سلوكيات السواقه في مصر تنحدر

[volk]

صباح الخير

انا لازم اتكلم في الموضوع ده بشكل موسع الان سلوكيات السواقه في مصر بقيت بتنحدر الي ادني مستواياتها

يعني من ارخم الحاجات اللي بتقابلنا اللي بيركن صف تاني و يضيق الشارع و بسببه يحصل زحام و هو قاعد في العربيه ضارب بعرض الحائط اللي بيحصل وراه

و عندك اللي يجي يخش شمال و يحدف عليك من غير ميدي اشاره طيب امال هدف دراع الاشاره ده ايه زينه مثلا

و عندك اصحاب التاكسيات يقف في اي حته حتي لو نص الشارع علشان يركب زبون

و عندك الاستاذ اللي مش بيرضي يعدي حد حتي لو مدي اشاره انك عايز تخش يمين مفهاش حاجه لما تستني علشان يعدي قدامك مش هتقلل منك

و عندك اللي يجي يفضل يقلب نور في وشك و يخنقك و هو جي مخالف اساسا او عايز يدخل الشارع صدقني انت كده انت بتعمي اللي قدامك

و غيره من سلوكيات بنواجها كل يوم في الشوارع المصريه

يا جماعه اتعلموا ان لو كل واحد التزم انه يحافظ علي السلوكيات المروريه صدقوني في حاجات كتير هتتحل و اهمها ازمه المرور

و دمتم للنضال :D في الاراضي المصريه ( saddam )

[saddam]

صديقي المواطن
موضوعك فعلا أصاب كبد الحقيقة وبصراحة أضف على ما ذكرته أعلاه إختفاء ثقافة كلمة شكرا فإنت لما تستنى حد وتركنله حتى هو يعدي تخيل يعدي من جنبك ولا يرفع إيده ولا يحييك ولا يقول شكرا ولا يبصلك من أصله وأحيانا حتى كبار فب السن
ولفيت دول كتير من العالم المكان الوحيد اللي شفت فيه سواق التاكسي سيء الخلق في السواقه هي عندنا في مصر يعني بره مثلا تلاقي سواق التكس تفكيره في عقل باله بيقول معلش أنا الخبرة أنا اﻷصل أنا الكبير أنا والشوارع عشرة فتلاقيه بيدي طريق وبيساعد بتوع الملاكي إنما في مصر جرب تفتح إشارة لبتاع تكس جنبك لو إدالك طريق أنصحك ترجع البيت تلم شنطتك وتسيب البلد دي ﻷن ممكن القيامة تقوم فيها ودايما تلاقي معظم سواقي ال لادا مبيحبوش يدوا سكة لحد وبيرموا عربياتهم عالناس وهم أساسا مش مسيطرين عليها
صديقي المواطن
مفيش حاجة عدلة عندنا في المرور وفعلا محدش بيدي طريق لحد وثقافة التسامح منعدمة ومحدش يبتسم في وشك إلا لما يقطع عليك ويدوس في بطنك ويطلع يقللك العبارة الخالدة التب هي سبب خراب الشعب المصري ألا وهي
معلش

وبالتوفيق وإلى اﻷمام ومن نصر إلى نصر
ودمتم للنضال

[midnightman_74]

الحل هو جيب رانجلر ... هو دة الحل المناسب لكل المشاكل اللى موجودة فى الشارع

[velkouf]

المشكلة مش فى سلوكيات الناس فى السواقة بس الكارثة فى سلوكيات الناس العامة
من كام يوم ماشى فى حتة زحمة وقدامى تويوتا كرولا المسافة مابينا متعديش حد مرة واحدة بتاع التويوتا رجع مرشدير مش عارف لية ومحسش الا لما لقى عربيتة مبتتحركش علشان مريح عليا
مفاجاة واحد فى اللحظة دى عاوز يعدى قام طالع على كبوت العربية ومعدى
انا ذهلت من الموقف اللى عملة وسيبت بتاع التويوتا ومسكت فى المجنون اللى بيعدى وهو حاسس انة معملش حاجة غلط علشان عربيتى بولونيز وبتستحمل
ولما قولتلة انت مجنون اتخانق معايا
انا قعدت بعد الموقف دة مذهول ومش عارف افكر
تعمل اية لو كنت مكانى ............؟

[احمد المصرى]

احنا محتاجين ثوره فى الاخلاق فعلا لازم ثوره اخلاقيه


عندنا فى اكتوبر مثلا من بدايه هايبر لحد اكتوبر يوجد اشارات ضوئيه المفروض احترامها بكل المقاييس نادرا بقا لما تلاقى حد بيحترمها اساسا وانواع عربيات من اول مكروباص مش متعلمين لحد عربيات المفروض ان اصحابها من صفوه الشعب ولكن فى الحقيقه هما ازبل الشعب لان ثقافتهم متساويه مع ادنى طبقات الشعب كثقافه


