اه والله بلد غريبه !!!!!! ربنا يرحمنا!!!!!!!

[midoabdeen]

السلام عليكم ورحمه الله وبركاته
الموضوع دا عامله واكتر فئه هتحس بيه الشباب
ليه حال بلدنا بقى كده بجد بقى صعب اووووى ان الواحد يعيش فيها عيشه اداميه ومحترمه

خلينا نمسكها حاجه حاجه كده

اولا الشغل :

الشغل اليدوى عيب ياعنى ماينفعش تبقى ميكانيكى ولا كهربائى .... مستواك الاجتماعى ياعنى هيبقى وحس اوى لو انت صاحب حرفه يدويه ولا وكمان لما تيجى تشترك فى نادى ولا تدخل ابنك مدرسه محترمه ماينفعش طبعا انت مين انت علشان عيالك يبقوا من عليه القوم
مع ان الشغل اليدوى او الحرفى دا انا احترمه اكتر من اللى قاعد على مكتب (انا من اللى قاعدين على مكتب على فكره علشان محدش يزعل) لان اقتصاد البلد كله قايم على الصناعه

الزراعه بقت عيب احد اهم اعمده الاقتصاد فى اى بلد فى العالم تلاقى الفلاح من دول مستعيب انه يبقى فلاح ويزرع ارضه ويروح يبيعها ولا يبورها علشان ماينفعش انه يبقى فلاح دى بقت حاجه عيب اوووى بص للبلاد الفلاحين كلها ولا بص للرقعه الزراعيه فى بلدك هتلاقيها بتنقرض يوم بعد التانى
مع ان بلد من غير زراعه ولا تسوى نكله

لازم علشان تشتغل فى اى مكان محترم يقولك خبره بلا بلا بلا سنه ياولاد اللذيه خبره ايه من شاب لسه متخرج ولو متفدم معاك واحد معاه واسطه وممكن يكون مستواه اقل منك يشتغل وش
ما هى اصلا مشكلتك حد قالك ماتشوفش واسطه قبل ما تقدم روووح اجررررى

المصالح الحكوميه انا كنت احد الموظفين فيها لاحقا وبجد والله حاجه تعر اصلا انها موجوده فى بلدنا موظفين واخدين على الراحه مش عايزين يشتغلوا وطول اليوم رغى ومرقعه انا بصراحه بعذرهم بس اصلا لو فى اداره كويسه ومقابل مجزى ساعتها الناس دى لازم تتحاسب
والله العظيم انا كان بيجيلى اكتئاب المكان اللى كان مكتبى فيه بدون ذكر اسماء مرتبات خياليه لدرجه ان السعاه كان مرتبهم 3000ج فيما فوق كان يجى مناسبه عيد مثلا او رمضان يتصرف ليهم ب3 اشهر مكافاه على مرتباتهم ياعنى تخيل بقى المبلغ عامل ازاى وفى 6 مناسبات على مدار السنه على فكره
وناس تانيه مش لاقيه تاكل وبتجيب الجنيه بالعافيه
دا يرضى مين طيب


نيجى بقى للجواز اللى هو المفروض انك عايز تكمل دينك

طيب ماشى ياخويا فكر بس انك تكمل دينك كده وشوف ايه اللى ممكن يحصلك

شقه 65 م تمويل عقارى من الحكومه
الحكومه ها واخد بالك انت اللى المفروض انها بتدعم الشباب وبتنزل ليهم شقق سكنيه ودا من فلوسنا هى مش بتجى علينا اصلا
المهم ياعنى روح اشترى شقه كده اوضه وصاله ال65 م اصلا مش يتقعد فيها وشوف هتدفع كام
فوق ال10 الف يا معلم بالصلاه على النبى
شقه لشاب لسه بيبدا حياته ومدعمه من الحكومه التيييييت وفوق ال 100

ياسيدى سيبك من الشقه دا كلام فارغ
نيجى بقى لطلبات الاهل
30 الف شبكه (اااااه اشمعنا بنت عم ابن خال ابو ام البت )
مقدم مش عارف كام الف اصلى رايح اشترى بى ام موديل السنه
الشقه مش عارف فين ولازم يكون الفيو حلو علشان حماتك تعرف تقعد فى البلكونه
عربيه 15-20 متر كده علشان تبقى حاجه تشرف اه والنبى ياخويا لما نبقى ساحبينك كده فى فرح حد من قرايبنا لازم تشرفنا قدامهم

