بخصوص كومباوند "مشارق"برجاء الافادة من الأخ mohammadrashee

[qkash.com]

لمن لديه معلومات كافية وتفاصيل الأسعار حالياً ومواعيد التسليم وشروط الدفع و تفاصيل الأقساط

وخصوصاً الاخ " mohammadrashee " بما لديه من خبرة سابقة حيث انه مشتري قديم

برجاء الافادة

وجزاكم الله خيراً

[mohammadrashee]

لمن لديه معلومات كافية وتفاصيل الأسعار حالياً ومواعيد التسليم وشروط الدفع و تفاصيل الأقساط

وخصوصاً الاخ " mohammadrashee " بما لديه من خبرة سابقة حيث انه مشتري قديم

برجاء الافادة

وجزاكم الله خيراً

السلام عليكم
شكرا انك ذكرتني بالاسم
واحنا 3 في المنتدي شاريين في مشارق
اولا التسليم في المرحله الأولى فوري
ثانيا شروط الدفع عرفت اول امبارح بس عرفت انهم بياخدوا 50 % مقدم والباقي على 3 سنين
ده بالنسبه للمرحله الأولى واعتقد المرحله التانيه هيكون القسط 5 سنين بس لسه مفتحش الحجز فيها
بالنسبه للشقق متواجد ارضي بحديقه ومتكرر وايضا دورثالث ومعه الأخير روف يعني فيلا
انا معايا الشقق المتبقيه والأسعار بس معتقدش انه ينفع اكتبها على العام
هي بدايه من 101 متر حتى 171 متر
ومن 330 الف وحتى 600 الف
ممكن تتصل بيه وانا اقولك
وعلى فكره انا خلاص شطبت الشقه بتاعتي وعايز انقل ان شاء الله بس مستني لما يعملوا اللاند سكيب واعتقد هيخلص في شهر نوفمبر ان شاء الله
اتصل بي وانا اقولك على كل حاجه ان شاء الله
01010504825

[egyptawy2010]

ممكن ياجماعة تفاصيل اكتر عشان الكل يستفيد هو فين ومقعه فين وسمعة الركة وكام عمارة ونظام التقسيط

[mohamed_selim]

ده مكانه فين بالظبط و سعر المتر تقريبا كام؟

[Kareem.ElAraby]

متابع

[qkash.com]

السلام عليكم
شكرا انك ذكرتني بالاسم
واحنا 3 في المنتدي شاريين في مشارق
اولا التسليم في المرحله الأولى فوري
ثانيا شروط الدفع عرفت اول امبارح بس عرفت انهم بياخدوا 50 % مقدم والباقي على 3 سنين
ده بالنسبه للمرحله الأولى واعتقد المرحله التانيه هيكون القسط 5 سنين بس لسه مفتحش الحجز فيها
بالنسبه للشقق متواجد ارضي بحديقه ومتكرر وايضا دورثالث ومعه الأخير روف يعني فيلا
انا معايا الشقق المتبقيه والأسعار بس معتقدش انه ينفع اكتبها على العام
هي بدايه من 101 متر حتى 171 متر
ومن 330 الف وحتى 600 الف
ممكن تتصل بيه وانا اقولك
وعلى فكره انا خلاص شطبت الشقه بتاعتي وعايز انقل ان شاء الله بس مستني لما يعملوا اللاند سكيب واعتقد هيخلص في شهر نوفمبر ان شاء الله
اتصل بي وانا اقولك على كل حاجه ان شاء الله
01010504825

هو الحد الادني للمقدم 50 %!!!...مش ممكن اقل من كدة يعني مثلا لو معايا 90-100 الف تقريباً ..واقسط الباقي علي 3 سنين ...هل ده ممكن ولا صعب؟؟

وهل السعر ده كويس خصوصاً انها بدون تشطيب؟؟؟ هو الاستلام علي الطوبة؟

وممكن اعرف انت كان نظام الدفع اللي اشتريت بيه ازاي؟ وكلفتها كام تشطيب تقريباً

معلش انا بتقل عليك بس انا اصلاً من اسكندرية ومعرفش اي حاجة عن الاسعار في المناطق دي

وان شاء الله هكلمك لما ابقي جاهز....بس لو حصل نصيب...ده شرف ليا طبعاً

بس اهو نفيد برده الناس يمكن يكون حد ليه نصيب فيها

وكنت عايز اعرف بعد المنطقة دي عن طريق مصر اسكندرية الصحراوي وبعدها كمان عن مدينة نصر ووسط البلد و الجيزة ومصر الجديدة

