تعمل إيه لو جارك مضايقك؟

[a_samy]

مشكلة صاحبى تتلخص فيما يلى:
أسره مكونه من زوج وزجته وطفل فى حدود ال3 سنوات،مأجرين شقه فى الدور اللى فوق شقة صاحبى..الولد أبنهم بيلعب ويتنطط وعمال يجرى رايح جاى فى الشقه بطولها ده غير أنهم مش بيبطلوا خبط (على حد قول صاحبى)ومش بيناموا قبل الساعه 2 بالليل كل يوم وهو بيبقى عاوز ينام بدرى عشان بيصحى 7 الصبح،حاول يتكلم مع جاره ده كذا مره وآخر مره أتخانق معاه وحاول يطلبلو شرطة النجده أو الشرطه العسكريه ومحدش رد عليه ومفيش فايده،كلم صاحب الشقه اللى مأجرلهم وقاله أنا حتكلم معاه وبرضو مفيش نتيجه إيجابيه،
صاحبى بقى مكتئب لأنه حاسس انه مش مرتاح فى بيته ومش بيعرف ينام كويس وأنا خايف انه يعمل مصيبه فى جاره ده لأنه عصبى.
أنا أقترحت عليه يعمله محضر فى القسم بس طبعا أنا متأكد أنه مش هيجيب نتيجه إيجابيه وممكن المشكله تزيد أكتر.
عاوز نصايحكم لكيفية الخروج من المشكله دى أفادكم الله.

[amr011111]

مشكلة صاحبى تتلخص فيما يلى:

أسره مكونه من زوج وزجته وطفل فى حدود ال3 سنوات،مأجرين شقه فى الدور اللى فوق شقة صاحبى..الولد أبنهم بيلعب ويتنطط وعمال يجرى رايح جاى فى الشقه بطولها ده غير أنهم مش بيبطلوا خبط (على حد قول صاحبى)ومش بيناموا قبل الساعه 2 بالليل كل يوم وهو بيبقى عاوز ينام بدرى عشان بيصحى 7 الصبح،حاول يتكلم مع جاره ده كذا مره وآخر مره أتخانق معاه وحاول يطلبلو شرطة النجده أو الشرطه العسكريه ومحدش رد عليه ومفيش فايده،كلم صاحب الشقه اللى مأجرلهم وقاله أنا حتكلم معاه وبرضو مفيش نتيجه إيجابيه،
صاحبى بقى مكتئب لأنه حاسس انه مش مرتاح فى بيته ومش بيعرف ينام كويس وأنا خايف انه يعمل مصيبه فى جاره ده لأنه عصبى.
أنا أقترحت عليه يعمله محضر فى القسم بس طبعا أنا متأكد أنه مش هيجيب نتيجه إيجابيه وممكن المشكله تزيد أكتر.
عاوز نصايحكم لكيفية الخروج من المشكله دى أفادكم الله.

معلش اعذرنى الجار معذور لان الطفل صعب السيطره عليه

وبيبقى عنده طاقه انه يلعب ليل نهار

[محمد يوسف]

وهو صاحبك ده ماعندوش عيال؟ ازاى يعنى عايز يمنع طفل يلعب فى بيته؟

لو كل واحد وقيه جار اشتكاه بسبب أطفال يبقى مصر كلها حاتبات فى الأقسام

[ahmedteam]

لو جارى مضايقنى هحاول اتجنبه و اعد عن المشاكل على قد ما اقدر

بالعكس ده انا هاحسن اليه و اعامله معامله حسنه

الجار اقرب اليك من اهلك و الرسول صلى الله عليه و سلم وصى على الجار الغير مسلم فما بالك بالمسلم

عَنْ ابْنِ عُمَرَ رَضِيَ اللَّهُ عَنْهُمَا قَالَ قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ :" مَا زَالَ جِبْرِيلُ يُوصِينِي بِالْجَارِ حَتَّى ظَنَنْتُ أَنَّهُ سَيُوَرِّثُهُ" . متفق عليه


وعَنْ أَبِى هُرَيْرَةَ أَنَّ رَسُولَ اللَّهِ -صلى الله عليه وسلم- قَالَ « لاَ يَدْخُلُ الْجَنَّةَ مَنْ لاَ يَأْمَنُ جَارُهُ بَوَائِقَهُ ».

[eng wael]

الحل الوحيد انه يبدل مع جارة الشقه يطلع هوا فوق وينزل جارة تحت ههههه
مع الاسف المشكله صعبه الحل لان ذى ماقال الاخوة لابد من الاحسان الى الجار ربما هذا الجار لا يفهم هذا الكلام ولكن عليه ان يتكلم معه بالحسنى وان كان لا محاله فعليه ان يفوض امرة لله
والله عن تجربه ربنا هييديله على اد نيته وعمايله وايذائه للاخرين
بالنسبه لموضوع الطفل هوا طبعا الناس لازم تكون مقدرة برضه ان فيه ناس تعبانه والخبط والرزع بتاع العيال يبقى فى حدود
وربنا يصبرة على ما ابتلاه

[shadygalal669]

انا عندي ابن اخويا لما بيجي بيقعد يجري برضو في شقتنا و احنا بنقعد نزعقله عشان الجيران
و ساعات بتقدر تقعده جمبك
بس من اصعب الامور دلوقتي انك تقدر تسطير علي طفل في سن 3-8 سنين

[abdoumahros]

