يا ترى إيه هي شركات الإنترنت التي لا تطبق سياسة الاستخدام العادل؟؟

[D . a .\ AYMAN]

اتخنقت جدا من اتصالات بسبب تطبيق سياسة الاستخدام العادل على مشتركين الدي إس إل وحجم الباقة مش بتكفيني

واللى زاد الموضوع إني عرفت إن في شركات لم تطبق سياسة الاستخدام العادل بعد .. زي لينك .. بس لما اتصلت بيهم لاقيت السنترال بتاعي مافيهوش مكان فاضي عندهم

فحبيت أسأل إيه هي الشركات التانية التي لا تطبق سياسة الاستخدام العادل بعد

وهل تي إي داتا منهم والاستخدام العادل عندهم غير مطبق بعد ولا بيتم تطبيقه فعلا

[mohamed_selim]

تي اي داتا كانو بيطبقوه بس مؤخرا بطلو ... لو اشتركت فى الباقات الغير محدوده (مش اوبتيمام ولا طلقه) مفيش استخدام عادل
لسه سائل عشان واحد صاحبى

[RAPID]

كله بيطبق الاستخدام العادل بس بطريقته .. (لينك) نظريا مفيش سياسة استخدام عادل بس السرعة بتنزل لاقل من 50% معظم ساعات اليوم .. (تى اى داتا) بتطبقه بكل وضوح 300 جيجا فى الشهر والسرعة ثابتة 80% طول اليوم ولوعديت الكوتة السرعة بتنزل لـ 128 ولو اتكرر الموضوع 3 مرات فى الغالب بيوقفوا الخدمة، وبعد عرضها الاخير اقدر اقولك ان الانترنت فى مصر رايح عموما فى سكة الانترنت المحدود للاسف !

[besso33]

لينك بقت شركة سيئة جدا خصوصا في سنترال اكتوبر 2 والان جاري الاشتراك في فودافون لاني سألت ناس كتير عنها وشكروا فيها جدا واشتركت في عرض التخفيض 50% وراوتر مجاني وكوتة 25 جيجا شهريا

[eng.m7md.ali]

T-E data معندهاش الاستخدام العادل

[Ahmed_Adham]

تي اي داتا بتدي 80% من السرعه طول اليوم يعني الميجا 100 كيلو بدل 128 وموصلتش لأي ليمت فمش عارف ان كان فيه ليمت عالي وأنا مجبتوش ولا مفيش أصلا. الكلام عن الباقه الغير محدوده 2 ميجا اللي ب 220 جنيه.

[M.Osama]

تي اي داتا اخرها 300 جيجا علي سرعه 2 ميجا غير محدوده.. بعد ال 300 بالسلامه تنزل 128

فودافون واتصالات بيطبقوها بحذافيرها.. ال 512 تديك 25 جيجا وال 1 ميجا 40 جيجا وال 2 ميجا 60 جيجا

[MaZaGAngeE]

انا في سنترال مدينة نصر 1
اشترك في اي شركة ؟ مين فيهم افضل ؟
كنت مشترك مع اتصالات 1 ميجا بس السرعه مش حلوة

[mohamed_selim]

السرعه و حدودها ليها علاقه بالوصله بينك و بين السنترال و البوكس بتاعك بعيد عنك ولا قريب و حاجات كتير
الشركه بتبيعلك السرعه عند السنترال .... يوصلك كام دى بتاعتك انت :)

[D . a .\ AYMAN]

متشكر ليكم كلكم يا أخوتي الأعزاء ...

معقولة ما فيش شركات محترمة في مصر غير الكام شركة دول .. تي إي داتا ولينك واتصالات وفودافون

ولو تي إي داتا ما فيهاش ليميت أو الليمت بتاعها 300 جيجا فعلا .. يبقى كويسة ... لأن صعب الواحد يوصل لكمية داونلود توصل لـ 300 جيجا ... بس مسألة السرعة دي اللى موقفاني

ياترى في حد تابع لسنترال مركز المدينة اللى في التجمع الخامس ومشترك في تي إي داتا أو حتى اي شركة تانية يقولنا أخبارها إيه

[D . a .\ AYMAN]

انا في سنترال مدينة نصر 1
اشترك في اي شركة ؟ مين فيهم افضل ؟
كنت مشترك مع اتصالات 1 ميجا بس السرعه مش حلوة

سنترال مدينة نصر 1 .. كنت مشترك فيه من حوالي 10 سنوات تقريبا في تي إي داتا ... وكانت كويسةمن غير مشاكل والسرعة ثابتة من غير أي تقطيع وكان الـ 256 كب / ث بـ 150 جنيه

بس طبعا الكلام ده أيام ما كان النت لسة فاضي ومافيش مشتركين زي دلوقتي

جيراني اللى هناك بيقولوا إنها لسة كويسة عندهم بس بقى السرعة والتقطيع في الخدمة تقريبا بقى السمة المميزة في مصر كلها

[besso33]

فيه شركة كويسة جدا بس للاسف مش منتشرة في كل السنترالات واسمها انترنت مصر وكانت تقريبا تتبع احمد بهجت

[S O P H O S]

الي اعرفه كل الشركات بتطبق النظام ده
علي العملاء الجدد

[moh_rag_abd]

اسوء انترنت وخدمة عملاء تلاقيه في مصر وفي نفس الوقت اغلي اسعار
معتقدشي في العالم كله تلاقي حاجة اسمها سرعه 512 كيلو وبكام ب 95 جنية
ودايما بقول النت المحدود ده سرقة علني

https://www.facebook.com/Internet.Revolution.Egypt

[yahia_zakareya]

اسوء انترنت وخدمة عملاء تلاقيه في مصر وفي نفس الوقت اغلي اسعار
معتقدشي في العالم كله تلاقي حاجة اسمها سرعه 512 كيلو وبكام ب 95 جنية
ودايما بقول النت المحدود ده سرقة علني
https://www.facebook.com/internet.revolution.egypt

كلام صح 100%