الزيادة السكانية في مصر ؟

[Amr Nasir]

بسم الله الرحمن الرحيم ....



كنت بفكر بس لية ميتعملش في مصر قانوين زي الصين كل عيلة يكون فيها ابن واحد فقط .... بس احنا هنا نخليها اتنين فقط ... معرفش الناس اية نظريتها في الخلفة يخلف 6 و 7 و بعديين يجي يقولك عندي 7 عيال و مش قادر اصرف عليهم و المرتب مش بيكفي !!! ... طيب منت احسن تخلف 2 عشان تقدر تصرف عليهم و تربيهم كويس مش 6 و 7 و ترميهم في الشارع طول اليوم من غير اهتمام !!!



ثانيا لما يقل عدد السكان في مصر الموارد الحالية هتتوزع علي عدد اقل بالتالي تحسن مستوي الفرد المعيشي ... يأما يقل عدد السكان يأما تزيد الموارد و يبقي زيادة عدد السكان علي حالة لاكن بشرط ان يقابلة تنمية اقتصادية ....


هل انت فعلا مع اصدار قرار مثل هذا في مصر ؟

[RAPID]

اؤيد جدا مثل هذا القرار ولجدية تطبيقه:
اقترح فرض ضريبة الف جنيه سنويا لكل مولود بعد الطفل الثانى
حتى يبلغ سن الرشد

[Amr Nasir]

اؤيد جدا مثل هذا القرار ولجدية تطبيقه:
اقترح فرض ضريبة الف جنيه سنويا لكل مولود بعد الطفل الثانى
حتى يبلغ سن الرشد

او مثلا اي مولود بعد الثاني ميكونش لية مكان في المدارس و المستشفيات و الجامعات و الوظائف الحكومية ....

[aminibrahim]

او مثلا اي مولود بعد الثاني ميكونش لية مكان في المدارس و المستشفيات و الجامعات و الوظائف الحكومية ....

لا معلش اصلا اي مولود حاليا ملوش مكان في اي حته لامدرسه ولا مستشفي ولا جامعه ولا اي حاجه يعني شيء مش جديد

[saddam]

صديقي المواطن
هكذا قوانين جميلة تحتاج لقادة عظام زي صدام حسين محدش يقدر يناقشه وكمان حتعوز حكومة عادلة وخالية من الفساد عشان لما.تتخذ قرار الناس حتصدق إن ده لمصلحتها
ثم الناس اللي بتجيب 7.و9 عيال ده نوع ثقافة عندهم مبنية على أساس إنهم عزوة ليه دول للناس المحترمة البسيطة غيرهم بيفكر يجيب 6 و7 عشان ينزل يشحتوا في الشارع يجيب إيراد آخر اليوم ومن ده كتير والسبب عدم تحديد المسل في مصر إن الحكومة كانت دايسة في بطن الشعب من كل حته فلازم كانوا يسيبوا حتة متنفسات للشعب ومنها كثرة الولادات بين العائلة الواحدة ولو كان اﻷمر بيدي الخلفة تكون بتصريح يشهد بالحالة الخلقية للأب واﻷم وقدرته على تربيته مش يخلفه عشان يرميه في الشارع والمسموح بنفرين فقط وإن كانت اﻹثنين بنات ليه حق يخلف الثالث ولو طلع برضو بنت خلاص يرضى بنصيبه
وبالتوفيق وإلى اﻷمام ومن نصر إلى نصر
ودمتم للنضال

[amr.elsayed]

ازاى نقارن بلد عدد سكانها 90 مليون ببلد عدد سكانها مليار ونصف
بالنسبالى كلمة زيادة سكانية فى مصر = فشل فى استغلال الثروة البشرية وفشل فى استغلال مقدرات الدولة

المفروض بدل ما نقطع الخلف اكتر ما احنا قاطعينه
نعمل مدن جديدة تكون بجانب مدن صناعية ونستصلح اراضى ونفتح جحر شريط الدلتا اللى حابسين فيه نفسنا دة والناس حتزحف على هناك
و تقلل الضغط على المحافظات وتستفاد من الثروة البشرية وتوسع الرقعة الزراعية دة غير فرص العمل اللى يمكن خلقها فى بلد زى مصر