وفى الاخر تلاقيهم اصلا قاعدين فى اوضه تحت بير السلم وابوها لسه كان بيدى دش للعجله بتاعته قبل مايقابلك على طول

ياسيدى قلتلك سيبك من الهبل دا كله مقدور عليه

تعالى بقى اتفرج على تشطيب الشقه الدكاتره قصدى الصنايعيه اللى هيقرفوك فى حياتك ويكرهوك فى اليوم اللى فكرت تشطب فيه اصلا طلبات بقى ومصنعيات وقرف فى المعامله

وياسلام بقى بعد الجواز مصاريف بقى والذى منه

طبعا انا مش بنتقض فكره الجواز انا بس بتكلم ان الفكره صعب اووووووى انك تطبقها فى بلدنا دى

طبعا فى حاجات تانيه كتير اوووووووى مقرفه فى البلد دى بس انا اتكلمت على حاجتين اساسيتين بالنسبه لاى شاب لازم يعملهم

وعلى فكره انا باردوا بتكلم على الشاب اللى بيعتمد على نفسه مش بابى ومامى ياعنى بتكلم على الشباب اللى من اخر كده اكتر طبقه متبهدله فى مجتمعنا دا واكتر طبقه حاسه بكل الصعوبات اللى ذكرتها دى انما بقى الناس اللى اهاليها بتصرف عليهم ربنا يخليلهم اهلهم ويصرفوا عليهم كمان وكمان

والله احنا لينا الجنه اننا لسه عاشين فى البلد دى ومستحملين لغايه دلوقتى

ربنا معانا جميعا

[eslamrace]

ميدو باشا انا متفق معاك فى كل اللى حضرتك بتقوله بس الفكره فى الشغل مثلا ان الاساس اللى بنقيس عليه غلط يعنى الشباب دلوقتى "نسبه كبيره منه علشان ابقى اكثر دقه " بيتخرج من الجامعه واخد قلم انه مش المفروض يشتغل شغل مهنى او زراعى او تجارى "كبائع" لانه معاه شهاده عليا فبالتالى الوظائف دى اقتصرت على فئه معينه "غالبا" غير متعلمه تماما بالرغم ان الاعمال المهنيه بتكسب اكتر بكتير من اى وظيفه تانيه ولكن لقناعه خاصه لدى الاهل والتى تنتقل بالتبعيه للشاب ان الاعمال دى دون المستوى فالشاب واهله على استعداد يقعد على القهوه عاطل عن انه يشتغل صنايعى "بالرغم ان الصنايعيه ممكن يبقى بيشتغل بادوات حديثه وطريقه غير مهينه"
وبالتالى لان برضه عرض الشباب الخريجين اكتر من اللى سوق العمل عايزه فالشركات اما بتطلب شروط تعجيزيه او تقلل فى المرتب فيبقى الحاسب الشاب بيقبض 850 جنيه والصنايعى المهنى بيصفى فى الشهر 2500 جنيه والاكثر عجبا ان الخريج اللى بيشتغل ده بيبقى لسه عايز يتعلم ازاى يشتغل "كانه كان فى الجامعه بيلعب تنس " فالحل ان الدوله لازم تلغى دعم التعليم الجامعى وبالتالى تقلل المعروض من خريجين الجامعه وتدعم التعليم المهنى وتطور التعليم الاساسي فبعد 15 سنه تلاقى الموضوع بقى افضل وصاحب المهنه بيتعامل زى دكتور الجامعه لانه متعلم والناس كلها محتاجه له فيتعامل باحترام زى بره بالظبط .
عارف يا ميدو باشا انا سافرت امريكا فتره ولما شوفت الصنايعى هناك بلبسه وادواته وحرفيته واسلوبه فى التعامل عرفت ان الصنايعى ده هو اللى بيفرض على المجتمع يعامله زى الدكتور مش فرض من الحكومه على المجتمع علشان كده دايما بحس ان المشكله فينا مش فى الحكومه .

