتورية زي الصين وفيتنام وماليزيا دول تصنف ديكاتاتورية واقتصادها وشعبها ناجح

بتوع السياسية تفكيرهم تفكير عبيد (اذا اخذوا شكروا واذا منعوا شتموا)
يعني الشعب متدين بطبعه اذا انتخبنا ... والشعب قليل الدين اذا ثار علينا
والطرف الاخر يقول الشعب جاهل اذا لم ينتخبنا .. لكن لما يثور على الاخوان يبقى وطني وجميع ورائع

هؤلاء هم اسوء مشكلة وكارثة حلت على هذا الشعب

وباختلاف ايدولوجيتهم (ليبرالية اسلامية الخ) لايهتمون بشئ الا الوصول للكرسي

لكن طبعاً تجار الدين مشكلتهم اكبر

بسبب ان اعداداهم اكبر والمغيبيين عندهم اكتر وبالتالي حربهم والتخلص منهم شئ اساسي لأي حد عايز يخرج مصر من دوامة التخلف

كنت هاقول لك الله ينور لولا اخر سطر :-)
حرب و تخلص ؟ ازاي ؟
لو حد من الناس اللي مش عاجبينك دول قال يجب الحرب و التخلص من العلمانيين هتقول عليه ارهابي :-)
أنصف و كن موضوعيا يا رجل
بالنسبة لل90% من الشعوب الاسلامية المتخلفة انا عايز اضيف لك معلومة , من 500 سنة بالظبط كان الوضع عكس كده , لحد ما حصل الاستعمار , اللي ساب الدول دي كلها يا اما لعائلات حاكمة خاضعة له يا اما لعسكر خاضعين له برده , فتش عن دي

[Imhotep]

اخر كلمة و النبى بس عشان ماحدش يسخن بالغلط...... الحكمة اللى اقتبستها فى اخر سطر مقصود منها المعنى العام الغير موجه لاحد و مش مقصود بيها حد بعينه لكن المقصود بيها الحرص على تجنب الجدال البيزنطى اللى لا هيودى و لا هيجيب

[تامر.محمد]

انا لما كتبت قصة صديقى فى الشغل كان هدفى اؤكد على المعنى الاصلى لاول تعليق ليا و هو ان الاخلاق حاجة و مظاهر التدين حاجة و هو لب معنى الكلام بتاع صاحب الموضوع ..... لان فى ناس كتيرة علنياتها و فاكرة ان ده ضرورة لده او بتفترض ده لحد ما تصحى على الواقع المرير المختلف...... كون انها مست وتر حساس عند البعض فده غير مقصود فى ذاته و ان كان الحمد لله صديقى ده واحدة واحدة بيفوق لروحه لانه طول عمره متدين لكن اللى طرأ عليه كان نوع من استغلال ده و استغلال علاقته بالناس فى الترويج و التجارة لاشياء معروفة بعينها لتحقيق مكاسب معينة..... سواء لنفسه او لفئة معينة

نرجع بقى لافتراض ارتباط التدين بالاخلاق و هو لب الموضوع...... خاصة بقى التدين لما يكون سطحى و ظاهرى و بس...... زى ما صاحب الموضوع كتب فى البداية بالظبط..... الشباب قاعد على الناصية بيحشش و بعدين يالله ياجماعة صلاة العيد قوموا بينا نصلى

نفس المنطق ده جابته السينما المحترمة من الخمسينات بدون التطرق لاى قضايا دينية صريحة فى فيلم زى رصيف نمرة خمسة فى شخصية زكى رستم و الكلام ده كان سنة 1954

كمان موضوع الازدواجية..... اللى الناس بتمشى بيها و تفتكر ان مجرد الالتزام بقشور التدين هو ده اللى عليه الاجر و الثواب...... و تنسى ان اللى امر بالصلاة امر كمان بالامتناع عن الحاجات اللى تغيب العقل

و ندخل بقى فى كلام اكثر جرأة...... هو صلاة البنى ادم و عبادته...... هدفها ايه؟ هل هى بتفيد الله سبحانه و تعالى؟ حاشا لله..... الله سبحانه لا يزيد و لا ينقص و لا ينتقص منه لانه سبحانه كلى القدرة