من كام يوم امام هايبر الاشاره منوره اصفر يعنى العداد على 5 ثوانى وبعد كدا احمر فانا عملت انتظار لانى هقف وهستنى الكام ثانيه بتوع الاشارع الحمراء وامشى لما تيجى اخضر ذى ما الطبيعه بتقول لقيت ال ورايا بيزبر بطريقه هستيريه اكنى عملت جريمه انى هحترم الاشاره يعنى هو مش عايز يحترمها ولا عايز حد يحترمها



معلش شويه فضفضه لانى مخنوق جدا من سلوكيات الناس

[canner]

احنا محتاجين ثوره فى الاخلاق فعلا لازم ثوره اخلاقيه


عندنا فى اكتوبر مثلا من بدايه هايبر لحد اكتوبر يوجد اشارات ضوئيه المفروض احترامها بكل المقاييس نادرا بقا لما تلاقى حد بيحترمها اساسا وانواع عربيات من اول مكروباص مش متعلمين لحد عربيات المفروض ان اصحابها من صفوه الشعب ولكن فى الحقيقه هما ازبل الشعب لان ثقافتهم متساويه مع ادنى طبقات الشعب كثقافه


من كام يوم امام هايبر الاشاره منوره اصفر يعنى العداد على 5 ثوانى وبعد كدا احمر فانا عملت انتظار لانى هقف وهستنى الكام ثانيه بتوع الاشارع الحمراء وامشى لما تيجى اخضر ذى ما الطبيعه بتقول لقيت ال ورايا بيزبر بطريقه هستيريه اكنى عملت جريمه انى هحترم الاشاره يعنى هو مش عايز يحترمها ولا عايز حد يحترمها



معلش شويه فضفضه لانى مخنوق جدا من سلوكيات الناس

حصل نفس الموقف معايا و خلانى امشى و خصوصا ان كل العربيات التانية مش مستنيه بس بعد كده لما بشوف الاشارة ح تقفل باخد يمينى على الاخر و ادى انتظار لحد ما تفتح تانى و العجيب لنى لما بقيت اعمل كده الاقى ناس جايه جانبى و واقفه هى كمان

و الامانه فيه ناس كتير تلاقيها واقفه لحد الاشارة ما تفتح و مافيش حد من المرور واقف

[canner]

الموضوع عاوز واقفة جامدة و تطبيق القوانين الصارمة و تطبيق مبدأ الثواب و العقاب و على فكرة ناس كتير من اللى بتخالف الاخلاق و القوانين لما لما ترجع تطبق تانى ح تفرح و تمشى عدل هى كمان بس هم ماشين بمبدأ طالما بايظة بايظة ماجتشى عليا انا كمان

[الجنرال]

ااااااااه .. جيت على الجرح !!

انا احد اسباب اني عايز اسيب البلد دي هي سلوكيات المرور .. طبعا دي بتدل على سلوكيات الناس عموما لكن بجد المرور بقت كارثة

مرة بعد الحصري وعند ميدان ماجدة في اشارة قفلت فانا وقفت .. لقيت اللى ورايا بيزمر جامد .. وبعدين لقيته بيعدي من ورايا علشان يكسر الاشارة وراح مزعق بصوت عالي بيقولي: ده ايه الاحترام ده !!

وكأن دي حاجة غريبة

طبعا على الدائري حدث ولا حرج وياما فى الجراب يا حاوي

[volk]

صديقي المواطن
موضوعك فعلا أصاب كبد الحقيقة وبصراحة أضف على ما ذكرته أعلاه إختفاء ثقافة كلمة شكرا فإنت لما تستنى حد وتركنله حتى هو يعدي تخيل يعدي من جنبك ولا يرفع إيده ولا يحييك ولا يقول شكرا ولا يبصلك من أصله وأحيانا حتى كبار فب السن
ولفيت دول كتير من العالم المكان الوحيد اللي شفت فيه سواق التاكسي سيء الخلق في السواقه هي عندنا في مصر يعني بره مثلا تلاقي سواق التكس تفكيره في عقل باله بيقول معلش أنا الخبرة أنا اﻷصل أنا الكبير أنا والشوارع عشرة فتلاقيه بيدي طريق وبيساعد بتوع الملاكي إنما في مصر جرب تفتح إشارة لبتاع تكس جنبك لو إدالك طريق أنصحك ترجع البيت تلم شنطتك وتسيب البلد دي ﻷن ممكن القيامة تقوم فيها ودايما تلاقي معظم سواقي ال لادا مبيحبوش يدوا سكة لحد وبيرموا عربياتهم عالناس وهم أساسا مش مسيطرين عليها
صديقي المواطن
مفيش حاجة عدلة عندنا في المرور وفعلا محدش بيدي طريق لحد وثقافة التسامح منعدمة ومحدش يبتسم في وشك إلا لما يقطع عليك ويدوس في بطنك ويطلع يقللك العبارة الخالدة التب هي سبب خراب الشعب المصري ألا وهي
معلش

وبالتوفيق وإلى اﻷمام ومن نصر إلى نصر
ودمتم للنضال

فعلا يا فندم انا لما بعدي ناس و بستني مثلا عربيه و اخليها تعدي الان الشارع مقفول قدامي و لو اتحركت هقفل الناحيتين تلاقي الللي وراك مش سايبك كلاكسات اخر لما بزهق بروح داخل يمين و سايبه يقفل الشارع براحته

