النيابة الادارية ومجلس الدولة

[AHMED12345678]

بقالى قترة سامع ان فى مشكلة بين النيابة الادارية ومجلس الدولة
وشفت برنامج فى ناس من الجهتين وكانوا مشدودين جدا
هى اية المشكلة بينهم بالظبط

[khaloooda]

المشكلة يا سيدي كالاتي :
مجلس الدولة بيتكون من قسم قضائي وقسم الفتوي وقسم التشريع
القسم القضائي بيضم المحاكم بانواعها ( ادارية - قضاء اداري - تأديبية - ادارية عليا )
جت لجنة الخمسين ( لجنة نظام الحكم تحديدا ) قامت بوضع نص في الدستور يسلب مجلس الدولة المحاكم التأديبية ويعطيها للنيابة الادارية
طبعا الموضوع ده مكنش لوجه الله .... كان بسعي وتخطيط من اعضاء النيابة الادارية بدعوي انجاز القضايا ورفع العبء عن كاهل مجلس الدولة اللي القضايا بتقعد فيه بالسنين
ودي طبعا كلمة حق يراد بها باطل .. لان القضايا التأديبي تحديدا من اسرع القضايا اللي بيتحكم فيها
الحكم بيصدر عادة خلال ست شهور في المتوسط
بالرغم من ان القضية ممكن تقعد سنتين وثلاثة واربعة رهن التحقيق لدي النيابة الادارية
لجنة الزفت الخمسين ولاسباب غير مفهومة واخدة صف النيابة الادارية واعضاء منها بيطلعوا يهرتلوا بكلام غيريب وهما مش فاهمين قانون بالمرة
طب بيدافعوا ازاي وعلي ايه .. متفهمش
كمان النيابة الادارية بدأت من كام يوم في تصعيد الازمة باسلوب اخر وهي انها ادعت ان مجلس الدولة يرفض ذلك لرفضه تولي المرأة القضاء واستعانت بالمجلس القومي للمرأة في شن حرب علي مجلس الدولة في ذلك
للعلم : مجلس الدولة هو الهيئة القضائية الوحيدة في مصر التي ترفض الي الان تعيين النساء .. وحصلت مشكلة كبيرة ايام مبارك وكانت مبادرة وراها سوزان مبارك لتعيين البنات في المجلس باعتباره الهيئة القضائية الوحيدة في مصر التي ترفض تعيين البنات ،، ووقف المجلس ضد الموضوع ده وحاربوا بشكل كبير ونجح في النهاية وده اغضب سوزان وحاشية مجلس الندامة (مجلس المرأة)

المهم .. دلوقتي انهم عاوزين يقتطعوا القضاء التأديبي ويعطوه للنيابة الادارية
عاوزين يعملوا جهة قضائية عشان 4200 قضية فقط يقوم بها اقل من مائة قاضي في مجلس الدولة
في الوقت اللي كان بيطالب فيه البعض من مستشاري النيابة الادارية من كام سنة فاتت بالغاء النيابة الادارية وضمها لمجلس الدولة نظرا لتضاؤل دورها بعض زيادة عمليات بيع الهيئات الحكومية (الخصخصة)

المهم .. نخرج من ده بان لجنة الخمسين بتعمل حلة محشي مش دستور

[MoHaMed HaMeD]

الله ينور خالد بك انا بما انى اعمل بمجلس الدولة وهذا كلام ليس لأنى من هذا الحصن العريق ولكنها شهادة حق
مجلس الدولة هو حصن الحقوق والحريات وهو الذى وضع اساس القضاء التأديبى ف مصر منذ انشاءه عام 1946 وكما تفضل الاخ العزيز وذكر أقسام مجلس الدولة الثلاث ...
وأري أن ابين ان النظام القضائى فى اى دولة من دول العالم ماهو ألا نظام موحد كما او مزدوح كما هو الحال ف مصر وفرنسا ودول أخرى فكيف يكون هناك نظام ثلاثى هذا من ناحية ومن ناحية أخرى
ع فرض انهم معاهم القضاء التأديبى كيف تكون هى الخصم والحكم والمحمكة التى يطعن امامها هنا تخالف مبدأ الحيادية ولايمكن لسلطة او لهيئة ان تظفر بهذه العوامل مما يهدر مبدأ التقاضى