ثانيا الجواز اللى انا بعتبره فى مصر بالنسبه للشباب اللى زى حاليا ضياع للمستقبل الواحد اصبح بيشترى اسره بباقى حياته وده علشان اهالى البنات حاليا "اغلبهم علشان منعممش" اصبحوا بيتعاملوا مع بنتهم على انها مشروع استثمارى هو اكلها وشربها وصرف عليها مبلغ مستنى المغفل اللى حييجى يعوضه عن تعبه ويشتريها منه علشان كده الطلاق فى مصر ماشي زى الفل
واذا ربنا كرمك بناس طيبين تلاقى نفسك خطبت ودخلت فى سباق بتجرى فيه مجبرا واستفادتك منه تكاد تكون 0 فتبدأ تسدد اقساط الشقه وتوضبها وتحضر للفرح ولما تتجوز وتقول حرتاج تلاقى نفسك بتصرف على 2 كمان معاك وتتفتح ابواب جديده للمصروف انت مش عامل حسابها فمهما جبت فلوس فى حياتك حتتشفط فى بلاعه الحياه ولما توصل لسن الاستقرار بعد 45 سنه ويكون مرتبك بيكفيك ويفيض شويه مش حتتدلع بالباقى لانك لازم تحوش لعيالك علشان تسترهم وتساعدهم فى الزمن اللى يعلم بيه ربنا وهكذا الى ان تنتهى حياتك بسلام دون بصمه او ان تقوم بأى دور لخدمه البشريه او ذكرى ليك ....................شوفت اخرتها ههههههههههههههه
بالرغم ان المفترض عمليا ان البنات اكتر من الشباب القادر على الزواج وبالتالى المعروض اكتر من المطلوب فيحصل تيسيرات الا ان ده مبيحصلش متعرفش ليه ؟؟

فالعيب فى النظام "ومقصدش الحكومه لان الحكومه مننا " اللى هو التركيبه الاجتماعيه نصلح ترس واحد رئيسي فيها الباقى يتعدل تلقائيا .
وعلى فكره يا ميدو باشا كل اللى انا قولته ده ميجيش ربع اللى جوايا انما اللى وصلتله ان لو احنا متغيرناش وعملنا حاجه الوضع حيبقى اسوأ لان مفيش غيرنا كشباب اللى تعبانين ومحدش حيساعدنا فلازم احنا اللى نتغير ونغير لعلنا نعمل ثوره اجتماعيه زى معملنا ثوره سياسيه بس المشكله ان الثوره الاجتماعيه دى اصعب واهم .

لنا الله .

[AhMeD MeTwAlY]

هههههههههههههههههههههه
والله يا غالي العيب فينا احنا الي بنعمل في نفسينا كدا
والبلد دي عمرها ما هيتصلح حلها ولو بعد قرن من الزمان لانها خلاص بخ
عامله زي الي كل شوية بتتجوز واحد شكل في الاخر هتتطلع رقاصه "اسف للتعبير بس بجد اتخنقت"

[RAPID]

رحم الله سعد زغلول صاحب المقولة الخالدة

[matrix_it]

بالنسبة للشغل دة حال البلد المعروض اكتر بكتير فا الكل بيحاول و لو حضرتك معترض على الواسطة صدقنى لو جاتلك واسطة هتنسى الكلام اللى حضرتك كتبته !
و بالنسبة للجواز لو حصل مشكلات مادية فاعرف ان في فرق مادى بين العيلتين فا الناس تختار اللى من نفس مستواها !
و ربنا يصلح حال البلد اللى من سيئ لاسوء

[Amr Elshamy]

انا متفق معك تمام فى البوست بتاعك دا بس عايز اقولك على حاجه انا واحد متجوز من غير ما اهلي يساعدني وبنيت نفسى بنفسي واشتغلت اقل حاجه انت ممكن تتخيلها بس ربنا بيقول اسعي يا عبد وانا اسعي معاك وياما ناس كتير معاهم بكالوريوس ومنهم انا ومعايا 3 لغات مش بيلاقو شغل وانا برضو معاك فى فكره ان الواحد لو مش اشتغل ميكانيكي انه يفتح ورشة صيانه كامله هيا فعلا هتحتاج راس مال كبير بس انت لو شغال صح العائد بتاعك هيبقي مربح بس الناس فعلا مش هتسيبك ف حالك وهتنظرلك نظره تانيه تماما
ثم انت لو جيت طبعا تفكر انك تتجوز هتكون من طبقتك انت ولا اعلي ولا اقل وحسب ظروفك مفيش حاجه هتاخدها غصب عنك يعني او تسرق علشان تتجوز واحده مستواها عالي ..
وانا معاك ان البلد زفت بس احنا بايدينا ايه نعمله غير اننا نشتغل ونيجي كل اخر شهر نستني المرتب علشان اللى وراه مسئولية واللى وراه جمعيات الخ ...
انا بس كل اللى طالبه من ربنا ان الحياه تتعدل شويه والبلد تفووق والشباب كلها تشتغل والناس تبطل جشع واستغلال فى كل حاجه والاسعار ترجع زي زمان ..