يعني الوقت اللي اخده للوصول منها للاماكن دي وانا سايق

ومتشكر جداًجداً واسف علي الاطالة

[mohammadrashee]

ممكن ياجماعة تفاصيل اكتر عشان الكل يستفيد هو فين ومقعه فين وسمعة الركة وكام عمارة ونظام التقسيط

الموقع بتاع الشركه Tanami Egypt, Mashareq Compound Project
ادخل ودور وقولي اي اسئله انا في الخدمه
هو بجانب طريق الواحات بعد جامعه ام اس ايه
الشيرهولدر في الشركة كلهم ناس محترمه واخل اقرا بنفسك
المكان 5 افدنه على 8 عمارات فقط

ده مكانه فين بالظبط و سعر المتر تقريبا كام؟

سعر المتر في حدود 2600 جنيه حسب كل وحده
وخلي بالك سعر المتر في الأعالي قريب من كده مش كمبوند راقي

متابع

يشرفنا متابعتك

هو الحد الادني للمقدم 50 %!!!...مش ممكن اقل من كدة يعني مثلا لو معايا 90-100 الف تقريباً ..واقسط الباقي علي 3 سنين ...هل ده ممكن ولا صعب؟؟
مش عارف ممكن اسالك لو انت جاد فعلا او اتصل اسال الشركه وانا ارخملك عليهم انا علاقتي حلوه بيهم
وهل السعر ده كويس خصوصاً انها بدون تشطيب؟؟؟ هو الاستلام علي الطوبة؟
السعر اعتقد انه ممتاز خصوصا ان فيه اهالي بالسعر ده وكمان السعر شامل مكان مخصوص ليك في الجراج
وممكن اعرف انت كان نظام الدفع اللي اشتريت بيه ازاي؟ وكلفتها كام تشطيب تقريباً
نظام الدفع اللي انا اشتريت بيه كان 20 % مقدم بس عشان انا شاري قبل الموقع ما يتسلم دلوقتي تسليم فوري بس فيه مرحله تانيه اعتقد هيكون التسليم السنه القادمه والمقدم اقل من 50 %
التشطيب على مزاجك بس خلي بالك انا بحب اعمل كل حاجه بنفسي
معلش انا بتقل عليك بس انا اصلاً من اسكندرية ومعرفش اي حاجة عن الاسعار في المناطق دي

وان شاء الله هكلمك لما ابقي جاهز....بس لو حصل نصيب...ده شرف ليا طبعاً
يا فندم تقل براحتك واتصل في اي وقت احنا اخوات يعني جاهز مش جاهز احنا بنساعد بعض وانا مليش علاقه بالمشروع غير اني شاري وحده هناك وعلاقتي بيهم حلوه
بس اهو نفيد برده الناس يمكن يكون حد ليه نصيب فيها

وكنت عايز اعرف بعد المنطقة دي عن طريق مصر اسكندرية الصحراوي وبعدها كمان عن مدينة نصر ووسط البلد و الجيزة ومصر الجديدة
المنطقه تبعد عن ميدان جهينه 8 كيلو تقريبا ومن ميدان جهينه لطريق اسكندريه 8 كيلو بس بتطلع بعد الكارته مش عند كارفور
اكتوبر تبعد عن مدينه نصر تقريبا 60 - 70 كيلو
يعني الوقت اللي اخده للوصول منها للاماكن دي وانا سايق
الوقت لو الطريق فاضي خالص ياعه الا ربع تكون في المطار لو زحمه اطلب دليفري
ومتشكر جداًجداً واسف علي الاطالة

يا جماعه انا مش قادر اوصفلكو احساس الواحد وهو بيعمل الحاجه بايده احساس جميل جدا
انا لسه جاي من الشقه كنت بدهن غرفة الولاد لو برتقالي طلع تحفه والأحلى ان انا اللي عمله بايدي
اي خدمه انا تحت امركو

[egyptawy2010]

استاذ mohammadrashee

جزاك الله خير وربنا يكرمك فى شقتك

ياترى هو هيبقى كمبوند بسور وخدمات ولا مجرد 8 عمارات جامب بعض

ممكن تكلمنا عن مستوى المكان وهل هى راقى ولا لا

وهل ممكن تمدنا بصور على الطبيعة للكمبوند

[mohammadrashee]