وأريد أن اقول انه خلال العام القضائى المنصرم قامت المحاكم التأديبيى ف الفصل من أكثر من نصف مليون قضية بواسطة 300 قاضى فقط من قضاة المجلس الموقرين والحديث الطويل ... ولكن لمن يريد ان يعرف من هو مجلس الدولة الذى هو من اهم مقومات التى أدت الى حدوث الثورة بأحكامه فليقرأ ويستزيد ويعلم من هو مجلس الدولة

وللحديث بقية

[hossam_elwani]

دستور تفصيل على اصحاب المصالح

[AHMED12345678]

المشكلة يا سيدي كالاتي :
مجلس الدولة بيتكون من قسم قضائي وقسم الفتوي وقسم التشريع
القسم القضائي بيضم المحاكم بانواعها ( ادارية - قضاء اداري - تأديبية - ادارية عليا )
جت لجنة الخمسين ( لجنة نظام الحكم تحديدا ) قامت بوضع نص في الدستور يسلب مجلس الدولة المحاكم التأديبية ويعطيها للنيابة الادارية
طبعا الموضوع ده مكنش لوجه الله .... كان بسعي وتخطيط من اعضاء النيابة الادارية بدعوي انجاز القضايا ورفع العبء عن كاهل مجلس الدولة اللي القضايا بتقعد فيه بالسنين
ودي طبعا كلمة حق يراد بها باطل .. لان القضايا التأديبي تحديدا من اسرع القضايا اللي بيتحكم فيها
الحكم بيصدر عادة خلال ست شهور في المتوسط
بالرغم من ان القضية ممكن تقعد سنتين وثلاثة واربعة رهن التحقيق لدي النيابة الادارية
لجنة الزفت الخمسين ولاسباب غير مفهومة واخدة صف النيابة الادارية واعضاء منها بيطلعوا يهرتلوا بكلام غيريب وهما مش فاهمين قانون بالمرة
طب بيدافعوا ازاي وعلي ايه .. متفهمش
كمان النيابة الادارية بدأت من كام يوم في تصعيد الازمة باسلوب اخر وهي انها ادعت ان مجلس الدولة يرفض ذلك لرفضه تولي المرأة القضاء واستعانت بالمجلس القومي للمرأة في شن حرب علي مجلس الدولة في ذلك
للعلم : مجلس الدولة هو الهيئة القضائية الوحيدة في مصر التي ترفض الي الان تعيين النساء .. وحصلت مشكلة كبيرة ايام مبارك وكانت مبادرة وراها سوزان مبارك لتعيين البنات في المجلس باعتباره الهيئة القضائية الوحيدة في مصر التي ترفض تعيين البنات ،، ووقف المجلس ضد الموضوع ده وحاربوا بشكل كبير ونجح في النهاية وده اغضب سوزان وحاشية مجلس الندامة (مجلس المرأة)

المهم .. دلوقتي انهم عاوزين يقتطعوا القضاء التأديبي ويعطوه للنيابة الادارية
عاوزين يعملوا جهة قضائية عشان 4200 قضية فقط يقوم بها اقل من مائة قاضي في مجلس الدولة
في الوقت اللي كان بيطالب فيه البعض من مستشاري النيابة الادارية من كام سنة فاتت بالغاء النيابة الادارية وضمها لمجلس الدولة نظرا لتضاؤل دورها بعض زيادة عمليات بيع الهيئات الحكومية (الخصخصة)

