اعلان هام للمغتربين : من وزارة الداخلية السعودية .

[Y a r i s]

إعلان هام من وزارة الداخلية...

اقرأه وأنشره للأهمية:- بعون الله وبعد أن تمَّ الإنتهاء من الحملة الأولى للترحيل و تمَّ معها ترحيل أكثر من مائة وتسعون ألف وافد، ستبدأ حملة ترحيل مخالفي أنظمة الإقامة من جديد وستكون الحملة مركّزة على ما يلي:

+ الإقامات المنتهية الصلاحية.
+ من يعمل عند غير كفيله.
+ من تكون مهنته في الإقامة غير مطابقة للواقع.
+ من يعمل بشكل مباشر أو غير مباشر في مجال التجارة ولحسابه الخاص.
+ من يعمل في وظائف العقار أو الإستقبال أو الأمن أو المعادن.
+ عمال الإنشاء والتعمير الذين تجاوزت أعمارهم أربعين سنة أو يعانون أي إعاقة أو أمراض.
+ الخادمات والسائقين والحراس الذين يعملون لدى غير كفلائهم بحيث يجب أن يكون السائق عاملاً على سيارة مملوكة لكفيله والحارس في عقار كفيله وأما الخادمة فيجب أن تعمل في دار كفيلها.
+المعلمون والمعلمات والعمال والعاملات في المدارس الأهلية الذين ليس لديهم إقامة على صاحب المدارس وسيتم إغلاق المدارس المخالفة وسحب الرخصة منها وتغريم صاحب المنشأة التعليمية وترحيل بقية أفرادها ومنعها من الإستقدام مرة آخرىوسيتم ...= التفتيش سيكون من قبل إدارة الجوازات والدوريات الأمني

@@@@@@@@@@@@@@@

بيقلك الخطوة دي هتسفر ملايين المغتربين المخلفين ... يعني الدكتور الي طالع على انوا سواق يلحق بسرعه يوفق اموروا قبل ما يتمسك ويرحلوا ... قد يكون التعليمات الجديدة ظالمة للبعض ... لكن ميييين يقدر يلوم بلد بتشتغل لصالح مواطنينها ... بلد مبتحبش السبهلله عندها وشغل. بصلى على النبي واي حاجة ياعم الحج شوفلنا تاشيرة وانا هطلع اقلب عيشي هناك وشغل حلق حوش والتلات ورقات ... بس كمان برضوا في ناس كتير هتتظلم لان في سعوديين واخدين فلوس من اجانب علشان يعملولهم اقامة او تاشيرة وفلوس شيء وشويات ... واكيد بعد كل الي ادفع وبعد كل المصاريف دي والقرار الجديد ده هتلاقي الناس دي هتتمسك وتترحل زيهم زي المجرمين لكونهم مخالفين .

بس برضوا محدش يقدر يلومهم ... لذلك وجب التنويه للمغتربين
ويقلولنا ايه رئيهم في الكلام ده
وتحياتي

[canner]

جزاك الله خيرا على الموضوع ده

[horas3000]

شكرا علي التنبيه
و الحوار دي مطبق في الكويت يجي اكتر من سنتين دلوقتي

[Kareem.ElAraby]

الحق و الصح ما يزعلشي حد
لكن بالمثل ما يبقاش فيه ظلم للمغتربين

[saddam]

صديقي المواطن
شكرا منك لمتابعة اﻷخبار التي تمس المغترب المصري ومشاطرتها معنا مجانا في المنتدى ولا تحرمنا من كل جديد وبالتوفيق وإلى اﻷمام ومن نصر إلى نصر
ودمتم للنضال

[Hunting_Eagle]

شكرا علي التنبيه
و الحوار دي مطبق في الكويت يجي اكتر من سنتين دلوقتي

القانون موجود بس مش قادرين ينفذوه .. او مش عايزين ينفذوه .. تجار الاقامات هيولعو فيهم :)

خدم بيشتغلو عن غير الكفلاء بتوعهم و ناس بتشتغل بوظيفة غير اذن العمل و ناس بتشتغل من غير تحويل اقامة (التحاق بعائل) و الدنيا ماشية بيس

[Y a r i s]

الناس دي مبتهزرش
شوفتوا المشاكل الي حصلت في الرياض مع العمالة الاثيوبيه. ولا ال ١٧ سوداني الي عملوا قلباااان وتقريباً اتقتلوا ومواطن سعودي انصاب. ... عارف يعني ايه لمن تقطع رزق بني ادم دافع دم قلبوا علشان يسترزق. ويلاقي الحياة الكريمة

[alaa_dash]

الوضع سيئ جدا بالنسبة. للأجانب هناك

ربنا يعوض عليهم

[alaa_dash]

و بعدين لما تقفل اوي كده

المفروض تفتح الاستقدام للمؤسسات عشان تعرف تشتغل صح هي كمان

هيجيبوا منين عمالة يعني مش فاهم

[Y a r i s]

