بيان هام من مجلس إدارة قنوات سي بي سي بشأن برنامج باسم يوسف

[ESO101]

[youtube]SNlRv5XFGPM[/youtube]

إيه رأيكم ؟

[Imhotep]

الاراء اللى هتتقال هتتراوح بين ما يلى:
بيضربوا بنط جدعنة مع الحكام الحاليين على حسابه

طلقة تحذير عشان يلزم حدوده بعد كده و لا يتجاوز الخطوط الحمراء

محاولة انهم يوهموا المشاهدين انهم مستائين من اللى بيقوله و الايحاءات و الكلام ده. . .

توزيع ادوار

ها مين يزود و يقول حاجة جديدة :-)

[ابو لؤى]

ممكن اضحك لو سمحت ههههههههههههههههه

[ESO101]

الاراء اللى هتتقال هتتراوح بين ما يلى:
بيضربوا بنط جدعنة مع الحكام الحاليين على حسابه

طلقة تحذير عشان يلزم حدوده بعد كده و لا يتجاوز الخطوط الحمراء

محاولة انهم يوهموا المشاهدين انهم مستائين من اللى بيقوله و الايحاءات و الكلام ده. . .

توزيع ادوار

ها مين يزود و يقول حاجة جديدة :-)

أهلًا بالعزيز إمحوتب
دا بما إن باسم يوسف يعني تجاوز حدوده
باسم يوسف مش ممكن يكون تعدى الخطوط الحمراء بحلقته
اللي هيا عبارة عن مجموعة فقرات
تريقة على ناس سايحة في دمها ومعتقلة + تريقة على نفاق + فقرة المرأة الساقطة + شوية كلام
مفيش أي تعليق على خطابات السيسي مهازلهم الكوميدية وجرائمهم الوحشية

لن ينجح البرنامج في إستحمار المتلقي بهذه الطريقة
لن ينجح البرنامج إلا إذا إنتقد السيسي بكل قوة كما كان يفعل مع مرسي
لن ينجح البرنامج وهوا بيسخر من ناس معتقلة

ومش عايزينه يألف الواقع كفاية

[mohamed_selim]

هل ده معناه ان البرنامج المتسجل اتعرض من غير ما القناه تشوفه و توافق على محتواه؟

[Imhotep]

أنا شخصيا هكون من اسعد الناس
لما السيسي يهرتل زى مرسى
عشان باسم يوسف ينتقده زى ما الناس عايزة
و ادينا قاعدين بنتفرج لان انا شخصيا من الناس اللى وصفهم الاخ r0xer فى الموضوع التانى اللى عن باسم يوسف انهم الناس الكوول
يعنى الناس اللى مش هيتأثر رأيها بباسم يوسف سواء نقد مرسى او مدح السيسى او العكس مش فارق معايا و لا انا هتضايق و لا هنبسط
انا من الناس اللى يهمها تضحك و بس لانه فى الحقيقة ده بقى هدف دلوقتى فى حد ذاته فى وقت عز فيه الضحك

بس نقطة على جنب كده. . . جايزة الاوسكار فى الهرتلة لن ينزعها احد من مرسى مهما طال الزمن. . . دماغه دى كانت مليانة الماظات :-)
احنا مفتقدينه جدا على الاقل كان بيدى مادة ثرية جدا لباسم يوسف لا مثيل لها :-)

نقطة جانبية كمان. . . اللى عايز باسم يوسف ينتقد السيسى. . . بيعترف ضمنا بتأثيره الكبير على طائفة واسعة من الناس. . . و مستنيه يعمل كده مع السيسى زى ما عمل مع مرسى لعل و عسى و العيار اللى ما يصبش يدوش :-). . . بس حتى دى برضه طلعت فشنك. . . لان ناس كتير جدا فقشت من مجرد تعرض باسم للسيسى فى الحلقة اللى فاتت. . . يعنى رب ضارة نافعة :-)

على العموم ادينا بنتسلى و نضحك. . . مجرد ان باسم يوسف واخد الحيز ده كله من اهتمام الناس مهما كان نوعه ده نجاح ما بعده نجاح يحسب له

[ESO101]

دا شيء مميز إن فيه برنامج بيجمع الناس حوليه وأنا شخصيًا من المتابعين للبرنامج
بجيب الحلقة بعد مارجع من الشغل وأتفرج عليها عالنت ( لوحدي )
ومن أكتر الناس اللي ضحكوا على مرسي و شوية مصطلحاته اللي كانت مادة ملهاش مثيل في برنامج باسم يوسف
وكنت في كل خطابات مرسي بعد أعد الحجات اللي هيجيبها باسم ونراهن بعض أنا وصحابي ههههه
لكن دا مش معناه إن السيسي أقل كوميديا دا كفاية شوية التسريبات الجامدة اللي طلعت عليه والخلل الواضح في التصريحات




هههههههههههههههههههههه

أنا ممكن أعمله مادة دسمة هيعوم فيها باسم وفريقه هههههههههه

[Imhotep]