المهم .. نخرج من ده بان لجنة الخمسين بتعمل حلة محشي مش دستور

بغض النظر عن الخلاف بين الجهتين
بس انا لية ملاحظة على كلام حضرتك
مش المفروض ان حضرتك قاضى وعلى ما اذكر ان السادات قال على القضاة انهم اصحاب المقام الرفيع
فكيف بقاضى بمجلس الدولة يحكم بين الناس وتصدر منه الفاظ من قبيل
الزفت
بيهرتلوا
حلة محشى
وعلى فكرة دى كانت نفس ملاحظتى على طريقة الكلام فى البرنامج الى شفته

[AHMED12345678]

الله ينور خالد بك انا بما انى اعمل بمجلس الدولة وهذا كلام ليس لأنى من هذا الحصن العريق ولكنها شهادة حق
مجلس الدولة هو حصن الحقوق والحريات وهو الذى وضع اساس القضاء التأديبى ف مصر منذ انشاءه عام 1946 وكما تفضل الاخ العزيز وذكر أقسام مجلس الدولة الثلاث ...
وأري أن ابين ان النظام القضائى فى اى دولة من دول العالم ماهو ألا نظام موحد كما او مزدوح كما هو الحال ف مصر وفرنسا ودول أخرى فكيف يكون هناك نظام ثلاثى هذا من ناحية ومن ناحية أخرى
ع فرض انهم معاهم القضاء التأديبى كيف تكون هى الخصم والحكم والمحمكة التى يطعن امامها هنا تخالف مبدأ الحيادية ولايمكن لسلطة او لهيئة ان تظفر بهذه العوامل مما يهدر مبدأ التقاضى

وأريد أن اقول انه خلال العام القضائى المنصرم قامت المحاكم التأديبيى ف الفصل من أكثر من نصف مليون قضية بواسطة 300 قاضى فقط من قضاة المجلس الموقرين والحديث الطويل ... ولكن لمن يريد ان يعرف من هو مجلس الدولة الذى هو من اهم مقومات التى أدت الى حدوث الثورة بأحكامه فليقرأ ويستزيد ويعلم من هو مجلس الدولة

وللحديث بقية

بصراحة كلام حضرتك حاسس فية بغرور
وعلى فكرة القاب البكوية والبهوية الغيت منذ زمن طويل
كمان حضرتك انا والدى رافع قضية رصيد اجازات من حوالى سنتين ولسة متحكمش فيها مع ان المحامى سلم كل المستندات المطلوبة ومش عارفين نعمل اية علشان يتحكم فى القضية مع ان المحامى بيأكدلى ان القضية سهلة جدا ......... فمش عارف ازاى تكون سهلة وتقعد دة كلة والقاضى ما شاء الله بيأجل القضية 6 شهور فى المرة الواحدة
عموما انا محتاج اقرأ فى الموضوع دة واسباب الخلاف
وانهاردة قريت عناوين فى جرنان الاهرام عن حوار فى الخصوص دة
هقراة واحكم بنفسى ....... علشان انا متعودش اسمع من طرف واحد

صحيح الشعب هو الى قام بالثورة وهو اهم مقومات الثورة مش اى مؤسسة فى الدولة حتى لو كان القضاء
يمكن القضاء كمان كان احد اهم اسباب الثورة فعلا
بس دة بسبب حبال المحاكم الطويلة
يا راجل دة الى كان بيحب يأكل حق حد كان بيقولة عندك المحكمة خليها تنفعك

[hugan]

ممكن توضيح
ايه هو القضاء التاءدييبي
ووظيفته

[khaloooda]

علي فكرة .. وصفي للجنة ولاسلوبهم بالشكل ده مش الفاظ نابية ولا حاجة
فعلا شغل اللجنة سئ جدااااا
وانا شخصيا مقتنع بحاجة ... الدستور لا تضعه لجنة شعبية من خمسين ولا مية ولا مائتين واحد
الدستور تضعه لجنة متخصصة من القانونيين يغلب علي تشكيلها اساتذة القانون الدستوري وهما كتير في مصر وعندنا اعلام وناس وضعت دساتير دول
اللجنة دي ممكن تستمع لوفود وممثلين عن كل اطياف المجتمع ، لكن في النهاية .. الدستور لازم تضعه لجنة من خبراء بالقانون
وصفي للشغل بالهرتلة .. هو لان بعض الافكار من اللي اثيرت في اللجنة وبعض المواد ، مخالفة لابسط قواعد القانون
بعض النصوص المقترحة اقرارها يترتب عليه زلزال قانوني .. تغيير في عدد كبير جدا من القوانين .. مش لفسادها ، وانما فقط لان واضع الدستور - بالرغم انه غير متخصص بالقانون - عاوز كده