ربنا يستر مع اني في مصر بس شايل همهم
وعلى فكرة برضوا اي مغتربين هيرجعوا مصر فهتأثر على اقتصاد مصر لان المغتربين دول هما عمود من اعمدة اقتصاد مصر ونسبة كبيرة من الدخل القومي منهم ربنا يستر ... لقمة العيش بقه صعبه قوي يا جماعه في كل حته لا الي برة مرتاحين ولا الي جوه مرتاحين

[horas3000]

والدي ليه جاي من مكه
و بيقول لي عندهم مشكله كبيره في الزباله بسبب موضوع ترحيل العماله ده

[AhMeD MeTwAlY]

والدي ليه جاي من مكه
و بيقول لي عندهم مشكله كبيره في الزباله بسبب موضوع ترحيل العماله ده

في شركات نظافه كتير هنا عندها مشاكل زي علوان الي شغال في مكه والفهاد هنا فء جده واحنا اخدنا الشغل مكان علون ﻻننا الحمد لله معندناش مشاكل في الاقامات كلنا ع الكفاله والمهن متظبطه وان شاء الله مكه هتترفع المخلفات الي فيها بالكامل قريب دعواتم معانا
بالنسبه لصاحب الموضوع يارس باشا
انا معاك ان في ناس هتتظلم بس النظام حلو وهما ادو فتره كبيره لتصحيح الاوضاع ولو ادو فتره كمان هتﻻقي ناس مخالفه بردو
انا مش مع ان واحد يشتري تاشيره والكﻻم دا ﻻن نسبة نجاح الموضوت دا كانت قليله ومخاطره كبيره جدا
وربنا يرزق كل واحد

[المعداوي]

الموضوع مش سهل بدليل المعارك اللي حصلت في منفوحة الرياض و المشكلة إن معظم اللي اترحلو هما العمالة بتاعة المهن الدنيا زي ما بيسموها و بجد في شركات كتير شغلها وقف او رفعو الأسعار ز ي شركات النضافة و نقل الأثاث نظرا لعدم توافر العمالة

[Y a r i s]

ماهو المشكلة بقه. مصريين كتير مش فاهمين الفولة وبيسافروا تبع شركات التوظيف الي موجودة هنا في مصر او عن طريق الاعلانات الي في الجرايد ويسافروا وفاكرين الموضوع زبادي خلاط ... وبعد ما يسافر وبعد مدفع دم قلبوا يتفاجئ ان الشركة الي رايح لها تقريباً الكارت بتعها احمر او حاجة زي كده ( الي هيا نسبة العمالة الاجنبية فيها. اكتر من السعودية ) ويقعد ياعني متشحطط من كفيل. لكفيل ... وطبعاً زمان كان علشان عملية السعودية دي كانت الشركات بتروح تجيب شباب سعودي وتقلهم انا هشغلك كده وكده وانتا اقعد في البيت معزز مكرم وخد ٥٠٠ ريال ولا توريني رقعت وجهك غير اخر الشهر ههههه.

والنظام ده برضوا فيه منو في اوربا على فكرة تحت قانون تاسيس الشركات. لازم تشغل ولاد البلددد والا مش هيدوك اقامة ... احنا عندنا في مصر مفيش تشغيل اجانب غير ليك نسبة معينه ضعيفه حداً. وطلعان عين وروح وفقع مرارة علشان تشغل عامل اجنبي ولازم يكون كفائة وحاجة وساخه بعيد عنكم ... لدرجة موظف عندنا اجنبي راح لمكتب العمل. علشان متابعت اوراق الاقامة بتاعتوا وتصريح العمل الموظفة الحلوفة الي هناك بتقولوا هو المصريين ولاد البلد لاقين شغل علشان انتا تشتغل هنا !!! فالواد على طول. رد عليها وقالها وعلى نفس المبدء. هو السعودين لاقين شغل لولادهم علشان يشغلوا اجانب ومصريين عندهم ولا الاردنين لاقين لوادهم شغل علشان يشغلوا مصرين عندهم. ولا الكويتين ولا البحرينين ولا اللبنانيين ولا ولا ولا. المهم الولية اتكتمت !!

طبعاً احنا مازال عملية استثمار الاجنبي في مصر نظام العقدة في المنشار اتمنى يكون في استثمار حقيقي. علشان نفتح مجال شغل لاولاد البلد اكتر واكتر ... وحتت تشغيل اجانب في مصر ده لصالح مصر لان العامل الاجنبي حتى لو كان افريقي. بيبقى واحد (( شغيل )) وجدع وحمال اسيه وعاوز ياكول عيش. لاعندو كلمة اصل امي ولا اصل خالتي ولدت ولا جوز عمتي خبطتوا عربية ولا الكلام ده ... والعنصر الاجنبي في مصر ضروووري لتطوير الفكر والحياة في مصر