عايز اسافر تركيا ينفع ولا لا؟

[matrix_it]

انا لسة مخلص كلية و هبدا فى ورق الجيش و ان شاء الله هاخد تاجيل بس لسة مشتغلتش !
و عايز اسافر تركيا 5 ايام اغير جو فا هل هيرضوا يدونى تاشيرة ولا هيرفضوا ؟
و لو عايز اشترى موبايل من هناك هيبقى ارخص ولا نفس السعر؟
شكرا

[Ahmed Selim]

أعتقد التأشيرة ملهاش علاقة بالجيش..........بس أنت مينفعش تطلع من المطار بدون تصريح سفر من التجنيد و ده غالباً مش هتاخده غير بعد تحديد الموقف.

[matrix_it]

لا مش مشكلة موقفى من التجنيد ! انا بتكلم انهم يرفضوا على اساس انى هسافر و مش هرجع
فا ميرضوش يدونى تاشيرة علشان مش معايا وظيفة

[LegendJo]

لا مش مشكلة موقفى من التجنيد ! انا بتكلم انهم يرفضوا على اساس انى هسافر و مش هرجع
فا ميرضوش يدونى تاشيرة علشان مش معايا وظيفة

لأ عادي.

[zico707]

خلص موقفك من الجيش واحجز تذكرة ذهاب وعودة مؤكدة وحجز فندق هيدوهالك عادي
الاجهزة في تركيا اغلى من مصر اصلا عليك وعلى الخليج

[midoabdeen]

طيب بعد اذنك هو التكلفه كام تقريبا للفرد الواحد
بفكر فى الموضوع دا

[zico707]

انا شايف على kayak اسعار التذكرة رايح جاي من ١٨٥ دولار الفرد يعني ١٣٠٠ جنيه عشان الشتا والموسم خلص في الموسم في حدود ٢٥٠٠ جنيه والفندق ٦٠ او ٧٠ دولار الليلة
لو حابب روح للخطوط التركية وهما بيحجزولك كل حاجة والتاشيرة كمان مقرهم في طلعت حرب جنب مترو محمد نجيب

[matrix_it]

الف شكر يا رجالة! :)