السخانات الكهربائية وإستهلاك الكهرباء ..أحسن طريقة للتعامل ..

[Mohamed.Mohsen]

الاعضاء المحترمين

بعد التحية والتقدير ..

كما هو واضح من العنوان وبعد زيادات اسعار فواتير الكهرباء المستمرة استشيركم في احسن طريقة لتشغيل سخانات الكهرباء العادية ابوللو او اريستون ذات العازل هل الأوفر في التشغيل ان يستمر المفتاح شغال باستمرار وتظل المياه علي اعلي درجة ولا لفصل والتشغيل وقت الحاجة للمياه الساخنة أوفر وأقل إستهلاكها (رغم انه في هذه الحالة يبدأالتشغيل والمياه شبه بارده وياخد وقت شوية لحد ماتبدأتدفي وتسخن ..أعذروني للسؤال ممكن يكون محرج او ساذج شوية .
وشكرا لحسن تعاونكم ...

[A_H_M_A_D]

عشان تحقق افضل وفر في استهلاك الكهربا لازم حاجتين

* تقليل درجة الحراره القصوى من الثرموستات , طالما مش محتاج الميه تكون سخنة قوي بلاش تظبط السخان على درجه عاليه عشان مايشتغلش كتير

* عدم ترك السخان مفتوح طول اليوم , لان ده بيخليه يفضل يسخن في الميه علطول في اوقات احنا مش هانستخدمه فيها , انا مثلا بافتحه في اوقات معينه في اليوم و بطفيه في باقي الاوقات , يعني مثلا قبل متاخد دش بنص ساعه افتحه و ارجع اقفله تاني بعد ماللمبه تطفي و يفصل تسخين

[Mohamed.Mohsen]

عشان تحقق افضل وفر في استهلاك الكهربا لازم حاجتين

* تقليل درجة الحراره القصوى من الثرموستات , طالما مش محتاج الميه تكون سخنة قوي بلاش تظبط السخان على درجه عاليه عشان مايشتغلش كتير

* عدم ترك السخان مفتوح طول اليوم , لان ده بيخليه يفضل يسخن في الميه علطول في اوقات احنا مش هانستخدمه فيها , انا مثلا بافتحه في اوقات معينه في اليوم و بطفيه في باقي الاوقات , يعني مثلا قبل متاخد دش بنص ساعه افتحه و ارجع اقفله تاني بعد ماللمبه تطفي و يفصل تسخين

شكرا لافكار حضرتك وتعاونك انا بالضبط بعمل كده الاريستون فيه تحكم في الترموستات فانا مقللها وده في سخان المطبخ لحد 60 درجة مئوية أو اقل شوية بسيطة 55 .
لكن في الحمامات ابوللو مفيش تحكم في الترموستات ولا في وانا مش عارف؟؟ التحكم في التشغيل او الفصل فقط وبعمل زي ماقلت بشغل قبل الاحتياج للميه ومفيش دقايق تبدأتدفي الميه .. تخيل ده انا ببقا سايب الشقة عده ايام وطبعا السخان مفصول اول ما ادخال اشغل 15 دقيقة بس تبقي دافية وتستخدمها ..

[Gelgel2004]

فيه تايمر بتتحط فيه الفيشه بتاعه السخان من الناحيه اللى على الوش
و من الناحيه التانيه التايمر كله بيدخل فى بريزه الكهرباء
تضبط التايمر على
1/ من الساعه السادسه الى الثامنه صباحا
من التانيه و النصف الى الرابعه عصرا
من السابعه الى التاسعه مساء
و دى تقريبا حسب مواعيد الاستخدام و التسخين بفتره كافيه قبلها
و بكده يبقى حضرتك شغلت الكهرباء مده 6 ساعات متوسط بدل 24 ساعه مستمر
ده اولا
ثانيا :- تضبط درجه الثرموستات عند 40 / 50 درجه علشان متفتحش المياه البارده و تنزل كميه المياه الساخنه بسرعه
الحل ده مجرب و سعر التايمر من 150 الى 250 حسب النوع غير ان الفريش الجديد و الاوليمبك معاه الخاصيه دى
و طبعا اللمبات الموفره برضه بتساعد
تحياتى

