حسبى الله ونعم الوكيل شوفو النضافه

[aldesha989]

السلام عليكم

اتفرجو على النضافه بقى وقولوى احنا عايشين فى بلد ؟

https://www.facebook.com/photo.php?v=535183726575974

[beshomilan]

دى ناس عندها ضمير فقط لاغير

[M I D O]

للاسف عندهم اسلام بلا مسلمين واحنا مسلمين بلا اسلام عشان كدة كل حاجة عندنا هباب وربنا مش مبارك في اي حاجة في البلد

[dem0]

http://www.nilemotors.net/Nile/384707-a.html

[Omar.Shawki]

ماشاء الله
الواحد بيحزن لما يشوف حال بلدنا

[drmagieed]

طيب ما كل واحد فينا في مكانه يبدأ بنفسه ويتقن عمله ويراعي ضميره ومايقعدش يتفرج ويتحسر!!! وبعدين نالألمان يقولوا شوف المصريين عاملين إزاي!!! لكن إحنا قاعدين نقول مافيش ضمير ما فيش إتقان ما فيش ما فيش طيب ما نبص علي روحنا الأول لأننا أكيد مشاركين في العك ده!!!

[Silent~Dream]

ههههههههه ان شاء الله قريبا فى مصر بعد 100 سنه

[aw2100]

اكبر مشكلة فى مصر الرشوة واكل الحقوق ومص دم الناس بدم بارد وده طبعا بسبب جيش المرتشين فى كل مكان بدء من عامل النظافة اللى فى الشارع اللى مايكنسش غير بالفلوس نهاية بمأمور الضرايب والقاضى والظابط اللى بيقبل على بيته الرشوة ويظلم فى الناس علشان يركب عربية 10 متر ويصرف بالألوف وده طبعا ناتج للتعليم و مشى حالك وفتح مخك لكن لو فية قانون رقابى حازم على الناس دى كان حال البلد اتغير وعموما انا باحب شعار
ابدأ بنفسك ومبدئى فى الحياة رفض الرشوة والأكرامية والتعامل بالقانون مع هؤلاء الفسدة المفسدين مهما كانت سلطتهم وعموما فية يوم كل الناس حتتحاسب فية ويويل الظالم فية من عزاب جهنم وقتها مش حتنفع العربية ال 10م والقصور وكلنا كشعب حناخد حقنا وحسبى الله ونعم الوكيل فى كل ظالم وان شاء الله حنشوف فيه يوم اسف على الأطالة تحياتى مواطن زيكم مظلوم فى البلد دييييييييى !!!!

[rotanamasoud]

احلى حاجه ان البلاعه القديمه نضيفه جدا يمكن انضف من انضف بلاعه فى مصر ومش محتاجه تتغير اصلا بس يمكن بيغيروها بعد 100 الف كيلو

[eslamrace]

طيب ما كل واحد فينا في مكانه يبدأ بنفسه ويتقن عمله ويراعي ضميره ومايقعدش يتفرج ويتحسر!!! وبعدين نالألمان يقولوا شوف المصريين عاملين إزاي!!! لكن إحنا قاعدين نقول مافيش ضمير ما فيش إتقان ما فيش ما فيش طيب ما نبص علي روحنا الأول لأننا أكيد مشاركين في العك ده!!!

انت جبت الخلاصه لو كل واحد عمل شغله بضمير حنرتاح كلنا بس كله يعيب على غيره وينسي هو بيعمل ايه مهو اللى بينضف الشارع عندنا مننا والمسؤل فى المحافظه اكيد ليه اسره مننا برضه ومش بعيد الظابط المأنتخ ده يكون قريب حد فينا .
هى دى فعلا المشكله .
تحياتى .

[wawamoha]

كنت ها اقولها البلاعه القديمه راحت فين ؟

[mahmoud85]

وبكره تشوفو مصر

[ابواياد المصري]

طيب ما كل واحد فينا في مكانه يبدأ بنفسه ويتقن عمله ويراعي ضميره ومايقعدش يتفرج ويتحسر!!! وبعدين نالألمان يقولوا شوف المصريين عاملين إزاي!!! لكن إحنا قاعدين نقول مافيش ضمير ما فيش إتقان ما فيش ما فيش طيب ما نبص علي روحنا الأول لأننا أكيد مشاركين في العك ده!!!

على فكره كﻻمك فيه جزء صح ولكن انت ناسى ان اكتر من نص الشعب جاهل وبيصدر النصب والفهلوه ودهن الهوا دوكو

[ابواياد المصري]

ده غيروها عشان 2 سنتى او اقل هابط يجو يشوفو البﻻوى الى عندنا

[S O P H O S]

هو ده الاختلاف الحقيقي !