محتار تابلت ولا ايباد

[egyboy]

السلام عليكم

انا عايز اشترى حاجة يااما تابلت سامسونج او ايباد

بس اقيت موديلات كتيرة جدااا من التابلت فى سامسونج

تابلت 7 وتابلت 10 وتابلت نوت 2 10

والايباد موديلات برضه

مين هنا معاه تابلت او ايباد

يقولنا الاستخدام الافضل للبراوسنج وكمان الايميلات زى skype وكمان وضوح وجودة ال font وكمان وضوح ال videos

والتسجيل بالكاميرا وجودتها فيديو وصور

وياريت السعر للى يعرف

رايكم ؟؟

[egyboy]

لقيت موديلات كتير

Samsung - أحدث أسعار أجهزة المحمول بمصر

هو مفيش حد بينزل حاجة واحدة ويخلص :)

ايه الفروق مش فاهم يا رجالة

[OMAR61995]

السؤال اللى هيحدد كل حاجة
ميزانيتك كام ؟

[dr_mustang]

ipad for sure

[Hunting_Eagle]

بداية لو مهتم بالبرامج و الألعاب ابعد عن الايباد و خليك في اي حاجة سامسونج على حسب فلوسك

الايباد نظامه احلى و خامته تحفة بس عيبه القاتل برامجه كلها بفلوس على عكس السامسونج و سيبك من حوارات كسر الحماية و الكلام ده لانك مش هتشتري ايباد ب 3 او 4 الاف علشان تكسر حمايته

على فكرة انا معايا ايباد 4

[Marwan yahya]

ايباد طبعا وانا معايا ايباد 4 ومش كل البرامج والالعاب بفلوس ولا حاجة

[Hobgoblin]

Samsung Note
Samsung Galaxy Tab 3
Google Nexus

[khaloooda]

انا كنت محتار زيك كده
وبعد سؤال ناس جابت ده وده وتجار بيبيعوا وبيعملوا صيانة للاتنين
انتهيت الي ايباد 4
هو فعلا اغلب الحاجات فيه بفلوس مش زي السامسونج
بس هو اولا : اطول عمرا بالنسبة للشاشة والتاتش من السامسونج
انا بتكلم طبعا علي المدي الطويل مش شهر ولا اتنين
ما هي برضه حاجات سامسونج مش معمولة تحت السلم

باختصاااااار ... الايباد : تاتش رائع - ريسوليوشن شاشة تحفة وبالذات الشاشة الريتنا اللي في ايباد 4 - بطارية اطول عمرا - احلي في الجيمز والبرامج بتاعته تحفة - وكمان خامة احلي واشيك
بس مشكلته الفلوس ... وكمان شوية معقد في الاول - بس هتتعود عليه
يعني بالمقارنة بالسامسونج يعتبر عقد - بس هتتعود
اما السامسونح .. سلس - سهل - لذيذ - برامج وجيمز ببلااااااااش

المهم لو نويت علي سامسونج .. انا كنت سمعت نصيحة من تاجر
بالنسبة للسامسونج .. ابعد عن n 8000
ويستحسن تبعد عن 10 انش عموما

وشخصيا ارشحلك لو نويت عالسامسونج n 5100 الـ 8 انش الجديد
حجم لذيذ وشكل ظريف ومواصفات عالية
وسعر كمان حلو .. عامل 3600 تقريبا
بينما الايباد 4 عامل 5000 تقريبا

ومبروك مفدما

[Dr/ P.K.Sh]

اى باد طبعا
انا معايا ايباد ٣

[aminibrahim]

ايباد اروع بكتييييييير

[Ahmed_selmy]

انا معايا نوت 10.1 وممتاز جدا فى كل حاجه صوته حلو وعالى....جيمز ممتاز ....انا كنت قلقان من الرسوليوشن بتاع الشاشه لانى معايا موبايل سونى 342 PPI ......فخفت لما اشتغل على السامسونج نوت 149 PPI حيكون ردئ جدا بس بالعكس لقيت الصورة حلوة مش حاسس بفرق كبير.....التاتش بتاعه ممتاز وموضوع القلم دا فاااااجر
بصورة عامه انا راضى عن ادائة فى مقابل هذا السعر.....بالاضافه الاندرويد ببلااااااش
انا معايا اصحابى اللى معاهم Iphone ياما يستنى لما لعبه او تطبيق ينزل ببلاش او انه يشترى لو حاجه محتجلاها ضرورى
بص شوف الاتنين وامسك الاتنين وقرر......وعلى حسب استخدامك ومزنيتك تحدد.

[egyboy]

متشكر جدا يا رجالة على الافادة

انا هحاول انزل فعلا واشوف بنفسى فى المحل

وفقكم الله

بس ال نوت 10.1 سامسونج عامل كام