إعـــــــلان

Collapse

.

,
See more
See less

مسافر القاهرة ومحتاج نصايحكم

Collapse
X
 
  • Filter
  • الوقت
  • Show
Clear All
new posts

  • #16
    بصراحة مستغرب اوي ان حد ممكن يسيب اسكندرية في الشتااء وينزل القاهرة يتفسح دة اسكندرية في الشتاا متعة فظيعة

    الهم لو مصمم بقي يبقي ربنا معاك فعلا
    بالنسبة للفسح نبتدي بالمولات
    1-مول العرب ف 6 اكتوبر ود اا بعتبه احسن من سيتي ستارز بكتيير عشان الجزء المفتوح بتاع النافورة والجناين وسعات بيبقي في حفلات بصراحة ممتع جدا وهتنبسط منه
    2-سيتي ستارز في مدينة نصر وحضرتك بتقول انك روحته ف انا رائي تجرب الجديد وهو مول العرب

    بالنسبة للمطاعم والكافيهات الراقية انا ماليش فيها اوي بس هقولك علي الي انا عارفه
    1- اخطف رجلك لحد الرحاب كدة عند منطقة المطاعم والكافيهت جميلة جدا ونضيفة والناس هناك نضيفة ومحترميين
    2-كومباني كافيه في الكوربة -مصر الجديدة
    3-كوستا او سيلانترو في مدينة نصر او مصر الجديدة

    بالنسبة للمطاعم الشعبية والقهاوي الي تعتبر شعبية وسياحية في نفس الوقت
    1-قهوة البورصة في وسط البلد بس فيها بعض الاشكال الي ممكن متعجبكش سواء بنات او شباب
    2-الحسييين ودي بقت بصراحة كلها متسولييين ولمت بمعني اصح
    3-لو نفسك وزتك علي اكلة كباب وكفتة اطلع علي السيدة زينب عند رفاعي ودة اشهر واحد هناك مع انه في حارة منيلة بس هتلاقي عندة ممثلين ولعيبة وناس مشهورة كتيير
    4-لو ليك في السمين والحاجات دي خليك في السيدة عندك ام هاشم وحبايب السيدة وكذا مطعم بيقدم الاكلات دي

    بالنبسة للترفيه والملاهي وكدة
    1-دريم بارك
    2-مدينة الانتاج الاعلامي
    3-حديقة الازهر ودي جميلة جدا وهادية ونضيفة

    لو ليك بقي في المتاحف والاثار والجو دة
    1-قلعة صلاح الدين في صلاح سالم
    2-مصر القديمة والكنايس وكدة
    3-المتحف الصري
    ا
    بس لو عايز تجرب الجديد بقي وحاجة ممكن متكونش عملتها قبل كدة
    روح نزلة السماان عند الاصطبلات واتفق مع الناس الي هناك علي سفاري في الصحراا وعند الاهرام وكلو طبعا بالخيييل مش عربيياتتت بصراحة ممتعة جدا جدا
    يعني رحلة سفاري بس بالخيوول