هايل خلى كل فريق يطلع اللى عنده و احنا نتفرج و نشجع اللعبة الحلوة :-)

[ESO101]

هوا فريق واحد و( الشعب ) بيتفرج عليه
وأما نشوف المسرحية دي هتخلص على إيه

[ESO101]

[youtube]PCUgkszIAdo[/youtube]

لاحظوا الحلقة نزلت بتاريخ 24/10/2013 يعني قبل حلقة باسم يوسف بيوم واحد
المشاهدات اللي عملتها
731,032
like 14,242
dislike 1,533

دا والبرنامج مش على الشاشات والشاب مش مشهور ومفيش أي إمكانيات ومفيش أي إحاءات ولا هالة إعلامية

[eslamrace]

باسم ذكى الكل لازم يعترف بده خاصه مع اهتمام فئات كتير من الناس بيه سواء مؤيدين او معارضين او مش فارقه معاهم وذكائه اتضح اكتر كمان فى الحلقه الاخيره اللى مكانش ينفع تطلع غير بالصوره دى اللى احتار فيها المتعصبين لكل فريق وكل واحد فيهم بقى مش عارف يهاجم ولا يتريق على الطرف التانى ولا يسكت ولا يعمل من بنها
ومع ذلك اهتمام اداره قناه خاصه بحلقه من برنامج اظن الموضوع لا يتعدى العاب سياسيه بيخلى فيها كل طرف مسؤليته احسن يتلط بدون داعى .
يا رب الناس تهدى وتقتنع ان برنامج باسم لا يتعدى برنامج ترفيهى يتراوح بين الاسقاطات الحاده وبين الابتزال الحاد ولكن فى النهايه جرعه ترفيهيه لكتير من الناس يارب نبقى كلنا كووول زى ا/ماهر ههههههههههههههههه ونحط كل حاجه فى قدرها الحقيقى
تحياتى.

[mmolazem]

‫احمد موسى: باسم يوسف دا مجرد صرصار يتداس بالجزم‬‎ - YouTube

حاجه تقطع القلب . . .( بتاع أحد الشعبين ) .

[Imhotep]

الواد دمه تقيل و كلامه مباشر كأنه بيقول محاضرة و مضحكنيش و لا مرة :-( . . . بس برضه هو معذور لان تأليف الكوميديا و انك تنتزع الضحكة من بنى ادم ده شئ صعب جدا و ده برضه يضيف لجاذبية برنامج باسم مع ان احيانا حلقة كاملة ممكن تعدى و مضحكش فيها غير مرة و لا اتنين بس برضه لا بأس احسن من مفيش و برضه الاسكتشات احيانا بتبقى لوحات جامدة حدا زى الاغنية فى الحلقة الاخيرة مثلا الواد التخين اللى كان ماسك مصاصة كبيرة اوى كان شكله مسخرة اول ما لمحته وقعت على الارض من الضحك :-) و الواد القصير اللى كانوا كل شوية يضربوه برضه مسخرة

[ESO101]

‫احمد موسى: باسم يوسف دا مجرد صرصار يتداس بالجزم‬‎ - youtube

حاجه تقطع القلب . . .( بتاع أحد الشعبين ) .

مش فاضل غير أحمد موسى يتكلم عن باسم يوسف
رغم كل ملاحظاتنا على باسم يوسف
إلا أنه ( مبدع ) وعنده شيء عرف يتميز بيه
أما أحمد موسى شخصية مريضة

[eslamrace]

الواد دمه تقيل و كلامه مباشر كأنه بيقول محاضرة و مضحكنيش و لا مرة :-( . . . بس برضه هو معذور لان تأليف الكوميديا و انك تنتزع الضحكة من بنى ادم ده شئ صعب جدا و ده برضه يضيف لجاذبية برنامج باسم مع ان احيانا حلقة كاملة ممكن تعدى و مضحكش فيها غير مرة و لا اتنين بس برضه لا بأس احسن من مفيش و برضه الاسكتشات احيانا بتبقى لوحات جامدة حدا زى الاغنية فى الحلقة الاخيرة مثلا الواد التخين اللى كان ماسك مصاصة كبيرة اوى كان شكله مسخرة اول ما لمحته وقعت على الارض من الضحك :-)

برغم انى مشفتوش بس مش لحاجه غير انى ليه حلقتين واستبوخته وده مش عيب فيه بس هو الموضوع قبول مش اكتر فى ناس مبيبقاش عندها اى موهبه ولكن القبول اللى عنده يخليك تفضل تشوفه وممكن شخص موهوب ومع ذلك غير مقبول وده سر نجوميه كتير من الممثلين والفنانين
وبرضه الشخص اللى بياخد الموضوع بجديه ويحضر كويس ويدور كتيييييييييير علشان يقدر يعمل شئ كوميدى غير اللى بياخد الموضوع لمجرد الظهور وعلشان كده دايما بيقولو ان صناعه الكوميديا من اكتر الصناعات صعوبه
تحياتى .