[abou-yahia]

فيه تايمر بتتحط فيه الفيشه بتاعه السخان من الناحيه اللى على الوش
و من الناحيه التانيه التايمر كله بيدخل فى بريزه الكهرباء
تضبط التايمر على
1/ من الساعه السادسه الى الثامنه صباحا
من التانيه و النصف الى الرابعه عصرا
من السابعه الى التاسعه مساء
و دى تقريبا حسب مواعيد الاستخدام و التسخين بفتره كافيه قبلها
و بكده يبقى حضرتك شغلت الكهرباء مده 6 ساعات متوسط بدل 24 ساعه مستمر
ده اولا
ثانيا :- تضبط درجه الثرموستات عند 40 / 50 درجه علشان متفتحش المياه البارده و تنزل كميه المياه الساخنه بسرعه
الحل ده مجرب و سعر التايمر من 150 الى 250 حسب النوع غير ان الفريش الجديد و الاوليمبك معاه الخاصيه دى
و طبعا اللمبات الموفره برضه بتساعد
تحياتى

فكرته جامده

تنفع لحاجات كتييييير

بيتباع فين لو سمحت عشان انا تقريبا مش قبلته قبل كده

[Gelgel2004]

فكرته جامده

تنفع لحاجات كتييييير

بيتباع فين لو سمحت عشان انا تقريبا مش قبلته قبل كده

التايمر عند محلات الكهرباء الكبيره و ممكن وسط البلد بس هات منه الاوروبى موش الصينى و فيه نوع منه باناسونيك ببطاريه شحن حال انقطاع التيار الكهربائى علشان متضبهوش كل شويه
اما السخان اوليمبك او فريش - عند الهايبر ماركس او الوكلاء المعتمديت

تحياتى

[dedi]

طيب ماعلش فية نظرية لو انا سبتة شغال طول اليوم اوفر بمعنى هايشتغل فترة قصيرة جدا لتوصيل المياة للسخانة المطلوبة و بعدها بوقت طويل هايشتغل تانى فترة قصيرة وهكذا لكن لو انت فصلتة وجيت مثلا عاوز تشغلة هاياخذ اضعاف اضعاف الوقت الذى كان بيشتغل و بيفصل مع نفسة واعتقد منطقيا الكلام دة صح

[Mohamed.Mohsen]

طيب ماعلش فية نظرية لو انا سبتة شغال طول اليوم اوفر بمعنى هايشتغل فترة قصيرة جدا لتوصيل المياة للسخانة المطلوبة و بعدها بوقت طويل هايشتغل تانى فترة قصيرة وهكذا لكن لو انت فصلتة وجيت مثلا عاوز تشغلة هاياخذ اضعاف اضعاف الوقت الذى كان بيشتغل و بيفصل مع نفسة واعتقد منطقيا الكلام دة صح

هو ده يا باشا اللي انا محتار فيه بالضبط بلاحظ فعلا لو شغال علطول ياخد كام دقيقة كل ساعة او اقل ويرجع يفصل ياترا لو جمعنا الدقايق دي اقل ولا التشغيل علي فترات اقل ..عايزين محاسب كهرباء ومهندس تشغيل ؟؟ طيب هقولك علي تجربة عملتها من زمان بس علي سخان اوليمبك قديم جدا بدون عازل للحفاظ علي الحراراة واراقب زيادة كيلوات عداد الكهرباء في حالة التشغيل المستمر لمدة 24 ساعة ثم بعدها التشغيل المتقطع لمدة 24 ساعة اخري طلع طبعا المتقطع اقل استهلاك بكتير بس لو السخان بعازل اكيد تفرق مش فاضي بقا ولا فايق اجربها التجربة الاولي كانت زمان جدا من سنين ..وكمان العداد تحت في مدخل العمارة ومقفول عليه .....