اذن العبادات المفروض انها تفيد العبد اللى بيتعبد..... عشان تخلى منه بنى ادم افضل..... طب لو لم يصبح البنى ادم ده بنى ادم افضل...... يبقى العبادات الظاهرية دى و لا تسوى...... طيب هل ده معناه تركها..... بالتأكيد لأ...... لكن ده معناه ان فى مسئولية اعمق موجودة لسه مستنية حد يشيلها...... المسئولية دى على رجال الدين انهم يرجعوا من تانى يوضحوا اهمية انعكاس مظاهر التدين على سلوكيات الانسان....... يعنى مينفعش الانسان يبقى ملتزم بالصلاة و الصوم و غيرها من مظاهر التدين لكن تلاقيه فى اول و ابسط امتحان فى التعامل مع الناس تلاقيه يسقط و يفشل فشل ذريع...... سواء فى كدب او شتيمة او خداع او او او

المسئولية الاهم تقع على عاتق الانسان نفسه...... يراعى ضميره اللى ربنا خلقه بيه بيقوله ده صح و ده غلط و بيستلموه الاهل من الصغر يعلموا الطفل السلوكيات المقبولة من المجتمع و السلوكيات الغير ذلك و فى النهاية يتسلمه الدين ليعطى القواعد الكبرى للسلوكيات الاخلاقية المحبذة......
و لا هنقعد نبرر الغلط مهما كان صغير زى ما نور الشريف بيعمل فى فيلم العار...... اخواته يقولوله السبحة مش بتفارق ايدك و بتتاجر فى المخدرات...... يقولهم دى نباتات !!!!!!!!
..

اهو لولا حتة الاكشن بتاعة وتر حساس دي كنت قلت لك الله ينور برده
عموما الله ينور و التوضيح خير و بركة و مافيش احسن منه :-)
مشاركتك اللي فاتت كان ناقصها الفرق بين التدين الظاهري و التدين الحقيقي , و بالمناسبة الشباب اللي بيحششوا لو سألتهم انتوا متدينين ولا لأ هايقولوا لك "بنحشش يا عم الحاج , متدينين ازاي يعني ؟ :d"

نقطة اخيرة بس على جملة الشعب المصرى متدين بطبعه اللى بقيت بشوفها كتير بيقولها البعض دلوقت على سبيل التندر...... الكلمة دى حقيقة فى حد ذاتها يثبتها التاريخ اللى يطول شرح تفاصيله ..... لكن للاسف الواقع بتاعنا الحالى هو اللى ضيع كتير من معناها الحقيقى و قيمتها لما فقدت ارتباطها بالسلوكيات الحسنة...... طب هنعمل ايه؟ هنقعد نشتكى و نتشكى و خلاص و لا دى كمان محتاجة نظام نستورده نمشى عليه...... و فى النهاية لا يصح الا الصحيح و لا يغير الله ما بقوم حتى يغيروا ما بأنفسهم
..

الله ينور مع اضافة , اللي الحاجة فقدت قيمتها عنده , كانت فاقداها من الاول و المشكلة في الاصل عنده بس كان مكسوف يتكلم و دلوقت لقى حجة
اللي لها قيمة عنده من الاول عارف الفرق بين الحاجة و بين الاشخاص

اخر كلمتين بس عشان نقطع الطريق على اللى هياخد الموضوع لسكك فرعية ملهاش لازمة لا جدوى منها...... الموضوع فى صلبه عن الانفصال بين التدين القشرى الظاهرى و الاخلاق و السلوكيات...... و زى ما فى ما بيثبت النقطة دى زى الراجل اللى عليه مظاهر التدين اللى سب صاحبى..... فيه كمان ناس تانية بتلاقى اخلاقهم بتكمل صورة التدين بتاعهم...... الخلاصة الحقيقية للموضوع هى...... ان احنا نتعود نحكم على البنى ادم بمعايير حقيقية و ليس معايير ظاهرية خادعة او مزيفة...... و اعتقد ده كلام مش محتاج جدال او اختلاف عليه الا طبعا بين اللى عايزين يجادلوا و خلاص و بيحبوا اوى و بيفتكروا انه انتصار لهم ان يكون لهم الرد الاخير....... و هم مش داريانين انهم من النوعية اللى التجاهل هو افضل رد عليهم..... لان الحكمة معروفة بتاعة عدم الدخول فى جدال مع......... لئلا......
..