اما الرد علي جزئيات تعطل بعض القضايا مثل رصيد الاجازات فأولا اسباب العطلة غاااالبا مش بتكون من المحكمة .. بالعكس .. النوعية دي من القضايا من ابسط وايسر القضايا بالفعل ومفيش اي داعي عند المحكمة لتأجيلها مرات ومرات .. المسألة بتبقي تأخير من الجهة الادارية في ارسال الاوراق المطلوبة للمحكمة اللي علي اساسها هتحكم في القضية ... دي حاجة
الحاجة التانية ان النوع ده من القضايا غير قضايا التأديبي اللي ذكرت لحضرتك انه بيتفصل فيها خلال ستة شهور في المتوسط - واحيانا اقل

في النهاية ... انا مش بدافع عن حد ضد حد ... انا برد علي الموضوع بوجهة نظر شايفها سليمه من الناحية القانونية والعملية
القضاء في مصر في فساد ... اه فيه ومحدش ينكر ده وشخصيا اتمني اليوم اللي يتطهر فيه بالكامل
بس لما تحاول توصف الفساد ده ، اطلب من حضرتك تسأل حد متخصص في القانون ويكون محايد
بلاش قاضي . . شوف محامي ،، بس يكون محامي كبير ومحترم وتكون واثق انه هيصدقك القول والاستشارة القانونية بصرف النظر عن رأية السياسي ، واسأله عن رأي القانون في المسائل اللي مش عاجباك
هتلاقي ان في احيان كتير كانت المحاكم مضطرة للحكم بالشكل ده لان القانون اللي امامها وتحكم به يقضي بكده

عاوز تحاكم مبارك ورجاله محاكمة ترضيك وترضي الاف الشهدا والمصابين ... متحاكمهمش علي 18 يوم ثورة
حاكمهم علي ثلاثين سنة ظلم وفساد وبهدلة
متحاكمهمش علي اللي عملوه بس ... لأ ، لازم تحاكمهم كمان علي اللي قصروا فيه ومعملهوش
وفي الحالة دي .. مش هيسعفك القانون . . . لاااااااازم محاكمات ثورية ، ودي اللي رفضها ناس كتير في بداية الثورة - ومن بينهم الاخوان بالمناسبة - بدعوي الخوف علي الحريات وعشان نرجع الفلوس اللي متهربة بره ... الخ

اخيرا وليس اخرا .. اللجنة فعلا بتعمل حلة محشي مش دستور
لما اراضي المحامين بمادة مخالفة اصلا لقانون المحاماة وقانون الاجراءات الجنائية وقانون المرافعات وعدة قوانين اخري عشان سامح عاشور يضمن كرسي النقابة الي ان يلقي رب كريم
و اراضي النيابة الادارية بمادة عشان ميزعلوش ومجلس المرأة يبات مرتاح وربائب سوزان يناموا مطمنين ان المرأة حصلت علي كل حقوقها واولها تولي القضاء
و اراضي الفلاحين والعمال عشان ميعملوش دوشة بمادة النداااااامة بتاعة 50% ، ونرجع تاااااني يحطوا قوانينا جهلة وانصاف متعملين
و اراضي الجيش بموازنة سرية وامتيازات في الدستور ومحاكمااااااااااااااااات عسكرية للمدنيين
وغيره وغيره .... لما اعمل كل ده . . تبقي فعلا حلة محشي ، مش دستور

ربنا يستر عالبلد . .

