خدمة عملاء تى اى داتا

[Ahmed_selmy]

السلام عليكم
النهاردة حصل حاجه غريبه, فى حوالى الساعه 3ونص العصر كدا لقيت تليفون البيت بيرن المهم مراتى ردت عليه , وبعدين لقيتها بتناولنى التليفون , مين ؟؟قالتلى دا بتوع تى اى داتا , ليه؟؟
المهم اخدت التليفون ولقيت الراجل بيسالنى اخبار الخدمه ايه , قلتيلوا كويسه , يعنى مفيهاش مشاكل قلتلوا لا الحمد لله, شكرا ليك واحنا فى خدمة حضرتك وفى حال وجود اى مشاكل اتصل بينا على 19777
شكرا
السؤال بقى, ليه؟؟؟؟
ليه بتصلوا بيا دلوقتى علما انى مركب النت من حوالى سنتين ومحدش عبرنى قبل كدا, بالاضافه ان مفيش مشكله الحمد لله حصلت معايا فانا متصلتش بيهم قبل كدا .
حد حصل معاة الموضوع دا ؟؟

[RAPID]

سبحان الله شئ غريب .. اتصلوا بيا انهاردة برضه عالموبايل (متسجل عندهم فى البيانات) بس كانت رسالة صوتية مسجلة بتقول عزيزى العميل هذا استطلاع رأى لقياس مستوى الخدمة لو موافق اضغط 1 وهكذا والاسئلة من نوعية الرضا عن خدمة الانترنت وعن مستوى ممثلى خدمة العملاء وكام حاجة تانية والاختيار من 5 اختيارات (راضى جدا - راضى - محايد - غير راضى - غير راضى تماما)

شئ لطيف الاهتمام باراء العملاء بس الالطف هو دراسة الاستطلاعات دى وتحسين جوانب الضعف بشكل حقيقى واكيد ده بيكون فى صالحهم قبل ما يكون فى صالح العميل

[ahmedteam]

يمكن تكون خدمه جديده لقياس رضا العملاء وحاجه تحسب لهم الصراحه

[midoabdeen]

سبحان الله شئ غريب .. اتصلوا بيا انهاردة برضه عالموبايل (متسجل عندهم فى البيانات) بس كانت رسالة صوتية مسجلة بتقول عزيزى العميل هذا استطلاع رأى لقياس مستوى الخدمة لو موافق اضغط 1 وهكذا والاسئلة من نوعية الرضا عن خدمة الانترنت وعن مستوى ممثلى خدمة العملاء وكام حاجة تانية والاختيار من 5 اختيارات (راضى جدا - راضى - محايد - غير راضى - غير راضى تماما)

شئ لطيف الاهتمام باراء العملاء بس الالطف هو دراسة الاستطلاعات دى وتحسين جوانب الضعف بشكل حقيقى واكيد ده بيكون فى صالحهم قبل ما يكون فى صالح العميل

نفس اللى حصل معايا ومرتين كمان
بس بصراحه كنت بقفل من اول المكالمه اول لما الاقيها رساله صوتيه لانى المرتين حصلوا وانا سايق ومش هاينفع ادوس ارقام والجو دا

بس الاولى بدل مايعملوا كده يحسنوا الخدمه وينزلوا عروض جديده للعملاء الحاليين

[طارق _عبد السلام]

اتصلوا بى على الموبايل من يومين وكانت رساله صوتيه واختيار ارقام
لتحديد مدى رضائك عن الخدمه وعن الدعم الفنى بس كان نفسى يكون فيه تقييم صوتى بالذات لبتوع الدعم الفنى اللى كل مايكلمك يقولك رستر الراوتر وشيل الفيشه والكلام ده اللى بنعمله خمسين مره قبل ما نتصل بيهم

[besso]

طب انا النهارده كنت بتصل بيهم علشان استفسر عن خفض السرعه

المهم لاقيت البنت اللى بتتكلم بتاعملى باسلوب راقى اوى واسفين على الانتظار ومتشكرين وقفلت معايا واتصلت تانى علاشن السيستم كان واقع المهم وهى بتقفل المكالمه لاقيته بتقوللى اتفضل ومع السلامه وشكرا !!!!!!!!!!!!! انا مش متعود على كده

انا كنت اقوله خلاص اوك شكرا قبل ما اكمل الكلمه الاقيه قفل فى وشى ههههههههههههههههههههههههه لا بجد فيه تطور

[AHMED12345678]

نفس اللى حصل معايا ومرتين كمان
بس بصراحه كنت بقفل من اول المكالمه اول لما الاقيها رساله صوتيه لانى المرتين حصلوا وانا سايق ومش هاينفع ادوس ارقام والجو دا

بس الاولى بدل مايعملوا كده يحسنوا الخدمه وينزلوا عروض جديده للعملاء الحاليين

فى عرض للعملاء الحاليين
انهاردة لما رحت ادفع الاشتراك الموظف قالى ان فى عرض ادفع تلات شهور واخد شهر مجانا
بس المبلغ كان كبير بالنسبالى لانى مشترك بسرعة 2 ميجا وبدفع 230 جنية شهريا كاشتراك
يعنى هدفع 690 جنية علشان اخد الشهر المجانى ودة كتير اوى بصراحة
المفروض يعملوا عروض فى مقدور الناس مش عروض تعجيزية

[aminibrahim]

انا براسلهم علي تويتر من زمان وسراع في الرد بطريقه البرق وبيشرحو كل حاجه كلامهم مظبوط

[abdelrahmaaan]

ياريت يزودوا السرعات ويرخصوا الاسعار احنا نعتبر جنب اقل دول العالم مش هقول الدول الكبيرة زى السلحفاة

[aldesha989]

الشركة بصراحه مش وحشه وتعتبر انضف من لينك بكتير والخدمة بتاعتها كويسه جدآ ولكن دايمآ اداء الخدمه فى مصر بالذات متوقف على اداء السنترلات الزباله بتاعتنا
لكن فى المجمل الشركة كويسه
ومعظم الموظفين كويسين
معادا لو ما دفعتش

تحس انهم بيعاملوك وحش جدآ واسلوب زى الزفت

مره الخط فصل علشان نسيت ادفع وبعدين روحت دفعت وقالولى فى الفرع الخدمه هتشتغل فى خلال ساعتين على ما روحت البيت لقيت الخدمه لسه ما اشتغلتش اتصلت بيهم قالولى الخدمه مش شغاله علشان السداد والمبيعات روحت

قولتلهم والمفروض اعمل ايه
قالى انتظر للصبح قولتله مش مشكلتى انا محتاجه دلوقتى قالى والله ما اقدرش اعملك حاجه ولازم تنتظر
روحت قافل السكه فى وشه ومتصل تانى :D
رد عليا واحد تانى وحكالى نفس القصه طبعآ انا كنت مضايق من الخدمه جدآ

مره سيبت النت يفصل واشتغلت بusb اتصلات لمدة سنه كامله وكانو مدينى شهر من غير ما ادفع فى تى داتا ولما جيت ارجع الخط اخدوه ولاد الايه :D

وطبعآ موظفين الدعم مش بيفهمو حاجه فعلآ وفى ناس تنفع تشتغل احسن منهم بكتير

وطبعآ العروض بتاعتهم من سيئ الى اسوء
وخصوصآ عرض اشترى كيلو وخد الباقى مجانآ اهم حاجه ما تأكلش من الكيلو الا عشر حبات رز :D
والباقى بفلوس عالم مقرفه :D