[hitman235]

للاسف كلامك صحيح البلد بقت سيئة للغايه و ده من زمان .... و فيه تفاوت طبقى و اجتماعى رهيب و سوء توزيع الثروات و ده علاجه هياخد قرون من الزمن ده لو بدأنا اساسا ...
تعليم زفت صحه زفت مواصلات زفت كل البنيه التحتيه زفت فى زفت حتى فى ارقى المناطق فى مصر ....... و بالنسبة للاسعار فلا تستعجب لما تلاقى اسعار شقق فى بعض المدن الجديده بقت اغلى من نظيرتها فى انجلترا و امريكا مش هقول الزمالك ولا هيليوبليس ولا جاردن سيتى .........و طبعا اسعار العربيات انتم ادرى منى بيها ...... قارنوا بين اسعار مصر و اسعار دول الخليج ولا حتى ليبيا ...
و الى يزيد و يغطى هو الانحطاط الاخلاقى و انتشار الجرائم فى شرائح كبيره من الشعب ( شعب متدين بطبعه ).....

[midoabdeen]

ميدو باشا انا متفق معاك فى كل اللى حضرتك بتقوله بس الفكره فى الشغل مثلا ان الاساس اللى بنقيس عليه غلط يعنى الشباب دلوقتى "نسبه كبيره منه علشان ابقى اكثر دقه " بيتخرج من الجامعه واخد قلم انه مش المفروض يشتغل شغل مهنى او زراعى او تجارى "كبائع" لانه معاه شهاده عليا فبالتالى الوظائف دى اقتصرت على فئه معينه "غالبا" غير متعلمه تماما بالرغم ان الاعمال المهنيه بتكسب اكتر بكتير من اى وظيفه تانيه ولكن لقناعه خاصه لدى الاهل والتى تنتقل بالتبعيه للشاب ان الاعمال دى دون المستوى فالشاب واهله على استعداد يقعد على القهوه عاطل عن انه يشتغل صنايعى "بالرغم ان الصنايعيه ممكن يبقى بيشتغل بادوات حديثه وطريقه غير مهينه"
وبالتالى لان برضه عرض الشباب الخريجين اكتر من اللى سوق العمل عايزه فالشركات اما بتطلب شروط تعجيزيه او تقلل فى المرتب فيبقى الحاسب الشاب بيقبض 850 جنيه والصنايعى المهنى بيصفى فى الشهر 2500 جنيه والاكثر عجبا ان الخريج اللى بيشتغل ده بيبقى لسه عايز يتعلم ازاى يشتغل "كانه كان فى الجامعه بيلعب تنس " فالحل ان الدوله لازم تلغى دعم التعليم الجامعى وبالتالى تقلل المعروض من خريجين الجامعه وتدعم التعليم المهنى وتطور التعليم الاساسي فبعد 15 سنه تلاقى الموضوع بقى افضل وصاحب المهنه بيتعامل زى دكتور الجامعه لانه متعلم والناس كلها محتاجه له فيتعامل باحترام زى بره بالظبط .
عارف يا ميدو باشا انا سافرت امريكا فتره ولما شوفت الصنايعى هناك بلبسه وادواته وحرفيته واسلوبه فى التعامل عرفت ان الصنايعى ده هو اللى بيفرض على المجتمع يعامله زى الدكتور مش فرض من الحكومه على المجتمع علشان كده دايما بحس ان المشكله فينا مش فى الحكومه .

