عداد الكهرباء الديجيتال .... خراب بيوت :(

[M_Marwan]

قولولى أعمل ايه مع شركة الكهرباء ؟؟ نفسى اروح ارتكب جنايه هناك واخلص !!!

بقالى 5 سنين ساكن فى شقه جديده وعداد جديد (عادى الأسود الكبير ده) وخلال الفتره دى طبعا

كشاف العداد مش بيجى وبيجيبولى قراءات على مزاج ايلى خلفوهم وكل مره اروح اشتكى وابلغ

قراءة العداد وكنت متعامل معاهم !!

فجاه العداد باظ والكهرباء قطعت فى الشقه كلمت الطوارىء وجه واحد شال العداد وقالى ده اتحرق

مش نافع ووصلى Direct على صاعد العماره وقالى يومين ويجيلك عداد جديد

طبعا قعدنا شهرين بالمنظر ده وشغالين من غير عداد

وغلطة عمرى انى محترم وقولت يا واد روح اسال حرام كده شغالين كهرباء من غير عداد !!

روحت اسال يا جدعان حصل كذه وكذه (الراجل بتاع الطوارىء الحمد لله كان مدينى ورقه معفنه

كده فيها رقم الأشاره وتاريخ رفع العداد القديم )

المهم روحت وكل موظف يرمينى لواحد تانى ..... اطلع فوق . . . . لا انزل تحت ... لا مش عندى ....

اسال مدام فلانه !!!! يا ولاد التييت ده انا جى اقولكم هاتولى عداد عشان ادفع فلوس !!!

طبعا بعد ما وصلت للموظف المختص قالى مفيش حد بلغ ان العداد عندك متشال
الحمد لله كان معايا الورقه المعفنه اياها وحطتها فى وشه

طبعا بعد حوارات كتيره المهم يومين تلاته وجابولى عداد جديد ديجيتال !!

ومن ساعة ما جاه والفواتير ضربت واحده 750 جنيه والتانيه 365 وواحده ب 250 جنيه تمن

العداد نفسه وحاجه مسخرة الصراحه :(

أعمل ايه عشان اجيب عداد عادى زى القديم ؟؟ أفيدونى

[gebreel]

ممكن يبقوا جدولولك الاستهلاك القديم اللي من غير عداد و وزعوه على الشهور؟

[AHMADALY1999]

طيب ازاى حيعرفوا الاستهلاك القديم ؟
هما عارفين حاجة اساسا ؟ !!

[speed_magnum]

دي اقساط اكيد بيضيفوها عليك كل شهر
روح وشوف ايه الموضوع

[Ahmed_Adham]

تفاصيل الفاتوره ايه؟ كلها استهلاك ولا فيها فلوس في بند الاقساط؟ والاستهلاك كام كيلو وقيمه الاستهلاك لوحده كام جنيه؟

[rotanamasoud]

انا لما غيرته كان فى اقساط تمن العداد حتلاقى دى الزياده وكمان عملو واجب وضافو الشهرين اللى متوصلين بالعداد وضربوهم فى 2
وكل سنه وانت طيب لو حتى القديم يتصلح مش حيرجعوه لانه مش موس زى الديجتال
اما العداد الديجتال فحساس لدرجه انه ممكن يعد على ليدات واحد واط فبيحسب باللمللى واط(دقته )وطبعا ده فى مصلحه الشركه وبيضر بينا احنا(العداد القديم اوى كان ممكن تحط لمبه سهارى 40 واط ومتحركوش يعنى وقت النوم كهرباء مجانا)الله يرحمه

[Ahmed_Adham]

انا لما غيرته كان فى اقساط تمن العداد حتلاقى دى الزياده وكمان عملو واجب وضافو الشهرين اللى متوصلين بالعداد وضربوهم فى 2
وكل سنه وانت طيب لو حتى القديم يتصلح مش حيرجعوه لانه مش موس زى الديجتال
اما العداد الديجتال فحساس لدرجه انه ممكن يعد على ليدات واحد واط فبيحسب باللمللى واط(دقته )وطبعا ده فى مصلحه الشركه وبيضر بينا احنا(العداد القديم اوى كان ممكن تحط لمبه سهارى 40 واط ومتحركوش يعنى وقت النوم كهرباء مجانا)الله يرحمه

مش بالظبط قوي لأن وقت النوم بتبقى التلاجه شغاله وممكن مكيف كمان أو مروحه على الاقل. اللعب في الكهربا كله في التشريح لأن تمن الكيلو متحدد والاستهلاك متحدد من القرايه الفكره بقى هل المحصل بياخد القرايه الواقعيه كل شهر زي ماهي مكتوبه ولا بيسقط 100-200 كيلو لمده شهرين تلاته وييجي جايبهم مره واحده والنقطه دي عايزه متابعه يعني أنا كل ما يجيلي المحصل بفاتوره باخده وأروح عند العداد وأخليه يكتب القرايه المكتوبه وفعلا هيه اللي تيجي الشهر الجاي.

[gebreel]

هتلاقيهم مقيمين الشهرين اللي فاتو جزافي و ممكن مكان يبقوا معتبرين الشهرين اللي فاتو دول سرقة تيار و دي بيبقى ليها مبلغ ثابت بيبقى اسمو ممارسة

[أبو_يوسف]

مفيش اقساط ولا تمن عداد.. العداد بيتغير ببلاش طالما باظ..
بس الشهرين اللي فاتوا كان فيه لعب وعك كتير في فواتير الكهرباء
شوف العداد عامل كام واخر فاتورة القراءة فيها كام..