وبعدين فى شبكه فودافووووون دى...لا نت ولا شبكه

[ahmad--ezzat]

انا مش عارف الموضوع دة عندى انا بس ولا ايه بالظبط

النت نادر لما بيجي فى الموبيل مع انى مشترك فى باقات 1 جيجا

ونص اليوم تقريبا مفيش نت

الشبكه ضعيفه جدا واوقات بتقطع حتى وانا فى مكان مفتوح...مكنش كده خالص

الشركة ابتدت تتجنن ولا ايه

[الجنرال]

وانا كمان .. وهغير بنفس الرقم ان شاء الله

[Hacker5]

فودافون بقالها فترة فى النازل
انا بعت فلاشة فودافون بعد مازهقتنى فى عيشتى و اشتريت فلاشة موبينيل فرق السما و الارض بين الاتنين
موبينيل افضل فى خدمات الانترنت بكتير من فودا و اتصالات

[bluemagic11]

و رسائل الواتس اب مش بتوصل الا بعد فتره معاك ؟

[ahmad--ezzat]

و رسائل الواتس اب مش بتوصل الا بعد فتره معاك ؟

النت عموما ويشمل الواتساب ولو الرسائل بتتاخر يبقى من النت مش من الواتساب

[mk3]

الشبكات كلها فى الضياع وخصوصا فودافون لانها معايا
بس دلوقتى اتضبطت جامد عن الاول فويس وداتا بعد شكوى فى مرفق تنظيم الاتصالات

[A_H_M_A_D]

بقالهم حوالي شهر الخدمه زباله جدا

[RAPID]

كل الشبكات كدة تعطيل مقصود للـ 3g فى اوقات متفرقة خاصة فى الاماكن الحيوية لمنع بث المسيرات المضادة للانقلاب على القنوات الفضائية

[أبو آسر]

فودافون بقالها شهرين تقريبا أو أكتر شبكتها زي الزفت وأحيانا تعمل مكالمة الخط يفصل من نفسه
مش عارف الكلام ده مع باقي الشبكات ولا لأ لأني من ساعة ما وعيت على الموبايل وأنا مش بستعمل غير فودافون

[friendship7897]

أعتقد المكان هو اللي بيأثر
لأني في أماكن الخط والنت بيكونوا شاغلين كويس جداً
وفي أماكن أخري لا دا ولا ذلك شغال

[Mzeid]

هنا نفس المشكلة المكالمات بتقطع لوحدها و النت مش فودافون بس لا و موبينيل كمان بييجي دقيقة و يقطع عشرة دة لو فيه انترنت المهم اني لما بروح منطقة تانية النت بيشتغل عادي

Sent from my GT-I9505 using Forum Runner