نفتح مستشفيات ومدارس وجامعات ومصانع ايه المشكلة فى كدة دة غير تعداد جيشك اللى حيزيد بدل ما احنا جيشنا لا يتعدى نص مليون فرد

حجات كتير جدا جدا جدا لو عملناها حنحتاج من كل واحد انه يخلف 6 عيال مش 1 و 2 وحتكون فى صالحنا مش ضدنا ويمكن تحتاج تستورد عمالة كمان

بس مين اللى حيوجهنا للكلام دة ؟ ربنا يرزقنا بيهم

[mohamed_selim]

السكان ثروه و مورد و ليس عبء ... المهم الاستغلال السليم
يعنى بمعنى اخر ... صباعك لما يوجعك عالجه و استخدمه بس متقطعوش !

[Amr Nasir]

ازاى نقارن بلد عدد سكانها 90 مليون ببلد عدد سكانها مليار ونصف
بالنسبالى كلمة زيادة سكانية فى مصر = فشل فى استغلال الثروة البشرية وفشل فى استغلال مقدرات الدولة

المفروض بدل ما نقطع الخلف اكتر ما احنا قاطعينه
نعمل مدن جديدة تكون بجانب مدن صناعية ونستصلح اراضى ونفتح جحر شريط الدلتا اللى حابسين فيه نفسنا دة والناس حتزحف على هناك
و تقلل الضغط على المحافظات وتستفاد من الثروة البشرية وتوسع الرقعة الزراعية دة غير فرص العمل اللى يمكن خلقها فى بلد زى مصر

نفتح مستشفيات ومدارس وجامعات ومصانع ايه المشكلة فى كدة دة غير تعداد جيشك اللى حيزيد بدل ما احنا جيشنا لا يتعدى نص مليون فرد

حجات كتير جدا جدا جدا لو عملناها حنحتاج من كل واحد انه يخلف 6 عيال مش 1 و 2 وحتكون فى صالحنا مش ضدنا ويمكن تحتاج تستورد عمالة كمان

بس مين اللى حيوجهنا للكلام دة ؟ ربنا يرزقنا بيهم

كلامك سليم تمام و انا قولت بردو ان حل المشكلة نقلل عدد السكان او التنمية .... بس الحل الأسهل و الي نتيجتة اسرع في تقليل عدد السكان ... اسهل و اسرع بكتيير من اننا نعمل الكلام الي بتقول علية ....

[eslamrace]

ممكن يكون كحل مؤقت لحد منتحرك للتنميه بس مش تنميه الانتقال للمدن الجديده انما تنميه الفرد نفسه فايه فايده ان عندنا مدن جديده كل مواطن عايش فى فدان ارض ولكن عنده 6 عيال عاله على المجتمع وعبء عليه بل سبب من اسباب انهياره اللى يقدر يخلف 20 عيل ويربيهم صح يصرف عليهم علشان يخرجهم افراد صالحين دون مساعده من حكومه ولا غيره "لا دعم ولا مساعدات ولا ولا " من غير ميشتكى انا اول واحد اؤيد اللى هو حيعمله لان بكده حيبقى المجتمع استفاد بعشرين فرد فى المجتمع
انما لو حتقوللى فى شخص حيخلف عيلين ويفضل طول عمره يشتكى الحكومه ويدعى على الزمن والمجتمع والناس ويستنى الحكومه تربيله عياله وتاكلهم وتعلمهم وتسكنهم وتجوزهم ولما الحكومه تأثر سواء عن قصد او عن غير قصد يطلع العيلين صيع وغير متربيين يبقى انا عايز اقوله ارحم نفسك وعيالك وحكومتك وارحمنا من عيالك وبلاش تجيبهم ترازى نفسك وترازينا معاك

فالموضوع مش موضوع خلفه موضوع موارد محدوده واحنا بنستهلكها بدون ترشيد نهائي فالدعم على الزيت والسكر كلنا بناخده بدون مراعاه لان الدعم ده لازم يتحدد وميبقاش للشخص اللى مخلف 18 عيل ومستنى الحكومه تصرف عليهم .

