مركز تدليك رجالى

[Moustafa.yonis]

طيب هو مبدئيا احنا هنروح يوم الاتنين ان شاء الله
هنطلع بعد الشغل

افضل طريق للحمام هو خلف فندق الكونرد، هتلاقي قسم بولاق، تركن عربيتك هناك امان

وبعد كده اسال علي الحمام، حمام التلات

ده افضل
يفضل يكون الساعه 6

الظريف بقي انك بتحس انك جعان جدا فقدام الكونرد اسبكترا الشجره جميلة جدا

او تطلع علي البرنس تاكل ورقة لحمة

لو مش هتاكل يبقي تضرب عصير افضل

[eng.octooo]

انا اول مرة اعرف ان عندنا الحمامات دى فى مصر والموضوع عجبنى بجد بس لما دخلت وعملت سيرش حسيت انة تحت المستوى بجد

‫حمام عوكل .. عمره 500 عام بقلب القاهرة‬‎ - YouTube

بس اكيد الى جربة عندة كلام مختلف ياريت نعرف

[Moustafa.yonis]

نصيحتي وعن تجربة بلاش حمام عوكل اللي هو حمام الاربع

حمام التلات افضل وانضف وليك لوكر بمتفاح ومكان للصلاة ونضيف جدا

[mahgary]

ممكن احسن وقت للذهاب اليه امته بظبط

[marsguy]

السلام عليكم ورحمة الله وبركاته،،،

أنا هاقولكم على تجربتي

أنا رحت حمام الأربع ده من كام سنه

رحته بالليل خالص على الساعه 11 كده

هاحكيلكم المميزات الأول:

بعد أما تخلص:

• بتحس باسترخاء رهيب ... أنا كنت خايف أنام وأنا سايق
• بتحس بانتعاش يستمر معاك لتاني يوم
• لونك بيبقى أفتح شويه :)
• السعر رخيص جداً طبعاً

في حاجه قفلتني من المكان ده بعد أنا مشيت بكام يوم

زي ما الإخوه قالوا: الموضوع بيكون فيه مغطس مياه ساخنه ومغطس تاني مياه بارده

والمغطس ده حجمه مش كبير يعني .. حاجه كده 4 في 4 متر

الناس بتنزل بالمايوهات طبعاً

اللي خلاني بصراحه أقلق شويه إن المغطس البارد ده طبعاً مافهوش كلور ولا أي حاجه تطهره. يعني لو واحد نزله وعنده مرض جلدي معدي لا قدر الله ممكن يلوث المغطس خاصة إن المياه بتكون ساقعه كمان يعني حتى مافيش أي سخونه ممكن تطهر شويه

وطبعاً برضه الليفه المستخدمه بتكون ليفه واحده للشعب كله إلا لو إنت إشتريت لنفسك ليفه. وهي مش رخيصه على فكره

وكمان الأماكن اللي بيعملولك فيها التكييس والتدبيس أماكن بتكون مبلوله وناس كتير قبلك ناموا عليها قبلك وجزء كبير من جسمهم مكشوف

أنا الحمد لله مش باقرف ولا حاجه، بس بعد أما فكرت بعقلي لقيت الموضوع ممكن يعمل مشاكل صحيه

عشان كده ما رحتش تاني