    Comment


    • #17
      المشاركة الأصلية كتبت بواسطة dede_dodo88 مشاهدة المشاركة
      طالما مصمم تيجي القاهره فدي شوية أماكن ممكن تتبسط فيها,,
      ممكن تروح سينما Imax في 6 أكتوبر..
      مول العرب ممكن يكون ممل شوية لو أنت روحت سيتي ستارز قبل كده, فخليك في سيتي ستارز أحسن و فيه حاجات تتعمل أكتر..
      Tivoli Dome في مصر الجديدة, فيها كافيهات و مطاعم و القاعدة فيها حلوة أوي..
      Oasis في مساكن شيراتون و هتبقى قريبة أوي من الفندق, زي tivoli كده مليانة كافيهات و مطاعم بس أكبر شوية.. و لو روحت شيراتون يبقى تعدي بالمرة على wafflicious تضرب waffles لو ليك فيها,, و في جنبه مطعم Wild Burger حلو أوي برضه..
      ممكن تجرب تروح تاكل في مرة عند البرنس في أمبابة لو ليك في الأكل الشعبي..
      Down Town التجمع الخامس, القاعدة هناك بليل جامدة جداً و الجو بيبقى حلو أوي..
      لو ليك في الأثار, مصر القديمة أعتقد هتبقى لطيفة..
      سنتر IBC خلف البانوراما في صلاح سالم, فيه بولينج و بنج بونج و الذي منه بس بيبقى زحمة شوية..
      لو ليك في الفنون, ممكن تشوف دار الأوبرا لو بتعرض حاجة كويسة في الفترة دي..
      مفيش حاجة في دماغي تانية,, بس هي القاهره عموماً مملة و معظم الوقت بنقضيه في زحمة الطرق..
      أجازة سعيدة و تنور القاهره :)
      الله ينور ايه الحاجات الجامدة دى شوقتنى والله انا كنت ناوى ان شاء الله اروح مول العرب اول ماوصل عشان حيكون اقرب مكان ليه ويارب الاقى فيلم حلو ادخله فى imax بالنسبة ل tivoli dome انا كنت شوفتها على الخريطة بس مكنتش عارف معلومات عنها بس شكلها تستحق الزيارة بالنسبة لل down town ده اروحله ازاى ؟
      الباقى معتقدش انى حالحق اعمل الحاجلت دى اصلا بس انا عندى سؤال هو ليه كل الناس بتقولى بلاش القاهرة هو فيه ايه بالضبط يا رجالة

      Comment


      • #18
        المشاركة الأصلية كتبت بواسطة Mamoud salah H مشاهدة المشاركة
        بصراحة مستغرب اوي ان حد ممكن يسيب اسكندرية في الشتااء وينزل القاهرة يتفسح دة اسكندرية في الشتاا متعة فظيعة
        الهم لو مصمم بقي يبقي ربنا معاك فعلا
        للاسف الزحمة بقت سيئة جدا فى الاسكندرية وعشان هى مدينة مش كبيرة فالبنسبة ليا زهقت منها لانها مفهاش حاجات كتيرة تتعمل وعايز اغير واشوف حاجات جديدة

        بالنسبة للفسح نبتدي بالمولات
        1-مول العرب ف 6 اكتوبر ود اا بعتبه احسن من سيتي ستارز بكتيير عشان الجزء المفتوح بتاع النافورة والجناين وسعات بيبقي في حفلات بصراحة ممتع جدا وهتنبسط منه
        2-سيتي ستارز في مدينة نصر وحضرتك بتقول انك روحته ف انا رائي تجرب الجديد وهو مول العرب

        انا فعلا ان شاء الله ناوى اروح مول العرب اول ما اوصل وممكن كمان سيتى ستارز لو الوقت سمح

        بالنسبة للمطاعم والكافيهات الراقية انا ماليش فيها اوي بس هقولك علي الي انا عارفه
        1- اخطف رجلك لحد الرحاب كدة عند منطقة المطاعم والكافيهت جميلة جدا ونضيفة والناس هناك نضيفة ومحترميين
        2-كومباني كافيه في الكوربة -مصر الجديدة
        3-كوستا او سيلانترو في مدينة نصر او مصر الجديدة

        الرحاب مش عارف ممكن تكون بعيدة شوية بالنسبة للكوربة دى ارحها ازاى

        بالنسبة للمطاعم الشعبية والقهاوي الي تعتبر شعبية وسياحية في نفس الوقت
        1-قهوة البورصة في وسط البلد بس فيها بعض الاشكال الي ممكن متعجبكش سواء بنات او شباب
        2-الحسييين ودي بقت بصراحة كلها متسولييين ولمت بمعني اصح
        3-لو نفسك وزتك علي اكلة كباب وكفتة اطلع علي السيدة زينب عند رفاعي ودة اشهر واحد هناك مع انه في حارة منيلة بس هتلاقي عندة ممثلين ولعيبة وناس مشهورة كتيير
        4-لو ليك في السمين والحاجات دي خليك في السيدة عندك ام هاشم وحبايب السيدة وكذا مطعم بيقدم الاكلات دي