برده هاقول الله ينور , و برده حتة الاكشن موحشة منظر المشاركة و دخيلة عليها و المشاركة نفسها خسارة فيها :-)

[human]

انا ماعدش عندى طوله بال.. بس ان الله لا يصلح عمل المفسدين

[ابو لؤى]

اخر كلمة و النبى بس عشان ماحدش يسخن بالغلط...... الحكمة اللى اقتبستها فى اخر سطر مقصود منها المعنى العام الغير موجه لاحد و مش مقصود بيها حد بعينه لكن المقصود بيها الحرص على تجنب الجدال البيزنطى اللى لا هيودى و لا هيجيب

لا تحلف بغير الله قل لا اله الا الله

[lanos2004]

فيه ناس فكلامها تركيز على الإسلاميين عشان الموضوع عن التدين الظاهري للشعب المصري
هوا تدين ظاهري لفئة كبيرة ومنهم أكيد فئة من الإسلاميين
وسيبكم من التدين الظاهري وخليكم في المعتقد الكارثي اللي عند جزء لابأس به من الإسلاميين أو المتأثرين
عندهم أفكار ممكن ترجعنا 1400 سنة ورى
الفئة دي هتطور إزاي بوجودها إلا لما تفهمهم من أول وجديد دينهم
البلد كل شيء فيها عشوائي و مشوه
حتى اللي عايز يتدين بيتدين خطأ

فى علم الهندسه والريا ضيات مسلمات ونظريات من ايام الجنيه الجبس قامت عليها التطور الى احنا عايشين فيه
انا بقول يلغوها لانها بقالها اكتر من 3000 سته

[ahmed1981]

شباب المنطقه المتدينين قاعدين يشربوا حشيش في الشارع و ساعه الصلاه يروحوا يتوضوا و يصلوا العيد
يا سلام ؟

إزاي متدينيين وبيشربوا حشيش ؟؟؟
الكلام مش راكب يا أستاذ

الحشيش حرام يا محترم عند المسلمين
إزاي تقول على واحد بيحشش إنه متدين ؟؟

هو أي كلام وخلاص

ده حتى لو الحشاش ده سمى نفسه متدين
مينفعش إنت تقول عليه متدين
الصفة لابد تطابق الموصوف

اللي بيشرب حشيش إسمه حشاش ومدمن !!!!!!!
ـ

[A7MED_PHARMA]

لو حكم عليك الزمن تعيش وسط الحمير
هتلاقي نفسك بتاكل برسيم غصب عنك
عيش وتعايش..وحاول ماتاكلش برسيم(كلامافتراضي طبعا لتأييد صاحب الموضوع علشان محدش يفهم اني بتهكم على حد)

[lanos2004]

لو حكم عليك الزمن تعيش وسط الحمير
هتلاقي نفسك بتاكل برسيم غصب عنك
عيش وتعايش..وحاول ماتاكلش برسيم(كلامافتراضي طبعا لتأييد صاحب الموضوع علشان محدش يفهم اني بتهكم على حد)

هههههههههههههههههههههههههه
كلام جامد

[Mohamed_Hamid]

يعنى ايه اخلاق ؟
انتا فاكر ان المجتمع المصرى مجتمع قايم على الاخلاق ؟

المتجمع المصرى مش قايم غير على حاجه واحده بس وهى المسيطره
الانحطاط
كل ما تنزل لتحت اكتر تجيب فلوس اكتر


سيدى الفاضل
نحن شعب غبى متخاذل مع الحق
ناصر للباطل يرى الحقيقه ولا يصدقها ويقابلها بكذب بين
يحب الباطل لا يعرف شئ اسمه اخلاق
كل همه دلوقتى
جزء عايشها صياعه والجزء ده بقى كبير وكل شويه بيكبر اكتر وتقدر تشوف بنفسك اول ما تنزل من بيتك منظر الناس فى الشارع لو ما شوفتش معظم اللى فى الشارع صيع يبقى ليك الكلام
المشكلة ان الجزء ده بقى طاغى وبيكبر بعد كده يا اما الواحد هيتحول ويبقى زيهم يا هتلاقيهم قاعدين عندك فى البيت وابقى دكر لو عرفت تتكلم
علشان احنا ساكتين وبنقول واحنا مالنا

والجزء التانى مش فارق معاهم حاجه وعايشها وبيدور على لقمه عيشه والجزء السلبى ده هو اللى ودانا فى داهيه طول حياتنا بيدور على لقمه العيش

يلا يا راجل بلا اخلاق بلا بتاع دا احنا فى مرار

جبت من الآخر
الله يفتح عليك

[Bassem Youssef]

إزاي متدينيين وبيشربوا حشيش ؟؟؟
الكلام مش راكب يا أستاذ

الحشيش حرام يا محترم عند المسلمين
إزاي تقول على واحد بيحشش إنه متدين ؟؟

هو أي كلام وخلاص

ده حتى لو الحشاش ده سمى نفسه متدين
مينفعش إنت تقول عليه متدين
الصفة لابد تطابق الموصوف

اللي بيشرب حشيش إسمه حشاش ومدمن !!!!!!!
ـ

من الواضح اني بتهكم
باين اوي من صيغه الكلام