ثانيا الجواز اللى انا بعتبره فى مصر بالنسبه للشباب اللى زى حاليا ضياع للمستقبل الواحد اصبح بيشترى اسره بباقى حياته وده علشان اهالى البنات حاليا "اغلبهم علشان منعممش" اصبحوا بيتعاملوا مع بنتهم على انها مشروع استثمارى هو اكلها وشربها وصرف عليها مبلغ مستنى المغفل اللى حييجى يعوضه عن تعبه ويشتريها منه علشان كده الطلاق فى مصر ماشي زى الفل
واذا ربنا كرمك بناس طيبين تلاقى نفسك خطبت ودخلت فى سباق بتجرى فيه مجبرا واستفادتك منه تكاد تكون 0 فتبدأ تسدد اقساط الشقه وتوضبها وتحضر للفرح ولما تتجوز وتقول حرتاج تلاقى نفسك بتصرف على 2 كمان معاك وتتفتح ابواب جديده للمصروف انت مش عامل حسابها فمهما جبت فلوس فى حياتك حتتشفط فى بلاعه الحياه ولما توصل لسن الاستقرار بعد 45 سنه ويكون مرتبك بيكفيك ويفيض شويه مش حتتدلع بالباقى لانك لازم تحوش لعيالك علشان تسترهم وتساعدهم فى الزمن اللى يعلم بيه ربنا وهكذا الى ان تنتهى حياتك بسلام دون بصمه او ان تقوم بأى دور لخدمه البشريه او ذكرى ليك ....................شوفت اخرتها ههههههههههههههه
بالرغم ان المفترض عمليا ان البنات اكتر من الشباب القادر على الزواج وبالتالى المعروض اكتر من المطلوب فيحصل تيسيرات الا ان ده مبيحصلش متعرفش ليه ؟؟

فالعيب فى النظام "ومقصدش الحكومه لان الحكومه مننا " اللى هو التركيبه الاجتماعيه نصلح ترس واحد رئيسي فيها الباقى يتعدل تلقائيا .
وعلى فكره يا ميدو باشا كل اللى انا قولته ده ميجيش ربع اللى جوايا انما اللى وصلتله ان لو احنا متغيرناش وعملنا حاجه الوضع حيبقى اسوأ لان مفيش غيرنا كشباب اللى تعبانين ومحدش حيساعدنا فلازم احنا اللى نتغير ونغير لعلنا نعمل ثوره اجتماعيه زى معملنا ثوره سياسيه بس المشكله ان الثوره الاجتماعيه دى اصعب واهم .

لنا الله .

اتفق معك تماما
وفعلا والله اللى انا كمان قولته مايجيش 100/1 من اللى جوايا

هههههههههههههههههههههه
والله يا غالي العيب فينا احنا الي بنعمل في نفسينا كدا
والبلد دي عمرها ما هيتصلح حلها ولو بعد قرن من الزمان لانها خلاص بخ
عامله زي الي كل شوية بتتجوز واحد شكل في الاخر هتتطلع رقاصه "اسف للتعبير بس بجد اتخنقت"

معاك انا ماقولتش ان العيب على الحكومه بس ماهى الحكومه دى مننا مش من بلد تانيه
والعيب فينا باردوا اننا بنساعد ناس لا تصلح انها تدير البلد

رحم الله سعد زغلول صاحب المقولة الخالدة

اللى هى ايه بقى

بالنسبة للشغل دة حال البلد المعروض اكتر بكتير فا الكل بيحاول و لو حضرتك معترض على الواسطة صدقنى لو جاتلك واسطة هتنسى الكلام اللى حضرتك كتبته !
و بالنسبة للجواز لو حصل مشكلات مادية فاعرف ان في فرق مادى بين العيلتين فا الناس تختار اللى من نفس مستواها !
و ربنا يصلح حال البلد اللى من سيئ لاسوء

اولا انا الحمد لله رب العالمين عايش مرتاح جدا وربنا كرمنى انا بتكلم على الناس التنايه المطحونين ومعاك انى لو جاتلى الواسطه عمرى ما ارفض بس ليه بقى النظام بقى كده اصلا
موضوع الجواز حضرتك ممكن تبقى بتاخد بنت من طبقتك عادى جدا وتلاقيهم بيتنكوا دى بقت سياسه يا باشا الكل متبعها

انا متفق معك تمام فى البوست بتاعك دا بس عايز اقولك على حاجه انا واحد متجوز من غير ما اهلي يساعدني وبنيت نفسى بنفسي واشتغلت اقل حاجه انت ممكن تتخيلها بس ربنا بيقول اسعي يا عبد وانا اسعي معاك وياما ناس كتير معاهم بكالوريوس ومنهم انا ومعايا 3 لغات مش بيلاقو شغل وانا برضو معاك فى فكره ان الواحد لو مش اشتغل ميكانيكي انه يفتح ورشة صيانه كامله هيا فعلا هتحتاج راس مال كبير بس انت لو شغال صح العائد بتاعك هيبقي مربح بس الناس فعلا مش هتسيبك ف حالك وهتنظرلك نظره تانيه تماما
ثم انت لو جيت طبعا تفكر انك تتجوز هتكون من طبقتك انت ولا اعلي ولا اقل وحسب ظروفك مفيش حاجه هتاخدها غصب عنك يعني او تسرق علشان تتجوز واحده مستواها عالي ..
وانا معاك ان البلد زفت بس احنا بايدينا ايه نعمله غير اننا نشتغل ونيجي كل اخر شهر نستني المرتب علشان اللى وراه مسئولية واللى وراه جمعيات الخ ...
انا بس كل اللى طالبه من ربنا ان الحياه تتعدل شويه والبلد تفووق والشباب كلها تشتغل والناس تبطل جشع واستغلال فى كل حاجه والاسعار ترجع زي زمان ..