        مشكلة المطاعم الشعبية اماكنها فتقريبا كده مش حروحها بس شكرا على المعلومة

        بالنبسة للترفيه والملاهي وكدة
        1-دريم بارك
        2-مدينة الانتاج الاعلامي
        3-حديقة الازهر ودي جميلة جدا وهادية ونضيفة

        حديقة الازهر ان شاء الله ناوى اروح بالنسبة لمدينة الانتاج الاعلامى ايه اللى ممكن يتعمل فيها

        لو ليك بقي في المتاحف والاثار والجو دة
        1-قلعة صلاح الدين في صلاح سالم
        2-مصر القديمة والكنايس وكدة
        3-المتحف الصري

        دول زهقت منهم من ايام رحلات المدرسة الله يماسيها بالخير هههههه

        بس لو عايز تجرب الجديد بقي وحاجة ممكن متكونش عملتها قبل كدة
        روح نزلة السماان عند الاصطبلات واتفق مع الناس الي هناك علي سفاري في الصحراا وعند الاهرام وكلو طبعا بالخيييل مش عربيياتتت بصراحة ممتعة جدا جدا
        يعني رحلة سفاري بس بالخيوول

        شكلها جامدة بس بصراحة اقلق اطلعها من مراتى ممكن لو طلعت مع صحابى اكيد حاروحها

        شكرا جدا على المعلومات الجامدة دى واى حاجة من اسكندرية انا فى الخدمة

        Comment


        • #19
          المشاركة الأصلية كتبت بواسطة JAM مشاهدة المشاركة
          طبعآ إنتا تشرفنا وتنورنا فى أى وقت
          بس لو إنتا مصمم إنك تيجى القاهرة بزحمتها بتلوثها بخنقتها بقرفها ... يبقى
          الله يرحمك

          ههههههههههه
          ربنا يرحمنا برحمته كلنا بس هو فيه ايه بجد هى ليه كل الناس عمالة تحذرنى من القاهرة وكأنى حاروح انتحر لا بجد انا عايز اطمن هى البلد مالها كل ده عشان الزحمة طب ما اسكندرية زحمة برده جدا وبعدين المفروض ان القاهرة فيها كبارى وانفاق وطرق جديدة اللهم لا حسد يعنى ههههه

          طب اروح فين يا رجالة كان نفسى اطلع شرم بس معايا بنوتة كده سنة ونص وعارف انى مش حعرف اعمل هناك اى حاجة من اللى نفسى لا غطس ولا سفارى ولا اكوا بارك فا لغيت الحوار والواحد جالى ملل من القعدة فى البيت ومن الخروجات المعتادة ومن ام الحظر ده حاجة طين بصراحة

          Comment


          • #20
            بص يا باشا مبدأيا كدة انقلك خبرة اسكندرانى عاش فى القاهرة سنتين و لسة راجع.

            اول حاجة افضل حاجة انك تروح ذى ما الأخوة الأفاضل قالو يوم السبت او الجمعة الصبح.غير كدة لو لازم قوى يبقى تكون على المحور بعد بوابة القاهرة كدة من الساعة 11:30 الصبح ل 12:30 بسسسسسس غير كده حتكره حياتك بجد حتراخد كوبرى اكتوبر على طول من ميدان التحرير جمب المتحف المصرى كده فى طلعة اكتوبر بعد كدة تنزل نزلة حدائق القبة و تفضل ماشى جمب صور المترو على يمينك لحد ما توصل لكوبرى الحلمية الزيتون و تعدى الناحية التانية و تمشى فى شارع ابو بكر الصديق لحد كوبرى التجنيد و تخوش شمال شارع جسر السويس حتمشى شوية فية 5 دقائق حتبقى عند الفندق.طبعا فى طرق تانة كتير بس ديه احسن وصفة و افضاهم.وانا كنت ساكن فى الحلمية وده كان طريقى.فيه الدائرى برضوا و تنزل نزلة طريق اسماعلية الصحراوى يمين وتفضل ماشى فى شارع جسر السويس لحد متلاقى الفندق الناحية التانية على شمالك. تاخد اليو تيرن و تخوش...

