دكتور نفسى

[tahernazmy]

اخوانى الاعزاء.
قد يصدر منى احيانا تصرفات محل زعل الاخرين من عصبيه زائده جدا او زعل من كلامى الحاد.وكلها تصرفات اندم عليها جدا بعد دقائق من وقوعها.وكل الضحايا للاسف لا يمكن معاملتهم بهذه الطريقه كعملاء مكتبى او حتى افراد اسرتى.
وعلى النقيض تماما فانا شخصيه معتدله اصلى واحب عمل الخير
مش عارف اعمل ايه. بدأت اخسر ناس كتير
انا محتاج ازور دكتور نفسى

[khaloooda]

صلي علي النبي .. الموضوع مش محتاج دكتور نفسي ولا حاجة
الحكاية كلها انك محتاج تتحكم في غضبك مش اكتر
وده ليس طرق واساليب كتيرة
بس هي محتاجة وقت ومجهود
اكتر من احتياجها لاستشارة طبيب نفسي

[tahernazmy]

صلي علي النبي .. الموضوع مش محتاج دكتور نفسي ولا حاجة
الحكاية كلها انك محتاج تتحكم في غضبك مش اكتر
وده ليس طرق واساليب كتيرة
بس هي محتاجة وقت ومجهود
اكتر من احتياجها لاستشارة طبيب نفسي

عليه الصلاة والسلام
للاسف الموضوع مش عصبيه وبس
ممكن يخرج منى تهزيق وسوء معامله لاقرب الناس لى وممكن اعامل الناس وحش جدا.
رغم انى محترم جدا ومتربى ومعاملتى ممتازه واسلوبى لائق
انا بدأت اتعب ومش عارف انا مالى هل انا بشخصيتين ؟؟!!

[Mostafa.Mahran]

لو كل الناس حسبتها كده هتبقى مصر كلها عازة تروح للدكتور

الوضع الحالى يتعب اعصاب اى حد و يجيبله العصبى

استهدى بالله و روح اى مكان جديد هدى اعصابك

[tahernazmy]

لو كل الناس حسبتها كده هتبقى مصر كلها عازة تروح للدكتور

الوضع الحالى يتعب اعصاب اى حد و يجيبله العصبى

استهدى بالله و روح اى مكان جديد هدى اعصابك

للاسف انا عليا طلعات غبية من قبل الاحداث الحاليه
انا بحس انى بحالات ساعات بكون كويس جدا جدا وساعات بكون زباله
شخصيه طيبه وشخصيه حاده جدا
انا فعلا محتاج ازور دكتور الوضع بيسوء يوم عن التانى

[khaloooda]

وماله .. روح للدكتور لو ده يريحك
واسمع منه من هتخسر حاجة
واعتقد انه مش هيزيدك اكثر من بعض الاساليب للتحكم في الغضب
وعليك بالقرب من الله

الهدوء والسكينة . . اولهم هناك

[tahernazmy]

وماله .. روح للدكتور لو ده يريحك
واسمع منه من هتخسر حاجة
واعتقد انه مش هيزيدك اكثر من بعض الاساليب للتحكم في الغضب
وعليك بالقرب من الله

الهدوء والسكينة . . اولهم هناك

مش غضب وبس
انا مودى بطريقه غبية
اللى يعرف دكتور كويس يقولى عام او خاص لو يريحه ويبقى خدمنى

[محمد يوسف]

جرب تاخد أقراص مهدئة خفيفة لاتسبب الادمان مثل موتيفال .. دى كويسة جدا

[الاستاذ]

مع احترامى للحميع الدكتور النفسى راجل دارس وفاهم ازاى يخلى الناس تبقى هادية ويقولهم يعملوا اية
عشان يتحكموا فى غضبهم ويكتب له ادوية مهدئة

[saddam]

صديقي المواطن
حاولت أتجنب التعليق على موضوعك ولكن أنت بصراحة ولا تزعل مني تصف نفسك بصفات أنت منها براء
ألف باء حسن التربية هي عدم تهزيق وإهانة الناس واﻹنتقاص منها والصلاة ليست مقياسا حتى تقول للناس أنك على خلق فأجرها عند الله وليس عند الناس وصديقي المواطن
الدين المعاملة وليس الدين الناس بتشوفك بتصلي وإنت لو قعدت مع نفسك حتلاقي إنك كل ما تهين شخص وتهزقه وتمسح بكرامته اﻷرض وتعلي صوتك عليه فهذا كله إثمه ومرده إلى أبيك وأمك الذين علموك الصلاة فقط وتناسوا أو لم يقدروا أن يزرعوا بك حسن الخلق ولا تحمل الموضوع إنك عندما تغضب تتفوه بما لا يليق كله أصله التربية أنا مهما غضبت ومهما حصل لو حد ضربني بمطوه عمري معرف أطلع كلام بذيء من فمي يا رجل هناك أناس تسرقك عيني عينك ونخجل نفضحهم أمام أهلهم وجيرانهم
صديقي المواطن
أنت مخطيء في حق أهلك وفي حق نفسك وفي حق الله تعالى ولن ينفعك لا دكتور نفسي ولا غيره ولن ينفعك إلا بأن تجلد نفسك وتعذبها وتجبرها للعودة لجادة الصواب وأنصحك بقراءة الكتب الخاصة بعلم الرجال وفضائل اﻷخلاق ركز عليها وعندما ترى الناس سيئة فكن أحسن منهم ولا تتزلق لمستواهم
وبالتوفيق وإلى اﻷمام ومن نفس إلى نفس
ودمتم للنضال