[Mohamed.Mohsen]

فيه تايمر بتتحط فيه الفيشه بتاعه السخان من الناحيه اللى على الوش
و من الناحيه التانيه التايمر كله بيدخل فى بريزه الكهرباء
تضبط التايمر على
1/ من الساعه السادسه الى الثامنه صباحا
من التانيه و النصف الى الرابعه عصرا
من السابعه الى التاسعه مساء
و دى تقريبا حسب مواعيد الاستخدام و التسخين بفتره كافيه قبلها
و بكده يبقى حضرتك شغلت الكهرباء مده 6 ساعات متوسط بدل 24 ساعه مستمر
ده اولا
ثانيا :- تضبط درجه الثرموستات عند 40 / 50 درجه علشان متفتحش المياه البارده و تنزل كميه المياه الساخنه بسرعه
الحل ده مجرب و سعر التايمر من 150 الى 250 حسب النوع غير ان الفريش الجديد و الاوليمبك معاه الخاصيه دى
و طبعا اللمبات الموفره برضه بتساعد
تحياتى

طبعا فكرة روعة بجد وجديرة بالتنفيذ .. لو ممكن اسم المحل اللي حضرتك اشتريت منه ؟؟

[A_H_M_A_D]

هو ده يا باشا اللي انا محتار فيه بالضبط بلاحظ فعلا لو شغال علطول ياخد كام دقيقة كل ساعة او اقل ويرجع يفصل ياترا لو جمعنا الدقايق دي اقل ولا التشغيل علي فترات اقل ..عايزين محاسب كهرباء ومهندس تشغيل ؟؟ طيب هقولك علي تجربة عملتها من زمان بس علي سخان اوليمبك قديم جدا بدون عازل للحفاظ علي الحراراة واراقب زيادة كيلوات عداد الكهرباء في حالة التشغيل المستمر لمدة 24 ساعة ثم بعدها التشغيل المتقطع لمدة 24 ساعة اخري طلع طبعا المتقطع اقل استهلاك بكتير بس لو السخان بعازل اكيد تفرق مش فاضي بقا ولا فايق اجربها التجربة الاولي كانت زمان جدا من سنين ..وكمان العداد تحت في مدخل العمارة ومقفول عليه .....

اكيد طبعا انك تشغله في اوقات قليله هايستهلك كهربا اقل عن انك تسيبه شغال 24 ساعه و يفضل يسخن الميه كل ربع او تلت ساعه مثلا

لكن في الحمامات ابوللو مفيش تحكم في الترموستات ولا في وانا مش عارف؟؟ ..

لو حضرتك فكيت الوش التحتاني بالمسمار اللي في النص , هاتلاقي الثرموستات موجود تحت الوش ده وممكن تتحكم في درجة الحراره منه

بس خلي بالك هو تركيب المسمار ده تاني في مكانه بيبقى صعب شوية و عايز مفك طويل

[Mohamed.Mohsen]

اكيد طبعا انك تشغله في اوقات قليله هايستهلك كهربا اقل عن انك تسيبه شغال 24 ساعه و يفضل يسخن الميه كل ربع او تلت ساعه مثلا



لو حضرتك فكيت الوش التحتاني بالمسمار اللي في النص , هاتلاقي الثرموستات موجود تحت الوش ده وممكن تتحكم في درجة الحراره منه

بس خلي بالك هو تركيب المسمار ده تاني في مكانه بيبقى صعب شوية و عايز مفك طويل

شكرا أحمد بك ..الفك والتركيب للوش التحتاني ده ان شاء الله مفيش مشكلة اقدر اعمله لكن هتحكم في الترموستات ازاي وشكلها ايه تحت الوش وهحركها ازاي..؟؟؟

[dedi]