            مبدائيا كده افضل فسح ليك ال حتبقى ناحية مدينة نصر و مصر الجديدة غير كده حتبقى رحلة سفر لو من غير المترو.

            عندك سيتى ستارز (مدينة نصر)
            تيفولى دووم مصر الجديدة
            صن سيتى مول طريق النصر من اوله عن مساكن شيراتون
            عندق كارقور فى اول العبور وفيه جيرولاند جمبه وده فى مدخل مدينة العبور من طريق مصر الأسمعالية الصحراوى وده قريب من الفندق من 15 ل 30 دقيقة
            فى حاجات بالهبل فى مدينة نصر تاكل عندهم و جامدين
            عندك كشرى التحرير فى اول عباس العقاد ناحية سيتى ستارز الناحية التانية ده احسن بتاع كشرى فى مصر انسى بتاع كشرى التحرير ال عندنا على البحر فى ميامى.

            طبعا ممكن تروح القلعة و الأزهر بارك كل ده من على طريق النصر و ممكن تخوش العتبة من عند جامعة الأزهر من عند مرور الدراسة بس منصحكش عشان الزحمة ال فى شارع الأزهر.

            ممكن تزل وسط البلد بس بالمترو احسن حاجة تركن العربية فى اقرب محطة مترو و هى حلمية الزيتون تشوف اى جراج و تركن فيه و تاخد المترو اتجاه حلوان و تنزل محطة جمال عبد الناصر عند دار القضاء العالى وبيقولوا عليها محظة الأسعاف و هى تانى محطة تحت الأرض بعد الشهداء و انجوى بقى يا باشا نفس احساس محطة الرمل كده بس احسن شوية.

            وممكن تكمل فى المترو لحد محطة السيدة زينب و تنزل يا تركب مشروع يا تتمشى و خلى بالك اوعى تقول مشروع ديه هناك هاهاهاهاهاهااهاه عشان يا اما حتتهرش انك اسكندرانى يا اما مش حيفهموك

            وعيش بقى فى السيدة عندك بتوع السمين و المسامط بس مش كلهم كويسين.بصراحة مكلتش عندهم الأخوة الأفاضل ممكن يفيدوك احسن منى.

            بالنسبة لأمبابة حيبقى مشوار غلس عشان تروح للبرنس بتاع الكبده و ممكن ما يعجبكش عشان الكبده فى القاهرة بتتعمل بالبصل مش اسكندرانى زى الفلاح و فهمى عندنا كده هاهاهااهاهاه بس عنده طواجن و حاجات كتير.

            و ممكن تروح العتبة شبه احساس المنشية كدة بس على كبير قوى وديه ممكن تروحها زى ما قولتلك فى الأول من داخلة جامعة الأزهر و شارع الأزهر.يا اما بالمترو تنزل الشهداء و نفس الرصيف تركب المترو التانى بنفس التذكرة ما تتطلعش من المكنة تركب اتجاه الجيزة خلى بالك مش اتجاه شبرا .وتنزل اول محطة و هى العتبة و تفضل ماشى بقى لحد ما تطلع من المحطة كبيرة شوية تحت الأرض و تعيش يا باشا بقى الموسكى و الرويعى و العتبة و شارع الأزهر ولو نقصك اى حاجة مش لاقيها فى اسكندرية حتلاقيها فى العتبة "الصين الشعبية يا باشا"

            اكسسوارات اوكر و ستائر و مفصلات عندك الرويعى
            قطع غيار محمول بطاريات سماعات يعنى لو عندك تليفون قديم بايظ و عاوز تصلحوا فى شارع العطار من شارع الأزهر مش حتقدر تغمض عنيك هاهاهاهاها.

