إصلاح تاتش سكرين لموبايل سامسونج

[m_marmoush]

الموبايل عندى سامسونج جلاكسي شاشتة إتكسرت بس الشاشة سليمة و التاتش شغال، ولقيت ناس في السراج مول بتغير الكوفر الخارجي المشروخ من غير ماتفتح الجهاز.
حد جرب الموضوع دة قبل كدة و هل بيأثر على جودة الشاشة الأصلية فى الألوان و التاتش؟
وشكرا

[abou-yahia]

سمعت الموضوع ده بس ملقتش حد اساله اخبار الموبايل ايه بعد التصليح

وسمعت ان فيه ماده معينه لازم تتحط عشان الاصلاح يكون سليم

[m_marmoush]

بالنسبة لموضوع المادة اللى بتلزق فهو لازم، بس اللى أنا عايزة فعلا موضوع حالة الموبايل و الشاشة بعد التصليح

[m_marmoush]

واحد صاحبى جرب موضوع تغيير التاتش فى السراج مول و الحمد للة الجهاز إتصلح ومافيهوش أي مشاكل
والتكلفة للتاتش فقط 450 سامسونج جالاكسي جراند

[Abo Yasso]

بيتعمل بس مش هى دى القضيه
الموضوع انك تروح عند حد ثقه عشان يتعمل صح
المولات دى ساعات بيبقى فيها عباقره والله العظيم وبتكون مدفونه فى واحد كان شغال فى السراج و i phone بتبعتله شغل عشان يعمله (معلومه متأكد منها 100 * 100) دلوقتى ماشاء الله راح i phone الكويت
مره بردو الفلاشه بتعتى طارت تماما وكله قال تعيش انت روحت السخاوى والعصر ولفيت عليها لف لمده اسبوع متواصل فى الاخر اللى عملهالى واحد فى مول والله ما فاكر اسمه مول اقل ما يقال عنه انه معفن
حتى المحل كان اعفن من المول
الواد اول ما قلتله تحس ان وشه نور قال ماشى بس هتاخد وقت قلتله معاك للفجر
قال تعالى بكره خدها .......قلتله مش هسبها دى عليها شغل ثلاث سنين
فضل ثلاث ساعات وعملها ابن اللذينا وواد تشوفه تقول مش هيعرف يروح لوحده عارف طلب كام فى الاخر
تخيل ؟؟؟؟؟
40 جنيه !!!!!!!!!!!!
اديته 100 كان عليها شغل حاسابات لو حاصل ايه مكنتش هعرف اعمل تانى او اجيبه
المهم
انك تعرف تلاقى الشخص الصح