كل مشكله وليها حل

اكيد كل مشكله وليها حل
روح لصاحب الشقه يعني المالك وقله يتصرف مع الساكن وهدده انك هاتبلغ الضرائب انه بيأجر الشقه هايخاف لانه كده هايتفتح له ملف ضريبي

[a_samy]

اكيد كل مشكله وليها حل
روح لصاحب الشقه يعني المالك وقله يتصرف مع الساكن وهدده انك هاتبلغ الضرائب انه بيأجر الشقه هايخاف لانه كده هايتفتح له ملف ضريبي

منا بقول لحضرتك هو كلم صاحب الشقه ومعملش حاجه وقاله انه مش هيعرف هيفسخ عقد الإيجار قبل إنتهاء مدته (عشان مش عاوز يدخل فى قضايا مع المستأجر)،وموضوع التهديد بالضرايب ده ممكن يسبب توتر بين صاحبى ومالك الشقه ويعمل عداوه بينهم ويبقى كده الموضوع أتعقد أكتر (ده رأى الشخصى).

[A.Saad]

لو الشقة اللى فوق جارك فاضية ينقل فيها
او يجيب سدادات اذن او قطنة وينام
واما هما بقى يناموا يشغل الكاسيت والتليفزيون وكل اللى عايزه وممكن يربى كلب ويخليه فى البلكونة
بالذات الصبح لان الطفل بيبقى نايم

[a_samy]

لو الشقة اللى فوق جارك فاضية ينقل فيها
او يجيب سدادات اذن او قطنة وينام
واما هما بقى يناموا يشغل الكاسيت والتليفزيون وكل اللى عايزه وممكن يربى كلب ويخليه فى البلكونة
بالذات الصبح لان الطفل بيبقى نايم

هههههههههه حل جامد جدا الحقيقه،بس انا عمرى ما هقوله يعمل كده لأن إيذاء الجار عقوبته سيئه عند ربنا.
لكن إيه موضوع سدادات الأذن ده؟أنا أعرف ان مفيش حاجه بتسد الأذن وانت نايم،يعنى مش زى العينين ممكن تقفلهم وأنت نايم.

[friendship7897]

هو يحاول يهدي نفسيته من ناحية جاره
وميحاولش يزود الفجوة بينهم بكثرة الشكاوي وعدم تحسيسه أنه مستفز
علشان الموضوع ما يقلبش عَند بين الطرفين
لأن موضوع التنطيط بتاع الطفل ممكن يكون كان عادي - وعلشان هو ركز له - سمعه بصورة أكتر
ولو الشكوى زادت - ممكن الراجل ومراته وطفله يتطنطوا عَند فوق دماغه أكتر
ومدام الشقة إيجار مش تمليك - يحمد ربنا
ويحاول يعزل - صحيح العزال مش بالسهل بس يتعب شوية علشان يرتاح

وربنا يصبره

[a_samy]

هو يحاول يهدي نفسيته من ناحية جاره
وميحاولش يزود الفجوة بينهم بكثرة الشكاوي وعدم تحسيسه أنه مستفز
علشان الموضوع ما يقلبش عَند بين الطرفين
لأن موضوع التنطيط بتاع الطفل ممكن يكون كان عادي - وعلشان هو ركز له - سمعه بصورة أكتر
ولو الشكوى زادت - ممكن الراجل ومراته وطفله يتطنطوا عَند فوق دماغه أكتر
ومدام الشقة إيجار مش تمليك - يحمد ربنا
ويحاول يعزل - صحيح العزال مش بالسهل بس يتعب شوية علشان يرتاح

وربنا يصبره

شقة صاحبى هيا اللى ملك مش إيجار لكن شقة جاره هيا اللى إيجار.

[A.Saad]

هههههههههه حل جامد جدا الحقيقه،بس انا عمرى ما هقوله يعمل كده لأن إيذاء الجار عقوبته سيئه عند ربنا.
لكن إيه موضوع سدادات الأذن ده؟أنا أعرف ان مفيش حاجه بتسد الأذن وانت نايم،يعنى مش زى العينين ممكن تقفلهم وأنت نايم.

زمان وانا صغير
والدى كان بيزعق لى لو مشيت بتنطيط شوية علشان جيراننا اللى تحت
وصاحبك كلم جاره على كلامك
وبالتالى هو بيرد الايذاء لحد ما يقف
الاذن ممكن قطنة بس بحرص
انا مش كائن فضائى غيرك

[a_samy]

زمان وانا صغير
والدى كان بيزعق لى لو مشيت بتنطيط شوية علشان جيراننا اللى تحت
وصاحبك كلم جاره على كلامك
وبالتالى هو بيرد الايذاء لحد ما يقف
الاذن ممكن قطنة بس بحرص
انا مش كائن فضائى غيرك

زمان كان فيه أصول تراعى وجيران بتحترم بعض إلى حد كبير،النهارده مبقاش فيه حد بيحترم حد ولا بيراعى مشاعر حد سواء جاره أو صديقه أو حتى زميله فى الشغل (إلا ما رحم ربى)،عشان كده تلاقى ناس كتير مستغربه أنه بيشتكى وبيعمل مشكله مع جاره عشان عنده طفل بيخبط فوق دماغه ولا الكبار نفسهم ماشين يرزعوا ويخبطوا طوول الليل.وكل ده عشان البيه مش بيصحى بدرى يروح شغله زى باقى الناس العاديه.

[احمد المصرى]

اعتقد والله اعلم ان الشقه مفهاش سجاد لان على ما اعتقد ان السجاد بيمتص الصوت دا او على الاقل بيقلله لاقصى درجه ممكنه