            وعندك شارع عبد العزيز زى شارع شكور عندنا كده واكتر.

            ومن الملاحظ كده من كلامى ان معظم التحركات تبقى بالمترو وصدقنى زحمة المترو شوية ولا الزنقة فى العربية فى القاهرة اجارك الله مش حتطيق نفسك

            وبالنسبة لمول العرب فهو روعة فى الفسح بس ده فى 6 اكتوبر فا افضل حاجة تروحوا و انت مروح من القاهرة عشان حتبقى رحلة العزاب و الضنا و انت راجع للقاهرة منه هاهاهاهاهااه. تاخد طريق المحور وما تنزلش نزلة اسكندرية الصحراوى لأ كمل وعدى هيبر وان و كمل و عدى جامعة النيل وهو قدام مستشفى دار الفؤاد . ده بقى صرح لوحده كدة زى سيتى ستارز بس افقى مش رائسى مسطح واسع جدا ولو على الأكل فا فى عندك الفود كورت فيها كل حاجة وواسعة فحت و سقف مغطى واسع عامل زى عنبر السفن كده فى المينا هاهاهاهاهاها مش زى الأوضتين وصالة بتاعت كارفور اسكندرية بتاعنا هاهاهااه.

            وانت راجع بقى فى طريق جامب مول العرب كده ده حينزل على الطريق الصحراى بدل ما ترجع تانى كل ده ده حينزل على الطريق الصحراوى بعد بوابة القاهرة ب 20 كيلو تخيل حيوفر معاك 20 كيلوا....

            وتروح و ترجع بالسلامة ان شاء الله.

            Comment


            • #21
              بصراحة انا مش عارف اشكرك ازاى يا fourseasons ربنا صبرك كده وكتبت كل ده دانا تعبت من كتر القراية والله هههههههههههههه بجد الف مليون شكر وانا حاحاول اتجنب الزحمة على قد ماقدر وموضع المترو ده انا محططهوش فى دماغى قبل كده بس واضح ان الموضوع اوفر عندكوا وربنا يكون فى عونكوا بس بجد هو ايه الحل فى البلد دى طب لما انت بتحبوا تتفسحوا بره القاهرة بتروحوا فين

              Comment


              • #22
                يا باشا تحت امرك انت تؤمر.
                بالمناسبة انا اسكندرانى وعايش دلوقتى فى اسكندرية ولاكن ظروف العمل هى ال خلتنى اروح القاهرة لمدة سنتين و كانوا سنتين ما يعلم بيهم الا ربنا كان مرواحى القاهرة قبل ثورة يناير ب شهر هاهاهاهااهاهاهاها مش عاوز اقولك شميت غاز مسيل للدموع لما اتنفخت.هاهاهاهاهاهاهاهاهاها بحكم شغلى جمب ميدان التحرير.ومظاهرات و اعتصامات مش عاوز اقولك.لاكن بصراحة الفسح فى القاهرة احسن مليوووووووووووووووووووون مرة من عندنا فى اسكندرية.وزى ما وصفتلك بالظبط المترو لا يقارن لا بقطار ابوقير ولا الترام .حاجة كدة منظمة و حلوة وسريعة فى نفس الوقت بس زحمة شوية لاكن على العموم مواعيد نزولك من الفندق و طريق الأتجاه لازم تحدده بالدقيقة تجنبا للزحمة يعنى شارع جسر السويس ال عليه الفندق ده محور من اهم محاور القاهرة الكبرة عامل زى شارع ابوقير عندنا كده مع فرق الوسع و الزحمة برضوا.لاكن لو انت نازل الصبح حتلاقى اتجاه وسط البلد ال هو رايح على كوبرى التجنيد (الطريق المقابل للفندق الناحية التانية يعنى) بعد الساعة 11ص ماشى شوية و العكس ال رايح على العبور زحمة شوية.
                فلازم تبقى عامل حساباتك كويس عشان لا تتزنق فى زحمة تكره اليوم ال جيت فى القاهرة.

