مشكله فى ماتور المياه

[amr011111]

أنا ساكن في الدور الخامس وعندي خط ماية خاص بيا وموتور واحد حصان الماية ضعفت من يومين جبت فني المواتير ظبطنا البالونة والاتوماتيك بس لاحظت اني لما بشغل الموتور وافتح الحنفية الاقي الماية نزلت قوية جدا وبعد حوالي ثانيتين تضعف جدا قفلت الموتور وقلت اجرب ماية الحكومة نفس المشكلة



يبقي اذن المشكلة مش في الموتور ولا الاتوماتيك ولا البالونة



فرجاء الافاده

انا كنت عامل نفس المشاركه فى موضوع موجود بس اكمنه 15 صفحه تقريبا محدش دخل عليه
أسف للتكرار

[mohamedbook]

بص ياباشا لو الموسيير بتاعتك حديد يبقي هيكون فية سدد من الصدي في اي وصلة من الوصلات لموجوده زي كوع فضل يتراكم علية صداء الي ان ضيق الفجوة بتاعة دخول المياه وعشان كده المياه ضعيفة او من ناحية المحبس الي داخلك منة المية ممكن يكون المحبس مكسور من جوة ويكون بيلف علي الفاضي حاول تغيرة وتشوف السدد من فيه وغالبا هيطلع هو

[amr011111]

بص ياباشا لو الموسيير بتاعتك حديد يبقي هيكون فية سدد من الصدي في اي وصلة من الوصلات لموجوده زي كوع فضل يتراكم علية صداء الي ان ضيق الفجوة بتاعة دخول المياه وعشان كده المياه ضعيفة او من ناحية المحبس الي داخلك منة المية ممكن يكون المحبس مكسور من جوة ويكون بيلف علي الفاضي حاول تغيرة وتشوف السدد من فيه وغالبا هيطلع هو

هوه لزيادة التوضيح كان الموتور القديم اتحرق لانه صينى فاتفك وركبت واحد غيره

[mohamedbook]

بص ياباشا الموتور هيطلعلك ميه ممتازة بما انه 1 حصان
بس العبيب همكون ضيق في احد الوصلات الداخلة ليك ممكن يكون من المحبس ممكن يكون زي ماقلتلك هي موسيرك حديد ولا بلاستك ملحوم ياريت توضح عشان ناكد المشكلة

[amr011111]

بص ياباشا الموتور هيطلعلك ميه ممتازة بما انه 1 حصان
بس العبيب همكون ضيق في احد الوصلات الداخلة ليك ممكن يكون من المحبس ممكن يكون زي ماقلتلك هي موسيرك حديد ولا بلاستك ملحوم ياريت توضح عشان ناكد المشكلة

هى مواسير بلاستيك

[amrezzat82]

السرعات العالية للميه هي بتظهر العيوب
شوف الشيك فالف (السيكيسبلف) ممكن يكون باظ
محبس المياه على ماسورة الطرد ممكن يكون تهالك و مش بيفتح على الآخر
ممكن يكون فى طلمبة الميه الريشة بتاعتها عايز تتثبت او متهالكة او البيرينج
ممكن يكون العيب فى موتور الكهرباء نفسه مش ملفوف كويس فيبقى العزم مش مظبوط

[amr011111]

السرعات العالية للميه هي بتظهر العيوب
شوف الشيك فالف (السيكيسبلف) ممكن يكون باظ
محبس المياه على ماسورة الطرد ممكن يكون تهالك و مش بيفتح على الآخر
ممكن يكون فى طلمبة الميه الريشة بتاعتها عايز تتثبت او متهالكة او البيرينج
ممكن يكون العيب فى موتور الكهرباء نفسه مش ملفوف كويس فيبقى العزم مش مظبوط

متشكر يا جماعه لاهتمامكم
هى المشكله عندى برضه لو قفلت المحابس اللى داخله وخارجه من الموتور ( اللى هى المحابس رقم 3 و 4 ) علشان مياة الحكومه تشتغل من غير موتور

فممكن ساعتها تبقى المشكله من محبس رقم 1 بنسبه كبيره ( المستطيل المرسوم هوه الموتور والأرقام 1 و 2 و 3 و 4 ) هى المحابس والخطوط المرسومه هى المواسير