[MoHaMed HaMeD]

استاذ احمد حضرتك انا مش مغرور ولا متكبر حضرتك اذا كنت دكتور فى المستشفى انده حضرتك دكتور كذا ومهندس هكذا والبكوية اتلغت من زمان ... ولكن هى عرف داخل الهيئات القضائية عند المناداة بين الزملاء او مرؤيسهم او حتى التعامل مع الموظفين والعموم لو مزعلاك
فيه معاليك غيه سعتك وهى نوع من الاحترام والتقدير وليس غرور او تكبر ... هذه نقطة
ثانياً بالنسبة لأمر رصيد الأجازات فهذا سبب تخمة المجلس به هو الجهات الادارية ليه لانى المفترض ان يتم صرفها لمستحقيها بدون حكم تسهيلاً عليه ولكنا الجهة تتطلب صدور حكم بالرغم من اصدار توصية من ادارة الفتوى والتشريع ان تلتزم الجهة الادارية بصرف مستحقات عن رصيد الاجازات بدون حكم وذلك تسهيلاً ع المواطنين طالما المستندات التى معه تثبت احقيته ف ذلك

وهى بالفعل سهلة بص لو حضرتك نظرت الى كم القضايا المروفعة بسبب هذا الغرض لالتمست العذر والمجلس انشاء دائرتين مخصوص لتلك النوع من القضايا ... كما هناك تأخير من قبل الجهة االأدارية للرد ع مستندات الدعوى واستيفائها ... بالرغم من ان المدعى مستوفى اوراقه ... وهذا يعاب عليه الجهة الأدارية هذا ليس دفاعً اخى الكريم بل هى حقيقة من غير رياء ومن غير تكبر او دفع ظلم او كلام ....


وفقك الله ونحن لما يحب ويرضى ....
ولك جزيل الشكر والحق ف القراءة والبحث عن الخلاف وماهيته وتدقق .... وتشرفت بالرد ع حضرتك

[aser_007]

استاذ احمد حضرتك انا مش مغرور ولا متكبر حضرتك اذا كنت دكتور فى المستشفى انده حضرتك دكتور كذا ومهندس هكذا والبكوية اتلغت من زمان ... ولكن هى عرف داخل الهيئات القضائية عند المناداة بين الزملاء او مرؤيسهم او حتى التعامل مع الموظفين والعموم لو مزعلاك
فيه معاليك غيه سعتك وهى نوع من الاحترام والتقدير وليس غرور او تكبر ... هذه نقطة
ثانياً بالنسبة لأمر رصيد الأجازات فهذا سبب تخمة المجلس به هو الجهات الادارية ليه لانى المفترض ان يتم صرفها لمستحقيها بدون حكم تسهيلاً عليه ولكنا الجهة تتطلب صدور حكم بالرغم من اصدار توصية من ادارة الفتوى والتشريع ان تلتزم الجهة الادارية بصرف مستحقات عن رصيد الاجازات بدون حكم وذلك تسهيلاً ع المواطنين طالما المستندات التى معه تثبت احقيته ف ذلك

وهى بالفعل سهلة بص لو حضرتك نظرت الى كم القضايا المروفعة بسبب هذا الغرض لالتمست العذر والمجلس انشاء دائرتين مخصوص لتلك النوع من القضايا ... كما هناك تأخير من قبل الجهة االأدارية للرد ع مستندات الدعوى واستيفائها ... بالرغم من ان المدعى مستوفى اوراقه ... وهذا يعاب عليه الجهة الأدارية هذا ليس دفاعً اخى الكريم بل هى حقيقة من غير رياء ومن غير تكبر او دفع ظلم او كلام ....


وفقك الله ونحن لما يحب ويرضى ....
ولك جزيل الشكر والحق ف القراءة والبحث عن الخلاف وماهيته وتدقق .... وتشرفت بالرد ع حضرتك

منور يا باشا ... مش هتعرفني ولو افتكرت يبقى بينا وبين بعض