                وانا تحت امرك فى اى استفسار.

                Comment


                • #23
                  وبالنسبة ل6 اكتوبر و الفسح ال فيها من دريم بارك لمدينة الأنتاج الأعلامى ل مول العرب لهايبر وان كل ده تروحوا من اسكندرية اسرع اه والله زى ما بقولك كده انا كنت لما بعوز افسح العيال و اروح بيهم مول العرب كنت باخد ساعة و نص رايح و ساعتين جى هاهاهاها لو جاى من اسكندرية ساعة وربع من عند كارفور اسكندرية هاهاهاهااها شوفت بقى بقولك انسى موضع مول العرب غير وانت راجع.وبالمناسبة يفضل السير و السفر فى النهار تجنبا لمخاطر الطريق لا قدر الله.

                  Comment


                  • #24
                    يا باشا انا حعتمد على الله اولا ثم عليك دانتا رديت عليا بسرعة الصاروووووخ هههههههههه بجد انت مية مية انا دلوقتى فاتح جوجل ماب واقعد اتفحص فى خريطة القاهرة وحتلاقينى بسألك كل شوية على الطرق فاخليك معايا بقى
                    اروح اظبط بس شوية حاجات وارجعلك تانى

                    Comment


                    • #25
                      بص يا باشا معلش انا مضطر اقفل عشان عندى ميعاد بس ما دام حضرتك بتفهم فى الجوجل ايرث فا انا لما ارجع حظبطلك شويت حاجات حتعجبك قوى

                      Comment


                      • #26
                        تمام نتقابل قريب ان شاء الله

                        Comment


                        • #27
                          بص يا باشا انا رفعت لك صور عن كيفية الوصول للفندق بطريقتين

                          الأولى عن طريق كوبرى اكتوبر
                          الثانية عن طريق الدائرى (اطول بس اسهل)




                          Comment


                          • #28
                            استاذ و رئيس قسم بجد هههههههههه انا عرفت اطلع الطريق كويس بعد ما انت وصفته بالتفصيل بس برده حركة العلامات المميزة دى جامدة طب ماتقولى كده لو حابب اروح الازهر بارك والقرية الفرعونية امشى ازاى تبقى عملت معايا واجب

                            Comment


                            • #29
                              بص يا باشا انا حتطلك صورة تانية فيها الطريق للأزهر بارك من الفندق و فيها سيتى ستارز و صن سيتى مول لاكن القرية الفرعونية ماروحتهاش قبل كده فا مش عارف هى فين و الله الأخوة هنا ممكن يفيدوك بس هى تقريبا كده فى الجيزة عند الوراق كده بس تعتبر بعيدة شوية عن الفندق

                              Comment


                              • #30
                                المشاركة الأصلية كتبت بواسطة engahmedsayed مشاهدة المشاركة
                                اهم حاجة فى الفسحة دى
                                تجيب معاك للوحين ثلج و تشغل التكييف على اعلى درجة و متقولش الجو يعنى بقى شتا
                                علشان تيبقى كوووووووول من السواقة هنا فى القاهرة
                                و تجيب معاك شوال صبر من الزحمة

                                كدة اقدر اقولك ربنا معاك
                                و لو كنت بتحلم انى تعمل كذا مشوار فى اليوم فا هقدر اقولك مفيش فايدة متحولش

                                ربنا معاك

                                الوداع يا صديقى


                                ههههههههههه والله بعد الكلمتين دول ما انزلها ولو كانت ايه
                                [CENTER]اللهم أفتح لي بابَ رزقاَ حلالاَ طيباَ مباركاً فيهِ . يارب[/CENTER]

                                Comment

                                Working...
                                X