[محمد يوسف]

صديقي المواطن
حاولت أتجنب التعليق على موضوعك ولكن أنت بصراحة ولا تزعل مني تصف نفسك بصفات أنت منها براء
ألف باء حسن التربية هي عدم تهزيق وإهانة الناس واﻹنتقاص منها والصلاة ليست مقياسا حتى تقول للناس أنك على خلق فأجرها عند الله وليس عند الناس وصديقي المواطن
الدين المعاملة وليس الدين الناس بتشوفك بتصلي وإنت لو قعدت مع نفسك حتلاقي إنك كل ما تهين شخص وتهزقه وتمسح بكرامته اﻷرض وتعلي صوتك عليه فهذا كله إثمه ومرده إلى أبيك وأمك الذين علموك الصلاة فقط وتناسوا أو لم يقدروا أن يزرعوا بك حسن الخلق ولا تحمل الموضوع إنك عندما تغضب تتفوه بما لا يليق كله أصله التربية أنا مهما غضبت ومهما حصل لو حد ضربني بمطوه عمري معرف أطلع كلام بذيء من فمي يا رجل هناك أناس تسرقك عيني عينك ونخجل نفضحهم أمام أهلهم وجيرانهم
صديقي المواطن
أنت مخطيء في حق أهلك وفي حق نفسك وفي حق الله تعالى ولن ينفعك لا دكتور نفسي ولا غيره ولن ينفعك إلا بأن تجلد نفسك وتعذبها وتجبرها للعودة لجادة الصواب وأنصحك بقراءة الكتب الخاصة بعلم الرجال وفضائل اﻷخلاق ركز عليها وعندما ترى الناس سيئة فكن أحسن منهم ولا تتزلق لمستواهم
وبالتوفيق وإلى اﻷمام ومن نفس إلى نفس
ودمتم للنضال

تعليقك من أغرب مايمكن

الرجل لجأ الينا شاكيا حاله ومعترفا به وطالبا المساعدة والنصيحة فاذا بك تتهمه بسوء الخلق وعدم التربية وتتجاوز فى حق والديه كأنك تعرفه شخصيا بل وتتمايز عليه بأخلاقك الرفيعة وأدبك الجم كما تصف نفسك

شىء غريب جدا... الدين النصيحة اذا كنت تنكر عليه صلاته وتقول له الدين المعاملة فيجب أن تعرف أن الدين النصيحة ..وأنه فلتقل خيرا أو لتصمت ... وأنت لم تصمت ولم تقل خيرا كذلك

انت بالذات معظم اللى بيقروا مواضيعك بيتهموك بالكذب والخيال الواسع وتأليف القصص سواء كتبوا ذلك أم قالوه لأنفسهم ... ورغم ذلك دافعت عنك قبل ذلك فى موضوع العربيات الألماظ بتاعتك ... جاى انت تهين الراجل وتكرهه فى نفسه بدل ماتساعده؟

لاحول ولا قوة الا بالله

[Imhotep]

كون ان انت حاسس ان انت محتاج تروح لدكتور نفسى ده فى حد ذاته شئ كويس جدا لان فى ناس كتير بتبقى محتاجة كده لكن مش مدركة لده و لا حتى عندها رغبة
الدكتور النفسى بقى هيعمل ايه. . . هيساعدك انك تعرف سبب تصرفاتك دى. . . يعنى هيقعد يسمع منك لغاية ما يحط ايدك على سبب المشكلة. . . و ممكن يقترح عليك طرق و اساليب للعلاج. . . لكن يبقى علاج المشكلة بيدك انت لان انت اللى هتنفذ. . . بس بما ان عندك الرغبة و الاحساس بالاحتياج للذهاب لدكتور نفسى يبقى كمان عندك الرغبة القوية للتحسن و علاج سبب المشكلة
و على فكرة الطب النفسى مبقاش رفاهية او حاجة غريبة زى ما الناس فاكرة ده كان زمان قبل ما الوعى ينتشر و الناس تفهم اهميته

كان نفسى افيدك بحد اعرفه بس انا معرفش غير المشهورين يعنى مستشفى احمد عكاشة و مستشفى عادل صادق الله يرحمه اللى ماسكها ابنه

[RAPID]

اخوانى الاعزاء.

[tahernazmy]

اخى الفاضل
للاسف ردك لم يظهر لى كاملا بسبب استخدامى الموبيل
وشكرا

[طارق _عبد السلام]

الموضوع هياخد منك شويه وقت
حاول عند الغضب الاتتكلم ولو هترد بعصبيتك عد من 1 الى خمسه فى سرك وابدأ اتكلم
وحاول ان صوتك مايبقى عالى لان لو عليت صوتك مش هتعرف توقف وصله الاندفاع والغضب الموجوده عندك
موضوعك اخى الفاضل تقريبا اغلب البلد بتعانى منه الان