تحياتى .

[hossam_elwani]

انا والحمد لله وربنا يبارك فيهم اكتفيت ب 2 ودمتم للنضال عهههههههه

[rotanamasoud]

حتلاقى الناس الطبيعيه العاليه ومتوسطه الدخل بتجيب 2 الى3 اما الناس اللى مش لاقيه تاكل هى اللى بتجيب 6 الى7 وتخيل ان الناس اللى مش لاقيه تاكل دى ممكن تعمل ارقام حلوه فى العيال وتلاقيهم متجوزين بالاتنين والتلاته(اوضه بتجيب عروسه فى الدخل التحت متدنى) واديها عيال اديها
يعنى اعتقد ان اساس المشكله العشوائيات والفقر والتعليم وربنا ياخد اللى عملهم

[Amr Nasir]

حتلاقى الناس الطبيعيه العاليه ومتوسطه الدخل بتجيب 2 الى3 اما الناس اللى مش لاقيه تاكل هى اللى بتجيب 6 الى7 وتخيل ان الناس اللى مش لاقيه تاكل دى ممكن تعمل ارقام حلوه فى العيال وتلاقيهم متجوزين بالاتنين والتلاته(اوضه بتجيب عروسه فى الدخل التحت متدنى) واديها عيال اديها
يعنى اعتقد ان اساس المشكله العشوائيات والفقر والتعليم وربنا ياخد اللى عملهم

مهو دة الي انا مستغربلة مع انو المفروض يكون العكس تمام !!! ... انا مش عارف الأب دة بيصرف ازاي علي 7 ولا 8 عيال دة لو كفاهم عيش حاف يبقي تمام خالص

[eslamrace]

حتلاقى الناس الطبيعيه العاليه ومتوسطه الدخل بتجيب 2 الى3 اما الناس اللى مش لاقيه تاكل هى اللى بتجيب 6 الى7 وتخيل ان الناس اللى مش لاقيه تاكل دى ممكن تعمل ارقام حلوه فى العيال وتلاقيهم متجوزين بالاتنين والتلاته(اوضه بتجيب عروسه فى الدخل التحت متدنى) واديها عيال اديها
يعنى اعتقد ان اساس المشكله العشوائيات والفقر والتعليم وربنا ياخد اللى عملهم

علشان كده لازم الاداره الحاكمه تتخذ اجراء كشده ودن بعد انجاب العيل التالت وتكون شده جامده شويه لان اكيد اللى بالشكل ده حيسيب العيال دى تتربي فى الشارع انما الطبطبه والله مش حتنفع
تحياتى.

[amr011111]

اسمها الثروة البشريه وللأسف الحكومه مش عارفه تستغلها

وعندنا مساحة ارض كبيره وتنميتها سهله جداً بس للأسف العقول ضلمة
وناس كبيره فى السن فبتقى حركتها بطيئه وملهاش حماس لاى حاجه
ودمتم للنضال:)

[MaZaGAngeE]

اتمنة لو ربنا يرزقني ب 10 عيال
الخلفة الكتيرة عزوة و خير و ايدي عاملة تستفيد منها البلد و الاسرة

اما ان الحكومة عندها مشكلة في التخطيط و الاستفادة من القوة البشرية و تحل المشكلة دي بكريمة مختار ... دي حكومة فاشلة

الصح اني اوجه القوة البشرية و اوزعها و ادربها في المجالات اللي عندنا نقص فيها و اعيد توزيع السكان من المدن الكبيرة الى مدن جديدة و مجتمعات زراعية صناعية تجارية موزعه جغرافيا حسب خطة توزيع سكانية .... غير العشوائية و الجهل اللي عامله العساكر فينا من 60 سنة