بخلاف كده لما تلاقي برضوا نفسك بتعدي واحد تحس انه مستغرب انه اول مره يشوف حد يعمل معاه كده :d

[volk]

الحل هو جيب رانجلر ... هو دة الحل المناسب لكل المشاكل اللى موجودة فى الشارع

او لادا :d

او مصفحه

[volk]

المشكلة مش فى سلوكيات الناس فى السواقة بس الكارثة فى سلوكيات الناس العامة
من كام يوم ماشى فى حتة زحمة وقدامى تويوتا كرولا المسافة مابينا متعديش حد مرة واحدة بتاع التويوتا رجع مرشدير مش عارف لية ومحسش الا لما لقى عربيتة مبتتحركش علشان مريح عليا
مفاجاة واحد فى اللحظة دى عاوز يعدى قام طالع على كبوت العربية ومعدى :019f3b~14:
انا ذهلت من الموقف اللى عملة وسيبت بتاع التويوتا ومسكت فى المجنون اللى بيعدى وهو حاسس انة معملش حاجة غلط علشان عربيتى بولونيز وبتستحمل
ولما قولتلة انت مجنون اتخانق معايا
انا قعدت بعد الموقف دة مذهول ومش عارف افكر
تعمل اية لو كنت مكانى ............؟

بصراحه انا عصبي اساسا من اللي بشوفه في السواقه و لو لقيت حد عمل حركه الاخ اللي نط فوق الكبوت ده كان زماني حاطه جوه الماتور

[volk]

احنا محتاجين ثوره فى الاخلاق فعلا لازم ثوره اخلاقيه


عندنا فى اكتوبر مثلا من بدايه هايبر لحد اكتوبر يوجد اشارات ضوئيه المفروض احترامها بكل المقاييس نادرا بقا لما تلاقى حد بيحترمها اساسا وانواع عربيات من اول مكروباص مش متعلمين لحد عربيات المفروض ان اصحابها من صفوه الشعب ولكن فى الحقيقه هما ازبل الشعب لان ثقافتهم متساويه مع ادنى طبقات الشعب كثقافه


من كام يوم امام هايبر الاشاره منوره اصفر يعنى العداد على 5 ثوانى وبعد كدا احمر فانا عملت انتظار لانى هقف وهستنى الكام ثانيه بتوع الاشارع الحمراء وامشى لما تيجى اخضر ذى ما الطبيعه بتقول لقيت ال ورايا بيزبر بطريقه هستيريه اكنى عملت جريمه انى هحترم الاشاره يعنى هو مش عايز يحترمها ولا عايز حد يحترمها



معلش شويه فضفضه لانى مخنوق جدا من سلوكيات الناس

الاشارات الصفراء في مصر معناها زود السرعه قبل ما الاشاره تقفل

فعادي نفس الكلام حصل معايا

بس مش في اشاره في شارع واقف قدامي و لو اتحركت هقفل الناصيه فاللي جي من الشارع الفرعي مش هيعرف يكمل طوالي

طبعا خد بقي كلاكسات و تريقه ايه الاحترام ده و ياختي بيضه و حاجات من دي

[volk]

و اللي يغيظ اكتر اللي تلاقيه ماشي في نص الشارع وو اخد الحارتين كانه ماشي لوحده في الشارع طب خش شمال ياحج لأ طب يمين لا برضوا

ناس مستفزه

[amrezzat82]

الناس اللى سرحانة ولا بتتكلم فى الموبايل و هي فى الطريق تلاقي العربية بتسرح على اللى جنبها و لما تزمره كأنه ولا عمل أي حاجة و المفروض تسيبه يخبطها و بعدين تتكلم

ولا الهبل بتاع الحق ازنق نفسك فى اي حتة و المتخلفين مش عايزة تفهم ان ده اصلا سبب رئيسي فى الزحمة و لو حاولت تحترم الحارة المرورية تلاقي كل واحد بيزمر و يزعق و كانق المفروض تتزنق فى اللى حواليك

ولا اللى فجأة قرر يحدف يمين ولا شمال

ولا لما تسيب مسافة مناسبة عشان الناس اللى بتفرمل فجأة يبقى انت كده غلطان و لازم كل الناس يمين و شمال تيجي قدامك عشان لما العربية تفرمل لازم كلكم تلبسوا فى بعض

ولا
ولا
ولا
............


السواقة فى مصر تجيب كل انوع المرض و كل انواع الذنوب
يا رب أرحمنا بقى

[أبو آسر]

معتقدش إن في بلد في العالم أسوأ من مصر في سلوكيات القيادة والطريق
أنا يوم ما بخرج فعلا مشاوير بعيدة أو في مناطق زحمة شوية بكره نفسي وبحس إن هيجيلي الضغط والسكر وبرتكب كمية ذنوب رهيبة لدرجة إن مراتي تبصلي وتقولي "انت ملكش تخرج" !
يارب ارحمنا وطلعنا من البلد دي