مساعده فى معلومه عن الشراء من ebay

[eslamrace]

يا رجال نايل موتورز الكرام محتاج مساعده منكم بخصوص الشراء من موقع ebay
انا محتاج الجهاز ده ضرورى Dynamic DX System PMB Power Module Power Chair Wheel Chair Fauteuil Neuf New | eBay فلقيت ان موقع ebay وانا بحاول اسجل موجود في مصر "ودى معلومه جديده عندى فقولت بدل مابعت لشركا وساطه زى "ادفعلى واشتريللى " اشترى انا المنتج مباشره بس عايز حد يقوللى ايه الاجراءات المتبعه خاصه وانا عملت اكونت على الموقع وكان سامح لى بتكمله الاجراءات بس حبيت اعرف هل الدفع حيبقى عند الاستلام ولا عن طريق الفيزا وتكلفه الموضوع كله كام
ورجاء لو حد اشترى من الموقع مباشره قبل كده يدينى feed backعن الموضوع ويقوللى الافضل اشترى مباشره ولا اكبر دماغى واتعامل مع شركات الوساطه .
تحياتى ليكم .

[ابواياد المصري]

متابع

[matrix_it]

لو هتشترى من برة بنفسك يبقى لازم تعمل اكونت على borderlinx و هما هيدوك عنوان فى امريكا يجمعوا فيه الحاجات اللى طلبتها و يبعتوهالك و بيحسبوك على الشحن و الجمارك لحد المحافظة عندك
بتدفع تمن السلعة لما تشتريها فى لحظتها بالباى بال
يبقى الخطوات
1 تشترى من ebay
2 السلعة تتشحن لعنوانك فى امريكا
3 يبلغوك ان فى بضاعة وصلت
4 تدفع مصاريف الشحن و الجمارك
5 تتابع بالتراك نمبر الحاجة لحد ما توصل مدينتك (فرع dhl الاقرب ليك)

[h_shahin]

لا مش ضرورى تدخل وسيط
فيه تجار بتشحن مباشرة لآى مكان فى العالم و منها مصر
و الجهاز اللى حضرتك طالبة تحدبدا مكتوب ممكن شحل لأى مكان فى العالم و فى تفاصيل الشحن مكتوب رسوم الشحن لمصر 35 يورو
و طبعا مفيش على الإى باى دفع عند الإستلام و خصوصا عند الشحن الدولى و وسيلة الدفع الأكتر شعبية على الإى باى هى الباى بال و ممكن فيزا و ممكن تحويل بنكى و الدفع قبل الشحن

و بكده يبقى التاجر هيشحن الجهاز على عنوانك فى مصر مباشرة و لكن هيفضل عليك مصاريف الرسوم الحمركية و التخليص و دى بتدفعها لما الجهاز يوصل مصر

[eslamrace]

الف شكر لردودكم وان شاء الله ححاول اخلص الموضوع لوحدى ولو قابلتنى اى مشكله مليش غيركم اسالهم
تحياتى.

[X_MM_X]

اهم حاجه تدفع بال باي بال لانو الوحيد اللي يضمنلك ترجع فلوسك لو الحاجه موصلتش او حتى وصلت ومش زي ماطالبها