استاذ mohammadrashee

جزاك الله خير وربنا يكرمك فى شقتك

ياترى هو هيبقى كمبوند بسور وخدمات ولا مجرد 8 عمارات جامب بعض

ممكن تكلمنا عن مستوى المكان وهل هى راقى ولا لا

وهل ممكن تمدنا بصور على الطبيعة للكمبوند

جزانا الله واياكم
هو كمبوند بسور وحراسه وهو 8 عمارات يتوسطهم حديقه كبيره وبالجانب فيه حمام سباحه
المستوى متميز واللي انا اعرفه انهم مش اي حد معاه فلوس ممكن ياخد في المشروع
والميزه ان الشير هولدر واخدين في المشروع
الخامات المستخدمه جيده الي حد كبير جدا مش شغل شركات وتجاري لأ تسليم مهندسين بجد
بالنسبه للصور ادخل على الموقع بتاعهم هتلاقي الصور
اي خدمه

[egyptawy2010]

شكرا يافندم

يعنى هل المتر دلوقتى سعره 2600 ولا 3000

وياترى المرحلة الاولى 8 عمارات ولا المشروع كله 8 عمارات

ولما سالت حضرتك على الصور اقصد صور حديثة لانى الصور الا على الموقع مافيهاش اعمال خارجية

ولما سالت على المستوى قصدى اسال على المنطقة المحيطة لانى فاكر من زمان روحت المنطقة الا عند كمبوند بيتى والبستان ده ولقيت شوية عمارات اهالى شكلها مش ولا بد

[A.Saad]

شكرا يافندم

يعنى هل المتر دلوقتى سعره 2600 ولا 3000

وياترى المرحلة الاولى 8 عمارات ولا المشروع كله 8 عمارات

ولما سالت حضرتك على الصور اقصد صور حديثة لانى الصور الا على الموقع مافيهاش اعمال خارجية

ولما سالت على المستوى قصدى اسال على المنطقة المحيطة لانى فاكر من زمان روحت المنطقة الا عند كمبوند بيتى والبستان ده ولقيت شوية عمارات اهالى شكلها مش ولا بد

حضرتك دخلت فى احياء تانية فيه هناك مساكن متوسطة واهالى وبعد كدة السادس وابنى بيتك
ودى اللى فعلا بعد البستان بشوية
لو كملت ناحية عماد راغب هتكزن فى الحى الثالث والرابع ودول احياء محترمة
لو كملت بعد البستان نايحة السادس ده متوسط
المنطقة الى استاذ محمد بيتكلم عنها منطقة كويسة وفيه عندك كذا مشروع فيها من شركات محترمة

[egyptawy2010]

حضرتك دخلت فى احياء تانية فيه هناك مساكن متوسطة واهالى وبعد كدة السادس وابنى بيتك
ودى اللى فعلا بعد البستان بشوية
لو كملت ناحية عماد راغب هتكزن فى الحى الثالث والرابع ودول احياء محترمة
لو كملت بعد البستان نايحة السادس ده متوسط
المنطقة الى استاذ محمد بيتكلم عنها منطقة كويسة وفيه عندك كذا مشروع فيها من شركات محترمة

شكر ياستاذ احمد

يعنى ايه راى حضرتك المنطقة ده افضل ولا منطقة محور نادى الصيد

[qkash.com]

الاخ الكريم mohammadrashee

انا مازلت بجمع معلومات ولم استقر بعد

ادعيلي بالتوفيق ولكل الاعضاء الكرام

وجزاك الله خيراً علي الافادة

[Ahmed Selim]

معلش سؤال بعد إذن صاحب الموضوع

هو موقع الكومباوند فين بالظبط ؟ انا مش عارف جامعة msa فين بس اللي فهمته من الكلام انه في الشارع الواصل بين المحور و طريق الواحات من ميدان جهينة......صح كده ؟

[A.Saad]

شكر ياستاذ احمد

يعنى ايه راى حضرتك المنطقة ده افضل ولا منطقة محور نادى الصيد

هى اراء وبتختلف طبعا
المنطقة هناك متميزة بخدماتها فى التانى والثالث والرابع
محلات سوبر ماركت
خضار
صنايعية مبانى
صيانة سيارات فى السادس وان كانوا على قدهم

محور نادى الصيد اوله اغلى بسبب الاسم اوله فيلات
بعد كدة فيه مشروعات شر كات قطاع اعمال وعام
الخدمات بتكون فى الحى السابع والعاشر
انا بفضله عن جنوب الاحياء علشان الاسكان المتوسط فى جنوب الاحياء اقرب للمشروعات
بورتو اكتوبر هتفتح فى بجواره
مش قريب منه ولكن هتأثر عليه