ياباشا مانا معايا بكارليوس وكنت شغال نقاش واشتغلت فى محلات دا غير باقى الشغلنات دا مش عيب وعايز اقولك انى دلوقتى قاعد على مكتب ومرتاح الحمد لله وبالرغم من دا بحب اكتر الصنعه اى حرفه تتعمل بالايد وتحس انك نتنتج فيه ليها طعم تاااااااااانى خالص
وعلى فكره بقى الجيل اللى طالع دا كله انا شايف انه مش هيحرك البلد خطوه قدام احنا محتاجين جيل يكون فاهم الكلام اللى احنا بنتكلم فيه دا علشان يرجع الزراعه والصناعه من جديد

للاسف كلامك صحيح البلد بقت سيئة للغايه و ده من زمان .... و فيه تفاوت طبقى و اجتماعى رهيب و سوء توزيع الثروات و ده علاجه هياخد قرون من الزمن ده لو بدأنا اساسا ...
تعليم زفت صحه زفت مواصلات زفت كل البنيه التحتيه زفت فى زفت حتى فى ارقى المناطق فى مصر ....... و بالنسبة للاسعار فلا تستعجب لما تلاقى اسعار شقق فى بعض المدن الجديده بقت اغلى من نظيرتها فى انجلترا و امريكا مش هقول الزمالك ولا هيليوبليس ولا جاردن سيتى .........و طبعا اسعار العربيات انتم ادرى منى بيها ...... قارنوا بين اسعار مصر و اسعار دول الخليج ولا حتى ليبيا ...
و الى يزيد و يغطى هو الانحطاط الاخلاقى و انتشار الجرائم فى شرائح كبيره من الشعب ( شعب متدين بطبعه ).....

ماهو اللى يغيظك ان البلاد اللى انت بتتكلم عليها دى العيشه فيها كويسه مرتاحه ورخيصه الى حد ما لا وكمان دخل الفرد فيها مرتفع جدا
واحنا العيشه غير ادميه للى معاه واللى ماعهوش وكمان دخل الفرد لايكفى لعيش حاف حتى

[deee]

دى مش بلد اصلا يا استاذى دى عبارة عن مجتمع فاشل ملوش لازمة على هذا الكوكب فبيطلع فشله على نفسه

[Ahmed_Adham]

يا جماعه البلاد النضيفه دي اتبنت بفلوس أهلها مش من الهوا يعني. ده كان لسه فيه موضوع من كام يوم ناس بتشتكي من كارته طرق السفر. لازم الدعم يتلغي من كل حاجه بنزين وغاز وكهربا وبالفلوس دي تتظبط الخدمات التانيه زي الطرق والتعليم والصحه والمواصلات. مينفعش تقول ابنيلي الاول وظبط دخلي وبعدين شيل الدعم ماهو هيبنيك ازاي هوه بيدفع ربع ميزانيته كل سنه دعم؟ الموضوع محتاج ان الشعب يتفهم خطوه زي دي ويستحمل زنقتها سنتين تلاته وبعد كده الدنيا ترتاح.

[S O P H O S]

كلامك سليم يا باشا
بس لازم الانسان يخبط هنا وهنا علشان يوصل للشئ المناسب ليه

[besso]

حد فيكم بيتفرج على صلاح جوده مدير مركز الدراسات الاقتصاديه

نفسى اعرف محدش بياخد رأيه ليه ما بيسمعوش افكاره ليه هو وغيره حقيقى احنا متخلفين فعلا حكومه عواجيز مش عايزه تفكر فى ايه حاجه ده لو فيهم صحه يفكروا اصلا وفى الاخر يقوللك هانعمل اوتوبيسات فيه نت ...... فيه لفظ اعتراضى نفسى اقوله بس ما ينفعش

عليه العوض فى البلد دى