فيه تايمر بتتحط فيه الفيشه بتاعه السخان من الناحيه اللى على الوش
و من الناحيه التانيه التايمر كله بيدخل فى بريزه الكهرباء
تضبط التايمر على
1/ من الساعه السادسه الى الثامنه صباحا
من التانيه و النصف الى الرابعه عصرا
من السابعه الى التاسعه مساء
و دى تقريبا حسب مواعيد الاستخدام و التسخين بفتره كافيه قبلها
و بكده يبقى حضرتك شغلت الكهرباء مده 6 ساعات متوسط بدل 24 ساعه مستمر
ده اولا
ثانيا :- تضبط درجه الثرموستات عند 40 / 50 درجه علشان متفتحش المياه البارده و تنزل كميه المياه الساخنه بسرعه
الحل ده مجرب و سعر التايمر من 150 الى 250 حسب النوع غير ان الفريش الجديد و الاوليمبك معاه الخاصيه دى
و طبعا اللمبات الموفره برضه بتساعد
تحياتى

موضوع التايمر دة انا شفتة برة من حوالى 15 سنة وكنت باتمنى لو الاقية هنا فى مصر بس سعرة كان لا يتجاوز15 الى 25 جنية للنوع المحترم بس سؤالى هو يستحمل امبير السخان العالى

[Gelgel2004]

الساده الزملاء بالمنتدى
اود توضيح بعضا من المعلومات التالية
1/ اللمبه النيون / مكيف الهواء / موتور المياه / اى حاجه كهرباء ... لما بتبتدى تشتغل امبير البدا بيكون عالى و بعد كده بيستقر و بينخفض الاستهلاك بعد الوصول لحاله الثبات
يعنى مثلا اللمبه النيون لو سبتها مولعه اى شغاله لمده طويله افضل بكتير من انك تتطفيها و تشغلها بشكل متقطع لان الاستهلا ك كده بيكون ازيد
2/ بالنسبه للتايمر منه انواع مخصصه للامبير العالى مثل الغساله لو هتشغل الهيتر او السخان مثلا .
3/ الغساله لو هتلغى الهيتر و انا عامل كده و موصل فرع من المياه الساخنة من السخان الغاز عليها - و نفس الموضوع لغساله الاطباق - توفر معاك جدا جدا
4/ سعر التايمر الصينى 70 جم متوسط و الايطالى و الالمانى يبا من 150 الى 250 جم .

و لى ايضا افكار مشابهه للثلاجة و مسحوق الغسيل و الاضاءه عموما و اجهزه التكييف و فلاتر المياه المنزليةللى بيهتم

تحياتى للجميع

[abou-yahia]

الساده الزملاء بالمنتدى
اود توضيح بعضا من المعلومات التالية
1/ اللمبه النيون / مكيف الهواء / موتور المياه / اى حاجه كهرباء ... لما بتبتدى تشتغل امبير البدا بيكون عالى و بعد كده بيستقر و بينخفض الاستهلاك بعد الوصول لحاله الثبات
يعنى مثلا اللمبه النيون لو سبتها مولعه اى شغاله لمده طويله افضل بكتير من انك تتطفيها و تشغلها بشكل متقطع لان الاستهلا ك كده بيكون ازيد
2/ بالنسبه للتايمر منه انواع مخصصه للامبير العالى مثل الغساله لو هتشغل الهيتر او السخان مثلا .
3/ الغساله لو هتلغى الهيتر و انا عامل كده و موصل فرع من المياه الساخنة من السخان الغاز عليها - و نفس الموضوع لغساله الاطباق - توفر معاك جدا جدا
4/ سعر التايمر الصينى 70 جم متوسط و الايطالى و الالمانى يبا من 150 الى 250 جم .

و لى ايضا افكار مشابهه للثلاجة و مسحوق الغسيل و الاضاءه عموما و اجهزه التكييف و فلاتر المياه المنزليةللى بيهتم

تحياتى للجميع

طبعا مهتمين
ياريت حضرتك تزيدنا

[محمد بلال]

متابع علشان موضوع الكهرباء زاد عن حده