انا مش مصدق نفسى تم حل جميع مشاكل مصر

[rotanamasoud]

بعد ان عملت الحكومه كل شيئ لراحه الشعب وتم تنفيذ كل طلبات الشعب ومستوى الدخل خيالى والتعليم والصحه الخ
الحكومه لاقت نفسها مش لاقيه حاجه جديده تعملها للشعب عملت ايه
اتوبيسات نقل عام ذكيه كلها انترنت لراحه الركاب
الخبر
كل واحد يطلع لابه وايباده ويجرى بعربيته ورا اى اتوبيس من دول ويعيش على النت

[Amr Nasir]

هم يبكي و هم يضحك

[Imhotep]

ده استكمال لميراث مشروع اول تابلت مصرى :-) ينفع يعنى تابلت من غير انترنت و لا عايزين الناس تلعب جيمز بس :-)

[Y a r i s]

فكرة هااااااااايلة
وممتازة



دايماً الناس دي حاسة بشعوبها ... هشتكنا وبشتيكنا ياريس :)
@@@@@@@

[saddam]

صديقي المواطن
شيء على الطريق أحسن من يقلك وإحنه حنجيبلكم منين ولو إنت زعلان من نصر الخبر فخليك إيجابي وبص للناحية اﻹيجابية من الموضوع النت ده مش حيركب على أوتوبيسات جديدة فخلاص متدقش اللي يهم الشعب الغلبان إن فيه أوتوبيسات جديدة حتدخل الخدمة فيها نت فيها عفريت بتتشقلب عالحيط المهم تلاقي حاجة تركبها
وبالتوفيق وإلى اﻷمام ومن نصر إلى نصر
ودمتم للنضال

[mahmoudysf]

انت بتغلط في النت ...مصر هتزعل منك

[mezo73]

ياسيدي الناس اللي غنت تسلم الايادي لازم تتنعنش شوية اهو الواحد لما يركب الاتوبيس ساعتين ثلاثة يتسلي
يعني وزعوا كراتين سكر وزيت ودلوقت نت في الاتوبيس ومش عاجب

[Bassem Youssef]

مش لما يجيبوا اوتوبيسات حديثه الاول
يعني تفتح النت و انت مش عارف تتنفس اصلا من الزحمه

هم يضحك و الله

[marsguy]

السلام عليكم ورحمة الله وبركاته،،،

بصراحه مش باحب فكرة إن لازم حاجه تحصل قبل حاجه

الموضوع مش سلسله يا جماعه

يعني مثلاً لما تقول لحد:

رشد في إستهلاك الكهرباء.

يقولك: وأنا مالي يا عم هو أنا اللي هاعمل فرق؟ لما الحكومه تبطل تشغل عواميد النور الصبح الأول أبقى أوفر أنا في الكهرباء

لأ ممكن هو يرشد إستهلاكه عادي قبل ما الحكومه تبطل تشغل العواميد الصبح. وفي النهايه هو الكسبان.


فاكرين من 15 سنه لما الحكومه نزلت الأوتوبيس المكيف أبو 2 جنيه؟ بجد ده كان إختراع كويس جداً وحل أزمات كتير. بس دلوقت الأوتويس لسه بـ 2 جنيه بس مستواه ما يفرقش عن اللي بنصف جنيه, ده لو لقيته أصلاً.

الأوتوبيس أبو إنترنت ده لو بـ 5 جنيه ومكيف وفيه إنترنت ونضيف هايحل محل الأوتوبيس المكيف اللي نزل من 15 سنه وكان عليه إقبال جامد جداً

أنا شايفها خطوه كويسه

[maka]

حاجة من اتنين اما هرى او سبوبة

[S O P H O S]

علي اي اساس !
طبعا صعب جدا يتحقق

[khaled_sabry]

ولا نزال فى انتظار الاوتوبيس

بس عاوز افهم بس علشان نعرف ان ده هرى اصلا - الاوتوبيس ده حياخد النت بتاعه منين ؟؟؟ - حياخدها انترنت موبيل مثلا و يوزعها على الركاب

[friendship7897]

الحمد لله النت داخل الأتوبيس يا رجاااالة
أخبار الميكروباصات أيه ؟
هما الناس اللي بتركب أتوبيسات معاهم لاب توب أو موبايل بواي فاي
ولو ربنا كرمهم وعملوا جمعية وقابضوها وأشتروا لاب توب
البلطجية اللي منتشرة بكثافة اليومين دول هتسبهم من غير ما تثبتهم
ولو ما تثبتوش وأتسرق منهم موبايلهم مش هيقع منهم وهما بينطوا علشان يلحقوا الأتوبيس
هي البيضة الأول ولا الفرخة ؟
يعني نأكل الشعب ولا ننتتهم